居食屋「和民」 (已結業)

呢個餐真係飽到夜晚飯都唔使食😂中環區係難搵平野食，因為閒閒地都要近100蚊上落，今日仲要星期日，飯錢都係正價。呢個二人set我唔冇影到memu，記得係二百幾，連加1就300蚊咁上下，成個set咁多野食，我地為左唔浪費食物，所以都盡力食哂所有野。好坦白講，食物係麻麻，正正常常咁啦。首先講個刺身，帶子刺身好食過三文魚同雕魚，其他係平平無奇。沙律又幾好食喎，好普通，反而越普通嘅野越好食😂魷魚筒冇乜特別，正常野。豬扒飯好麻麻😓啲飯好稀爛，唔係粒粒分明嗰一種。豬扒飯係擺左一陣，黎到時係暖，同埋好多渣。鍋物勝在可以食啲菜，不過食完好口渴，個湯味精都幾勁。最後個鐵板燒正常冇特別。成餐飽到呢😂雖然食物麻麻，我地可以捱到夜晚都唔肚餓😂和民賣點係飽，基本上你食完佢個餐係會飽到撐。

居食屋「和民」 (中環)中環德輔道中60-68號萬宜大廈213號舖-----滑蛋豬扒飯便當（$78 - 網上外賣平台 外賣價）滑蛋入面有香蔥同洋蔥 雖然B仔唔中意洋蔥 但係都覺得佢d洋蔥唔難食😂 滑蛋 蛋味濃郁 炒得非常幼滑 調味恰到好處 撈埋下面d珍珠米🤤好味到5分鐘食曬d飯都毫無難度～蛋同飯非常好食 可惜可能係外賣關係 炸豬扒個皮淋曬😭一d都唔脆💔而旁邊d配菜就毫無特別 不提也罷😂整體黎講 其實整個飯味道都好唔錯 豬扒ge肉質都非常鮮嫩 肉汁豐富 可惜整個皮淋曬 一d都唔似食緊炸豬扒 下次想食一定會選擇堂食😂-----👶🏻B仔整體評價：7.5/10個👍🏻👶🏻B仔抵食程度：6.5/10個👍🏻👶🏻B仔環境評分：外賣yo👶🏻B仔味道評分：7.5/個👍🏻👶🏻B仔回頭機會：8/10個👍🏻（會回頭 但不會外賣）-----#swallowhongkong跟住我一齊吞食香港啦！#swallowcentral

同朋友去左淺水灣影相一日友，但又無錢係淺水灣食野，唯有出番灣仔食番平民食物啦！就黎到 和民 食平民日整菜壽司六件種類有三各二，分別芒果卷物、三文魚卷、和牛卷。芒果偏熟，帶點甜味，卻一直覺得芒果壽司係令人開胃的呢個亦唔例外；和牛較為鞋口，卻帶點牛味，可惜呢六件壽司都帶一個共通問題存在，就係壽司飯太大舊了！大板燒用左雞蛋包住大量蔬菜、芝士、豚肉等配料，加上醬汁！美味的大阪燒就係禁簡單，好食就唔容易，呢個大阪加上芝士，帶有拉絲效果，又健康好味！整體黎講，由於太肚餓關係覺得又唔錯既平民日本菜

今天是年初五，我和Honey趁星期六還未上班，到中環拍拖，到萬宜大廈吃午飯。我們選了壽喜燒：蕃茄牛肉壽喜燒小：$88(1人份) 大：$138(2-3人份)我們點了大的。賣相很不錯！大大窩！滿滿的！除了原個蕃茄，還有一層鋪滿了的肥牛。肥牛份量不少哦！肥牛下面，鋪滿了各式各樣的蔬菜，例如：椰菜、本菇、鮮冬菇……等。有肉、有菜、有蕃茄、有豆腐……很豐富！Honey追加了一份烏冬，又追加了一份白飯。每份追加，除了主食，還有一隻雞蛋。(每份追加@$35)好豐富呀！！肉湯越煮越濃，熱辣辣的，配上番茄和豆腐，好開胃！當我們將牛肉和蔬菜等材料，吃得七七八八的時候，便將烏冬和飯，放進肉湯裡，吸收了肉湯的鮮甜味。烏冬和米飯煮得稔軟，吸收了湯汁，好好味 ！！吃了一頓豐富的壽喜燒，新一年豐衣足食！！

同新同事食飯，所以想搵一個舒服的地方傾下計。是但啦，就連鎖店和民。12:15pm 左右去到，已經好多人排隊好彩同事醒目，一早上網拿定票。不怕神一般的對手，只怕豬一樣的隊友，明顯我有的是神隊友，唔洗點排隊就入到去。大家都好團體，叫鍋物食。午市有火鍋食，好奢侈呀～牛肉代表- 壽喜鍋。啲肥牛好肥...豬肉鍋，湯底是奶白色的，可就是牛乳？魚湯？生薑茶，冬天飲好正，夠暖胃。每個set 都有甜品，滿足的一餐！中午好滿座...Lunch time menu，唔算貴。

