岩盤牛扒ミディアムレア ステーキ (Greenery Plaza ) (已結業)

我食牛柳 一開始OK既 慢慢切發現唔妥 件牛生到我聽到佢慘叫 我食左一半塊板已經唔熱 但件牛應該都冇三成熟。所以紅到我唔敢再食落去，驚食物中毒，依家唸翻都覺得有啲惡心。 朋友果塊 第一刀已經系好熟 啲肉死實實。試過啲 似食緊舊膠咯，可能系煎熟左少少 承認食牛好講運氣 之前試過一次覺得OK既先帶朋友第二次去，但應該以後唔會去，塊板啲熱唔持久好大問題，仲有個盤好細，真系好驚拎既時候成盤倒落人地果度。果日好少人， 如果人多會迫少少 唔會好多位。

衝着名氣以來，小店座位不多，但夜晚九點先去所以唔需要排隊🥩首先係門口揀咗牛柳/西冷/肉眼先，即磅即煎，鐵板上炸一聲勁香牛味，揀咗香蒜片調味，塊牛柳質素唔錯 都好juicy🤤店員好好地提醒 鐵板上熱到會令牛肉再熟幾度。唔好嘅係 餐廳通風系統麻麻哋 食完全身都好大浸油煙味。同埋揀牛肉有minimum weight，對於女仔來講 minimum 都好似好大塊（仲大塊過塊鐵板）如果跟set 可能會太滯。總括來講，食肉獸去食就岩晒啦！

新年去完林村祈福，梗係去太和中心附近嘅翠怡花園 搵食，呢度出名美食小店多。見到呢間日式鐵板牛扒，啱曬我哋兩個牛魔王！小店裝修簡潔光鮮，行日式木系風格。快餐店形式，先付款後取餐。餐廳專注做牛扒分 肉眼、牛柳、西冷， 按重量收費，食幾多就買幾多! 我哋點著牛柳和西冷！店員講解 廚房會做三成熟，鐵板上碟會變五成，亦可選擇煮熟程度，非常貼心。 自行調味有岩鹽和黑椒。不得不提 餐廳自行調製柚子醬汁，酸酸甜甜十分醒胃，點牛肉食非常匹配！鐵板牛柳 (蒜油)七成熟，廚房已將外層煎烤，散發陣陣蒜蓉和烤肉焦香！牛柳少脂肪，肉質鮮嫩軟熟多汁， 啖啖肉，大快朵頤！鐵板西冷 (洋蔥汁)五成熟， 西冷脂肪豐盛，油脂甘香，牛肉味較濃郁。西冷厚切份量十足，肉質唔鞋口有飽足感，配洋蔥汁牛肉味道突出！套餐加25蚊 有白飯、湯、沙律和汽水，四選三款。而家做緊promotion即場like佢某社交平台，套餐可減10蚊，確係實惠！

係屋企附近散步，見到開咗一間食鐵板牛扒的小店🐮減緊肥嘅我叫左個最瘦嘅牛柳😏叫咗400g 同 蒜油味，其實份額好多🤣🤣🤣勁飽🤣🤣🤣好好味😋😋😋😋加$25 就有個set 有沙律、白飯、味增湯、同汽水😍😍😍

最近成日都好想鋸扒，今日係大埔就塭下有咩地方有得鋸 😋 係大埔翠怡花園見到呢間餐廳專食牛扒既，所以二話不説就走咗入去。🤗有三款部位比你揀，有肉眼、牛柳、西冷，最後叫咗肉眼部位400g 蒜油，另加 $25 加味噌湯、沙律、汽水。汽水係韓國可樂嚟，味道無香港可樂咁甜健康好多 👍🏻 而味噌湯都好好飲，清清地少少甜 👍🏻 可以中和惹味既醬汁同牛肉，沙律就係生菜加胡麻醬 ; 牛扒既醬汁有啲似柑橘柚子酸酸地好醒胃 😍 肉眼扒夠哂份量，而肉眼扒下特意放咗啲粟米，避免令牛扒直接接觸鐵板太耐而變得過熟，切開時內裹粉嫩，食落口感軟腍多汁。🤤

