岩盤牛扒ミディアムレア ステーキ (Greenery Plaza ) (已結業)

收工好肚餓，想今日食好少少！之前其實係Facebook都睇到 ，想去試好耐今日又係附近收工就一於去試一試。8點左右去到好彩都唔使點排隊 10分鐘左右已經可以落到單 ，款色有三種部位可以選擇 ，話明食好少少當然揀左貴個款西令試下啦 ，因為太肚餓所以問靚女可唔可要500g 仲比靚女笑 問我食唔食得晒 ！對於我緊講係冇問題啦！我仲加錢轉埋套餐 有飯 有湯同飲品。等左10分鐘左右 終於食得喇 ，一上台香氣不斷 已經流口水喇 ，今次點了5成熟 煮得岩岩好 一放入口 牛味好濃 勁多肉汁係肉入面 配埋佢燒肉汁 不得了 好好味 ！如果怕燒肉汁搶走牛味 佢仲會有鹽或者黑胡椒可以比你選擇 。總括番食指數高 重要大件兼抵食 Good Good Good

今日放工等埋老公做完gym，約好試試呢一間一直好想食嘅牛扒餐廳平時都好想試呢一間餐廳，因為聽聞食呢間餐廳要成日排長龍今日揀咗平日晚上八九點呢個鐘數，所以唔駛等好耐就有得食啦😉我哋見到陸續都有人入嚟，睇嚟喺大埔區好有名！ 呢度有三個唔同部位嘅牛扒選擇，有肉眼啦，牛柳和西冷。由300 g起，你自己要食幾多就計返咁多gram價錢!!好公道！ 😃我女人仔平時食得少，所以我就叫左300 g，我老公食得多所以叫咗400g!呢一間餐廳建議係三成熟，如果你怕太生可以同佢講，不過因為塊鐵板嘅熱度有成300度，所以其實你件牛扒都會慢慢變熟。佢呢度好細心，會提供埋即用即棄小圍裙俾你，防止啲牛扒汁彈到一身都係！ 我同老公叫咗肉眼同埋牛栁，我同老公都比較鍾意牛柳,因為肉質比較嫩滑！ 呢度啲牛扒牛味重，好juicy😍同埋我鍾意他的蔥油好味牛扒！ 蔥油味可以令到牛扒減少肥膩感！ 其實我一向都怕食好生嘅牛肉，但係呢塊鐵板嘅熱力可以幫你整熟牛扒，如果你想食生少少嘅話可以快少少切同埋食！ 我就鍾意佢熟少少所以將件牛扒留在塊板耐少少！ 同埋都幾欣賞呢一間餐廳跟足日本文化，我店員講解得好清楚啦，同埋食完需要自己收返個托盤。

今日黎大埔探朋友，朋友帶咗我去佢屋企附近嘅一間店食鐵板牛扒😋就係呢間「medium rare steak 」先去前少少點自己想食嘅牛排再入去搵位呢到有個牌食哂每個g點樣計 ，要叫300g起跳！果日我有d餓所以叫店員切大約400g 而就切咗390g 都ok 大塊架正拎個感應器一響就可以去拎黎食架啦！自助形式 自己拎牛扒，食完自己收去架到忘記同大家講係可以跟餐亦可以單點飯果d,而我就跟餐+25蚊 可以4選3 (飯，飲料，沙律，味噌湯）仲有點餐果陣仲可以揀埋咩油，意思係牛扒上面會「林」上咩油！就好似我咁 我揀咗蒜油，所以上面會有蒜蓉同炸蒜片！店員話一般做法都係 一成上鐵板然後用鐵樣嘅溫度做到3成所以如果要5成熟記得自己同店員講佢地先會煮到3成再放上鐵板枱上設有黑椒同鹽仲有配埋呢個汁，個汁就酸酸地同牛扒都幾夾！但我都係鐘意牛扒配鹽同黑椒同埋店員會提我地個汁係點牛扒用千奇唔好倒係鐵板上面，因為驚彈到我地！呢間街坊小店都值得推一推，味道同價錢合理！唯一要改善嘅地方係靚把刀唔夠利有d難切！

