巴巴站

營業中

休息中

比較少接觸印度菜，呢間都係之前經過見好多人排隊再上網睇先留意到🥲原來杜汶澤嘅喱騷之前都有介紹過💛午市套餐都唔錯，學生價更平多$10，價錢比晚市更抵食💸⋯⋯⤑餐廳絕對係一間小店，都坐得比較辛苦，大概得10個位左右，所以最好有心理準備會坐得好逼😕！⤑🔸印度傳統香燒雞腿 $ 55當日食就唔係雞腿🍗係用咗雞胸位，但份量都好足料，雞肉係好正宗個款用好多印度香料醃製過🌿，偏向濃味而且都辣辣地幾惹味😛！會配上一塊油酥餅，即製人手搓所以都好鬆化，另外會跟上一小碗咖喱汁🍛，印度咖哩食落去係甜甜地，加埋個白飯絕對夠飽！或者+$8可以轉印度香料黃飯💛！⤑🔸牛肉 中東烤餅卷 $ 50有雞/牛/雜菜選擇，可以要薯條🍟/沙律🥗，薯條變咗薯角😂但超推薦吃！炸得勁香脆，但份量得幾條，唔夠喉😣！烤餅外皮食落煙韌，內餡有生菜、蕃茄、紫洋蔥、牛肉，食落都幾清新，如果多啲牛肉就好🤔，當Lunch嚟講未必夠飽，下午茶就啱啱好🤭！⤑跟餐會附送汽水/龍眼水，龍眼水真心唔得好淡味似普通水😥！下次都係加錢試其他特色飲品～

自從杜生訪問過巴巴站，偶然經過都見門外站滿等位的顧客，知道店內坐位不多，人龍肯定要時間消化，所以一直沒光顧。今晚又經過，只有兩三人在門外點/等外賣，時機正好，可以即時入座。店內燈光較暗，坐位不多，枱與枱之間距離很接近。點了全日每日精選餐$70 - 印度傳統香燒雞腿，加$16 有芒果乳酪。燒雞跟白飯及烤餅，雞腿燒得恰到好處不太乾，醬汁伴烤餅非常好味，白飯有點多，不過有惹味的醬汁，很好下飯，給我吃得七七八八。芒果乳酪酸酸甜甜，很開胃。加一服務，合共 $95。

大概3:00左右去食，遇到tea time 門口會有google link 比人填安心出行既from 好方便。💛💛💛好中意呢個na 餅，有麥香。不過如果轉油酥餅就會更正。而家係有健康味😂烤雞有啲乾，無咩雞味/老。可能特色係咁？然後叫左個單點咖喱，佢另外有個係套餐配埋烤餅+飯+飲品有差不多7-8種咖喱🍛選擇。d羊肉都好多，好好食。有口感👍🏻唔會入口即散。又唔會好老，大大舊。好正，配埋烤餅食最正。呢個咖喱同烤雞個個醬唔同，呢個正好多。好似叫x沙x咖喱？😂正正常常係脆脆地另外叫左個烤雞捲，無影到。係tea set 有龍眼水配好細杯，兩三啖就飲完烤雞捲入係:烤雞🐔+生菜🥬+na 餅+沙律醬有啲普通🤨食落仲好似麥當勞啲味道2個人tea time 都食左$213左右都算貴

小妹從未食過印度菜 第一次就比左佢 😳入到去燈光比較暗沉 餐廳播住印度歌曲 令我彷彿身置異地🇮🇳打開menu~ 哇 咖哩款式都有九款 睇到睇花～～左諗右諗 最後決定選擇SET B $318 for 2包括有◾️印度特式薯仔餅🥔+炸蝴蝶蝦🍤+印式燒雞件🐓+芭堤雅雞翼熱辣辣薯仔餅脆口 配上青瓜，蕃茄，洋蔥 整體感覺幾清新 食完唔會好膩蝴蝶蝦正常水準 無乜特別燒雞件食完好想再encore😝 真係好好味 燒得好香入味 完全唔乾身 ，雞翼正常啦◾️咖喱方面選擇佢地最辣嘅紅咖喱雞 （辣椒底🌶）愛辣人士可以挑戰下 第一啖火辣辣 幾過癮🤣 濃烈咖喱味道偏咸 最岩配飯/酥餅 雞肉份量都多 粒粒啖啖肉呢到嘅飯係香料飯 同平常白飯有別 未必每個人合口味 酥餅香口同手抓餅相似 單食會有啲油膩 建議沾咖喱食 ◽️飲料方便 選擇芒果乳酪、印度奶茶 兩款味道甜甜的，奶茶比較重香料味 芒果乳酪幾幼滑～◽️甜品係印度牛奶雪糕 同平常食嘅牛奶雪糕好唔同 都係比較偏甜甜 回頭指數💛💛💛💛 /5注意⚠️餐廳比較細 坐位位置有限

