峰壽司 (已結業)

之前食開白沙道果間，今日一個人第一次試呢間分店．第一次落order後生仔waiter問我壽司飯要唔要wasabi,我話’要ｄla’,佢感到好奇怪咁，陰陰咀笑笑口咁講’要ｄla？’．Wasabi梗係一點咁係舊飯面la, 唔通好似搽牛油咁成撻咩?叫左５碟壽司，整體上質素同白沙道果間差唔多，不過呢間ｄ飯好易散，夾左幾舊都係咁．鵝肝壽司用料比白沙道果間少，我唔係要多ｄ鵝肝．但係ｄ蔥得果一兩條，少得有ｄ過份．．．上次係白沙道食果件同人地果ｄ都比呢件多幾倍lor，整到成舊壽司感覺好肥．俾班咁既Waiter 整到冇晒mood,只係食左平時一半既份量就唔想食．埋單$158，我俾左$200佢找．平時俾慣齊頭數，於是俾左$160．收錢個Waiter即刻同隔離個Waiter講”得兩蚊ja”，聲量附近幾台人都聽到.有冇離譜d? 都加左一la, 你又唔係友和見誠，咁既服務講真應該一蚊tips都唔俾．見錢勢利．呢間有幾個後生仔ｄ服務態度真係完全唔得．千祈唔好去呢間．

Shopping前找地方吃個brunch, 想起還未試過這家人氣(還是過氣?) 食肆, 反正只打算簡單快捷地吃點東西, 迴轉壽司不失為一個好選擇, 於是走去碰碰運氣. 星期六接近下午一時, 竟然有不少吉位, 不知是否好現象?先試人人讚好的峰蝦, 結果是失望的, 蝦欠缺光澤, 入口無鮮味. 帶子也是一樣, size雖大卻無味. 幸好另一款不少人推薦的魚背挽回些分數, 新鮮而有油香, 著實不錯. 壽司飯好像乾了一點, 也吃不出醋味來, 當然, 跟元氣比的話這裡是較好的.迴轉壽司帶上的款式其實不少, 但大部分都非常「港式」, 如各式三文魚、各式沙律, 賣相雖精緻, 卻不是我想吃的壽司. 最後, 無奈地吃了一客甜蛋, 便結賬離開了.總括來說個人覺得是名過於實, 但以價論貨的話, 也不能苛求, 至少這店應比價位相若的元氣好一點.

最好食係軟殼蟹呀....軟殼蟹手卷,軟殼蟹卷....炸蝦,炸出鱇魚....係好好食架仲有要食佢地酸薑... 無染色架好食

星期二放假同fd 出血後，又要食番d好野補充下。以前去過白沙道總店一次，要等成個半鐘先有得食，今次可能係weekday關係，而且6點幾其他人仲未放工，唔駛排隊立即有位。鵝肝壽司-好好味，好嫩又冇根，燒得剛好，一件唔夠喉，之後再encore多次，不過塊鵝肝就細o左好多。軟殼蟹手卷-20蚊一件，真係好抵，而且少飯、蟹大，蟹又炸得酥脆，我o地每人又encore多一次。另外，特大海鰻、軟殼蟹卷、加州卷、三文魚壽司都唔錯。吞拿魚刺身-味道一般，35蚊一客，所以沒有太高要求。牡丹蝦壽司-蝦身唔夠通透，而且蝦肉略韌，證明唔夠新鮮。唔知是否肚餓關係，覺得好過第一次。

唔知係咪開wto關係, 個晚cwb已經好靜上去峄壽司都唔滿座. 叫左幾碟壽司都好冰凍好似係雪櫃攞出來未解完凍咁...連我最喜愛既帶子壽司都係咁..所以同傻鬼食左6碟就走人...唔開心.

早兩星期我同男友第一次試峰壽司, 大致上都叫新鮮好吃, 服務ok, 價錢同食物質素的比例都好合理, 只係有一事件令我地對此店打左個折扣:埋單時服務員好專業地點算及回覆我地食左幾多碟壽司, 我同男友都聽得好清楚, 但係張單黎到就$408,初初我地冇睇價錢就比左張$500佢, 但係之後就覺得唔對路, 因為我地對面那一對couple都只係食左$300, 我地食得少過佢, 點解貴d? 找錢時候我地就check單, 先知佢計多左7碟$25的壽司錢,即係計多左$175, 即刻同佢講, 服務員可能係第一次遇到這種事情, 所以反應慢左少少, 5秒後才叫我地等一等, 等左5分鐘先改番張單比我地.男友話都會再黎, 不過等佢試埋有前科的"板前"先!!!

同朋友2:00pm 落0左銅鑼灣, 專登想去試.一坐低, 嘩... 好大杯茶@_@" 迴轉壽司belt 上亦見到個似蟹腳非蟹腳0既壽司, 後來發覺原來係蟹柳... 比普通一條長方形的好吃得多, 個樣亦靚d, 唔食落都唔知佢係蟹柳, 以為係蟹腳!甜蝦好大塊, 幾新鮮, 但略嫌無乜蝦味... -_-"蔥吞拿魚腩茸算ok... 好smooth, 食落feel 到有油份, 但味道唔夠濃.三文魚腩普普通通啦, 我就嫌佢太薄.三文魚我就唔鍾意喇, 做乜要灑生洋蔥上去!?!? 塊魚又薄... 唉>_<反而三文魚手卷好好食, 魚又肥又厚, texture 好正; 紫菜好脆!蛤仔(蜆肉) 麵豉湯... 明顯係沖粉麵豉湯+ 幾隻clams, d clams 麻麻地, 無乜鮮味, 可能係雪藏0野關係吧; 不過麵豉湯ok, 飲落唔會太口渴.Service 唔錯, 店員好快attend to 客人要求, 手腳又快, 唔知係咪因為我幫襯時peak hours 已經過晒?好貴, 埋單$210 for 2...

