巴巴站

營業中

休息中

@babasstationbaba 已經第三次食啦🤗每次去到荃灣都想食，因為唔多地方有正宗kebab🙌🏻但呢到就好味到想特登黎食🤩🤩頭一次黎因為yellopenrice💛多謝介紹呢個咁正既餐廳😗btw我每次食都諗起barebears其中呢集(最後一張圖）🤣🤣要攬住舊巨大嘅kebab🤣🤣🤣🤣Beef Roll 印式牛肉餡烤餅卷🌯@$85牛肉烤得好香，有d烤既味道，成個卷由頭都尾都有滿滿既肉同菜，唔會揸流攤🤪入面有少少沙律汁，所以食菜既時候就更開胃😬Lamb Roll 印式羊肉餡烤餅卷🌯@$95羊味都有少少羊臊味🤏🏼overall 都正龍眼凍飲 $30好淡味，似飲緊凍水青檸蘇打 $28酸同好多氣，不過幾開胃😃😃之前幾次去都好多人，要等位🙀老闆娘會喺出邊派明信片比客人寫比囚中既手足👋🏼而家就少咗好多😾📍 巴巴站 (荃灣)荃灣海壩街81號地舖

📍Baba’s station - 荃灣-聽講係最正宗既黃店印度咖喱 正宗過重慶大廈啲餐廳 🤨? -🔸印式雞肉炒飯 Chicken Biryani ($78)炒飯十分有有印度味道 😬香料味道十足 而辣味亦都夠 但唔會辣到入唔到口飯粒散散地 對於香港人口味可能未必好食得慣好似東南亞炒飯咁雞肉非常大舊 數量亦多 口感十足不過份量明顯比較細😣如果大碟返啲就更抵食喇😛-🔸傳統咖哩牛肉 配 烤餅 ($95 + $25)呢碟咖喱好味過兜炒飯好多🥰 食到停唔到 !果然咖喱同naan係一流既組合 ✨✨✨雖然個烤餅冇重慶大廈新德里餐廳果隻咁煙un 但都幾有咬口 但咖喱略嫌稀左少少 掛汁啲應該好味啲 但個汁幾香 同埋佢冇傳統印度咖喱咁辣 偏甜少少 唔太正宗但啱我口味😋

平日夜晚去食依然係要排隊等位既狀態都排左半個幾鐘入到去店鋪環境頗為擠迫坐低起身出入會比較輪盡好容易撞到隔離枱三個人嗌左兩個咖喱同一個kebab——————————————————-Chicken Masala 12oz ($88）套餐配埋油酥餅 飯 沙律如果單叫咖哩既話 份量會大啲啲咖哩微辣 香料味幾濃 稠度適中 雞肉肉質就柴口啲油酥餅新鮮熱辣 鬆軟得黎酥脆 唔算好油膩烤豬餅卷 ($85)我自己就好鐘意食kebab因為本身生菜 紫洋蔥 蕃茄夾埋隻沙律醬都好難唔好食哩個kebab略嫌雞肉份量太少 同埋烤得唔算香薯角就正常貨色青咖喱羊肉 （$106）青咖喱啫係菠菜為底料整成既咖喱唔會真係食到菠菜味但又有別於平時坐到泰國個種椰香重既青咖喱味羊肉唔算騷 肉質算係軟冧————————————初頭望落食物份量唔大但食落其實夠飽肚既大食啲既朋友仔就可能差少少喇

呢度係一間專食印度菜既小店 另外仲有唔同口味既小食同飯麵食一個set有齊油酥餅同飯 印度咖哩雞配飯同生菜烤餅份量超大碟,即煎既油酥餅,脆而酥香用黎配咖哩汁食一流生菜沙律有青瓜粒番茄等配料,加埋沙律汁食夠清新我自己食法就烤餅夾菜再淋咖哩汁食,當餡餅食, 味道一流咖哩雞肉煮到好軟淋入味,個汁微辣但香料味極濃郁夏威夷薄餅 放滿火腿同波羅肉 仲有大量芝士 味道係重口味個種偏濃味個批底好脆身好抵食大件 食左2件已經好飽平均消費$200評分8/10荃灣海壩街81號地舖

