居食屋「和民」 (已結業)

相約幾位同事外出食日本野 第一時間諗到和民 喺中環番工要食日本野又唔貴都係得和民😁 等左超過20分鐘先入得 個個好心急咁叫野食 😂 點左個天婦羅冷蕎麥麵&迷你飯定食 天氣咁熱食蕎麥麵最適合😋 個天婦羅好味 炸粉少 有2隻蝦同其他蔬菜👍🏻 迷你飯有三文魚同魚子 可惜又有麵又有飯份量太多 就食唔晒d飯 跟餐送一杯飲品👏🏻 哩個價錢喺中環食得過👍🏻

Happy Friday的Lunch要食得開心啲，今日決定食好耐未食過的和民！中環呢間和民lunch的時候人多得誇張，加上我們人多要等張大枱就更有難度。等了半個鐘大枱的飛一張都未叫過，問餐廳既人一直話等多陣就有.... 結果等了九個字才有枱。極速點菜，我點了石鍋蛙魚魚子飯定食配熱蜂蜜梅蜜($63)，位等了九個字，飯就好快到，九分鐘不用就出現在我們面前。 望落去好吸引！木盒子中有熱烘烘的石鍋飯，鮮嫩粉紅的三文魚令人垂涎三尺。旁邊的小沙律就麻麻地，幾塊生菜配栗米粒。生菜不算太新鮮有點濕濕霉霉的不夠爽口，太大塊食得有啲狼狽。急不及待試塊三文魚，肉質嫩口都幾鮮味，不過太薄了。吃落才知三文魚原來只薄薄幾塊鋪在面。三文魚在石鍋中太快熟，如果想吃生一點又不能太遲食，我一下子就把那三四塊的三文魚吃光，剩下都是飯... 蜂蜜梅蜜我覺得甜甜的有點似糖，同事就覺得不好喝怪怪的味道。入到去就見到餐廳裡其實還有好多位，有些兩個人就坐了張大枱，所以出面咁多人等。食完覺得食物普普通通，多人等大概是價錢定位合理。加一後七十蚊在中環找間坐得落的餐廳算是不錯了。

愛麗絲一家不嬲都好中意食和民呢間日式餐廳，一泥係佢選擇多，成日都會轉餐牌，不斷俾客人試食新既菜式，二泥係佢食物丶環境同質素都好好，價錢合理，令人會再幫襯👍🏻今次想介紹俾大家既係二人店長推介套餐，$428（有和民卡就$406）有沙律丶燒物丶火鍋同麵飯等俾客人選擇，十分足料😁先泥既係前菜同三色刺身盛合。盛合其實係三文魚丶甜蝦同呑拿魚，全部都新鮮既，不過當日既甜蝦就略嫌有啲腥🍤 之後就係鮭魚雜錦刺身沙律，除左三文魚，仲有八瓜魚剌身咖🐙 生菜好新鮮，食落係脆口同Fresh既，配埋一個酸酸地既醬汁，可以辟走刺身既腥味，仲可以令人更加開胃Tim😋沙律之後係一品料理：蕃薯南瓜天婦羅🍠🎃 次次食和民幾乎都會叫呢個😁 炸得香脆，亦唔會俾人感覺食落只有厚厚既一層炸粉，真係好好食😚至於燒物我地就叫左原隻魷魚燒。又係長期幫襯既菜式😂 魷魚外層會有少少脆脆地既焦香感覺，燒汁甜甜地，仲有配埋沙律醬Tim😋跟住就有牛肉壽喜燒🐮🍲 壽喜燒令成個湯好甜😍 啲菜呀豆腐呀粉絲呀都會吸哂啲甜味😍 至於牛肉都好食，分量都足夠既，不過個人覺得呢個鍋物比以前好似少左野食👀 然後係麵飯，我地揀左鮭魚牛油果壽司卷🍣 前者係我地一向好捧

每星期到中環做Gym，最期待都係食飯呢個環節。是日輕食：7色刺身，抺茶芭菲。7色刺身百零蚊喺中環食到咁多刺身算唔錯喇，而且片片都係貴嘢，有齊三文魚，吞拿魚，帆立貝，赤蝦，北寄貝，八爪魚，三文魚子，全部厚切上碟，仲Present得幾靚，所以好滿意。抺茶芭菲抺茶芭菲一向都係賣飛佛，去到邊都要食，而且和民質素一向都高。不過呢杯唔知係咪趕收工，上碟時已經溶溶地，一副垂頭喪氣的樣子。好彩味道仍然OK，抺茶雪糕，Creme，布甸加粟米片，正！