之前經過這店見到大排長龍，不想排就沒試這次星期日晚上8點半經過，完全沒有人排隊，位也不用等就決定試試看～～～不過一進店內，就覺得油煙味幾重！！專食牛扒的店，有肉眼﹑牛柳及西冷三款部位選擇最少由300g起，逐g計算，不同部位的價錢略有不同可選蔥油﹑洋蔥油或蒜油加$25可配set，飯﹑味增湯﹑沙律及汽水，四選三我選了牛柳，老公則揀西冷，都是要蒜油食物上桌時，賣相幾好～～好像很有份量！幸好點的是300g，不然鐵板太細，吃起來會較麻煩原來蒜油是熟蒜片加些蒜蓉而成！由於沒有調味，老公要加些鹽及黑椒調味才可我就可以吃得略為淡味些，有蒜味都已足夠～～西冷的牛味較牛柳略濃，肉質未算好軟嫩，但也不至於粗糙有少量邊緣位是一整舊的肥膏牛柳則很軟嫩，切開的時候還帶點紅色，但沒什麼牛味～～可我吃完整份餐後，一直覺得很口渴！！但明明我已沒加鹽及黑椒，應該是蒜油令我覺得口渴吧！總結而言，連set要百多元的一份餐，牛的質素還差一點點CP值不算很高～～～

以前同男朋友好想鋸扒，上網搵到呢一間，就嚟朝聖下一去到，揀好想食嘅牛，我揀咗肉眼扒，佢就揀咗西冷扒。全部都係即刻切就上磅，兩塊都係$100有找，加左一個$18套餐（有飯、飲品、麵豉湯）職員會問你要幾成熟先俾咗錢，拎咗個電子牌就入咗去坐，等左10 令分鐘左右，拎上枱時熱辣辣。肉眼扒味道適中，唔會好鹹，肉質尚算嫩滑，一個人食啱啱好雖然西冷扒貴啲，但係相比之下佢就韌小小，我個人覺得冇咁好食，如果下次黎都應該淨係會叫肉眼扒食完記得要自己收野擺返上回收架～～

想食一餐扒除咗去西餐有得食外，家陣都有好多地方可以食到，份量仲可以自由配搭，價錢又超值一定滿足到我地呢D食肉之人，是日晚又要食自己得一個人又想食肉，係呢頭都有幾多選擇，不過最吸引就一定係呢間牛扒專門店提供三款不同牛嘅部位，分別有肉眼、牛柳、西冷咁當然係價錢上有D唔用，視乎大家想食邊款肉，最低消費90元有找已可以食到300g牛扒，鐘意食牛嘅我都唔知食邊款肉是好，最後都係點左西冷牛扒，揀啱份量店員即場切開肉眼放上電子磅量重量保證份量十足仲可以加多一個set任揀三款自由配搭，就入去揾個位坐低等一陣就有得食，用鐵板盛上同時保持溫度一邊熱辣辣咁食大塊西冷配埋蒜油香味十足真係忍唔住口，即刻切件西冷牛扒食下先，已見肉質鮮嫩飽滿香濃肉味，入口香甜肉汁散出夠晒原汁原味再淋上了黑椒食更惹味一啖肉配啖飯一齊食更滋味滿足，又繼續品嚐大塊牛扒。