最近香港越來越多呢類型既鐵板牛排！快餐嘅形式，高級既肉食，沒有服務，只有牛排！係大埔都開左一間了餐廳只有三款部位，不同價錢，先選擇部位，再選擇汁，還可加$25套餐我叫左西冷，現場切,你想要幾厚就幾厚！超級巨型！500g有多！店名叫medium rare steak!顧名思義所有牛扒都會以medium rare 既成數上碟，用鐵板既熱力再烤至你想要既成數！加25蚊既套餐有白飯，胡麻醬沙律菜，同味噌湯！每個餐都有一碟有柚子醋燒肉汁，酸酸甜甜的，解肉膩每張枱都有海鹽黑椒，味道都可以自己動手來！未生熟既牛排真係食到好感動！不過唔想食咁熟既朋友真係要小心over cook！食牛排都需要有經驗啊！

想食牛排又想省錢的我們來試試這間很熱門的速食牛排餐廳先到點餐區下單，有三款牛肉選擇，每款牛肉價格不同，皆由300g起跳，另加$25轉set。選了牛排之後店員會立即切割再磅重，明碼實價。我選了西冷跟洋蔥油，加配白飯、沙律和烏龍茶。猜猜這塊牛排多重？這樣一個set總共$138.18，有飯有沙律及飲品，比在其他餐廳光顧實惠很多。價錢實惠之餘，味道也不錯呢。沙律的生菜和紅蘿蔔切絲，配合芝麻醬，很清甜。牛排default medium rare，但上菜的石板熱辣辣，食客可隨個人口味自行把牛排煎熟一點。個人很滿意這個西冷，脂肪較少，肉質鮮嫩多汁，配合蒜片、洋蔥油、蒜和黑椒，非常惹味！另外這個套餐還附送了柚子醬，配飯或配牛排都不錯。朋友點了肉眼，接近400克，份量非常充足，我嘗了一點，肉質更嫩滑，但當然油脂較多，是邪惡版的牛排。很滿足的一餐，會再來光顧。

大埔呢一間日式牛扒餐廳，點餐、取餐同收盤都係自助式的，節省成本，所以相對價錢比起同類餐廳嘅平好多，平至$100內都有交易，而且仲免加一，性價比超高😋。點餐程序非常簡單，首先選擇牛肉嘅種類，可以選肉眼、牛柳、西冷，分別在於肉類嘅脂肪含量唔同，肉眼脂肪含量最高，而牛柳最低，脂肪含量越高就代表肉質軟淋，按重量計算價錢，之後就可以選擇用蔥油、洋蔥油或蒜油烹調牛扒，兩個步驟輕鬆點餐。仲可以加$25加配白飯、沙律、餐飲或麵豉湯。我同朋友各自點左兩個餐，我選肉眼（382g，$110）配洋蔥油跟餐（加$25），而朋友選西冷（282g，$138）配洋蔥油跟餐（加$25）。落餐後等唔夠10分鐘就可以拎。如果冇特別註明，牛肉將會煎到三成熟，因為本身係用鐵板上菜，所以會一路食會一路煎熟，三成熟食到最後會大約變到五成熟，一開始叫五成熟就會變到七成熟。首先評價下肉質先。牛扒最忌就係煎得過熟或者肉質太乾硬，從前食過某有名牛扒餐廳，貴得黎牛扒肉質好硬，貴就貴三倍，但就冇好食三倍😵。廚師用慢火快速煎到三成熟，所以大部份嘅肉汁仍然保留係度，而肉眼扒肉質軟嫩，容易咬開，食落一啲都唔乾。試食埋朋友點的西冷，由於脂肪含量比較少

最近尋覓太和大埔美食系列，不得不推介的一間必食打卡店，牛扒ミディアムレアステーキ唔識日文唔緊要，最緊要係識認住牛扒兩個字🤣。而日文意思就是Medium Rare Steak。餐廳標榜中等三成熟上鐵板，上檯時會有三至五成熟，及後在鐵板上放久了就會變成七成左右。一覺Menu，性價比非常驚人，三款牛肉供選擇，有肉眼部位、牛柳及西冷部位，選肉後店員會隨意切割原肉，每cut由300g起，以榜數決定價錢，所以執著於要多要少的話，建議先與店員提醒一聲，避免太多或太少。磅好了牛肉再決定選+$25 配套餐，四款中選了三款，有麵豉湯、麻醬日式沙律及飲品，變成一個食飽飽的日式定食。牛扒叫了脂肪肉質都重量級的西冷牛扒，店員切了一件淨量327g的新鮮西冷扒，選好的蒜油蒜茸的蒜香滿足，牛扒新鮮嫩滑，厚度滿意，脂肪平均，自己本身好想食肥肉，有一角全脂脂肪反倒讓我更滿足!一餐好食的牛扒也需要精明的食法支持，建議先食兩邊邊位較薄的牛肉，切好的兩邊肉會先到4-5成熟，原味先嗜一口之後，再點上美味的韓式柚子醬汁，當然少不了放在檯上必會放的喜馬拉雅山岩鹽及黑椒碎。讓整體牛肉的味道提升多一層濃度。然後牛扒的中間位置，就讓它慢慢