又黎到中環，當然係揀和民食啦，價錢係中環黎講真係平民價！我地等左大約5到10分鐘就已經有位，真係比想象既黎得快，沿路行入去都會不斷聽到待應用日文嗌歡迎光臨，果然係日本餐廳，總係會比到人好有禮貌既感覺。雖然餐牌上選擇好多，但作為常客，我地會快手就嗌左個石鍋鮭魚親子飯同埋石鍋咖哩肉醬飯。例牌前菜都係類似韓式既粉絲，味道酸酸甜甜食完真係開胃。前菜都未食完正餐就上啦！先講下石鍋鮭魚親子飯，鐘意食三文魚飯既，依道菜就唔會令你失望啦，都係一般三文魚飯既水平以上，但重點係，話明「親子」，咁「子」呢？真係食完到搵唔到一粒魚子啊！依道三文魚飯，有沙律係面，比一般只有鼓油做醬汁既口感同味道都黎得更特別，加上係石鍋我等左陣先撈所以都食到飯焦。之後係石鍋咖哩肉醬飯，依個配搭都幾特別，先係辣既咖哩同酸既肉醬食起黎味道比想像中配合，雖然蕃茄都佔好多，但咖哩味並無因此而失色，總括都係中上。大家不妨試下！

自從上次吃過和民後，不知為甚麼總是有點念念不忙。又或者是最近我大多數時間不是吃中餐就是西餐，所以日本菜顯得特別一點吧。既然在中環，附近又有和民，我和朋友當然要到和民吃一頓午餐。芒果汁益力多在炎熱的天氣下，當然要點杯凍飲消消暑。見到餐牌上有益力多系列的飲品，喜歡芒果和益力多的我，二話不說就點了杯芒果汁益力多。雖然這杯飲品益力多味比芒果味濃，但十分冰凍，好好味。柚子蜜梳打由於朋友想點一些較滋潤的飲品，所以點了杯柚子蜜梳打。柚子蜜不會過甜，加上微酸的青檸和梳打為這杯飲品升了清新感，真的不錯!豪華壽司盛合喝過了消暑的飲品，壽司就到了。這豪華壽司盛合有蝦、帶子和三文魚壽司。各樣壽司都非常新鮮，特別一讚的是的三文魚壽司，三文魚肥美帶甘香，那肥美甘香的味道令我們十分回味。和風比薩吃過了壽司，我們決定試他們新的產品和風比薩。這Pizza的Pizza底跟平時吃到的很不一樣，Pizza底較軟身而Pizza邊一樣是脆脆的。而和風比薩餡料方面有叉燒和照燒雞，沒想個這個餡料的組合非常美味，那香濃的照燒汁令我們一試難忙!九州風豚骨湯拉麵最後上的是拉麵。老實說要吃正宗的拉麵，一定不是和民，但我突然心血來潮想吃，所以

今日打算同一班朋友行街，未開始血拼前當然係要醫下肚先，中環係商業區，而和民價錢相對較為便宜，所以我地就選擇左係度食lunch拎位只需要係門口位輸入人數就會比張票你，等位既時間亦都唔耐，五分鐘左右就入坐。室內既燈光較暗，比人一種陰暗既感覺。lunch set既選擇好多，花多眼亂，加上有日替選擇，都花左唔上時間係揀食物度，最後我地每人分別叫左: 石鍋豚肉飯同照燒雞扒定食。落單之後，前菜都好快就上左，係類似韓式既粉絲，味道酸酸甜甜，份量適中，認真開胃。上菜啦，先講下我食既石鍋豚肉，因為係石鍋，所以我等左陣先撈起啲飯，咁就可以食到飯焦，醬汁適中，豚肉份量都好多，真係好足料！味道上正常，同坊間既豚肉飯無太大分別，口感上無咩新鮮感，無驚喜既感覺。之後係照燒雞扒定食，係燒板除左雞扒外，仲有牛油薯仔。因為係鐵板燒，所以保持到食物既溫度，味道都中上，但牛油薯仔有點濟，size上可以減細啲。下次黎中環，諗唔到食咩可以黎試下

