屋喔 (已結業)

🔑 食台灣菜唔一定茶木啦！🔑————————————————————#培根起司雞柳奶油燉飯🧀 (HKD52包野飲)✔️👅：7/10✏️ 燉飯粒粒分明 加入creamy的奶油起司濃厚之餘不過膩😍 雞柳普通 但憑飯來說值得一試❤️#蒜香炸雞翼🐥 (HKD40)✔️👅：5.5/10✏️ 蒜香味不夠重🙄 雞翼部份滑嫩部份炸得鞋口#紫芋冰沙🍠 (HKD36)✔️👅：6/10✏️ 起初較淡 到後期沙冰溶化反而更濃郁好喝😚☺️🤔 亦加了仙草增加下口感～#義大利起司杯🍰 (HKD32)✔️👅：5/10✏️ 有人說好吃便試試 全是慕斯的感覺！提拉米蘇的咖啡香消失得無影無蹤 差評！⭐️ 餐廳有分室內或外 接受不了煙味的還是乖乖坐裡面🙃🌝

真係唔係講笑，超難食!!!個意大利芝士杯，入面係忌廉唔係芝士囉，個底得果dd,省皮到呢!不如唔好整la,又要整又唔識整，10分我俾-10分朋友食:得杯乳酪沙冰算ok，呢間冇下次

早前在朗豪坊買完戲飛，等開場時間就上來試試看在香港找到好食的台灣餐廳 一止台灣癮我個人覺得是很大問題 餐廳位於在朗晴坊朗豪坊戲院旁邊就有一條電梯上到四樓一進來便看到小小甜品櫃店分為室外跟室內午餐時間跟餐飲料有黑糖冬瓜茶跟柳丁茶選擇也可以加$10元選擇$30元以下的飲料水果茶裡面有士多啤梨、火龍果、藍莓、話梅等等酸酸甜甜的飲料 喝起來順口解膩豬軟骨肉燥飯肉燥來得很杰身，食起來很膩味道也較淡豬軟骨好韌只怪我不懂得欣賞炸花枝丸 $42炸粉很厚還好食起來不太油膩！由於朋友先俾錢，所以沒有收據，無法影相！

第一次同朋友來，分別叫左個肉噪飯同埋牛肉麵。肉躁飯GE汁無咩味，D肉粒又無咬口，飯又煮得過月同濕。至於牛肉麵，雖然湯底顏色係啡色，但完全食唔到牛味，淨係食到咸味。下次唔會再幫覜。

今日係朋友生日，因為佢一直都鍾意食台灣野所以就係openrice搵到呢間位置唔明顯嘅小店cafe，我地黎都算早所以唔洗等位就可以直接坐低。裹面地方唔大，但係座位算闊落，唔洗同其他人迫住坐，即使傾計大聲少少都唔會怕比隔離D人聽到但係店員就好似比較生手，落單個陣都要搞好耐先落到單，雖然係咁，但係服務態度算唔錯，我地落完之後想轉其他野食都冇黑口黑面，而且仲好爽快咁話「ok!」 呢點值得一讚佢地呢到夜晚有set dinner，包一杯＄30飲品同一個甜品，係旺區黎講價錢算係咁，但唔可以話好抵－－－－－－－－－－－－－－－－－－－－－－－－－－－－－－黑松露野菌蚵仔燉飯套餐 (＄123）一上枱就好大陣黑松露味，味道好濃郁好香噴噴，D飯燉得剛剛好，唔會爛到好似粥咁，依然保留住飯嘅口感，同時有啖啖芝芝士味，好正！另外個飯都好多蚵仔，唔會呃秤而且冇沙鳳梨糖醋魚柳套餐（＄113)個汁幾開胃，酸酸甜甜，個魚柳都冇煮到好爛，但唔係話好特別，不過不失培根起司雞柳奶油燉飯（＄123)好重芝士味，飯一樣好好味，軟硬剛剛好，但如果食得多會有D濟野莓沙冰又靚又好飲，而且唔會太甜，岩曬鍾意打卡嘅女士們提拉米蘇估唔到送嘅甜

唔洗講咁多直接睇圖，室內食煙服務員完全唔理d staff完全係扮睇唔到d客咁番工傾計仲多過做野，成日黑口黑面，睇到個客食煙就完全唔敢出聲算係點？如果驚煙味我諗室內食飯有人咁食煙都幾難頂食物質素不過不失啦，台灣餐廳黎講價格算係稍高小小，因為份量都唔大，扒類食物雖然大份但味道一般有小小焦味