呢間已經食過幾次，今日下晝又去左食，下午茶時間無咩人😋。次次都要望一輪menu先揀到食咩😂，因為太多選擇。今次同朋友2個都揀全日精選。①傳統咖哩(雞) 配油酥餅 ($70)呢間雖然係小店，但係由非本地人主理，所以味道都幾正宗。咖哩好香濃，自己比較鐘意食印度咖哩多過日式咖哩，因為香料味濃啲，多層次啲。另外呢個set既咖哩入面已經有埋雞，煮得好入味，可以見到啲雞都變埋色😂，但又唔會煮到爛晒無口感。跟set既2塊油酥餅今日就比較燶🤣。但都好香好好食，又唔會太油膩。②印度傳統香燒雞腿 配油酥餅及飯 ($70)之前食過下午茶既雞腿餐，試過都唔錯就再叫。分別係下午茶就得1舊雞，呢個全日精選就有2舊😂。舊雞用香料醃過，烤得好香，都仲幾滑無鞋口。幾入味得黎唔會太濃，配埋咖哩汁撈飯就好正。💬呢間既印度咖哩真係好香，配埋油酥餅真係無得彈。撈埋咖哩汁成碟飯食晒🤣。不過要留意位置比較少同逼，仲有加一同埋星期日無下午茶set揀。

呢間已經食過好多好多次，雖然lunch time成日要等位但好值！Lunch set係好多份又好抵食，Kebab入面肉量同菜量分配好好又夠多，次次食完都一定捧住個肚走lol男朋友嗌咖喱餐次次一定會加$15，因為個薄餅太好食😋建議住附近嘅朋友如果唔想等位都可以嗌外賣返屋企食啊，大份抵食！

係荃灣嘅良心印度咖哩！鋪頭細細間位置唔多。不過個日岩岩好唔洗排隊～我地點咗個咖哩同烤餅卷。知道我地係share食仲切好個烤餅卷比我地。好貼心❣️個人覺得薄餅同咖哩就普通水準，但係烤餅卷就好好食！好多料好多醬！每口都非常之邪惡又滿足！而且個餅厚薄適中唔會成口都係粉。食印度咖哩一定要飲杯印度奶茶，一直都好鐘意佢地嘅香料奶茶，每次飲完都會好舒服！夏天咁熱叫杯凍嘅香料奶茶超舒服，不過唯一唔好就係好甜。唔鐘意飲甜嘅嘢大家就要注意下～

傳統牛咖哩配油酥餅Traditional Beef Curry with Paratha (HK$70)Rating: 3/5 ⭐ @babasstationbaba荃灣好出名嘅一間印度良心小店，外面有黃薑水免費任飲。舖頭入面得兩三張台，要食就早D黎,唔係有排掛隊。店內環境有異國風情。餐廳有好多款咖哩揀, 不過由於唔知點分就叫左傳統款 — 咖哩牛配油酥餅。 本人對油酥餅非常熱愛，呢間亦整得非常鬆軟，配咖哩一流，牛肉因為咖哩味濃，味道唔出；而咖哩唔算太辣。中意印度野可以一試。An authentic Indian place in Tsuen Wan, quite popular these days. Outside the restaurant, they offer complimentary detox turmeric water for customers who are queuing or waiting for their takeaways. It's a small restaurant with just around 2 or 3 tables, so if y