有大埔frd同我講太和依邊有間食排既隱世小店好唔錯，今日就同左男朋友黎食佢個流程係先喺舖頭出面order左肉既份量先。我地各自叫左份肉眼扒同西冷扒，2份都加錢加左set有得睇住佢磅嫁唔洗驚比人呃磅完比左錢可以攞住塊牌等佢響先去攞野食，好中意依種「高科技」取餐方法，唔洗望黎望去超方便同其他食扒西餐廳一樣枱上有pepper同sea salt 比客人自己調味肉眼扒配蔥油+set（要左白飯、沙拉同汽水）塊扒超大塊，一攞過黎仲「咋咋」聲好熱！肉唔會好un好易咬中意佢上面除左有蔥油仲有辣辣地既炸蒜片，點埋個柚子sauce酸酸甜甜，好開胃底下又有粟米，香甜爽口得黎又幫助增加成件事既濕潤度沙拉係椰菜蘿蔔絲配胡麻醬，大大份，d醬又夠。我同男朋友都好驚會太飽唔敢食曬佢先西冷扒配蒜油+set好中意佢d根位好香油脂味，唔會咬唔開

上兩個月，呢間牛扒排隊排足兩個鐘都食唔到，熱潮過後，我同老公終於有機會去試吓啦！既然試新野，當然想試晒佢唔同嘅牛扒啦，於是我哋就一個叫西冷牛扒，一個叫肉眼扒；一個叫蒜蓉牛油、一個叫葱牛油。我哋仲一口氣叫夠400gm，諗住試真啲個味！老公嗰份肉眼扒首先嚟到，我切一舊放入口，真係返唔到轉頭啊！因為原來肉眼扒牛味重過西冷扒咁多！我下次都識揀啦！而且佢仲奉送餐湯、白飯、沙律、飲品，女仔食就一定夠飽啦！不過，男仔就可能差少少分量～

之前見facebook 介紹過依間日式牛扒。成日都大排長龍。今日專門同朋友過黎試試佢😌可能因為我地去到已經係夜晚8點幾，所以好好彩排2-3個人就到我地啦。一共有三款牛肉可以選擇，全部都係斷Gram計。所以想食幾多都係由自己揀 。我同朋友就分別叫咗1份300g 西冷同埋一份300g嘅牛柳。師傅落單之後就會即刻切俾你，之後就可以入去等食啦。會比個牌仔你，個餐得嘅時候就會響可以去櫃檯攞餐。咁就唔怕太多人Miss左聽唔到。等左大約10分鐘左右。我同朋友個餐都齊左啦。牛柳餐，朋友話唔太乾，仲有好有肉汁。我自己就兩款都試過，我覺得西冷好食啲。仲好有牛味。鍾意食肉嘅朋友仔，咁岩行開大埔，真係不妨一試㗎。🤤🤤

小編最怕食調味過重既牛扒，但又好鍾意鐵板上個鐘炸炸聲，於是搵到大埔呢間算係低調既牛扒店。雖然呢間店位於太和花園附近既巷仔，但黎既人流都算多，小編食左兩個鐘以黎一直都有人等位，相信口碑唔錯！👍🏻😊先講番食材，有三款扒：牛柳、西冷、肉眼！而今次我就叫左西冷，因為西冷脂肪分佈比較平均，所以煎係上黎會比較香。😛😛等左一陣終於上碟，一黎聽到炸炸聲仲有好香牛油味已經流曬口水！一切落去發現質感仲好軟熟，果然仲係medium rare-medium既口感！食落去，完全無雪左好耐既冷凍味，而且肉質鬆軟，重點係見到師父係脂肪部分特登煎耐少少，令到脂肪既香油流番落成塊扒本身！最有驚喜既店舖自己研製既袖子燒汁！個燒汁食落好fresh同埋帶有少少甜味，配埋牛扒食真係好夾！加$25仲可以有三個side dishes tim！😋😋PS：至於幾多成熟，老闆有溫馨提示顧客。如果顧客想食到5成熟，咁就叫煮3成熟，因為要預埋鐵板上既餘溫。

