嶺南會所

營業中

休息中

零九年二月二十三日牛年開年飯局中環區有不少出色粵菜館，鏞記的「飛天神鵝」、蓮香的「霸王鴨」、陸羽的「糯米炸子雞」，數下去還有港大同順德等會員制餐館呢，當然嶺南也是其中之列，比較起同區餐館做法是比較家常，名氣雖不如以上星店，但大廚良哥做起菜來工夫認真，早前試過出自他手筆的芋頭扣肉同臘味煲仔飯，某日又跟他談起一些傳統家鄉菜如煎釀鯪魚、八寶鴨，問他四圍應付得來嗎？他說再多一倍也行，結果牛年開年局，由最初四圍變作八圍，是飯局的新里程碑～包下十二樓全層，招呼的都是老伙計，在他們打點下八圍大檯加上酒吧小檯在三時左右已佈置妥當，時近七時食友已陸續來到，擺下不少洋酒、日本酒，都是為食而來的朋友，談起來氣氛自然好，難得有幾位食友離港前也專程一來，令是牛年開年局變得更精彩！雙梨鮮角螺燉鵪鶉湯嶺南牛肉粒順德煎釀鯪魚清湯牛爽腩炒桂花翅八珍扒大鴨梨汁咕嚕肉竹笙扒豆腐五秀素炒臘味煲仔飯蛋白杏仁茶嶺南會所日期：二月二十三日（一）時間：晚上八時人數上限：九十九人/八圍價錢：二百元/位食物有水準、服務周到，是難忘難得的開年盛宴，在此謝謝幾位食友背後的幫忙，謝謝KC、Sally、師兄、露露、Lemon Tea兄的幫忙！亦

一月一局看來已經是必然的事.團年飯則在大榮華,開年飯就是這裏嶺南會所,老實說我沒有讀大學,這次麻煩攪手訂下全層,今次人數達百人,也開了八圍之多.中菜愈多人就愈熱鬧,更可以認識不同食友,沒有什麼理由不參與呢和不同食友傾談飲食,也差不多開席.同臺有不少在早前的飯局見過面.先來一客自家製的腰果作小食,咬下去脆口,絕不是包裝貨可相比.這裏出名嶺南牛肉粒,霸王鴨,臘味煲仔飯等等,先以湯作開始.用來開胃才繼續下去.湯是雙梨鮮角螺燉鵪鶉湯,開始把每碗盛滿著湯,接著就撈起湯渣,總共四隻鵪鶉.難得可以材料十足去燉,梨子帶出清甜的味道.而鵪鶉帶出了鮮味.每一次飲的燉湯,也有每一次的感受.炒桂花翅,用上新鮮的蟹肉,火腿,翅以及雞蛋以製作這味菜式.蛋炒得剛剛好,沒有過火的感覺,伴著翅一起食,變得爽口過人,翅本來就是沒有味道,純碎更加層次感.而蟹肉份量雖不多,但勝在新鮮蟹拆出肉.老實說已經不錯了~嶺南牛肉粒令人滿意的一道菜,把牛肉切成粒.用調味料醃製它,要炒得純熟.聽說用上澳洲牛,肉質更變得軟熟.牛肉粒下面鋪著不少腰果,師傅做得認真,不少食友讚不絕口,順德煎釀鯪魚把肉折出來,弄碎後完整地砌回原來的樣子,要同時做

