巧饍坊(素食)

營業中

休息中

散水前夕，真係要好好食個晏。美食坊既呢間巧饍坊係好食又適合一大班人聯誼。有中式文化既圓桌圍食，方便邊食邊傾計👍🏻每個餐六十蚊，有湯有飯有餸有時令糖水/豆漿。餸菜完全附合滬菜濃油赤醬既地方特式。一人叫一味，大家一齊食。我地一共七人，即係食左七道菜。唔迷信，所以都百無禁忌😂叫左蘿蔔紋牛腩。加左少少辣椒更惹味。紅燒豆腐、魚香茄子、金銀蛋煮時令菜、酸甜骨、鹽酥雞、西檸雞。大家一路講一路食，好滋味。糖水次次都唔同，賣晒仲無得食，可能要請侍應阿哥一早去廚房幫你搶😂 呢日無提早賣晒，食芋頭西米露 ，唔洗搶😋侍應阿哥時時都好親切親民，談笑風生，所以大家都好鐘意黎呢度食飯 😁

同老婆週日七點去，人多等位已預左，籌號仲有七八張枱，門口等位的椅子坐滿，我老婆是大肚婆，職員見門口無人讓位，竟然優先給我們入坐，也有點不好意思。食物方面，西湖魚羹，擔擔麵，張湯包必食

琴日一班朋友去咗黃埔詠黎園食飯！每次經過都覺得佢好有特色，但從來冇食過裏面嘅食物！我哋先叫咗一個雲吞雞，雲吞其實幾好食，個湯幾好飲，菜味濃郁！我哋叫咗個素鵝，揸得非常之好食，一層又一層嘅酥皮，咬落卜卜脆！要讚一讚呢度嘅炸物，呢個炸豬扒， 細細舊容易入口，豬扒味亦都非常好食，唔覺意就會食咗好多件！不過呢個麻辣豬腩肉好一般，麻辣味太勁啦！而非豬肉亦都太過肥啦，根本唔想食落口！呢度嘅甜品應該就係呢個芝麻餅最好食啦，佢好香脆，芝麻經過油炸味道非常之出眾，我一個人食咗三個！

.#負皮 求其係openrice揀既一間食店，米芝蓮推薦的老字號，應該都不難吃吧？但 徹 底 失 望 啊🤦🏻‍♀️‼️.🍜紅油拌麵($45)是單純的紅油加麵🙄加幾粒咸到呀媽唔認得既菜脯同蔥花.....死辣得過份，完全冇其他味，焗住撈啲鼓油落去先食到半碗😷仲要辣到我胃痛😓.👨🏻‍🍳楊家小湯包($38)算蠻不錯的，唔算多汁但都唔難食既👌🏻普通既小籠包子。.🐖金獎雲白肉($78)全晚最好食，醬汁類似蒜泥白肉，挺惹味的👍🏻可惜豬肉又薄又乾🙁。.雞絲拌麵($48)沒有寫明是麻醬的，都沒關係了🤒一放入口.....這應該是花生醬撈麵吧🤢？完全！只有！花生醬味！「漿」住個口！食左兩啖食唔到落去了😭.🤔後來睇佢哋嘅op先知最出名應該係擔擔麵，但問心講擺得出來賣都不應該太差吧😥又Hea又貴，食到我好辛苦荷包又嗱住嗱住😭

紅磡黄埔地區，週圍食市臨立，好美食的餐廳多的是。但我每次到黃埔地區行完街找美味食物，總會到黄埔美食坊之詠藜園巧膳坊。為何？贪其特別餸菜，巧妙刀工，精心烹飪，親切的待應態度和舒適座位，總令你食得驚喜而開心。雖然，價錢略贵一點，但一大班朋友食時滿足表情已完全低銷了。本人推介菜式為鲍魚蒸蛋白、招牌擔擔麵、醉豬手、油爆蝦和咕嚕肉，但千萬不要試御膳素蟹粉，很重薑味而十分難食。整體而言，是很有心機的菜式，值得推介之餐廳。

收工約佐朋友仔去試詠藜園，入到餐廳裝修好中式，頭盤叫佐蒜泥白肉，薄！好薄！超級薄！極致刀工，醬料沒有因太多油而蓋過白肉的本身味道極致刀工又一表演之作，嫩滑豆腐被精雕成菊花形狀，配以清湯點綴，最衰唔記得佐個湯名叫咩。入面有粒迷你鮑魚，蛋白好滑，蛋白好味過鮑魚。招牌擔擔麵，必食之選，醬身厚而不膩，有層次，值得推介。

