峴港安南越南餐廳

營業中

休息中

放工開飯, 樂富廣場已成為回家途中的飯堂, 今天正在煩惱找邊間食店時, 竟然不經意穿過了商場, 突然眼前一亮見到一間招牌紅紙尚未拆但又很吸晴, 正在試業的越南小館, 就不妨一試, 首先店子明亮結淨, 裝修簡約而又看得出很有心思, 尤其洗手間安排和佈置更不是一般的求其, 這已令我印象很深, 坐定再看Menu他的選擇暫時雖然不多, 但是我點的那個牛三寶 pho真係超讚,簡單到一粒牛丸也很好味, 而湯底也絕不失色, 試埋他的小吃炸春卷和香茅雞翼都是很有水準, 而飲品選擇一杯特飲價錢略貴, 但看得出bar tender都費盡心思, 絕對值回票價, 這等小店真要支持打氣。

今日要同大家分享一間新開嘅越南餐廳——「峴港安南越南餐廳」，位於樂富，環境靚到爆，真係好適合打卡！一入去就覺得好有越南風情，裝修清新又有格調。🌟我試咗佢哋嘅「峴港騸牯牛三寶手工河」，牛肉味道超濃郁，配上自家手工嘅河粉，啖啖都好入味，真係好滿足！🌟再嚟就係「越式手作炸春卷」，咬落去口感豐富，配上特製醬汁，超正！🌟另外，「脆炸香茅紅糟肉」就更令人驚喜，香茅味道搶口，肉質鮮嫩，配上炸得金黃酥脆，外脆內嫩，真係必食！！🌟最後，飲咗一杯「峴港椰子咖啡」，清新又香濃，椰子同咖啡比例完美配合，各自都無搶對方味道，完美收尾😋總括來講，「峴港安南越南餐廳」真係一個值得一試嘅好地方，食物擺碟精緻，味道一流，無論係食物定環境都超級吸引，快啲約埋朋友一齊去打卡啦！

👫行過樂富見到間試業既越南粉麵 好奇心推進我地入去😎主食叫左生🐮牛肉河粉+🐷豬肺+豬尾腸 首先欣賞佢上左碗麵比你睇 然後專人幫你加 估唔到越南嘢都有儀式感🙈💯 同埋竟然有豬雜食🤩 牛骨湯底好飲 豬尾腸比較似出邊車仔麵嘅瘦腸 冇肥膏 另外叫左🐮3寶河 想講返佢哋係用闊河粉 幾有特色👍 牛腩特別出色 有油脂 唔肥但係好嫩💯小食試左越南春卷 🐔單骨雞翼 春卷入邊係蔬菜 再配埋魚露生菜包住食 鹹香得黎感覺比較有善🤣 雞翼熱 熱 熱 炸嘢熱辣辣係最緊要💯飲品叫咗一杯凍越南咖啡 都係相當有儀式感 咖啡 煉奶 冰 仲有一條小匙羹 味道特濃 建議真係鍾意飲齋啡嘅朋友先好試 小編係好滿意嘅😌 另外一杯係中規中矩嘅牛奶咖啡

樂富呢間新開嘅越南餐廳叫峴港安南越南餐廳，裝修雅致，顏色以淺綠色為主，環境寬敞，設有卡位招牌騸牯生牛肉手工河🍜$108職員將湯和麵分開上，令到客人即時食到熱辣辣的湯配上肉質嫩滑牛頸脊，加上彈牙滑溜河粉，口感一流😍牛三寶手工河🐮🍜（牛頸脊、牛坑腩、鮮牛丸）$128牛頸脊肉質鮮嫩，牛坑腩肥瘦相间，口感豐富，濃郁的肉汁滲透到河粉，而鮮牛丸滑嫩可口，有着濃厚的牛肉香氣，加上彈牙可粉，口感豐富😍酸辣青芒拌鳳爪$58鳳爪口感滑嫩，又融入了青芒果的清新果香，爽口而不腻，帶有酸辣味道，十分開胃😚香茅單骨雞翼🐔$58以香茅的清香與鷄翼的鲜嫩相结合，肉質鮮嫩，外皮微微焦脆😍斑蘭莫吉托🥤$68斑蘭香氣配合清新薄荷的獨特鸡尾酒，既清爽又芬芳😛椰子咖啡🥥☕$68濃郁的咖啡與椰子的甘甜完美融合，味道清爽甘甜😚