23-2-2009由於呢度行會員制, 自己根本無可能上到0黎, 呢日都係跟埋0黎大局先有機會0黎食飯:- 雙梨鮮角螺燉鵪鶉湯: 少少杰 (煲溶了的雪耳?), 味道清甜, 有 d 似屋企會煲的響螺雞湯, 感覺「家常」得很, 但呢個就更夠火喉, 正! 食友們就連湯渣都唔放過, 哈哈.- 蟹肉炒桂花翅: 即碎翅 + 芽菜 + 蟹肉 + 金華火腿絲+ 蛋炒, 乾身清淡, 帶點蛋香, 都幾好食.- 嶺南一口牛肉: 好似係呢度招牌之一, 亦係成晚最好食的一碟 -- 牛柳粒果然一啖一粒, 食落好腍, 肉味一般, 但配上酸酸甜甜又帶點酒味的汁, 十分好食; 配角 honey-gkazed walnuts 就慘遭放棄. - 五秀素炒: 有白果, 百合, 荷蘭豆, 西芹, 蓮藕, 腰果及片片紅蘿蔔, 清新之選, 最欣賞百合粉粉甜甜, 又最唔欣賞白果粉軟但苦澀.- 煎釀鯪魚: 食了條尾, 炸得極脆,「肉」部分幾「粗糙」, 相信幾足料, 不過味道淡淡的, 整體普通. 又係0個句 --都係蓮香樓的 (http://www.openrice.com/restaurant/commentdetail

記十一月下旬生日晚宴滔一眾專業人士的光而來，慶祝友人的生日，一圍十二人包下樓上廂房的壽宴。菜式已由博士寫好，一圍六道老派大菜由芋頭扣肉起到單尾的臘味煲仔飯，應該夠吃兼有餘的了！樓上會所酒家，大廚招呼慣名人，訂了的菜普通當然穩陣，菜膽燉湯用上大件金腿燉，螺頭、紅棗、南北杏、瘦肉等配料豐富得可作主菜，料足湯自然濃鮮亦喝到菜膽的甜美，難得是金腿鹹香細緻，處理功夫做得很好，連皮的位置帶著應有的甘腴，席上靚女亦不客氣的吃上大半片，精彩！先來焗蠔，用上濃甜醬汁焗，粉拍得很薄蠔鮮味亦帶一點焦脆外衣，老式蔥薑味道，比起新派的砵酒焗，更喜歡這老派醬演譯。主人家特別訂上幾得意的鹽焗魚，可能是食家指點下搞出來的新菜，未試過當然覺得特別亦沒有不試之理。斤餘的側魚伴以火腿、菇絲、蔥絲埋在鹽堆焗出，魚已煎封去腥，肉是比較實，下了大量的碼去提味，幾入味又易入吃的，配料菇絲、金腿也可口，處理功夫真有一手。之後是黃金蝦，蝦鮮嫩而肉質纖細，吃得出是靚蝦，博士問如何，道，拉油的功夫很好，蝦亦鮮味，難得；暗地裡「走蛋黃」，再吃上兩件，哈哈！芋頭扣肉，傳統客家菜做得不錯，用上大件頭芋頭，腩是肥瘦相間的靚位，切得工整，用上濃汁炆

晌中環返工返咗七、八年多，成日話想試吓嶺南會所，因為都未試過上D會所式嘅餐廳食飯，咁多年都得講字，卒之哩日晏晝就過嚟食番餐，幾個同事，約埋舊上司一齊聚聚舊兼擦番餐！話要係嶺南校友先得，雖然小弟都係晌嶺南同學會小學（晌石硤尾白田街）畢業，不過講都無乜人識，索性托上托搵友人訂位，查實都係靠撻「朵」，大家講個信字！個名叫會所，聽落好似幾高檔咁，入到去發覺似街坊飯堂，無乜裝修，枱椅都好簡單，D伙計服務都好舊式茶酒咁，樣樣慢條斯理，咁都OK嘅，啱我哋食得無咁拘束。5個人就要咗5個午餐，唔單止環境格局似飯堂，連午餐嘅餸菜選擇都一樣好飯堂咁，卒之點咗家鄉蒸肉餅、三色蒸水蛋、蘿白牛腩、紅燒豆腐同炒個菜，包例湯、白飯，係咁多！樣樣餸雖然好家常，好普通，但做得絕對唔馬虎，好似個肉餅又真係做得好鬆化唔死實，不過，話到好好食又唔講得，個人認為算係中規中矩。反而喜出望外係佢嘅雪糕涼粉，臨尾我哋1人整番碗當甜品，好似$14一客，亦見周圍好多人有叫，雪糕可以揀芒果、椰子、雲喱拿，我哋分別叫齊3款味，始終覺得椰子最好食，雖然唔知咩牌子雪糕，但好香椰子味，涼粉又夠凍，糖水又唔太甜，爽呀！