事先聲明，呢篇個定點係以旺角區同類cafe黎作比較，如果你要拎黎同中上環做比較的話，呢個不能作準。點解我要咁比既原因係因為呢區有好多樓上cafe，佢地質素係想像唔到有幾劣。我呢杯藍蝶花隻味並唔重，衰Ｄ咁講唔太飲到Ｄ咩味。反而呢個沙冰有驚喜，起碼飲到有芒果既果肉味，可惜呢杯唔係我飲，唉～～～～～食鹽水雞主要貪佢有生果食，而事實上蘋果同菠蘿呢兩個奇怪組合放落去鹽水雞又有奇效。當然鹽水雞本身醃得夠味好食既。但好奇怪，點解會咁大件既，變相食得唔過癮，幾舊大既就食完。最後上埋甜品，窩夫個樣呃到人，而且都算軟熟，蛋香足夠。但冬甩可能食慣某間專門店既關係，呢個粉紅色donut我就完全接受唔到啦。相反後面個朱古力棉花糖雪糕就幾好食，幾濃朱古力味，而且棉花糖份量算慷慨。

古早味三杯雞飯 $46👌🏼味道係ok既 但唔係三杯雞味😂 無乜酒味 而且味道唔夠濃 👅6.5/10台式肉燥飯配鹽酥雞排 $48 👌🏼唔好睇個溏心蛋咁樣😂🙈 雞 超脆👍🏼正 肉燥加醃菜撈飯都好味 🤘🏻👅 7/10台式濃湯豬軟骨麵 $48 👍🏼飯就麻麻🙈但係麵類好出色 麵條彈牙 豬軟骨👍🏼好腍好入味 👅 7.5/10屋喔牛肉麵 $52 👍🏼😋 掛住食無影相 牛肉大大舊😚 而且夾雜d膠質 好好味！推薦！👅 8/10以上所有野食配特定野飲/+$10轉$30以下飲品

屋喔一直都是我最愛的台灣餐廳，上一次與友人食過中環店後總是念念不忘。今天逛街竟然讓我發現到原本旺角也有一間，立刻就決定了晚餐的地方了。鹽酥雞。炸至外層非常的脆身，略帶點點的咸香而不太咸。雞肉的肉質嫩滑，正剛好與外皮成了對比，十分惹味。溏心蛋，無論是日本還是台灣的溏心蛋也是很出色的，單單在顏色上已經知道非常入味。略帶點點的甜味，蛋黃半熟而不痴口。忌廉煙肉意大利飯。根本就是Cabonara的意大利飯版本忌廉和奶香味濃，中間還夾著芝士，十分惹味，而且份量剛剛好，吃完也不會覺得膩。巨峰乳酸。巨峰味道不算突出，只有淡淡的提子香。反之乳酸味重，很有益力多的感覺。

之前曾嚐過上環分店的屋喔，記得整體還不錯。最近發現在旺角也有分店，而剛好這天跟他約左旺角買東西，就上去試一試。.大約七時來到，門口已經擠滿了等候的人龍，還好外面有風扇，所以在那細小的地方等待也不覺得焗促。.等了好一會兒就可以進去，餐廳分了室內及室外，幸好室外的地方也裝上冷氣機及裝上膠簾以防冷氣走掉，所以坐在室外也不覺得熱。.而室外的木制餐桌擺設加添了氣氛。.這間分店除了有台式食品外，還提供西餐，不過這一晚我們都是因為想吃台式食物才來，所以只點了台式食物。.先來的是台式溏芯蛋肉燥飯，以鐵杯盛著，而上面放著菜芯、酸菜、肉燥及溏芯蛋，看起來很好看。肉燥多汁，溏芯蛋亦做到半流心形狀，整個飯拌勻有肉汁且入味，不錯。但建議不用在吃前把肉燥飯跟飯拌勻，可以邊吃邊拌，因為太早拌的話，飯會吸了肉燥飯的肉汁，令後期吃到的飯會感覺乾了一點。.再來的是鹽酥雞，炸得香脆且雞肉嫩滑，跟著肉燥飯一併吃很相配，變成鹽酥雞肉燥飯。.然後是三杯大蝦，蝦的份量也多，口感彈牙，用上三杯雞的調味，味道也是不錯的。.想起台灣食物，自然會想起牛肉麵，所以點了屋喔牛肉麵。牛肉煮得腍身入味，很易就咬開了，而麵的煙韌度也煮得差不多，不過

夜晚同朋友去到旺角 諗左好耐都唔知食咩，於是就試之前冇食到既屋喔。 今次去到冇太多排隊，不過都要排半個鐘。入到去望到個menu ，台式野算講算貴，而且食物種類亦並非太台式。因為我地都糧尾，於是就叫左算係最平既台式魯肉飯同乾貝蚵仔泡飯。 先講台式魯肉飯 $58 (如需飲品要另外單點)，好細碗，一個正常男人並唔夠食。 乾貝蚵仔泡飯 $64 (如需飲品要另外單點)完全係茶記既味道，不過都叫做大碗，食完都夠飽。係旺角台式餐廳黎講，咁既質素同價錢，我真心覺得唔值。