放假去荃灣，一於去試吓朋友推介嘅Baba's Station。由於聽聞長期要排隊，所以揀咗下午茶時段去，點知去到唔洗排隊，真係估佢唔到！點咗餐牌上精選午餐嘅正宗咖喱雞($50)，最鍾意跟餐嘅油酥餅，酥皮鬆軟得嚟又有層次，好好食！另外點咗海鮮薄餅($98)，新鮮出爐嘅薄餅餅底好鬆脆，配料有煙三文魚、魷魚、大蝦，好足料，而且尺寸都幾大，建議三個人或以上一齊分享。唯一覺得不足嘅係，負責落單同傳菜嘅職員全程將口罩掛喺下巴，冇用口罩覆蓋好口同鼻，衛生意識尚有改善空間

大前日(4-4-2021 Sun)清明節唔去拜山住,就同老公食晏,去食素菜?都係唔食住,我記得有呢間,於是走嚟,嚟到時full晒要等位,老闆都好忙,只叫我哋喺出面等,兼睇定要咩嘢食啦.等咗大約10分鐘就有位,我哋要咗個$280.00嘅二人餐:1. 加$15.00轉飲芒果乳酪乳酪比平時飲到嗰啲冇咁酸,芒果味唔太濃烈,稀杰度亦啱啱好.味道: 5分2. 加$15.00轉飲原味甜乳酪呢個帶少少甜,幾好味.味道: 5分3. 胡椒脆餅好脆同香口,胡椒味唔重亦唔辣.味道: 5分4. 雜菜烤餅卷大大件,雜菜新鮮又清新,沙律醬味道又啱啱好,食食吓,內裡有舊脆口又辣辣地嘅嘢,係咪就係印度雜菜咖哩角?味道: 5分5. 咖哩羊+油酥餅+白飯油酥餅好好味,咖哩都幾辣,羊肉夠腍但仍有彈性,好正.不過白飯就好乾.味道分分別係: 5, 5同1分6. 印度糕點我哋以為已經上齊嘢,戴上口罩,不料端上呢個.睇見似係餅乾加啲cream.食落,啲” 餅乾”係腍晒,似已經受咗潮,唔知呢個係咪印度特色?餅乾少少似朱古力味,啲cream又唔係甜.味道: 3分服務:好好嘅,環迫擠迫,每當有客人行出行入,都會幫客人移開枱,同叫坐喺喥嘅客

👧🏻😋👅🍽✨Baba's Station （荃灣路德圍）-💛Google form登記💛位唔多但都叫有啲凳有凳pan，同少少梳化底💛平時經過成日都見到排長龍，今日早起身特登返12點未開門，就早兩個字去等，成為第二枱客😎-青咖喱雞肉 $87✨可以揀單點16安士咖喱雞，或者套餐有12安士咖喱，加油酥餅、飯同沙律✨青咖喱菠菜底，唔算好辣，但好香好惹味，點油酥餅同撈飯都好正✨雞肉嫩滑，有少少菠菜碎係個汁度✨飯唔係我預期中常見好幼果隻，但比普通米飯都幼身同輕身；沙律個醬好特別，酸酸地好開胃-燒羊肉薄餅 $92✨面頭有少量紫洋蔥同青椒，羊肉都幾大舊，芝士極多，有少少回香灑係個面突出左羊肉嘅香味✨特別地方係薄餅底好soft，好似啲naan咁-芒果乳酪$33✨我未飲過咁濃味既lassi！質地亦都好杰，5枱客有4枱都點🤣✨佢仲有粒粒乳酪唔知整唔勻定特登 😂 但又覺得口感幾特別-印度啤酒 Kingsfisher $38✨顏色係焦糖色，加左葡萄糖糖漿，喝落清新有D柑橘味✨麥味香同咖喱幾夾