29/9，放左工，同姑姐行完三越，原本想食Italian Tomato，但忽然諗起呢間餐廳，又好想食佢d壽司，所以改變計劃，兩個人六點幾黎左呢度食。我自從第一次食時係幫襯開白沙道0既分店外，每次都幫襯呢間分店，但唔知大家覺得邊間0既水準好d呢？琴晚可能因為早，所以唔多人，亦唔駛排隊。有好多d侍應，可惜唔多斟茶，要自己叫。當然係坐迴轉位，叫左平時食開0個d，有：蟹柳壽司x2、三文魚壽司x2、帶子壽司，仲有揚物：炸蝦同炸蠔。另外，見隔離檯食舌拿魚蓉手卷，好似幾吸引，所以今次試左新野，就係舌拿魚蓉壽司(大約係咁叫，唔係咁記得，$20)。都幾好食，下之會再食。另外，今次好滿足，因為第一次一個人食哂成碟蟹柳壽司，真係好味，正。平時通常同人分一碟食，食完梗係覺得唔夠喉，今次感覺好好多。哈哈~~~~姑姐都覺得最正係蟹柳壽司。下次再帶屋企人黎試先!!!!唔知幾時又再黎呢？

當第一次聽鋒壽司的名字在電視上，我之後冇想過會去。但上星期有朋友帶我去一次後我就改變了。雖然服務態度不錯,but要等成個鐘但又好多人等,我己出了好多問號。朋友叫我忍...多陣。再講食物:帶子＆鰻魚壽司很抵食,其他用料也很新鮮。但壽司飯不夠實淨，唔明三文魚壽司要加洋葱?整體也不錯，我們4人吃了20多碟都不足$500，壽司來說相當平。比那些元X很不同,必要一試。

The first time I dined at this restaurant was almost a year ago. Was amazed at the quality of food they can provide with the price they have set.I went to lunch yesterday and there's no line queuing for a seat. We went in, eat and the food is not as good anymore. The fish slices on the rice is thinner and not as fresh. Very disappointing.

此"元氣"不同彼"元氣", 不是指元氣壽司, 而係指Genki - 時時精精神神、對人開開心心之情緒也.自上次"峰"出事之後, 確有一陣子提不起勁去幫襯. 今日卻來了一次突破, 下午4:30在峰吃了午飯, 晚上9:30再與老公在峰吃晚飯.原因是下午在峰看見Yuki san當值, 佢同我打招呼, 但我唔識日文, 冇同佢講野. 但下午的峰只得4-5名客人, 氣氛很悠閒、舒服. 我食了三碟之後走人, 全店一起送別, 很感動. 我還留意到, 廚師們都常換膠手套, 並用橡筋箍起, 想是為了衛生著想吧.除了食物質素以外, 我想客人最渴望的不是一絲不苟的服務細節, 而是店員們由衷的"歡迎"及"多謝"吧~這個"投資"不用額外成本, 卻可以吸引客人一來再來. 目黑的員工要好好學習了!!!於是, 我與剛回港的老公相約在峰. 原本以下午的市況看來, 客人會比以往少, 怎料, 一樣擠滿了人龍! 我取號碼後要等20個, 本來我去峰從不願排隊, 但今晚為了老公, 都係等下啦. 果然, 有10多個number的票主已離開, 等了二十分鐘左右便可入座.兩個人食了十多碟, 由老公直接用日文向日本廚師Sammy及Yuki

琴晚(28/8)又黎左呢度，七點去到，大約等左半個鐘。本來想試下板前，但佢好似大部分都要廿十蚊一碟，太貴，又聽人講麻麻，所以都係去番呢度。叫左平時食開0個d，又試左d以前無叫過0既。叫左蟹柳壽司x2、帶子壽司、三文魚壽司,腐皮春卷壽司(第一次食)、墨魚壽司(佢話唔好食)、炸蝦、炸蠔、火炙帶子壽司、峰蝦壽司等等。我覺得佢好食過元氣，不過元氣0既元氣卷同埋炸蝦卷又好好食播。坐bar檯，原本食左一碟三文魚壽司，仲覺得幾新鮮同好食，但係後尾見到之後師傅切0個d就好似唔新鮮，塊塊近皮0個部分黑黑地，好恐怖。所以之後雖然想食三文魚，但都唔敢叫啦。不過佢其他d野大部分都幾好。各位：究竟白沙道間分店好d，定係呢間好d呢？

之前去過白沙道o個間,今次第一次黎新店同朋友大約7點鐘黎到,唔full,bar檯好迫, 所以揀左卡位,不過個waiter 事先聲明有可能會有人搭檯......我覺得呢間無白沙道o個間咁好食,只係普通啦,7點幾都未full...下次未必會再黎啦有時名氣太大都唔係好事

order左幾種特色的sushi, 但味道沒有預計咁好, 好似芝士味sushi的芝士不夠味, 如不是自己order的話都吃不出內有芝士, 另外叫了一碟梅味海蜇sushi, 嘩! 好酸呀, 完全吃不出有海蜇. 不過sushi種類都算多, 很多特別的款式可以try下.座位很擠迫, 台也不夠寬闊放我們order的所有野食. 如要是等候成個鐘才可入座的話, 我會選擇唔幫襯, 因為同區也有很多其他的choice.

昨日終於試了峰壽司, 可能之前出了事故,今次等了約半小時就坐到Bar枱, 兩個人吃了14碟,埋單230元,最抵及最好食是三文魚壽司,是最平的種類,上面鋪上生洋蔥及蔥花. 吃了兩碟, 另外推介劍魚腩,鏗魚腩及鰻魚.