週六午膳時段中環和民仍然有位，入座後發現滙豐咭正做優惠，二人餐$258+10%有四款前菜、一款鍋物、一款主食、一款一品料理及兩杯飲品，幾抵食。前菜凱撒沙律賣相食味普普通通喇，醬汁帶少許芥末味，麵包粒稍實。炸雞軟骨口味脆香幾好食。意大利風薄切鮭魚片鮮度肥美度合預期，稍加少許檸檬汁多添一份清新味道更宜作前菜之選。焗芝士年糕不少小弟杯茶，加上膩感重，沒有品嚐。鍋物點了海鮮蕃茄火鍋，海鮮食材主要有蝦、魷魚、青口及海蜆，蝦肉幾結實，海蜆幾甜，魷魚及青口無乜特別。湯底蕃茄味幾濃，並帶點辣添惹味。火鍋另配上烏冬，口感稍腍身，OK喇！主食東京牛肉飯，以炒蛋取代溫泉蛋，牛肉量算不少，肉香水準對辦。一品料理滑蛋雞扒鍋，滑蛋明顯老身，雞扒炸漿外皮略厚及鬆散，雞扒本身味道亦不別滑溜出色，一般。飲品點了柑桔可樂，味道甜中帶鹹，略帶果香，挺特別。兩大一小品嚐此二人餐都能非常飽肚而歸確是抵食。另外，店員普遍親切有禮，令人滿意。

星期六夜晚係中環行到肚餓，d 特色鋪頭唔知邊間好，又貴貴地，就同fd諗住去食和民，雖然比普通茶餐廳貴小小，但價錢感覺上都接受得到。呢間和民6點幾7點都唔系好多人，即刻有位置。之前同屋企人去和民食佢d壽司覺得ok，今次就試下叫d 石鍋飯。我要左【北海道名物  石鍋豚肉飯】 朋友就叫【石鍋黑椒牛肉飯】，等左10分鐘左右就有，侍應上餐時候都幾有禮貌，提點我地快d攪，小心熱，於是，開餐！我個【北海道名物 石鍋豚肉飯】攪左好耐D飯都仲軟瀨瀨，濕噠噠，飯本身落既鼓油又唔夠，唔鹹唔淡，於是個味覺大家可想而知.... 即刻覺得$53都食貴左，下次打死唔叫石鍋飯。  anyway，不過D豚肉係幾好味既（所謂北海道名物應該係指豚肉  唔系石鍋豚肉飯 orz），入口綿綿地，反而幾入味。但其實豚肉分量唔多，過下口癮，食兩啖就無lu。朋友個【石鍋黑椒牛肉飯】我試左小小，相比豚肉飯好D。可能因為D牛肉係熟既過程中撈埋D飯，D飯就真係有黑椒同牛肉味，無豚肉飯咁難食。但個飯都一樣太多水分，可惜曬。所以去和民既朋友都係叫下D壽司食啦，石鍋飯極力不推薦 

跟同事於中環上電腦課, LUNCH唔知食咩好, 同事提議不如去這裡, 於是就來了, 想不到12點多已很多人在內, 也企了不少人在等, 還好我們兩個人應該可以輪得快一點, 結果都等了一陣就入坐了BAR枱位置......有SET LUNCH價錢蠻算化算的在中環區~~~前菜粉絲沙律~~~幾開胃, 少少酸的醋汁......餐仲包DRINK, 都幾多款可以揀~~~石鍋咖喱肉醬飯($58)~~~咖喱味就唔太覺, 不過超似肉醬意粉FEEL, 個味都係勁似~~~柳川風滑蛋鰻魚定食($72)~~~個名好得意!!! (我會諗起流川風~~XD) D蛋好滑, 鰻魚都係又嫩又滑, 成碟都好JUICY加好多汁, 可以用來撈飯食, YUMMY!!!吃完又要繼續去上堂~~~出來時還是超多人等位呢, 好在快人一步, 理想達到啫~~~

好耐無食日本嘢,係時候要食一食~今次揀咗去和民食~南瓜蕃薯天婦羅南瓜蕃薯新鮮, 天婦羅炸得脆, 但有點油膩, 但大致都唔錯~雞軟骨串燒本來對雞軟骨串燒有D期望, 但一上碟就已經唔熱, 加上雞軟骨無咩味, 失望!特上壽司盛合特上壽司盛合有tuna, salmon同一種有D似鰻魚嘅魚, 但唔係鰻魚~三種魚都好新鮮, 味道亦唔錯~和民拉麵和民拉麵其實係日式叉燒拉麵~拉麵唔似平時食到嘅日式拉麵質地, 反而有少少似上海麵, 感覺有D怪怪的 ~而雞蛋方面, 未能做到唐心嘅地步, 但總算唔會過老~日式叉燒幾鬆化, 但肉味有點欠奉~湯底就普普通通la~