有段時間都多食呢間，反而近年少了。元旦日，下午兩點幾到中環搵食，一於試下探下佢，睇下有無新既菜式先太耐無食過既關係，其實都唔係好記得，但感覺佢鍋物選擇多左，其他小食好像比幾年前少。點了個椰菜芝士煎餅，5款彩虹卷，再加一個黑椒牛既石鍋飯。份量都夠(可能多飯既關係)，石鍋飯夠熱，不過牛肉過肥，椰菜餅靠面頭既醬汁，掀開裏面就無味壽司造型都有少少唔齊整，味道ok喇呢個時段無乜人，靜靜地食餐日本野，中等價錢，係中環區都算ok喇

大大話話超过十年無幫襯佢，上次去可能已經係2000年，嗰陣仲响中環打滾。今晚同屋企人响中環唔知食咩，所以决定上去萬宜回味一下，叫左玉子燒，焗尤魚，鰻魚飯同雞腿拉麵。玉子燒有鰹魚味，但無旦味。焗尤魚唔知咩味。鳗魚飯，鳗魚唔香，無乜味，飯就有陣洗米洗得唔乾淨嘅味，所以應該只係日本米而唔係日本本土種出嘅米。雞腿拉面，雪氣之雞腿，明明寫grilled chicken thigh，但點都似炸嘅，仲要唔知點解雞皮不見了，上面只雞旦又唔知點解旦黄同旦白分左家。总括而言，回憶永遠比再見面好。仲有，好紧要，依樣野我好重視，往往比一間食肆Ｄ野好唔好食更重要。我食個鰻魚飯盒，見到到飯盒底有條大裂痕由上至下，即刻無晒胃口，食具有破損係會比細菌有更大機會滋生，我諗和民係唔係要咁慳呢？

幾個朋友係中上環附近返工，收工一於約出黎聚一聚餐🍴友人想食日本菜，見到和民係openrice訂位會有85折，咁抵食就試下😋凍冰冰天氣當然食返個暖笠笠既火鍋🍲就叫左個牛肉壽喜燒湯底係味噌湯，有d似魚露味，帶甜甜地牛肉上枱個陣仲係鮮紅，一路十下十下就熟哂，牛肉味都幾香濃再配埋湯汁已經好夠味入邊仲會有菇類, 大蔥, 娃娃菜, 豆腐，滾下滾下就好入味，又追加左個烏冬，食落好煙韌同入味因為友人唔食得蝦，所以叫左蔬菜天婦羅炸漿唔係好厚且脆口👍蕃薯同南瓜都幾香甜同粉嫩，不過味道就不濃之前去親和民都必點魷魚筒燒，不過唔知點解呢間冇😭唯有叫過魷魚牛油燒一上枱個陣會比刀叉自己切開錫紙，確保佢係熱辣辣👍切開後冇乜牛油味，魷魚幾彈牙，不過就較淡味同份量少魷魚下邊會有好多白菇，都係較淡味魚生唔係用冰鎮上都幾失望😭不過呢個價錢有齊咁多款刺身都抵食刺身有三文魚, 火灸三文魚, 吞拿魚, 甜蝦, 帶子同三文魚籽全部都幾新鮮且厚切，不過食落就唔太肥美同油脂滿溢餐牌⬇⬇總括黎講:食物質素中規中矩，價錢上就唔太貴，坐得舒服，性價比都ok🍳🍴味道: 7/10👩👨服務: 6/10🏠💺環境: 7/10💰💸抵食: 7/10總消費:

Happy Friday 食好西，Lunch time 去左萬宜大廈覓食，和民好耐之前黎過幾次，因為每次等位等至少20分鐘，食飯又只得1小時，所以已經好耐沒有來了！今次黎換左新餐牌👍🏻Lunch set 有湯、沙律、飲品，而且選擇豐富多左，樣樣都想試！本來想叫原隻蒜味雞腿燒定食太吸晴，點知已經賣晒嚕～壽喜燒御膳配烏冬將烏冬放落去煮吸晒壽喜燒精華👍🏻好好味😋食完熱辣辣仲有甜品跟紅豆沙丸子滑蛋雞扒鍋定食滑蛋汁撈飯一流，雞扒有肉汁很脆不會浸淋👍🏻Yammy 😋下次一定要食到香蒜雞腿燒定食💪🏻

好耐冇食過和民啦所以趁住今日有啲時間就同啲好姊妹去食叫咗個四人餐。因為自己本身亦都有和民信用卡嘅關係 所以成個餐係平左$100嘅啲嘢食係超級多超級豐富我哋叫咗一個火鍋啦 亦都有雞扒餃子沙律等等食到超級滿足 跟住仲打包埋個飯因為太飽~飲品叫咗梅酒 好冰 好正!!!

