影片
港鐵西營盤站 A1 出口, 步行約7分鐘
繼續閱讀
開飯介紹
來到尚興，當然要試試這間潮洲菜館非常有名的鹹醃蟹，十多種醃料，為的是可以保存耐食。尚有其他潮洲名菜多不勝數，慢慢去揀啦！
繼續閱讀
特色
適合大夥人
營業時間
*最後落單時間: 22:00
星期一至日
11:30 - 14:30
17:30 - 23:00
以上資料只供參考, 請與餐廳確認詳情
預先一日係電話約咗星期六六點半5位，伙計回答話有位。到達現場，佢哋有3間鋪，先入A鋪問攞位，伙計話冇位，叫我哋去問B鋪，去到B鋪再問，個伙計問都冇問清楚，就大大聲話 - "冇book就冇位!" 我哋話已經book咗位，於是佢又叫我哋去C鋪問，跟著C鋪伙計又叫我哋去番A鋪，最後A鋪伙計揾腦細，個腦細就掹口掹面，勉強安排咗一張5人枱，不過張枱對正廁所門口，樓梯口，看似貨倉嘅出入口。最後我哋决定放棄啦，吾要位走人啦。呢間嘢，客人book咗位好似無處理過，無組織安排可言，伙計粗聲粗氣，個腦細個塊吾耐煩，不洩一顧嘅表情，相信對所有客人，除非係名人或熟客，都係一樣。今次真係一次深刻體驗咩叫做一出名就巴巴閉。
繼續閱讀
聞名不如嚟食，終於約到一班人一齊食正宗潮州菜！究竟同一般打冷有咩分別呢？答案自己睇圖片😏❣️鵝腸拼鵝片，好足份量，啲鵝腸好入味，鵝片肥瘦適中，正！❣️凍蟹❣️蠔餅，夠香口，多蠔有蛋味，無乜漿我鍾意 ❣️大地魚炒芥蘭，有鑊氣 。❣️椒鹽九肚魚，唔多炸粉，好香口，冇乜細骨 。❣️蠔仔粥，啖啖蠔啲蠔仔都算大粒！❣️潮州醃蟹，潮州版醬油蟹，真係呢度先食到，唔腥唔臭，同韓國有得媲美 。❣️蝦棗蟹棗❣️綠豆爽❣️反沙芋，潮州名物，好少地方整得咁正宗好食 。今次呢餐飯，喺特別歡送兩個將會移民嘅朋友，所以去呢一間正宗潮州菜，都算好有紀念價值，希望佢哋一路順風，相信佢哋一定會會好掛住香港啲嘢食 。
繼續閱讀
老字號，有水準。潮洲菜愈來愈小，先黎個豬紅，好滑，好香。隻魚係馬友，好多黃油，小小淋，有魚香。鼓椒炒蜆就夠惹味，但有啲係霉霉地，整體ok。蒸鱔食過兩次，上次陳皮，今次豉汁，都係麻麻地，好實。一定要試嘅係紅燒魚翅，係一排排的，超濃湯，超滿足，加埋火腿，香味一流。又唔漿口，真心正。蠔仔粥一窩兩份食，啱啱好，傳統味道。重點係個糖水，清心丸綠豆邊，煲到起晒沙，甜味適中，可以添食呀，無敵。最後飲啖功夫茶。滿足。
繼續閱讀
上環這家潮州打冷鋪絕對是超越期待的美味之地！這裡以高水準的烹飪技藝和新鮮食材著稱，為顧客提供了一場極致的味覺盛宴。每一道潮州打冷都呈現出精湛的手藝，清爽的湯汁中散發出濃郁的海鮮和肉類風味，令人回味無窮。而這家打冷鋪的價格相對於其品質，可謂豐儉由人。無論是用餐環境還是食材選擇，都展現了極高的水準，而價格卻相對親民，讓人感到物超所值。這樣的性價比絕對是引人入勝的原因之一。值得一提的是，這家潮州打冷鋪的服務也是令人印象深刻，服務人員熱忱親切，為用餐環境增添了溫馨感。這是一家不僅追求口味卓越，而且在用心服務上不馬虎的餐廳。總的來說，上環這家潮州打冷鋪是一個不容忽視的美食寶藏，其高水準的料理、合理的價格以及溫馨的服務，使其成為人生必試的饗宴，讓每一位品味生活的人都能在這裡找到滿足。
繼續閱讀
耐唔耐想食潮州菜都會黎上環既尚興，店舖裝修十年如一，好有粵語長片既感覺，舊式老派裝潢，充滿人情味既職員，餐後仲有綠豆清心爽送，好有心意！🦐乾炸蝦棗上檯時係凍冰冰😢好明顯係炸完攤左好耐！蝦膠味道偏淡，加左唔少馬蹄，入口更有層次，無一般炸物咁熱氣，亦都保留左潮式蝦棗既特色。潮州甜醬甜度適中，配上清淡既蝦棗更添風味！🥢豉椒炒花甲熱辣辣炒起上檯🔥花甲偏細隻但份量搭夠，吐沙乾淨，配上豆豉辣椒一齊炒，小小辣好惹味，配白飯或者潮州粥一流🥰🥄潮州紅燒魚翅湯頭鮮美香濃，有小小回甘既味道！魚翅係一條條，好似芽茶咁粗，口感滑溜，但唔係一排排，畢竟一分錢一分貨😂另外將芫荽放入湯底，令到入口生色唔少！🦪薑蔥桶蠔桶蠔甜甜地，應該係先用蜜汁醃一醃，再用大量薑蔥爆香，鑊氣好夠，而且蠔蠔既份量都多。價錢比其他熱炒貴，但係用料，味道同份量都比較優勝！🪿潮州滷水🍲蠔仔粥📍尚興潮州飯店上環皇后大道西29號地舖
繼續閱讀