🇻🇳峴港騸牯牛三寶🐂手工河 $128(牛頸脊､牛坑腩､鮮牛丸) 🥰🤤作為牛粉絲，當然要叫個牛三寶食，有牛頸脊、牛坑腩同鮮牛丸，騸牯牛果然厲害，每一款肉都有好濃郁嘅牛味，加埋店員喺我哋面前即場淋上由牛骨熬製而成嘅湯底，之後佢會叫你飲啖湯先，嘩~鮮味十足！另外個手工pho真係好出色，滑嘟嘟，原來河粉係可以咁好食架。🇻🇳越式蒜香新鮮豬雜🐖手工河 $78💕🤤有廚師精選四款豬雜，今次食了豬潤、豬肺、豬肚和豬頸肉。食材處理得好乾淨，完全冇腥味。一口胡椒豬骨湯，一口極品豬雜，配搭埋自家製嘅香茅辣椒油一齊食，係另一種享受，完全唔會輸俾佢哋嘅招牌騸牧牛。🇻🇳脆炸香茅紅糟肉 $68😋超級酥脆&超香香茅味嘅紅糟肉 似乎係即炸就算食完個Pho 再食多舊都係仲好脆點埋個魚露酸甜汁 好夾 真係好值得一試🇻🇳香茅單骨雞翼 $58😍食得出都係即炸嘅雞翼 脆卜卜 而且仲好入味添 香茅味十足 肉質嫩滑多汁 會想食完再食🇻🇳百子茶 (百香果，柚子，檸檬，紅茶) $68打卡一流，味道好清新，甜度適中，好味🇻🇳峴港三色冰 $58 賣相相當唔錯，都係好好飲

最近得知樂富開了一間新的越南料理，今晚便提早來到一試。店內裝修頗為新潮，帶點越南特色。蜆港騸牯牛三寶手工河$128 ，騸怙牛牛頸脊、牛坑腩、鮮牛丸。其中與牛頸脊的牛肉味道最為濃郁，牛坑腩脂肪甘香，鮮牛丸爽口彈牙，三款配料都牛肉味道十足。手工河是用人手打製的，爽滑彈牙，配合熬製數小時以上的牛骨湯底，味道鮮味。蜆港特級崩沙腩手工河$128，崩沙腩肥瘦均勻，肉質不會過腍又不會過硬，帶點嚼勁，牛肉味道香濃。店員會在客人面前，加上熱騰騰的牛骨湯底，頓時令到這個河粉，味道更佳。香茅單骨雞翼$58，香茅味道十足，單骨雞翼外脆內軟，方便進食。越式手作炸春卷$68，春卷皮脆餡多，香脆可口，加點魚露和生菜，可以減少油膩感之餘，增加味道層次。瑰麗紅莓特飲$68，玫瑰花瓣貼滿了杯邊，未飲已經非常滿足，玫瑰香味十足，是女性的最佳選擇。Ice mocha$48，朱古力味道香濃，咖啡香味十足，條配得非常恰當。現在新張期內免收加一。