個日晏晝去到明明見佢無咩人但又唔比我入要我等足5分鐘完全唔知點解要我等！碗擔擔麵又等足十世先嚟！我已經無咩心情再叫其他野食！ 茶又無得我揀! 碗野麵又少 、湯又杰、咸多過辣！收銀個樣又好似欠左佢甘！（仲要加一！）米芝蓮一星原來甘就攞到，真係嘥氣！

今日趕時 諗住同家人食碗麵 去到詠黎園 門口沒有接待員 咁我地就直接入去啦入到去其中一名經理安排我們坐一張沒清潔完的枱 我們一直等待清潔員清潔好張枱後就坐下 這時另一位經理走埋黎 叫我地出番去等飛 結果浪費了我們很多時間我們表示出面沒有接待員 沒人知要拎飛 而隔離另外兩台客亦是跟著我們入來 亦是沒拿飛就坐下 但他們沒被趕出去如此的系統是非常混亂 浪費客人時間

假日午市 冷清清 經理侍應都好招呼相比女收銀就麻麻 梳化皮爛刮大脾叫咗麵餐 + 炒麵餐擔擔麵 ~ 花生麻醬味濃香 麵幼滑細但分量少 大辣都唔太辣小籠飽 ~ 即蒸 皮薄肉香 但肉散有筋 湯汁唔多 回窩肉 ~ 有鑊氣 但大油 分量少 肉片肥肉多 碟底剩成碗油排骨炒麵 ~ 味同上海粗炒 肉絲轉排骨醬油入味 排骨炸過香口酸辣雲吞 ~ 得4粒 唔酸唔辣湯底大紅色似麻辣 雲吞硬實 無得揀茶 收茶錢 收花生 加一

🍴小弟order左:1) 奶油津白 🍀🍀👍奶油同津白好夾👍有d金華火腿碎 帶起甜味👎不過奶油好稀 掛唔上每一條菜2) 楊家小湯包🍙🍙👍好多湯 比小龍包更多既湯 而且好飲👍皮薄 餡夠3) 桂花甜蓮藕 🍠🍠👍甜蓮藕d孔 塞上糯米 幾好食 又絲得黎又煙韌👍因為第一次食 感覺特別👎桂花味不足 *平是未必有 是當日是日甜品4) 改良擔擔麵 不辣🍲👍麵條爽滑 彈牙 湯掛在麵條上好好食👍湯底有好多料 好香花生味 有肉粒 芹菜好香 花生 等 雖然係有d油👍食左咁耐 水準冇變 值得讚賞*改良版既正常版 分別係更重花生味 同有肉碎等 香口得多*另有 辣版，麻辣版 等💁服務: 巧饍坊會比詠藜園更好 又是正正常常 不過見佢處理隔離素食者既case投訴洽當 有得加分💃💃⛲環境: 巧饍坊比較舒服 詠藜園較迫同嘈 似中式酒樓👂👂**提示: 其實巧饍坊都可以叫詠藜園既野食 同舒服d 好多人唔知道佢地相通 所以不仿到隔離鋪位食 等位都快d添😉*另外，巧饍坊有更多精緻既小菜可以食🐥總結: 真係一間米芝蓮既餐廳 招牌擔擔麵 水準保持 好味 黃埔真係好多美食 大家經過記得食

自從九龍塘畔溪川菜館結業後 就食番美味的担担麵去 詠藜園 都係令人回味晚上08:45 誠藜園都要等位 4~5枱行過少少 巧膳坊 就大把枱但“訂位男支客” 就無講 (可能係各自各)有收茶錢 無得揀茶葉 茶葉夠色無茶香餐前小食 可以唔要 叫咗招牌“担担麵” 1碗大辣 1碗中辣 但兩碗一樣辣嘅好味嘅 但麵條較少 汁太傑怪味雞~ 買相幾靚 味略清 全雞胸肉無骨 有冰雪味 份量唔多馬蘭頭~ 金字塔型 凍盤 草腥味 清清地解溜最差係 兩次來呢間 都有“蚊滋”飛飛吓

