巧饍坊(素食)

營業中

休息中

平日吃住家飯的機會不多，這日便來到詠藜園巧饍坊吃個家常簡單午餐。我要了土魷馬蹄蒸肉餅餐，$49，跟湯，黃金粥或飯和糖水或豆漿。是日的湯是紅蘿蔔豬骨湯，清甜又不油膩。土魷馬蹄蒸肉餅肉質不錯頗新鮮，土魷香馬蹄爽，調味沒有很重手，頗有住家菜的感覺。黃金粥和飯之間我選了粥。有玉米粒、紅腰豆和蕃薯粒，甜美好吃。是日糖水是蕃薯糖水。蕃薯質粉又甜，糖水的姜味很濃，好喝。吃得舒服的午餐。

有舊同事放假返黎同我地班老鬼食飯, 當然歡迎啦~~ 問佢想食d乜, 舊同事諗都無諗就話要食擔擔麵, 好! 我地日日有得食果d當然唔覺得矜貴, 舊同事話佢"餓"左成大半年無食過, 點都要去巧饍坊幫襯下。我地一行三人叫左三個Lunch Set, 價錢多年仲keep住$49蚊, 包小菜、老火湯、菜飯或黃金粥, 仲有豆漿同甜品可以揀, 一個字「抵」!! 我地叫左"粟米斑塊"、"香酥黑豚骨"同"金牌咕嚕肉", 當然再加擔擔麵啦。首先黎左擔擔麵先, 我地當然無同舊同事爭啦, 比佢自己一個食晒成碗, 舊同事都好唔客氣, 一柱麵都無留比我地兩個女仔。問佢擔擔麵有無失準先? 舊同事話一d都無，麵質仲keep住爽口, 湯底香濃帶辣味, 黎到都唔食就蝕低啦 ~ 係出面用呢個價無可能食到呢個質素既野。無幾耐果三個小菜都到啦, 講左"粟米斑塊"先, 唔知佢地係咪用左新鮮魚, d魚塊一d都唔腥, 又無雪味, 仲要魚塊真係件件嫩滑, 加埋佢地個栗米羹, 必食! "金牌咕嚕肉" 宜家炎炎夏日無乜胃口, 最好就係叫呢個小菜, 五花腩炸得外脆內嫩, 個汁酸味味又醒胃, 成碟差唔多比我食左大半。"香酥黑豚骨" 自問唔係食

好久之前經常到這家餐廳食晚飯, 但周圍真的有太多選擇, 就漸漸遺忘這裡. 今日經過這頭,見到門口的"姐姐" 好有心的招呼, 就自己一個入來. 但見到店裡人不多, 餐牌價錢好像一直都無變, 套餐好抵食.叫左個涼瓜牛肉套餐同小籠包 ,套餐的味道普通但還是美味. 我還是鐘情那小籠包, 水準這些年都有保持.

早兩日同同事去食團年，難得咁齊人，真係好開心！大家辛苦佐成年，到而家過年前終於可以抖下啦！平時見巧饍坊都幾多人去，就預先訂佐位…嘩點知…勁多人等位，足足等佐成20分鐘先入到去…金獎雲白肉佢地第一味就黎佐呢樣，其實我見到好似有少少肥咁都驚驚地，但見佢個盤上面有朵花係度，幾鬼馬咁…d雲白肉都切得幾薄，其實我就有少少怕d肥肉，但意外地又幾鮮味嫩，比起平時其他地方食既，一d都唔膩，醬汁又辣辣地，搞到我仲肚餓佐~~擔擔麵黎到梗係要食擔擔麵啦，我地幾個女仔叫佐兩碗share黎食，估唔到d花醬蓉都幾香喎~~ 其實之前d同事講佐咁多次，我就真係第一次食，見到d麵係條條都有少少唔均勻，應該都係人手打之故，但麵質都幾彈牙，人手打真係有啲唔同。金牌咕嚕肉男同事B話想食d酸尾尾既野送飯，我都明就咁一碗擔擔麵明點夠呢班食肉獸食。叫佐呢個咕嚕肉，都好既，又有d三色椒食下，男同事B用D食家既口吻話，間野應該係用左五花腩，所以肥瘦肉係一層層既，仲話阿蘇都係話咁先好食。d漿炸到個皮都幾脆，入面既肉仍算鮮嫩juicy，配埋d甜酸汁同埋三色椒，係幾好味既~~金玉滿堂d人成日話女人係有另一個胃留黎食甜品既…我地班青春少艾梗係