約了朋友在這裏吃飯，兩個人點了： 牛肉壽喜燒 烏冬 刺身冷麵 甜蝦刺身 三式卷物 脆炸日本產有機蕃薯伴雲呢拿雪糕除了甜蝦刺身好似唔係咁新鮮之外，其他都好好食；三式卷兩個人食啱啱好分到，仲可以試齊三隻味；最後嘅甜品係日本蕃薯伴雲呢拿雪糕，啲蕃薯上檯時係熱的，拮起啲熱蕃薯點落雪糕度食好滋味好正！

朝早喺附近做完運動想揾嘢食，記得附近有間和民，就行咗去食個晏。我都知和民間間尐水準都唔同，但點都估唔到中環哩間係特別差。叫咗個蕎麥麵定食，其實味道就一般，其就其在食食下發現個汁中間有塊膠，再睇真尐原來係將包裝袋個角畀埋我食，係咪驚尐汁唔夠入味呀，嗰個包裝喺佢地個厨房都唔知掂過幾多嘢，個汁我重點咗幾次，真係令人作嘔。之後有叫個經理嚟換返畀我，不過有鬼用咩，唔食都食咗。和民尐伙計係特別寸嘴，叫落單就話等陣先，再叫佢就話「乜你重未落咩？」我尐嘢未食完又就搶走我尐嘢，噉嘅服務學人收加一，會唔會太過份呀？！

和民在中午時分真的是超級爆滿熱鬧。幸好朋友搶先一步去拿位。坐下來我點了超級豐盛的午餐套餐。上桌的效果視覺體驗不賴，各式各樣的菜式極具一起，頗有日式風味。$80左右的套餐内包含一大托小拌碟，一塊鯖魚，燉蛋，小甜品和湯。首先說鯖魚，入味濃鬱，衹是相對有點油膩，放著不久已經有油滲出來在碟上。而一大托小拌碟，真的是什麽都有點。各種甜甜涼涼酸酸的小素材，部分還有魚子。老實說中看不中吃，味道比較淡，而且沒什麽特色。而燉蛋呢，出乎意料的是涼的，幸好還是很美味。其實性價比還是很高的，衹是我被美色吸引所以對其味道期望也更高了。

星期日慶祝朋友生日，喜歡吃日式料理加上大伙兒，訂了萬宜大廈那家和民晚餐，這𥚃裝修雅緻，人流不多，座位大部份是卡位，大家坐得舒服！大家都帶了小孩，小孩喜歡壽司卷盛，五款壽司有煙燻三文，帶子，芒果，鮮三文魚，和燒牛肉，不同的口味，但十分可口，外觀精緻！大阪燒椰菜這款亦是小孩必吃菜，有芝士，鷄旦，做外皮包著裡面椰菜蓉，上面加上沙律醬，以鐵板盛上，夠熱，味道很鮮美又開胃！橫濱風味噌牛肉火鍋而我真的要推介這個火鍋，先以鉄煱燒牛肉半熟，鎖定肉汁，然後放在碟上備用，再加日式燒汁放入鐵煱燒滾，放回牛肉，豆腐、本菇等配菜再煮一會，就吃得了，牛肉十分稔而滑，肉味濃厚，配菜因為肉汁滲透，入味特別可口！泡菜石頭煱飯吃完火鍋，要有些少米飯下肚，點了石頭飯，配菜有菠菜，泡菜，秀珍菇 ，鷄肶菇、豬肉等，石煱飯優點是保溫夠熱，配菜混和飯粒一起吃就十分開胃！最後加點日式鉄板野菜，有青紅黃椒，芽菜，椰菜，混和燒汁，清爽可口！今次第一次來中環的和民，質素果然有水準，而且假日比較易book，地方夠大，一家大小也坐得舒服！

這一陣子基本上實在太忙，因為要西出放紅色炸彈做炸彈人！今次放工去了中環萬宜，順便在這邊找食！見到有和民，見咁耐無食過就食下啦！門口又幾大，真係間間和民都咁大間！但佢既燈光都係偏暗，位置很大，我們坐比較入的位卡位！望兩望佢地個menu，原來太耐無食，已經轉左咁多野！壽司卷盛 ＄78總共有6卷，有燒牛肉壽司卷、芒果壽司卷同埋鮭魚壽司，每樣兩款！作為開為菜，不過不失，顏色鮮艷，又味道適中，由淡吃到濃，最後才吃到燒牛肉！照燒雞肉Pizza ＄55話說這個menu 有幾款都是用了北海道牛奶的！而這個Pizza 就是其中一款了，原來和民係北海道有農場，佢地一直對牛奶有好高要求，要保持住有機呢個原則！所以這個Pizza 比我想像中健康，原本以為很油膩，但皮很簿很脆，雞肉也不算太肥！石鍋鮭魚＆帶子蒜蓉牛油飯 ＄78這個飯一上檯已經聞到香噴噴，非常之熱！店員說要盡快搞拌便食用，不然凍了不好吃！味道不太濃，不用沾醬汁也可，材料份量都很足夠，還有飯焦，非常美味！滑蛋豬柳盒子飯 ＄78另一個飯是這個，跟剛剛一樣，上檯非常香，吃落蛋很滑，豬柳是經過炸後才伴入。整個飯都十分親子，哈哈！而且還配了這個飯盒非常合適！