牛扒係街食嘅話，往往俾人感覺都係好貴，今次要推介嘅呢間餐廳性價比好高，因為佢係自助嘅，所以價錢都係比較平民，但質素冇因為咁樣而降低左！餐廳位置雖然唔係大街，但都好容易搵到！就係呢個大大嘅餐牌隔離，就有一個cashier，同服務員講你要幾多，佢就會即刻喺雪櫃拎舊牛肉磅俾你睇！如圖所見，佢有肉眼位置、西冷部份同埋牛柳任你揀！對於一啲胃口細嘅人來講，咁樣叫自己嘅餐係有好多好處：一、份量自訂；二、減少浪費！同喺餐廳叫牛扒食一樣，都可以自己揀要啲乜嘢配料！最後可以加多$25加飲、沙律、汽水或者湯（三選一）！我最欣賞嘅就係可以自由選擇，自主性好高！因為係出邊食牛扒成日都食唔晒，感覺好浪費大約等5-10分鐘就有！我叫咗西冷部份+蔥油，同埋加咗$25要面試湯沙律同埋可樂！其實望落去真係覺得好足夠！我麵豉湯係正常發揮，唔會話太鹹或者太淡，味道啱啱好！最欣賞就係佢足料，有齊昆布同埋豆腐！至於沙律，唔知點解啲麻醬沉晒底，所以食到最尾嘅時候有啲鹹，不過以食材來講都係新鮮！最後就係夠牛扒啦，我叫咗五成熟，真係啱啱好。食落去有肉感，唔會因為板燒而overcooked!!不過可以一提嘅事始終係鐵板，一拎出嚟嘅氣味會

知道大埔開左間日式自助牛扒屋，最特別係價錢係跟牛扒嘅重量計，但最少都要幫襯300g。首先牛肉分三款:肉眼·牛柳·西冷，不同價錢任君選擇。今次我選了牛柳400g,再加四選三套餐$25,有湯、飯、沙律、汽水／烏龍茶。首先到門外收銀處選牛肉種類及大约重量，再選三選一香料，䓤油，洋蔥油或蒜油，之後再加套餐四選一，之後師傅會加少量鹽及黑椒作調味就會拿去燒。之後收銀會給你一個牌，跟著就入舖揾位等食😂等左十分鐘到，我個牌终於閃燈和震，馬上到前台取餐，看上去牛肉表面好靚，先吃沙律，開胃😁,切開牛柳中間還見到粉紅色， 第一口咬落去非常淋，牛肉味重，抵讚👍。之後一路食牛扒仍保持到温度因為鐵板夠熱，整體水準非常高，值得再幫襯。

之前成日見到排長龍，今日見人小小一於食你啦！黎到門口係counter 揀肉落單，我叫左西冷400g 落蒜油跟湯，沙律同烏龍茶😋老公叫左牛柳400g 落洋蔥油跟湯同沙律同可樂😋😋落完單拎住個牌等佢震通知你去拎，佢呢d 係self-serve 形式，我返而覺得更自在👍🏻住低一陣就震啦...yeah! 有得食😆！一塊好震撼既大塊西冷出現係我面前🤣🤣，好看囉😛😛😛冇幾耐到老公份牛柳震啦，佢果件睇落冇我果份咁震撼，但都超級香！西冷我覺得好有咬口，而牛柳就好淋！兩款都好好味！佢兩款都煮到啱啱好，見到佢鬧燶兩面，肉既中間粉紅得黎又唔會有血水👍🏻👍🏻👍🏻我地兩個都食到捧住個肚走, 咁既價錢食到咁既質素，冇得彈啦

【 日式牛排鐵板🥩 】------------------------------呢間牛扒鐵板有別於一黎既港式或者西式鐵板餐，店面有點餐區位置，點餐後先由店員安排坐位，而且店內係自助形式，需要自己取餐及收拾餐盤。［ 環境 ］店內位置唔算太多，想食既朋友仔記得早別啲黎，如果唔係就要排隊等等喇🤪［ 餐廳特色 ］呢度有分三款唔同既牛肉可以簡，分別係肉眼、牛柳同西冷。選完牛肉既種類，就到選擇牛扒既重量，分別有300g/ 400g可以簡。簡完之後，店員就會係凍肉櫃拎成舊牛肉🐂出黎，即場切即場磅重量🥩。可以睇到塊牛扒勁新鮮😻，而且仲1g都無得呃🤣🤣跟住店員會問想牛扒幾成熟，因為有鐵板熱住上菜既關係，今次我地叫左5成，上菜就岩岩好7成喇！想食生啲既朋友可以叫3成，咁就唔怕太熟啦🥰［ 牛柳 ］牛柳係三款肉入面肉質最淋同嫩既，而且脂肪最少，岩曬要減肥既女仔們🤭肉味方面僅次於肉眼，但肉味都唔錯嫁☺------------------------------[ 牛扒 ミディアムレア ステーキ]地址📍大埔翠怡街3號翠怡花園C座地下18A舖港鐵🚇太和站A出口--------------------