早於一個禮拜前以訂好位。到達紅磡德安街7號黃埔新天地後，看到門口高掛着「詠藜園巧饍坊」的招牌，走到這家馳名的食店，還沒到七點，店內己經坐滿人。報上名字和電話，店員逕自引領我們走到內裏，十來桌食客，是日來試菜，吃了十多味不同的菜式，當中也有不少很出色的。蟹粉小籠包: 皮有點厚, 湯味濃郁，龍井河蝦仁: 蝦仁非常爽脆, 配上龍井茶葉味道一流 ，賽膀蟹好好味。而幾款汁醬都很出色.

這日和友人午餐飯聚，本來我提議到詠黎園，因仍懷念著他的美味擔擔麵 但友人說他隔離那店同是詠黎園，不過選擇更多，反正我這麼多年都從沒試過，便相約在這詠黎園巧膳坊。這店主打小菜，也有什麼養生粥和保健湯，不過也有詠黎園的擔擔麵和點心，menu也算多款式。平日有個午市套餐，有湯，一款小菜，白飯或粥和自選豆漿或糖水，才$49 （全包茶錢、加一）。我們點了兩份午餐，主菜要白飯魚煎蛋和魚香茄子，都要飯和糖水。是日例湯是蓮藕豬骨湯，熱辣辣，很鮮甜好喝，喝不太出下了味精。白飯魚煎蛋：煎得很香，也不油。蛋香一般。魚香茄子：這道菜偏油，不過頗野味。有別於一般魚香茄子做法，這裡加了冬菇絲和旬絲。茄子也好吃。是日湯水是蕃薯糖水。我們很久沒吃這款傳統糖水，好吃！蕃薯很甜，不質感剛好會太林或太硬，羌汁味很香。這裡的服務也有禮，細心。地方也算好坐，和詠黎園本店差不多。本來打算套餐不夠吃的話再加些詠黎園點心和擔擔麵，不過原來套餐分量也很多，還好沒加點。反正我們也吃得很滿意這餐很有家常便飯feel的午餐。

上海風味素菜,口感香軟嫩滑,鮮味可口.肉餡選用新鮮上等豬腿肉,慢工細砌,包成餡靚皮超薄,充滿鮮味上湯,保証與別不同.`津白好新鮮呀,上味道濃郁的雲腿,一道美味的上菜.IMG:1]醉雞好滑,份量足夠,酒味香濃,值得一試.

一向知道黃埔有好多美食, 難得黎到就去下美食坊食晚飯啦~去到一樓, 有幾間食肆 , 有一間叫詠藜園比較多人等位, 所以我地決定去呢間, 但等等下, 有個四眼哥哥不斷叫我地去佢地o個間, 話係同一集團, 見佢誠意拳拳, 算啦….試下啦~~我地叫左醉雞 (半隻) – 酒味偏甜, 而且雞有少少毛, 仲有少少腥味~ 平時如果好味嘅醉雞我會連皮食, 但呢個我食唔落~ 雲腿津白 – 味道普通, 而且津白唔夠嫩, 食過比佢更好食~ 宮廷滋補米粉 – 呢個我幾鍾意, 藥材雞湯加好幼嘅米粉, 好味, 不過味道濃d會更好~芙蓉花彫蒸河蝦仁 – 蛋蒸得好滑, 河蝦唔算好新鮮, 但都可接受, 整體味道偏淡, 咸d會更好~一心諗住美食坊食物質素應該會有返咁上下, 但整體食物實在太普通喇, 雖然價錢唔算貴, .不過都唔會有下次喇~~