在樂富遇上隱世好吃的越式美食，餐廳裝修精美細緻，環境格調時尚，價錢合理👍🏻見到menu 有峴港招牌騸牯生牛肉手工河（牛頸脊），覺得幾特別，如何上菜仲特別，湯和麵分開上，確保客人吃到熱湯配上嫩滑有咬口嘅騸牯牛頸脊，加上手工精心烹調的河粉，味道絕對令人驚艷。牛頸脊肉質細嫩多汁，入口即化，帶有濃郁的牛肉香氣，給人一種滿足感。河粉則是口感彈牙，搭配自家製嘅辣椒油，更令人回味無窮。然後見到餐牌有好多吸晴小食，就叫咗「香茅單骨雞翼」，單骨雞翼的肉質相對細嫩多汁，外皮非常脆卜卜搭配香茅的香氣，口感更加豐富。「越式手作炸春卷」都非常出色，外脆內軟，餡料豐富，配埋秘製調味醬汁一齊食，再加新鮮清甜生菜，味道豐富，口感極佳。仲有order 咗「酸辣青芒拌鳳瓜」，酸辣青芒拌鳳瓜是一道清爽可口的菜品。青芒果的酸味與鳳瓜的爽脆相互輝映，帶來一種清新的風味。整體調味酸中帶辣，讓人一試難忘。這道菜不僅適合夏日清涼食用，也能激起味蕾，讓人回味無窮。配搭峴港三色冰同椰青，就更加滿足😌好味😋特別一提，餐廳真係好窩心，有些座位配搭咗叉電線同電掣，非常照顧食客需要👍🏻

我朋友鐘意食越南嘢，見到新開，即刻試下！餐廳乾淨光猛，坐得舒服。咁梗係要點佢既招牌生牛肉湯河同椰子咖啡！生牛肉湯河- 新鮮喺面前加湯入湯河，建議先飲湯，湯好鮮甜，佢嘅河粉係較粗身，好滑好薄，牛肉薄身唔會韌，食落新鮮，肥瘦適中，好夠牛味！配有紫蘇葉，襯出陣陣清香味道，配上青檸汁，加埋洋蔥一齊食，中和左牛肉嘅肉味！越式雞絲扎肉撈檬- 檬粉好幼，食落煙靭，份量夠多，雞肉夠新鮮，扎肉切絲都夠厚身，配菜有青瓜，紅蘿蔔絲同生菜同紫蘇葉，汁唔係一般嘅撈檬汁，係用咗魚露加左醋，但又唔會太酸。越南春卷-內有芋頭絲，木耳絲同豬肉紅蘿蔔絲，點特製魚露，捲埋生菜一齊食，中和油膩咁，超好食，外皮好脆，新鮮整起好好食香茅單骨雞翼- 同春卷一樣要趁熱食，佢個香茅味好突出，幾特別！好味得黎，單骨都多肉，唔油膩！除左香茅單骨雞翼，有個香茅辣椒油，好香，食落口感似xo醬，原來全部辣椒醬係自家製，所以食得出炒到香味既感覺。椰子咖啡- 面頭配有椰子蓉加入鮮奶打成既泡泡, 飲前要攪勻，飲落淡淡椰子香味之餘又好香咖啡味，望住佢個伴碟，更感受到椰香風情百子茶- 百香果配有檸檬加柚子同紅茶，感覺好清新，有百香果香，但又唔會好甜，再有

今日去咗樂富新開的「峴港安南越南餐廳」，呢度的菜式和咖啡都好正宗！🌴峴港椰子咖啡呢度嘅咖啡有越南當地著名coffee shop Cong 的水準！完美比例的清涼椰子冰沙配香濃咖啡，真係好正宗！（p.s. 某快餐店的椰子咖啡加咗椰子味但不是用沙沙，真係差好遠！呢度好好多！）🐄峴港騸牯牛三寶手工河有牛頸脊 、牛坑腩(濃郁重牛味🫶)同鮮牛丸(好彈牙)，手工河粉滑溜，店員上菜後先在河上淋上熱辣辣既牛肉湯，將牛頸脊(牛肉片)煮到啱啱好熟，保持嫩滑。🐖越式豬頸肉扎肉撈檬粉香茅豬頸肉好香口，扎肉都好食，配埋青瓜絲、花生碎、紅蘿蔔絲，再加埋魚露，真係好開胃🤣 。🐥越式香茅雞翼香茅味好出！用單骨雞翼方便食🤣❤️越式春捲入面有蔬菜、肉、粉絲，炸得啱啱好。☕️Latte