(8/9/08)須code個會員名,才能訂位的飯局。一入門口已陣陣飯香,的而且確很有住家味道。先來老黃瓜煲豬踭,飲慣媽咪煲的多料湯,這裡的對我來說略淡,但很香紅棗味,其實都ok。土魷蒸肉餅、鎮江焗肉排(黑醋汁,正!!)、肉崧蒸水蛋(沒見肉鬆,但水蛋好滑口)、煎琵琶豆腐(大家也喜歡,好快掃清)、腐乳炒通菜(咸得滯)、原先選貴妃雞,不過店員說那是凍的,凍食餸飯好似怪怪,所以選左菜膽雞一隻,唔”好”雞的我,只可說此雞做得好滑。之前有同事食過,說有個雪糕涼粉甜品,可惜大家都飽了,沒人提及吃。

與兩位同事食晏, 我提議這裏, 皆因自己有一段時間沒來了(嘻)每人點一個小菜蒸肉餅: 肉餅調味恰當, 肉質有口感, 不死實! 送飯好好味唐生菜魚滑: 清清的一道菜, 魚滑幾好味, 而且加了陳皮絲僻腥, 唔錯!叉燒炒蛋: 蛋炒得好滑, 還帶有少許蛋漿, 好味, 只是叉燒太大片了, 切細一點更好. 例湯: 冬瓜薏米, 清清的, 沒特別, 但欣賞他們會另上一碟湯料這裏白飯任裝, 食得飽飽的每人盛惠$55.

早幾日同事帶我來嶺南，因為我未來過，唔知好唔好食，同事話野食幾好，貴過醫學會少少，但係亦平過港大同學會少少，所以訂左張檯試下．我地叫了三個午市套餐，菠蘿生炒骨，麵醬唐生菜，同餐牌上面無既一口牛．「菠蘿生炒骨」無人造橙色汁，好開心，ｄ排骨好鬆化，好食．「麵醬唐生菜」，一般ｏｋ好食啦（其實菜真係無咩期望，但求新鮮同唔好太喊）「一口牛」好好味，好嫩無渣．仲有合桃仁伴碟．　之後叫了紅豆沙，阿姐上紅豆沙時附送一盒奶，好似食紅豆冰一樣，好滑，紅豆大大粒起晒沙，甜味適中，回味無窮．雪糕涼粉都好正．一定會再來．　

姊妹J的生日, 又係一家人吃飯的日子. 開完家會, 購物之後, 就上來了這裡.星期日晚, 全場爆滿, 跟同日下午的旺角場一樣. 環境係無乜特別裝修, 同食物一樣係住家感覺行先.九個人, 要了七菜一湯, 份量剛好.例湯: 8分, 是日例湯係粉葛煲豬踭, 大大碗, 加上一碟湯渣, 只收$40, 係相當經濟. 湯係住家湯, 喝不到味精, 並幾清甜, 小弟最後都飲了三碗.炒五秀: 8分, 望上去都相當油的一碟菜色, 食落口就幾爽甜. 但五秀: 蓮藕, 西芹, 百合, 露荀同白果都係清清淡淡的, 加在一起都係平平淡淡的感覺, 但又幾好食.嶺南牛: 8分, 賣相麻麻, 碟牛肉係黑黑沈沈的. 食落又覺得唔錯. 好像都有點疏打牛的影子, 但醬汁係好入味, 好好送飯.梅菜肉餅: 8分, 又係送飯菜, 簡單, 不過都好精彩. 肉唔會係死實實的, 梅菜亦幾香口.宮保雞丁, 8分, 除了加上辣椒同雞丁, 外表同味道都跟炒五秀尚近. 都係比較油, 但辣辣地都幾惹味.紅燒豆腐: 6分, 姊妹T誤會下要了的一碟, 普普通通, 但不太喜歡杰杰的汁.豆腐粉絲什菜煲: 6分, 家姐要食菜, 就要了這個煲, 感覺上太多湯,