巴巴站 Baba’s station 📍：荃灣海壩街81號地舖🚗：荃灣地鐵A1出口 步行10分鐘📞：+852 2608-4270💲：~HKD100/head for lunchFood quality✔️：芒果奶茶、白咖喱羊👌🏼：烤餅、芒果乳酪總結：👍🏼午市人均五六十蚊就有交易 但我散叫先到百幾蚊 份量夠 而且味道唔差 性價比高 抵食😋👍🏼味道好食嘅 但我覺得可以再重口味啲 因為印度菜就係想食佢陣味 不過我知香港好多餐廳都改良咗👍🏼奶茶陣茶味好特出 值得一試 不過朋友飲完即痾🙈（請各位自行衡量）👎🏼離地鐵站都幾遠下 而且有啲難去 訂咗枱建議早啲去揾路🤫👎🏼可以話冇環境可言 而且因餐廳細 所以位同位之間勁逼 坐得唔舒服 衞生絕對有改善空間👎🏼佢嗰烤餅包得極唔實 掉哂出嚟 食到好狼狽🥺 但係好食嘅

呢間印度餐廳好出名，終於試到啦🥰嗌左個招牌咖喱雞飯同埋Samosa😊個雞肉幾滑又入味，唯獨少咗啲唔係好夠，個油酥餅好好食，好香。另外Samosa入面係各種豆類，配上獨特嘅薄荷醬食落幾特別。

之前睇過yellopenrice介紹呢間BaBa's Station，想試好耐，佢呢度既咖喱除左最傳統既咖喱之外，仲有紅咖哩、白咖哩、啡咖哩、橙咖哩、黑咖哩等等，用左唔同食材做基底，好特別🤤鍾意食咖哩既人一定要黎試下！而且呢度定價唔高，午市黎食特別平，五十幾蚊包埋野飲👍 1️⃣牛油雞咖哩（$55）Butter Chicken都算係呢度比較多人推薦既菜式，係蕃茄底既咖喱，好特別🤤食落甜甜地，雞肉算幾多，咖喱汁加雞撈飯食好香好好味。午餐既牛油雞除左跟飯之外仲有塊酥餅，食落有牛油香，唔會好油，撕開點咖喱食，索曬啲香甜惹味既咖喱汁，正啊😋另外仲有啲沙律，沙律淋上酸酸甜甜既沙律醬，就咁食都已經好好食，食下咖喱，加埋個沙律，感覺冇咁heavy😂  2⃣️印度傳統香燒雞腿（$58）有兩大塊雞，一隻雞槌一塊雞胸，燒得面頭有焦香，仲有印度香料既香味，入面雞肉仲好嫩滑。另外都一樣飯、沙律同酥餅。另外呢個跟既咖喱汁同牛油雞唔同，呢款味道更加濃更加厚，入面仲有啲肉碎同洋蔥碎，點酥餅定係撈飯食都好惹味！  3⃣️豬頸肉炒飯（$58）本身以為係豬頸肉同飯一齊炒，但係原來係炒飯底面頭再加燒豬頸肉。豬頸肉切成一條條咁，都有幾多，

次次經過呢到，都見到大排長龍，難得今日唔多人就一於試下。之前都冇睇過食評，然後一開門就有小小嚇親，因為一開就已經有個食客坐係你面前～大概得10個位左右，坐位都比較逼。叫左個黑咖喱雞 ＋薄餅黑咖喱甜甜地，仲有小小唔知咩豆，有小小咬口，但雞略為鞋左小小薄餅就真係有d失望，因為拎到過黎係得小小暖，而且都幾油下另外order 左個豬頸肉呢個就幾好食，但都係略油～可以更好。份量都ok。最後我地都食唔曬最後仲叫左杯mango muse呢杯野我覺得太甜～