【峴港招牌生牛肉手工河】 $108用上騸牯牛嘅牛頸脊，上枱時先沖熱湯，加埋牛油，口感嫩滑，肉味濃郁，係我食過最正嘅pho!! 【牛三寶手工河（牛頸脊、牛坑腩、鮮牛丸）】$128有齊晒三款配料，啱晒乜都想試嘅我😆牛丸juicy，坑腩嫩滑有牛味！最正係手工河粉，闊身河粉，出邊完全食唔到！【越式炸春卷】$68春卷用料十足，可以包埋生菜食👍🏻【越式香茅雞翼】$58單骨雞翼方便食，真係鋪滿滿滿香茅，意想不到，有別於平時嘅餐廳！【香茅紅糟肉】$68肉質肥瘦均勻，配埋魚露👍🏻 其他地方比較少見，必叫！【椰子咖啡】$68越式餐廳必嗌嘅嘢飲！有埋椰子樹做陪襯，好有feel～

綠色的外牆，餐廳內裡設計很有心思，帶有越南風味。位於樂富「峴港安南越南餐廳」，與朋友齊來光顧這間越南餐廳小店。 😋是日選擇：1️⃣峴港騸牯牛三寶手工河（牛頸脊、牛坑腩、鮮牛丸）🍽先淋上熱辣辣既牛肉湯，令材料煮至剛好。牛頸脊鮮甜嫩滑，牛坑腩的牛味最濃，肥瘦相間，鮮牛丸彈牙，手工河粉用了粗身河粉，令每一口都感覺很滑溜。 2️⃣越式蒜香新鮮豬雜手工河 🍽由廚師精選4款不同的豬雜，湯底由蒜香調味，配以手工河粉及其他香料，風味獨特。 3️⃣越式手作炸春卷 🍽外層金黃香脆，內裡餡料滿滿，很香口。還附上生菜，沾上魚露，令味道更豐富。 4️⃣香茅單骨雞翼 🍽雞翼味道濃，鹹中帶香，單骨雞翼令食用更方便。 5️⃣峴港三色冰 🍽啖啖椰汁味，底部還有不同的顏色的餡料，賣相吸引。 6️⃣瑰麗紅莓 🍽點點甜，感覺冰涼清爽。

同朋友去試新嘢 餐廳就係樂富站一出穿過公園就到啦都幾方便 一張餐牌就睇曬有咩食 貴精唔貴多 峴港騸牯牛三寶手工河呢碗入面已經有齊牛頸脊、牛坑腩同埋鮮牛丸可以一次過試到3款肉類 店員會先上一碗無湯嘅手工河粉再幫我地倒入熱辣辣嘅湯底 河粉質感好滑溜 牛丸爽韌 入口爆汁 下次要單點牛丸食特級崩沙腩手工河湯底鮮甜 崩沙腩肥瘦適中 肉質軟腍 河粉粗身過平時出面食開嘅仲好滑身 好味道越式香茅雞翼單骨雞翼方便食 雞翼香茅味重 幾脆越式手作炸春卷熱辣辣嘅炸物就最好食 可以用塊生菜包住及沾上魚露一齊食 入口唔油膩仲好香脆