大埔開咗間牛扒店，鍾意食肉嘅我點可以錯過，今次終於約埋朋友一齊試試。Menu 好簡單，有肉眼，牛柳，西冷三款牛肉，需要揀款式同重量，店員會即時切岀一塊肉，而價錢就以實際重量計算。超肚餓嘅我點咗500g 西冷嘅set，牛扒配蒜油，set跟沙律，白飯同烏龍茶。牛扒超巨！上面鋪上蒜蓉同蒜片，有粟米粒做配菜。切開牛扒，𥚃面係粉紅色，食落好香嫩同juicy，如果唔喜歡食太生，可以喺鐵板上熱多一陣先食。牛扒配埋白飯一齊食，感覺好幸福要改善嘅地方係餐廳冷氣唔夠，因為係半開放式，而且近排天氣好熱，食住熱辣辣嘅牛扒，實在令人升溫。

最近hit爆嘅Medium Rare Steak，意思係三成熟，依度嘅牛扒都係以三成熟作為烹調標準，務求煮出最佳嘅口感同口味。餐廳一共提供3款牛嘅部位 – 肉眼、牛柳、西冷牛扒。客人可以因應喜好同食量黎揀選要幾多g嘅牛扒。肉眼$0.29/g牛柳$0.33/g西冷牛柳$0.49/gSauce方面有蔥油、洋蔥油同埋蒜油3款選擇。仲可以加錢配白飯、沙律、味噌湯、飲品，而加$25可以係4樣之中揀3樣。顧客首先要排隊點餐，方可入內就座。點完餐後店員會即切即磅，有機會會少咗或者多咗重量，會按番重量黎計個價錢。今次我揀咗西冷牛扒，配蒜油，再配沙律、味噌湯同汽水。之後俾個牌你，等佢響就可以拎餐喇。牛扒以鐵板形式上，本身係3成熟，外面煎香，鎖住肉汁，經過鐵板嘅熱力，牛扒會慢愯變成5成熟，肉香四溢，肉質嫩滑，軟熟得黎又有口感，味道無經醃過，所以個牛肉真係原汁原味，充滿肉汁。唔夠味隔離仲有一小碗柚子汁，將味道升華之餘仲可以解膩。餐枱旁邊仲有黑椒同玫瑰鹽俾客人調味。如果唔想牛扒過熟，建議盡快享用~

1. 首先要去門外排隊點餐，選擇想要既肉，有肉眼，牛柳，西冷，3個部位。肉眼油花比較豐富，口感軟腍。牛柳最瘦的部分b，油花比較少。 西冷肉味最濃，油花不算多，但分佈平均。2. 選擇好部位，店員就會將肉放在榜上，斷克計，明碼實價。3. 之後揀醬料(有蔥油，洋蔥，油蒜油) 店員推介洋蔥又同蒜油。4. 最後選擇跟唔跟餐，跟餐有白飯，沙律，飲品，麵豉湯， 四選三。5. 嘟嘟機一響，就自行去Bar枱拎食物。 吧檯下有圍裙可自取，幾貼心。選擇了西冷扒 300g 洋蔥汁 跟set $170沙律有椰菜絲紅蘿蔔絲加麻醬，菜食得出新鮮很爽脆，麻醬都好香濃。麵豉湯鹹左啲， 但勝在都足料，有很多塊海帶。到主菜西冷扒，大大塊，肉味香濃，而且好juicy， 食到漏，點一點柚子汁，酸酸甜甜又係另一種風味。整體來說，以呢個價錢有這個水準，的確唔錯值得一試，唔怪得咁多人排隊幫襯。

這間餐廳的賣點是平價牛、而且你不用揀牛扒的成熟度，統一medium rare。客人先排隊於門外點餐（你要多少牛都會於你面前即磅）、入座、自行取餐，離開時清理盤子。這樣子吃飯在香港真的是第一次很有新鮮感。餐廳內部設計充滿日式味道，每人一個餐一塊扒實在是壯觀。我點了個300g的牛柳🥩🥩🥩價錢尚算相宜🤑其實每1g的西冷比牛柳只貴了💲0.16！牛柳更有牛味、而且口感💯。而牛柳的肉質則較淋，但裡面都充滿肉汁。這裡的汁醬也沒有平時的黑椒汁、蒜蓉汁之類，但你可選蔥油、洋蔥油或蒜油，另配一碟柚子汁，甜甜的。其實不太喜歡甜汁，最後還是原汁原味的比較好，仲可以根據個人喜好加鹽或黑椒調味。男生吃一份300g多的牛扒也不夠飽的話可加💲25要個set！白飯/味噌湯/沙律/汽水或烏龍茶4選3，包你撐著肚子離開。