今時今日物偭騰貴, 晚餐只用了百餘元, 真係好少.  雖然食物水準一般但環境和座位都算舒適.首先點了章魚丸子,  外皮粉漿比軟厚, 但內裡的八爪魚都算多, 爽脆. 醬汁亦不會太濃太咸.   這個小吃是日本大阪最有名的.  雖然不可同當地比較, 但算ok.  隨後點了黑豚肉菜鍋, 豚肉鮮甜, 豬肉味濃, 下着大雨天的今日食這個菜可暖暖胃.  粟米忌廉炸薯餅, 外層炸得非常香口鬆脆, 咬落一口, 那粟米忌廉薯蓉慢慢從嘴角边流出, 好味! 如怕熱氣, 可混合拼碟的蔬菜一起吃, 可減低油膩感.  最後點了綠茶芭菲甜品,  綠茶雪糕味濃, 配以紅豆蓉日式丸子, 味道非常配合, 再加入杯中的脆脆, 層次感更高.

朋友於萬宜大廈做野，問左我幾次今日同唔同佢食飯，一個大男人，寂寞難耐咁款，唔知佢想點! 於是就嚟左佢公司樓下嘅和民。話說我最近先見到萬宜牆外掛起宣傳和民嘅banner，其實都開左2年啦~ 突然咁做令我誤會佢有新搞作! 條麻煩友又唔拎定飛，搞到我要拎定飛等佢...等左十幾張枱先到啊....中環真係好多人食lunch....=_="入到去其實感覺都好熟，實在和民間間分店都係咁~不過枱與枱之間距離唔多我叫左個是日定食，係吉列豬扒蛋飯~ 前菜就係個沙律..... 啊...呢個叫沙律嘅話都未勉太hea... 幾粒粟米，啲生菜碎到令我覺我自己係兔仔....而且味道不太好，感覺菜不夠新鮮餐飲我叫左杯普通到不得了嘅7-up，但奈何咁都出事... 唔知點解都係汽水啫...咁甜都有嘅....主菜勒~ 我幾鍾意個麵豉湯，料多! 有豆腐又有豆卜咁嘅野，海帶又係度，真係唔錯! 不過個飯呢...就差啲勒! 吉列嘅皮同肉完全分開左，2者好似唔關事咁! 豬扒都叫無雪味，係又乾又柴嘅感覺囉! 唉...以前，我真係覺得和民好好食，排幾耐都okay，但而家.... 我係有會員咭都懶嚟，都唔知做乜....

屬於你和她的二人晚餐－居食屋 和民其實我都幾鍾意去和民食晚飯，因為選擇多，環境舒適，唔會趕你走，可以比你慢慢坐。員工亦都有禮貌。不過眾所周知，和民幾乎間間都成日排長龍，要等位，有時真係要等好耐，我地今次早左去，６點３０左右啦，而且係中環，星期六晚比較小人，所以就唔使等位。不過走既時候（８點３０左右就好多人排隊啦）而且非繁忙時段２－３個人都可以坐好大既卡位，好小會趕你走。情侶或者一家人食和民其實都幾方便，想食飯，麵，日式，韓式，小食都有。例如我個日想食飯，男朋友想食拉麵，又想食打邊爐，和民都可以滿足我 琴日食和民二人套餐，價錢＄２７８加一後大概要＄３００左右啦二人套餐份量真係好多，包括左一個沙律，三個小食（炸雞軟骨，三文魚，年糕）仲包一款前菜，主食同打邊爐：３真係好幸福：）慢慢食之後仲可以同男朋友慢慢傾計 慢慢嘆～

琴晚就去左和民食知食飯，一般般喇。叫左個天婦羅冷橋麥麵同個咖哩豚肉石鍋烏冬。橋麥麵就無咩特別，不過上枱既時候有幾舊冰係上面，應該乾淨掛。而個天婦羅要讚一讚，炸得幾好，唔會話太厚粉同無味。到個咖哩烏冬，好有咖哩味，正，個烏冬都幾好，不過d肉少左d，相都只係見到好少，希望下次佢俾返多少少。