熱辣辣的這個月，真的出一陣街都汗流狹背。但為了見好姊妹T小姐，再怎麼熱，都要出去會一會她。因為是約平日，放工時間的旺角真是多人到一個點。加上這種天氣，真是一步一滴汗。今次揀了食台灣的屋喔，因為看到網上的評價不錯。這間台式餐廳位於朗豪坊附近的朗晴坊，朗晴坊真的是第一次去，之前從未到過。原來朗晴坊是幢舊式樓宇，入面有幾間餐廳於不同層。但是可能因為是太舊式，沒有甚麼冷氣，較為悶熱。位於四樓的「屋喔」，地方不太大，因為我們二人沒有訂檯，所以被安排到室外的地方坐。雖說是室外，但因用透明的簾遮住，都算叫有冷氣。不過仍是好熱，就算上面天台裝了風扇，也是好熱。我們坐到了一張二人檯，是在廚房附近的那張，超熱！因為隔離就是煮食的爐頭。每次一遇上這樣的環境，都不禁自然地感嘆，香港真是… 但我不明白的一點是，為甚麼硬要在這樣的位置加多一張台？這個位置根本就不適合！於是我和T小姐就頂不順要求調位了。因為實在是熱到滴汗。幸好店員可以安排我們到另一張二人台，是在掛牆風扇下。用餐時間是個半小時，但上餐時間並沒有因為有限時而加快。等了快15分鐘才有食物，可能真的是太忙了。首先來的是沙律沙律菜算新鮮，但是！ 有一點令人驚

美味嘅台灣風味呢排韓國風愈嚟愈勁，香港愈來愈多韓國料理。每逢愈多人傾向一樣嘢嘅時候，就會愈來愈多人去研究嗰樣嘢，好似食物，一樣好食嘅嘢未必岩每個人嘅口味，所以會有混合菜嘅出現，務求合更多人嘅口味。而符合港式風味嘅台灣料理不難發現在早幾年，珍珠奶茶熱潮嘅時候(差不多在5年前，當年台灣嘅飲料開得滿滿的，店的數量可以與便利店相提並論)，都早早出現，可惜嘅係，這幾年開始有點冷腳。不過呢間台灣料理，我可以說是不但沒有退步，還進步了。凱薩沙律--平時食嘅凱薩沙律都係西式的，配有面包，芝士，煙肉。呢個沙律除配有以上配料外，還有烤牛肉，挺特別的，又令平淡嘅沙律中增加味道！台灣名物肉燥雞排飯--其實我覺得肉燥飯不容易整得好，因為肉燥不可以整得太鹹或太淡，太鹹味道又不好，太淡配上飯嘅時候，味道又不夠。但呢到嘅肉燥做得不錯，味道適中，再配上香口嘅雞排，一啖飯，一啖送，剛好！飯上再配有一些雪菜粒，和糖心蛋(外面有滷水嘅顏色，吃落有小小咸味，應該是一早已經煮過)，令整個飯變得更加的滿足！三杯蝦--三杯雞就聽得多，三杯蝦我當真未有試過，我相信呢d就係為左更迎合香港人嘅口味而變化嘅菜式。做出來味道好吃，什至比雞更好

上openrice搵到哩間旺角樓上餐廳，食台灣fusion西餐，2樣我都好中意，唔係唔試呀嘛？夜晚黎到，要坐室外，冬天坐都OK ge,夏天就真係咪攪喇！雖然都幾有feel,但係對正個燒烤爐，食完餐飯全身油煙味，仲要有個射燈射住，講真環境麻麻！西冷扒配薯菜，牛扒雖然唔係咩高級貨，濃郁牛味就無乜，不過外面燒得好香炭火味，亦都唔會好韌，薯皮好味，比平時食開既薯角更好味！黑松露意大利飯黑松露味唔算好出，濕潤度剛好，菇無乜味，整體成個飯可以再濃味d,唔算特別出色，但絕對唔難食。芝士雞扒本新預期芝士係夾心，原來係鋪面，有少少失望！雞扒炸得好香脆，熱辣辣，好新鮮，但芝士唔夠，滿足唔到我哩d芝士怪！草莓沙冰同綠茶紅豆沙冰！草莓完勝，綠茶隻味好假，沙冰好快融，飲飲下已經變左一杯milkshake跟餐包甜品，兩款試哂，最初對哩個盆栽提拉米蘇有興趣，但係最後芝士蛋糕竟然勝出！事關盆栽入面既cream好散，好似一舊泡咁，無口感，而且唔夠凍，俾人感覺好似放左室溫好耐咁，反而芝士蛋糕幾好，實得黎夠芝士味！

想中伏就試下啦同朋友三個人去食餐飯，心血來潮想食台灣野就上去試下，點知完全中大伏鋪頭好多人等位，個門口勁逼，好彩等左20分鐘就有位見到餐牌嚇親要成70蚊一個飯，不過如果好食就無算，點知係完全唔好食.....叫左三樣野:台灣瀂蛋飯，花枝墨汁燉飯同肉燥茄子三個都係伏中之伏個瀂肉肉勁細個，個container 細到得一個拳頭咁就70多 我完全唔想影相so sad花枝墨汁飯係無味，係連咸味都無-___-肉燥茄子就一般，好彩係正常但都要50幾...但無一個人飽住咁走