原本唸住去詠黎園食家, 點知冇位喎, 本來佢地叫我地坐門口出面啲位家, 咁核突比人見到晒食啲咩同食相, 同food court有咩分別?? 待應就叫我地過去巧饍坊到, 佢地話係同一間黎, 只係個名唔同啫, 店內待應都好好招呼, 我地2個人叫左碗擔擔麵, 炒年糕, 生煎包, 杏仁豆腐同高力豆沙擔擔麵 - 同詠黎園味道一樣, 好香芝麻花生味, 麵好爽口炒年糕 - 份量唔算太多, 但味道唔差, 年糕好煙un, 好好食生煎包 - 生煎包個底全部都係芝麻, 咬落好香口, 啖啖既芝麻香味, 肉汁都好多 杏仁豆腐 - 好香杏仁味, 份量好似少左啲高力豆沙 - 估唔到咁大粒喎, 比起其他舖既高力豆沙, 呢到真係份量好足

下午茶時段, 上三樓等位飲茶, 多人到飛起, 走到這裡, 沒有人, 只有我們一枱客, 原來還有午餐, 有湯, 主菜, 飯, 和甜品, 叫了三個餐, 再加一碟口水雞, 第一個, 獅子頭, 太淋了, 應該落了太多肥豬肉, 第二個, 油麥菜, 味道可以, 不太咸, 菜質爽口, 第三個, 肉餅, 有少許東菇, 尚算彈口, 又是略淡, 合現代人吧….另外的一碟, 口水雞, 中程度辣, 肉質一般, 但皮不厚, 不錯啦… 甜品, 蕃薯糖水, 三粒蓄薯, 太甜, 但送的, 無話可說吧….

記起從前大磡村的詠藜園，東西既便宜又好吃。縱使有時人多得要排隊，但現在想起來，也是甘心命抵的.....大磡村拆掉後，整間詠藜園搬至黃埔美食坊重整旗鼓，落户已有許多年。人龍依舊，但食物早已今非昔比了特別是那一道招牌擔擔麵，已是全失去了以往的滋味了....近年，在本店旁又開了一個分支，名為"巧饍坊"的，顧名思義應是走向少許fine dining的路線吧。今天一家三口來到美食坊，忙無頭緒，忽然想起這個品牌，看見許久沒有試過，就決意再給她一個機會....吃的雖只是普普通通一份二人午餐，但一場來到不吃碗擔擔麵，也不能說得過去吧也就決定追加一碗吃吃。吃剩的話就打包回家吧....湯是back to the basic的蛋白羹。看上去像杰撻撻的，入口只覺尤如生粉味精水一般，幾條蛋白在水中載浮載沉，很恐怖....擔擔麵的味道温溫吞吞的，雖來吃已嗅到有花生香氣，但吃落卻只覺淡而無味，以往那濃味的麻醬甜香已告消滅殆盡；麵質又是極淰，毫無咬勁。記得從前麵條好像是自家打製的，恐怕現在也用了機器代勞了。不然，怎會吃到如此差勁的麵條 ? 薑葱炆雞煲上桌時也是"温吞一族"，沒有了煲仔菜應有的熱辣感覺，好吃極當有個譜；