朋友想試呢間，一齊去食。其實真係唔值得去食囉依個價錢！叫左咖哩角，皮勁厚！！4件$48😑橙咖喱味道ok,但份量勁小！！！！！土耳奇烤卷普通到不能再普通！咁就$75，不值！😑Pizza 一般囉….蒜蓉烤餅呢啲唔會衰得去邊，ok la串燒烤牛雞豬，勁梅唔好食……好似$48😑咖喱薯條又係小到呢….得果個醬最好食！杯野飲仲要額外加$16，要左芒果乳酸？勁細杯又勁難飲！！！！！！！！！！原價賣成$33，唔好去搶？朋友叫左玫瑰牛奶，淡到呢………出去叫杯珍奶仲抵過佢！成餐食左5百幾！寧願加多小小錢去食放題好過！同朋友食低傾下計囉….但總括黎講貴得黎又唔係好食！！！！冇下次！！！！！！真係俾面你係黃咋……如果唔係都冇人幫襯！！！

#BABASTATION 💛#巴巴站 💛而家小編就要介紹俾你哋✨✨佢係位於荃灣路德圍嘅一間印度咖喱店 👅👅店主都係印度人 所以呢度啲咖喱完全係正宗嘅印度咖喱✨✨成日都見到好多人排隊 所以小編都早啲特登去嗰邊食 費事要等太耐🙊小編建議大家都早少少去食 咁就唔使排隊排咁耐😻😻😻店舖嘅裝飾好靚 仲放咗唔少酒 而牆壁放咗唔少嘅海報 上面有啲勵志嘅金句😤😤✨ 雖然座位有少少逼 同埋店舖面積可能有少少細 但係絕對阻唔到小編為食嘅心情 😻😻所以我都相信唔會因為咁而令到大家唔去食嘢😋建議大家快啲收藏呢個po 即刻約埋friend一齊去啦😋😋正宗咖喱雜菜 $50💰（8/10）一上到枱 小編已經聞到好香好香😋😋即刻流晒口水💦💦大家記住加大只係加$15💛 有多啲薄餅同埋多好多飯😋😋個薄餅真係好熱辣辣 🔥貪食嘅小編即刻放入口 差啲辣親條脷👅👅證明真係即整‼️個薄餅真係好鬆化 點咖哩食真係超級超級好食😚😚😚係嘴入面有好多種層次感❤️食食吓仲可以食埋佢隔離啲沙律 🤤🤤即刻健康晒😻😻 而飯方面😋😋佢有少少香料味 而且都幾大✨✨配埋佢啲咖喱真係一流💛💛終於講到重頭戲嘅咖喱🤤印度咖喱真係冇得輸 落咗好多唔同嘅香料 令到個咖

比較少接觸印度菜，呢間都係之前經過見好多人排隊再上網睇先留意到🥲原來杜汶澤嘅喱騷之前都有介紹過💛午市套餐都唔錯，學生價更平多$10，價錢比晚市更抵食💸⋯⋯⤑餐廳絕對係一間小店，都坐得比較辛苦，大概得10個位左右，所以最好有心理準備會坐得好逼😕！⤑🔸印度傳統香燒雞腿 $ 55當日食就唔係雞腿🍗係用咗雞胸位，但份量都好足料，雞肉係好正宗個款用好多印度香料醃製過🌿，偏向濃味而且都辣辣地幾惹味😛！會配上一塊油酥餅，即製人手搓所以都好鬆化，另外會跟上一小碗咖喱汁🍛，印度咖哩食落去係甜甜地，加埋個白飯絕對夠飽！或者+$8可以轉印度香料黃飯💛！⤑🔸牛肉 中東烤餅卷 $ 50有雞/牛/雜菜選擇，可以要薯條🍟/沙律🥗，薯條變咗薯角😂但超推薦吃！炸得勁香脆，但份量得幾條，唔夠喉😣！烤餅外皮食落煙韌，內餡有生菜、蕃茄、紫洋蔥、牛肉，食落都幾清新，如果多啲牛肉就好🤔，當Lunch嚟講未必夠飽，下午茶就啱啱好🤭！⤑跟餐會附送汽水/龍眼水，龍眼水真心唔得好淡味似普通水😥！下次都係加錢試其他特色飲品～