樂富新開越南Cafe👏🏻👍🏻🦥💃🏼😍餐廳位於公園附近的街角，有特色的裝修，像cafe一樣，讓你會感到很chill，餐廳除了有越南菜外，飲品方面也很有心思和很有特色，很推薦👍🏻✨✨✨必食之選✨✨✨《峴港騸牯牛三寶手工河》這碗越南河有牛頸脊、牛坑腩和鮮牛九的食材，店員會在客人前即時加入湯，推薦大家先飲一飲湯先，真的滿有驚喜！✨很清新！太好飲！😍👍🏻當然，頸脊、牛坑腩和鮮牛九都非常高質！全部都勁好味！👍🏻👍🏻👍🏻《峴港特級手工河》這碗是跟崩沙腩的食材，足料夠份量！崩沙腩勁好食，好厚切！不得不說，手工河粉也是滿有驚喜！較粗身的河粉，是能吃到新鮮的味道！《酸辣青芒拌鳳爪》可追加小食，又酸又辣，非常開胃！作為前菜小食必吃！飲品方面也是很有特色！🥥🌴《椰子咖啡》賣相勁靚！味道更是滿有驚喜！勁好飲！椰子香濃！與咖啡味很配搭！《百子茶》是餐廳自調的moctail，味道是百香果、柚子、檸檬和紅茶，很清新！好味道！

呢間新開嘅越南餐廳裝修好有心思，佈置充滿越南特色，餐牌選擇貴精不貴多，主打手工河，幾款越南小食同特色飲品。兩杯飲品質素有Cafe水準，賣相精緻打卡一流：越南椰子咖啡 $68完美還原越南嘅味道，新鮮椰汁原有嘅甜味同香濃咖啡嘅苦澀味彼此平衡得恰到好處，鍾意椰子嘅朋友必定要試百子茶 $68呢一杯結合咗百香果、柚子、檸檬、紅茶，果味鮮香，味道清新，甜酸度彼此配搭得剛好。峴港招牌騸牯牛生牛肉手工河（牛頸脊）$108呢度上牛河非常講究，上枱後先用湯壺淋上熱湯，確保牛肉不會過熟，咁就唔會嘥咗咁靚嘅牛頸脊，牛頸脊油脂分布平均，入口甘香，湯頭香濃，河粉粗身有咬口，入口順滑，掛湯效果理想。越式蒜香新鮮豬雜手工河（廚師精選4款） $78生腸/豬頸肉/豬耳/粉腸/豬潤/胡蝶腩/豬肺/豬腸尾/豬頭皮/豬肚呢一款係出面比較少見到嘅款式，廚師會精選以下其中四款豬雜，內臟處理得非常乾淨冇異味，每一啖湯頭都食到好香蒜味，同豬雜配搭得宜。越式手作炸春卷 $68即叫即炸，春卷處理得很好，唔會油淋淋，香脆得嚟好乾身，餡料豐富同新鮮生菜特調醬汁一齊食，非常滿足。脆炸香茅紅糟肉 $68出面好少見到有呢款菜色，周邊位置非常酥脆，夾

・　峴港招牌生牛肉手工河(牛頸脊) ($108)未食過咁好食嘅生牛河❤️ 店員喺我面前淋湯，望住粉紅色嘅薄牛肉慢慢俾啲湯淋熟，感覺真係好治癒呀😂 講返味道先，牛肉好有牛味鮮味，而且份量都好多，加上洋蔥、芽菜 、炸蒜等各種調味料，真係食過返尋味啊！・　特級手工河（崩沙腩） ($128)崩沙腩呢個部位真係好靚，口感軟熟，脂肪分布啱啱好，好味道！店員推介我哋可以加辣椒油、魚露、或者辣椒醬，我最鍾意食嘅係辣椒油，佢嘅辣椒油好似XO醬，超級香，不過有少少辣，要注意份量🤣 而魚露就酸酸地好開胃！・　牛筋牛肉丸 ($68)真係真材實料！一定係自己手打嘅牛丸！入面牛筋同牛肉分布啱啱好，咬落去好彈牙！而且都有少少爆汁，令我諗起瀨尿牛丸😝😝・　香茅紅糟肉 ($68)呢個真係好特別，係叉燒出面有一層好香口嘅香茅脆皮，配埋隔離嘅酸辣汁，真係好開胃好好味，而且份量十足，食到飽飽豬😆・　椰子咖啡🥥☕️ ($68)又靚又好味嘅特飲！咖啡味濃得來唔會遮蓋咗椰子嘅香味，椰子同咖啡味道相輔相成，真係令我大開眼界！