一講「詠藜園」，大家一定會記得那祖傳的「擔擔麵」，我細細個已經有光顧過鑽石山的舊鋪。我們一行七人來一個晚飯聚會，一試大廚的厲害刀功！頭盤都是美如花，有黑朩耳、小青瓜、煙鴨胸砌成的小花，還有用皮蛋做成金魚的涼拌豆腐：不得不佩服廚師的刀功，最厲害是小青瓜，每片都切得平均幼細而不斷，點醋好吃。冷盤尚有擺盤亮眼的黑醋汁伴海蜇，夏天吃這個很醒胃：用新鮮鲩魚做的薰魚，肉質不會太乾之餘亦帶有一絲魚鮮：別小看此兩小碟，醉雞是用新鮮雞，現今肯如此落本的鋪頭已買少見少：涼拌豬手則已去掉骨頭及肥羔，只餘非常清爽的豬皮，製法下了不少功夫。糖醋小排骨，輕輕掛上酸汁，下飯佳品也。油爆蝦，這個是好好吃！蝦先走油，然後再加䜴油、糖爆炒，吃時可以連殻一起吃，脆卜卜惹味。豆腐清雞湯，滑豆腐用刀功切成菊花狀，美得令人可怕！配上清甜的雞湯，令我想起「出水芙蓉」這形容詞。蛋白蒸小棠菜，蛋白蒸得滑，小棠菜只用內心嫩的部分，吃得我頭髮都「嫩」了。。。來過素炒雲南什菌，好吃又含豐富胺基酸呢！蔥油蒸奄仔蟹，這項重點一定是個汁，鮮甜到不得了，撈烏東一流。酥炸日本即開生蠔，一咬爆汁，不油不膩，我很愛這個啊。咕嚕肉，特別是用上然的山楂，酸甜

尋日中午同同事一齊去食LUNCH上到去見到依間甘中式既門面就被吸引左之後我地每人叫左個Set lunch叫左以下四款1.金銀浸時蔬2.鹹魚粒豆腐煲3. 菠蘿咕嚕肉4. 西檸雞餐前喝左碗雞腳節瓜湯, 味道都幾ok....金銀浸時蔬味道一般, 不過不失鹹魚粒豆腐煲也是一般個人就是喜歡菠蘿咕嚕肉, 脆得黎, 甜酸就剛剛好西檸雞相反就太酸啦.....**不用等位, 環境不錯     價值每人$60 , 尚算抵.....

我係在雜誌睇到蘇絲黃介紹同埋我之前食過好多次都覺得十分好味,賣相十分吸引, 刀功更加做得相當精細 ,所以今次如常又返返黎食, 點知水準極差, 十分令我極之失望 同以前比較簡直差天共地!!! 由於在相片中分別不大, 所以沒有把照片放在這裡.首先:-1-蒜泥白玉肉厚兼韌,醬汁無味2- 御膳素蟹粉只有酸醋味3-牛氣沖天牛排生硬,醬汁無味4-燒雞衰過普通酒樓煮既燒雞,雞肉鞋,雞皮韌同無味.好似食柴皮一樣,5-龍井蝦仁蝦肉痗6-宮廷花青瓜及雲耳, 無味,份量小得可憐.每人只得一片7-薰蛋亳無煙薰香味, 蛋皇過熟.

弟弟因要輪班工作，今年改為初四才跟老爸拜年，正好一家可聚在一起，說說笑笑，小朋友難得可在家裡魚缸撈魚仔，不會捱罵，氣氛特別的歡暢。本想要到的食肆仍在休假中，小弟又嚷著肚子打鼓，就不多思索直接的訂了詠藜園巧饍坊。中午1時多到逹，我們是第一枱的客人，全場最漂亮舒適的 VIP 房留給我們8人，經理還帶上全盒向我們恭賀一番，真是又驚又喜！我們家的習慣就是每人隨各自的喜好選出喜歡的食物，所以集結出來的效果可能有點不侖不類，先後不分，且看看以下的菜式吧！外表平凡的雪菜肉絲炒年糕，原來絕不平凡。年糕軟糯適中，肉絲嫩滑可口，雪菜不過鹹還帶著幽香，整體不油，食味帶溫純的鹹香，具咬口的質感，效果很不俗。酷愛生果蔬菜的我，對小棠菜有著不可分解的死結，看見這碟百頁小棠菜，心裡頭的偏見一再湧現。姑且再一試。小棠菜煮得軟腍，原本帶點菜腥味的菜莖吸盡了上湯的精華，腥味完全消失了，反而變得非常入味可口。所以結論是小棠菜並非不好吃的蔬菜，而是我們不懂得怎樣烹調它才對。老爸挑了鮮蝦雲吞，從粗糙的賣相看來不甚吸引，咬開饀料，果然較為死實，蝦肉與豬肉亦有欠彈性，唯一可取的是上湯頗為鮮味，不是粗製濫做的貨色。弟弟多要了一碗酸辣