岩盤牛扒ミディアムレア ステーキ (Greenery Plaza ) (已結業)

想食牛扒，就過黎呢度食。吸引之處：1. 牛扒可以任你想食幾多gram，就叫幾多gram。段gram計算價錢。2. 採用安格斯牛肉，高質既牛肉但價錢好平。3. 叫左400gram既牛柳都係130幾蚊。出邊買生牛肉仲要自己整都未必有咁既價錢。所以好抵。4. 俾完錢攞牌，坐低等叫牌仔響。好快就整好400gram既牛。5. 牛扒可以自己加鹽，同埋胡椒粉。原味既牛肉味道好好。加少少鹽就更加甜，濃味。牛肉燒到medium rare。中間好靓仲有好多汁。整得超好味。6. 可以點埋佢地既柚子醬。柚子醬整得甜，好香柚子味。牛肉點柚子醬，味道更甜更好。又食到另一種香味。7. 有沙律同埋味增湯同可樂。屬於好健康既牛肉餐。食菜又食肉，無飯既一餐。可以減肥。又夠飽。8. 沙律落左麻醬特別開胃。再飲可樂gur返！9. 牛柳好厚身，食到中間多汁爆出黎，真係好好味！整體黎講，抵食又好味既牛扒。唔怪得排晒隊！

On our way to try the tapas brew for a date night, we saw this place and instantly knew that this would be a lot of fun. You get a lot of food for what you pay for. The steak itself is massive and comes on a teppanyaki grill, so by the time you're halfway through the steak it might be a medium or closer to medium well. So if you like medium rare, ask for the steak to be rare.You can choose ribeye, tenderloin, and sirloin. We got tenderloin and sirloin. The tenderloin was very lean, the sirloin f

上網見到依間日式牛排店，見幾得意於是離試下😛 係大埔太和B出口轉右行12mins左右就到，唔熟大埔有小小難搵，不過睇住google map離搵都會搵到。離到見到店面都係寫日文、播日文歌，好有日式感覺。我離既時候難得唔洗排隊，有3種牛排簡，簡完即刻由店員切比你再拎去磅，分別有肉眼部位、牛柳、西冷部位簡，好均真嫁👍🏻然後成間店都係自助形式，店員比個牌你，等一陣就拎得～我簡左西冷部位300g 再加個飯+沙律+烏龍茶 （$147+$25）牛排以為等好耐，點知好快就到，另外仲有個柚子密汁點，同牛肉個味好夾，一啖飯一啖牛肉係最佳拍擋😛 食完之後自己擺番托盤就ok啦！食到好飽，大滿足！總括離講依間日式牛排店好特別，香港亦好少咁既餐廳，可以再試下🤩

大埔🐄石燒牛排店唔洗排隊就食到牛扒ミディアムレア ステーキ.step1🥰揀牛嘅部位揀咗西冷300g同牛柳300g店員會即刻係雪櫃攞舊生牛肉擺喺磅上量份量係三百幾 照成返每gam價錢 明碼實價.step2🥓揀醬料西冷要蔥油 而牛柳要洋蔥油仲加左$25要套餐 白飯/味增湯/沙律/飲品比完錢之後就拎住號碼牌入餐廳入面坐低等.🥢首先上菜嘅係西冷🐮手掌咁大嘅西冷放係鐵板上西冷點完蔥油後 的確香得來又冇遮蓋牛味👍🏻有口感.🥢牛柳係厚切🥩食落好juicy 點埋洋蔥油一流預設三成熟 係鐵板一陣之後變五至七成熟如果想要熟啲 俾錢嗰陣要同店員講桌上有黑胡椒同海鹽 自行調味.食完自己執枱 唔使加一服務費整體而言幾抵食 套餐質素不錯 好飽啊