有事要到黃埔走一趟，想到平日總來去匆匆，今天終有機會在這個地方吃個飯，開個餐，當然要好好考量一下，應在那兒享用。作為一個前鑽石山人，對詠藜園總多多少少有一份情意結。到了門口，看到一個名為「巧饍坊」的地方，知道也是屬於詠藜園的，看看外面的午餐餐牌，也很對味，就入內試試。點了一份午餐，有一份酸辣湯麵，及一杯豆漿；另加一份生煎包。先來豆漿，再來生煎包，然後酸辣湯麵到。酸辣湯麵 – 湯頭很鮮美，酸辣平衡很好，料頭亦不少，有木耳、肉絲、豆腐、蛋花，最驚喜的是有豬肚，皆因坊間因成本問題，已很少用豬肚。生煎包脆香可口，熱呼呼已替它取下不少分數。至於豆漿，很高興它有一股豆香，亦不會調得太甜，很順喉。總括而言，是一個很愉快的用餐經驗。

今日食晚飯叫左4個餸，1個點心1. 魚湯浸白菜頭幾啖都ok,食食下唔知點解會變辣，懷疑落左過份多胡椒粉2. 蟠龍茄子賣相還可以，但係好油膩3. 獅子頭味道都可以， 但有很多肥肉係肉團里面4. 炒蜜糖豆 超差起初第一條豆已經有壞（叔）味， 再試都係有"叔"味，於是告知經理。經理話可能黃左個d奱壞左叫廚房再重造一碟。於是，一個侍應端來一碟“好似”重新造既蜜糖豆。點知一望，睇到d蜜糖豆條條個頭都齊口切左，十足係剛剛食緊個碟擰入去切左個頭再用油塩水灼過擰出黎咁。食落口，一條叔，一條酸，一條正常味。半碟放返係度無食過！5. 小籠包味道尚可～～整體食評： 水準急劇下降！註： 枱底仲有野咬，隻手紅左。

昔日大墈村的詠藜園,可說是其中之一個香港傳奇,十年前大墈村清拆的最後時光,絕對不比今天的牛下墟陷.當年詠藜園的最後時光,晚飯時段是一位難求.自進佔在黃埔之後,越做越大,不要說今天的我打到昨日的我,昔日的純樸風味一去不返,在商業層面上,是成功的.月前更在隔離舖,開設另一間食店"巧饍坊",又是賣大江南北菜.這一夜小弟聯同眾舊同學,在此為友人M小姐慶祝生日,為何要來這處?因為主人家住在附近,兼大家也未來過,藉生日飯局之便,一同來嘗新.此店不及"大佬",食客不算很多.此店其中一個最大賣點,是那一道賣百多塊錢的大刀金絲麵,由國內的師傅即席在食客面前,將麵粉用大刀,切成有如針線般幼的麵條,就收你百多塊錢,收益會捐到去慈善機構.旨在吃個意義,撇除背後的動機不談,兩三口就收你百幾銀,而且感覺空泛的麵條,點樣去說,也很難說物有所值.想起年前在樂口福的一碗翅,又是三兩口便不見二百多塊,但感覺滿足得多.連自己都顧不了,點去做善長?目光轉回餐牌上,菜式果然吃盡大江南北.說到尾又是京,川,滬.花多眼亂,不如叫個套餐算,有個十人的"十全十美"的套餐,$1100一席.內容有:精美八拼盤水晶河蝦仁松子黃魚宮廷醬燒骨金

看了雜誌報導，聽說請來國家級廚師以手工做出幼如髮的金絲麵，不久前吃過雲陽閣的大刀金絲麵後，亦想見識下$120碗麵的實力。雜誌上無標明要預訂，來到後，才知與其他素菜一樣，要早一～兩天預訂才有的，比傳媒老點，最後叫了兩味小菜看看有沒有再來的價值，是吃烤夫，味道很甜，質感不鬆不軟，卻是濕腍腍的，醬油很港式味道，失望。另一味是釀麵根，經理是這樣說的，結果出到來是冬菇配煮麵根及燈籠椒，江南菜見有燈籠椒作配，心也涼了一截，麵根很油膩，芡汁的味道亦不見得好，又是一道失望之作。沒心機吃下去了，埋單過隔離吃烏冬好過。