眾圍內朋友之生日飯,上年在港大校友會,今年繼續奉行會所政策,同一地區,相隔兩條馬路,另一間大學"嶺南會所".訂位方面,對方會問你什麼會員名稱,Eh...我係舊生來的.)店方咁,用嶺南中學名義留位啦,貴姓呀先生?)平日人客不多,十二樓的大廳,近乎包場,裝修比港大簡陋,菜式亦與港大的有別,賣的是家庭菜式,連裝白飯也是要自己動手,無限任添,住家到極點.八個人先來個例湯,是日為粉葛赤小豆豬肉湯,味道清甜,沒有下味精.這期飲酒過多,先來下一下火也不錯.沒有菜需要預留,除非你想吃海鮮.炒豆苗,炒五秀,鎮江骨,嶺南牛,炸子雞,蒸水蛋,蒸肉餅,還有後來追加的一口牛同美果肉丁,加埋例湯十道菜,八個大男人一定夠分.炒五秀即係五種齏清炒為一碟,有荷蘭豆,白果等等,清清地也不錯,嶺南牛質感較淋,亦算入味.其他蒸水蛋,肉餅,同肉丁等等,住家風味濃.當然同你家母的手勢沒有得比較.圖中的炸子雞,等一會才上.皮脆肉嫩,有雞味,身旁的球彩台主播大力兄道好雞,好雞,已經很久也沒有品嘗過那麼出色的炸子雞!)見他突然感性起來,差點掉下兩行男兒淚.美食的確會有令人動容的一刻,年前友人吃罷翡翠小籠包,登時感動得掉下淚來.已經化成

今天好朋友生日。她不喜歡生的食物(日本料理=X)，不喜歡熱氣的食物(燒烤=X)，不喜歡有奶的食物(西式=X)。中國人吃中菜吧~聽聞嶺南會所的食物不錯，又查過食評。便提議去試試。本以為位處中環區，星期日晚應該很少人；卻發現有7成滿之餘，9時多還有人剛來吃飯。一行6人(只有1位男士)，點了炸子雞，炒五秀，紅燒豆腐，嶺南牛，魚香茄子煲，例湯。例湯(西洋菜+鴨腎+羅漢果) - 清甜無味精，不錯。炸子雞- 已早一天訂。皮脆肉嫩，不用任何醬油都夠味。炒五秀- 見之前食評都推介，便試下。但頗多油，露筍少。下次不會叫啦~紅燒豆腐- 豆腐不錯，不過不失吧!魚香茄子煲- 非常熱辣辣，好有魚香味。跟飯吃一流。嶺南牛- 個人認為OK，因覺不夠入味。但朋友們都讚名不虛傳。總括之言，感覺此處的食物健康無味精，好有家的感覺。* 但MENU裡的菜式都無寫價錢的，埋單$523 (加一)。