呢間位於大埔開左無耐既小店，未夠六點已經好多人等! 為左保持小店既味道，入面裝修簡單但好有東京既風味，餐廳係比較細，個個食鐵板周圍都好煙，大家唔好著吸味既衫黎啦。雖然呢道係小店，但d餐又平又大份，仲要你自己鍾意食幾多就切幾多，完全個人喜好，佢既服務係自助式既。d店員會叫你先選擇好邊款肉類，即時計埋價錢，無花無假，再選擇蒜味或洋蔥，仲可以加錢跟餐添。一份扒一百蚊都唔使，有咁既質素個人覺得唔錯，我點左個鐵板肉眼，300g已經好厚肉又大份。上餐前佢會俾d大圍裙俾你，店員話係上板3成熟，經鐵板後會變5成，超新鮮熱辣辣。客人可以隨個人喜好叫生熟度。我地叫左7成熟，所以上板前係5成，其實都唔會做到好熟，所以好夠軟，夠鬆，夠淋，而且裡面充滿肉汁，牛味都幾濃! 加上蒜蓉，味道同牛肉係超夾的。我鍾意佢地既原汁原味，唔會將牛肉預先調味，所以牛肉新鮮既程度係無所遁形既。加埋碗白飯就真係大滿足啦。

今次點解想推薦呢間野比大家知 因爲今次好新穎 一去到第一件事係點餐先 而唔係揾位 然後就揀左你想要既餐 就可以點餐喇 首先係揀部位（有肉眼，牛柳，西冷）呢3款 揀完就揀油（蔥油，洋蔥，蒜油）都係3款 最後就係揀跟唔跟餐 跟餐就有『白飯，沙律，飲品，湯（4揀3）』今次我揀左既係西冷要400G 要蒜油 一上枱 超級香 未食已經流晒口水 牛肉同蒜香充斥住成間餐廳 上枱果陣係3成熟 你可按自己喜好去決定自己食幾成熟 牛扒好大塊 我大概5成孰到 食落又幾好味 牛味適中（當初仲諗住咁平唔方好 但點知同我諗有落差）再配搭埋D香蒜油食 再再加少少鹽 將牛味提升 配搭埋白飯 令到本身空虛既肚 有點安尉 每一啖都好滿足 又有得食 又有得玩 一次滿足你2個願望白飯口感我好鐘意 軟硬度係中上 偏硬 味噌湯個人覺得有少少偏鹹 但材料都幾有誠意 唔會係海帶2,3片 豆腐1,2粒 整體比我感覺就係 誤打誤撞揾到間價錢平 質數中上既牛扒屋 之後一定會再返黎食多次 😁😁😁？

之前經過見到鋪頭排隊排到轉彎位，今日6點去到好彩無咩人排。鋪頭最出面係落地玻璃，所以一眼睇曬内面既size， 環境空間坐得就逼少少。一行二人試左牛既吾同部位。一個係 牛柳位加洋葱油，另一個係西冷加蒜油。價錢方面就按牛扒重量而計。我地將要大概100g 切左出來都係13x,同14xg. 價錢可以接受落完order好快就上台。將d醬汁淋落去牛扒，起煙發出sasa聲，見到都留曬口水。本身以爲牛柳係會切成一條條，點知原來都係成舊去煎。牛柳方面，上碟后切開中間還是血淋淋紅色，我自己平時食開7成熟，就覺得太生。不過鋪頭其實都寫左提示，例如要7成熟都吾會煎到7成剛剛好，因爲塊碟超熱上碟后會再加熱牛扒。我見到中間血淋淋當然馬上立刻切開一塊塊係碟上滾動下，隔左一陣變曬色慢慢享受。我自己就覺得牛柳比西冷更加juicy，肉質軟腍。不過蒜油就比洋葱油香口好多。

諗起鋸扒，可能第一時間都會諗到d 西式o既扒房或者restaurant bar o個類；諗起日式餐廳，又正常好快會聯想到壽司拉麵。而今日食o既呢間餐廳，卻係一間專門食牛扒o既日式扒房！大牌到淨係賣一樣o野食，唔使審都知係正~ 咁但係就算講緊淨係牛扒，佢都提供三個唔同部位，價錢不一。佢唔係例如一份肉眼就$100 咁，而係斷秤，佢會o係收銀下面個雪櫃即場撈一舊肉上o黎，你話要幾多佢就大約切幾多。我點o左一份西冷，佢o係我面前切完磅o左係363g，乘番就係$178，明碼實價o既，另外我加$25 升級o左做set。有得食了！其實頭先都已經睇到塊扒好大塊，而家上到檯香噴噴咁，更加令人流晒口水！呢間餐廳叫得做medium rare steak，當然要叫medium rare，尤其我不嬲都食開三成熟。o岩o岩一開始食o既時候會較重起膠o既口感，之後餘熱就會令到塊扒多番d 肉質纖維。西冷係最貴當然亦都係最靚，肉味夠晒濃，油脂集中晒o係上方肥膏o既位置。配o左蒜油o既我，塊扒上面加o左兩款生蒜，配搭牛肉不嬲都係all time favourite。跟牛扒仲有一個附屬o既醬汁，原來係柚子味，頓時又令個扒多