成日聽朋友講大埔有好多隱世小店 難得入到去一定要試下😆 朋友帶左我去一個鐵板牛扒店 離大埔火車站大約行15分鐘到 都唔算難搵🙈去到門口已經見到好大塊牛牌 店員示意先點餐再自己搵位坐 睇到餐牌都幾清楚👍🏻首先揀扒類 總共有三款 分別係肉眼 牛柳 同西冷 而gram就淨係分左300g同400g 唔講你唔信 佢真係會即切即磅 完全唔會呃錢🤑最後想煎到幾熟就同店員講返就ok 朋友本身話想要medium唔想太生 店員就話因為鐵板上 所以會煎到三，四成到就算 如果唔係會太韌 夠哂細心🥰等左大概10分鐘到 就有野食lu 由於自助既關係 係要自己出去攞餐 一拎上枱仲係咋咋聲 唔想彈到最好拎張紙巾🙈 我同朋友都分別叫左400g 朋友話牛柳比較淋 好食d 但個人覺得牛柳冇乜牛味 肉眼有咬口得黎有d牛味 極推 建議細食既朋友唔好加埋飯同沙律 因為係會食唔哂架🤣 最後食飽就自己擺返個托盤就走左 朋友果然冇介紹錯🙈

先聲明，係自己On居，係灣仔食咗間三Triple Steak，覺得好食，咁自己住粉嶺，以為大埔呢間係同一間，於是帶埋老婆去食，點知.....價錢：同樣係300g牛柳，灣仔$115+$15飲品+白飯湯同沙律任裝，大埔$95+$25變餐有1飯1湯1飲品湯：（大埔）即沖味噌湯；（灣仔）牛肉湯，任裝，裝果陣撈底全部煲到爛嘅牛肉碎，好明顯係用牛扒啲頭頭尾尾煲出嚟，個湯勁香牛肉味。飯：（大埔）一碗仔；（灣仔）任裝，唔揀飯可以揀白汁貝殼粉沙律：（大埔）我揀咗飯同湯所以冇沙律食；（灣仔）新鮮椰菜加酸汁好開胃塊板：（大埔）300度鐵板，冇錯，係鐵板，上枱一陣就唔熱，食到一半啲扒已經好難熟，最多止到少少血水，問過係五成熟上枱煎到七成熟；（灣仔）真石板，寫到明一成熟上枱，食到最後果舊都仲有足夠熱力，可以燒熟埋最後果舊。牛扒：（大埔）叫咗牛柳，燒唔熟都係韌，牛味麻麻，金鳳咁上下質素；（灣仔）牛柳，燒到七成熟入口都係鬆軟，有牛味。總結：（大埔）冇下次；（灣仔）一定會再去，好似深水埗都有間，會去試。

上網睇到， 特登入黎大埔食， 價錢唔算好平，食完要自己執枱， 廁巾都無比張，點左1份肉眼及1份牛柳， 先食牛柳，牛肉乾憎憎， 完全無牛味， 真係一舊死肉， 再試埋朋友點的肉眼， 諗住會唔會好D , 點知都係差唔多， 只係比起牛柳無咁韌，但都係韌，食到尾， 我兩邊牙鉸都超攰， 真係唔會再食， 亦不建議大家去試