這裡的環境有點像，但地方就比較細；KC兄食評曾說：唔收開瓶費，但唔知係唔係已經改了，還是識人才可以唔收，問過要收HKD50一支，所以沒有賣酒來。看到食評，感覺都幾好，但怎麼沒有KC兄寫過的菜式，問問侍應，有沒有炸子雞，他說；再問有沒有炒五秀，他又說，再問點解餐牌上沒有的，他答：你要早叫的，之後便走了，心想唔通要等很久。但等了唔算太久便到了，真係有點唔明？？？又因得兩個人，只可少試兩味菜式，只叫了一個例湯(冬瓜薏米煲豬踭)、半隻炸子雞和炒五秀。冬瓜薏米煲豬踭 - 味道幾甜，但正如KC兄說的一樣，湯渣比較少，唔夠火侯；但在普通酒樓來說，已經算係幾好的了。半隻炸子雞- 雞相信係雪雞，沒有雞味，雞肉比較韌，咸味就過多，雞皮就炸得幾脆(只是雞位)，雞身就比較韌，唔知係唔係因為叫得半隻雞，所以唔新鮮呢？炒五秀- 有白果、西芹、紅蘿蔔，蓮藕片、鮮百合和鮮露荀；味道幾好，清清甜甜，幾爽口；但之前在鏞記食過一次，如和那裏相比，就沒有這樣好食了。當然價錢相差這麼遠，也是可以了解的！還有很多味菜式沒有試過，有機會都想再來試試。

昨晚同三位舊同事食飯，去一間食小菜既上樓鋪，哩一間係專招待會員，我地好榮幸有前任老細既眷顧，可以去試食．款款小菜都係45元，有例湯20元一大碗（日日唔同）．例湯：樟魚粉葛湯－好飲，無味精，清熱，解渴，正．小菜：嶺南牛肉－果然係好野，叫得哩個名，係得既．炸子雞－好鬆脆而不膩．宮保雞丁－有雞粒，腰果，西芹炒埋一碟，不過不失．蒸豆腐（正確名字，我已忘了）－蛋白做底，上面鋪上冬菇粒，豆腐粒，帶子，菜粒，好滑，送飯一流．炒豆苗－依家當造，一定會吃．甜品：三個同事都要雪糕（椰子或芒果）涼粉，我就要綠豆沙，好棉呢．．．哩度有兩層，12樓係散，13樓係間房，好岩一家大細，公司或朋友聚會既地方．皆因哩度係食住家菜，好有返屋企食飯既feel．

裝修簡潔, 招呼親切, 價錢又咁實惠... 咁既舖頭, 真係無幾多間。大除夕, 一家五口食晚飯, 半隻炸子雞, 涼瓜炒蛋, 咸魚蒸肉餅, 炒豆苗, 嶺南牛肉, 炒桂魚片, 加埋例湯, 甜品和白飯任裝... 埋單$491... 少油少味精, 家常小菜, 份量又夠, 食飽仲可以傾下計。一於團年再來, 到時再寫番幾味硬野, 擦餐勁!

又來嶺南會所，今次是同幾位行家收料，選了這裡，氣氛較輕鬆，加上旺中帶靜又不易撞到熟人，係私局的佳選。五個人，簡簡單單的，就叫了是日午餐的五個選擇，分別是鎮江骨、瑤柱蒸水蛋、蒜蓉炒莧菜、蒸肉餅及炒五秀。咁請客點都要加點菜，就要多一隻炸子雞。先來一窩湯，是日湯水是冬瓜薏米煲豬踭。幾甜但不太夠火侯，不過撈渣上碟，就知材料不多，跟前一日的樓上靚湯是沒有得比；幾個菜色是比較家庭式風味，油水足，味精不算多，當中我的心水當然是炒五秀，白果粒更是甘香煙韌；炸子雞是等了一等，皮不厚，肉都算嫩滑有雞味，水準不錯。在這裡，當然是真正的油淋熟的炸子雞而非炸雞，百五蚊一隻，都食得過。甜品是例牌的雪糕涼粉，可選芒果或椰子味道，結果都要了芒果味。雖然雪糕球是盒裝貨，撈涼粉吃當然涼快可口，略嫌是日的涼粉太腍，正路是硬身一點較對口味，十二蚊一個雪糕涼粉，一試無妨。當然不吃雪糕，也有冷熱紅綠豆沙可供選擇。呢度白飯任裝，不過如要添飯，就要自己郁手。埋單五百八十幾，經濟抵食，一試無妨的。