位於太和的medium rare steak ，揸車去的話可以泊喺附近路邊，都不算太難揾位，遠望已經見到有人排隊，好彩條隊唔係好長，呢間餐廳係先排隊點餐，再等入座，所以我地都跟從指示，先排隊點餐，有3種牛扒選擇：肉眼/牛柳/西冷，每種扒都會切開再磅，以每克計，最少300克，即揀即切切磅即磅水；同時有3種味㨂：蔥油/洋蔥油/蒜油，加$25有埋套餐，有1:飯2:沙律3.味噌湯4.汽水/烏龍茶，其中4樣揀3樣，非常抵食即點即磅即煮牛扒肉眼扒非常之juicy，好多汁，牛肉味又好香濃，煎到啱啱好，medium 真係medium，生熟啱啱好，好正。配上蒜蓉汁，又香又有淡淡蒜香味，正。肉質很好，而且價錢好抵，唔怪得之咁多人排隊食，一定要去試下

之前喺Facebook見到呢一間平價牛扒鐵板餐廳, 所以就嚟試吓佢係一間冇 Service charge嘅餐廳， 自己點餐，自己攞餐，食完自己擺番個盤!要先點餐先入去攞位坐低，佢有三種牛扒可以揀，有肉眼，牛柳，西冷牛扒。300g 和400g, 再加錢可以轉做套餐，有飯，有沙律，有飲品，有湯。我哋叫咗兩個肉眼扒300g和400g。每張枱上都有鹽同黑胡椒粉自己加。因為嗰扒本身係完全冇味，一定要自己再加鹽加胡椒粉調味。我呢個300g, 睇落幾靚,但係好多都係頭頭尾尾同肥膏冇咩肉食。另外呢個係400g, 比起300g嗰個好，冇咁多肥膏，牛扒比較厚身所以冇咁乾咁鞋比較好食! 但係呢個價錢咁平好似食到牛扒都算OK

去開食「德國餐廳」，發現對面有間幾有趣既牛扒店，決定過兩日再黎食。去到門口，睇左一陣先知道佢係咩形式既牛扒店。果到得3種牛扒選擇，肉眼，西冷同牛柳。自己揀好要食邊款之後，去到點餐處落單。最少要由300g叫起，例如同佢講要400g，佢會切比你，然後再秤重。🤔板上面寫好左每g幾多錢，如果食肉眼，秤出黎係410g，就410 x 0.29 = $118.9。叫完之後比個牌你，自己入去搵位坐，等個牌震同響，就可以去拎餐位拎餐啦！😬—睇住佢切到大大舊，都咪話唔正。😍西冷我地要左400g，佢切到勁大舊，最後係461g。😱西冷要多左，牛柳食少啲，300g都夠啦。😉—枱上面會有黑椒同鹽比你自己加，根據自己口味去調味。—西冷，真係好大塊。😵上面放左乾蒜片同蒜泥，蒜泥好淡味，夾少少連肉食，出奇地令牛肉更加出味。😲佢每塊都係以3成左右既熟度上枱，如果想要熟啲，要自己點餐時提出。🙂切開黎睇，佢都幾生嫁，肉仲係紅色既。藍妹選擇切開一舊舊先，再放係鐵板上面煎一煎，用熱力烘熟肉既表面。😆再點少少盬，咁樣食既口感好軟林，肉既熟度亦岩岩好。只係少少鹽已經帶出到肉本身既鮮味，唔需要再落醬汁。😍—相比起西冷，藍妹更鐘意牛柳。

貓貓今日好想食牛扒。決定去食一份大大份既牛扒。今日貓貓黎到太和食呢間傳說中日式既牛扒餐廳。餐廳係自助式既，好似Ikea咁。所以食牛扒唔需要俾加一服務費，貓貓鍾意。貓貓俾左錢之後攞牌仔，等牌子響就會攞餐。好特別既日式餐廳。貓貓order左個400gram既西冷。貓貓第一次見到400gram既西冷原來係咁大。切開個肉，仲係3成熟。好多汁，好新鮮。貓貓濕左個嘴啦又！貓貓最鍾意食西冷既脂肪同有條筋位，好有彈性。加左鹽同胡椒，牛肉味道好甜好濃。貓貓仲加左套餐。有沙律，味增湯同烏龍茶。好健康既配搭。沙律有麻醬撈埋。味道好爽好清甜。貓貓個兵叫左300gram既肉眼。分左一半俾貓貓，肉眼好靓。肉質軟，多水份。貓貓一次過食兩個部位都真係食到好開心子！牛扒可以點佢既柚子汁。陣陣好香既柚子味同牛扒混合得好好。貓貓真係愛上左呢度既牛扒！呢間牛扒既價錢真係唔貴。好抵食既牛扒。

一直都好想試以重量計的牛排店，早排係網上search到係屋企附近有新開的牛排店，即刻衝去試！餐廳有分三款的牛排，肉眼、牛柳及西冷。當中以肉眼最平，$0.29/Gram；西冷就最貴$0.49/Gram。如果大家想食油香重的話，就可以揀肉眼，想食嫩口D就可以揀牛柳，想食肉味濃D的話，就可以揀西冷。大家加$25仲可以加埋白飯/沙津/麵豉湯/飲品(四選三)，如果大家驚太多的話，可以散叫我飲品或者白飯。大家只需要係落單位置，叫你想要的牛排種類及想要的重量，職員會係你面前即時切出你的牛排。我今次要左一份400g的牛柳，切出黎係381g，乘返$0.33就係$125.73。落單後職員會比一個通知器你，大家可以往餐廳內揾位坐下，等通知器震就可以出去拎你的牛排啦。男人的肉眼比我早先一步，我同佢一樣揀左蒜油，上面除了有蒜蓉外，仲有金黃的蒜片。不久後，我的牛柳都準備好了！\(//∇//)\ 我的牛柳配了白飯、沙律同飲品。唔好睇我塊排好細，其實我們的牛排的重量相約。我塊牛柳係極之厚身！切開大約5成熟，雖然有紅紅的顏色，不過切出黎係無血水的。牛柳的肉質真心嫩滑，食落唔會肥，肉味都幾香。除了柚子汁外，大家仲可以落黑

今晚出左翠怡嗰邊搵食，之前已經想食呢啲好似日本咁每g計既牛扒餐廳，上網搵原來太和就有，唔洗出返九龍先有得食。呢到有3個部位既牛扒揀。門口有指示牌叫喺門口落左單先可以入去坐。同店員講要咩部位同幾多g既牛扒，佢就會喺雪櫃拎舊牛出黎切。我叫400g肉眼，切得好準！餐枱上面放左喜馬拉雅鹽同黑胡椒。坐低5分鐘鬆啲就有得食了，真係好大塊，有3分1係摺埋左先放到喺鐵板到。如果你無特別講，所有扒都係3成熟上碟。塊喳喳聲既鐵板有成300度，真係要小心。可以加多$25蚊四選三野食，有沙律、汔水、味噌湯或白飯。成set咁食好豐富！因為塊鐵板好熱既關係，到食既時候牛扒差唔多到5成熟。切既時候肉汁喺咁漏出黎，食落口好腍，肉味香濃，如果再加上少許鹽就更加惹味！另外仲會有柚子醬汁比大家點黎食，點左黎食係比較清甜，無左油膩既感覺。

之前已經係網上見到食評好似唔差,咁今日16/7就2個人去試試佢~結果失望至極.首先環境其實好逼,仲同友人講真係一個唔小心應該就有意外,而且當晚係好多小昆蟲係到飛,完全影響食野心情.講返食物方面啦,我點左一份三成熟牛柳, (呢到想提一提: 店鋪本身就係標明所有鐵板上既牛扒都係三成, 客人再自行調節, 本身我自己都食開三成所以好OK!)朋友就怕生特別點一份五成熟肉眼, 店員都話OK!到上枱啦,有無可能三成熟到好似八~九成咁?而相反五成熟就生到見血似三成,朋友好怕生唯有互換食下啦,但問題又黎,淨低稍微未熟晒既牛柳D肉色係好明顯唔新鮮.... 食落去都真係好擔心會唔會肚痛,而牛扒配好多調味比你所以無調味凡都尚可接受,可惜肉味都唔算濃,整體真好差勁!如果比呢個價錢, 有其他牛扒之家可以揀下,呢間係絕對無下次之一!!