每次行去路德圍經過新記個邊，都見到有間外牆同其他舗好唔同，但又經過親都無開門嘅餐廳。到今日，我見到有其他食客開門出來，我先知原來人地唔係無開門，係要你自己開門入去😅牛油雞咖哩$52🍗印度菜來講我最愛牛油雞，呢間都整得唔錯，啲雞都幾稔，不過個人來講可以再鹹小小正宗咖哩(雞/牛)$50🥘(唔食肉仲可以揀雜菜version)味道比牛油雞更濃，好惹味，配烤餅好正👍🏻肉來講，個人覺得牛會食落更滋味每份都會跟飯🍚烤餅🫓撈左酸奶醬汁嘅青瓜沙律🥗同汽水/龍眼水🥤芒果酸奶(+$16)🥭一場來到，點可以唔叫翻杯mango lassi呢🥳呢到嘅mango lassi不過不失，而家呢啲咁熱嘅天氣飲就岩曬

屋企附近開辦外賣團，夾得上時間偶爾都會參加，適逢巴巴站開辦當然不忘摻一腳！🚩 𝐂𝐡𝐢𝐜𝐤𝐞𝐧 𝐕𝐢𝐧𝐝𝐚𝐥𝐨𝐨 紅咖哩 $85雞肉煮左好耐入哂味，依然係好滑好嫰，冇牙婆食都冇問題，如果唔食得辣就唔好叫喇，因為真係好辣，個辣係慢慢滲出黎，但再辣都好，仍然想kepp住再食！🚩 𝐆𝐚𝐫𝐥𝐢𝐜 𝐧𝐚𝐚𝐧 蒜容烤餅 $24叫得咖哩點可以少得烤餅，烤餅有2個成年男人手掌咁大塊，可能紅咖哩個味太搶，食到少少蒜容咁多～🚩 𝐒𝐚𝐦𝐨𝐬𝐚 印度雜菜咖哩角 $30如果食過其他印度咖哩角就知，好多都會整到好硬，巴巴站整得好脆好鬆化！仲配左盒綠色既醬（？）

朋友好想食印度菜 🇮🇳 ，黃店已經唔多選擇，仲要地點方便，性價比高，更難揀。要符合要求，就揀咗巴巴站。•✅食物味道好，新鮮熱辣上枱，分量適中🚫但人真係好多，枱好迫，隔板好細，恍如沒有，我哋只好狼吞虎嚥，無慢慢品嘗•🐣Traditional Chicken Curry $75一個細桶仔上，個桶其實好深，夠點naan之餘，仲可以點埋pizza；雞肉嫩口，bite size，兩個人分，每人都有5-6粒左右；鍾意佢無其他大件配菜，香料煮晒入啲汁度，啖啖香口；辣味唔重，好易入口⋯⋯🥖Plain naan $22薄身，質地比較乾，同先前喺重慶大廈食嗰啲，燒到一個個泡泡面有少少唔一樣，如果可以鬆軟啲更好⋯⋯🍕Margarita Pizza $82上枱熱辣辣，唔適合直接用手拎；芝士有微微拉絲；皮烤到外脆內軟；番茄多用皮嗰邊，所以有番茄顔色，但茄味唔濃；批嘅面積介乎pizza hut嘅細批同中批之間⋯⋯🍻India bottle beer (Kingfisher)$38清甜系列，唔苦澀，好啱送咖哩⋯⋯味道：🌕🌕🌕🌖🌑再食：🌕🌕🌑🌑🌑［唔係唔好食，但真係好迫，可以買外賣，但短期內唔會選擇堂食］

第一次幫襯，諗住晚飯加餸。 Traditional chicken curry, 問我要16oz定要12oz跟飯嘅餐，我揀16oz。袋野拎出黎，我都覺得好少，不過第一次買唔清楚，咁咪信佢囉。點知返到屋企放上磅，真係唔夠秤囉！

今日黎荃灣搵食，呢間中東菜都想試好耐，終於有時間黎支持下小店下午茶時間黎都唔算好多人，唔洗等位直入。Lunch Set幾抵食，平均五十零蚊左右埋單今次就叫左咖喱餐同中東烤餅卷L1 印度傳統香燒雞腿🇮🇳：燒雞脾都幾香，幾大隻。唔油之餘啲肉都好嫩滑，冇雪味。咖喱汁就略嫌稀左少少，同埋唔夠多，加埋薄餅唔夠點薄餅都煎得好脆，兩塊好夠食，撈埋生菜好爽口L8 中東烤餅卷（牛）配薯角🌯：呢個kebab可以揀雞/牛/雜菜，我就揀左牛肉，一個女仔食大份到食唔晒，材料都好豐富，入面包左青瓜、紅椒、生菜、紫洋蔥，味道爽口，加埋少少沙律醬唔會太乾，牛肉唔膩飲品就叫左龍眼水，好淡，無咩味，有啲失望

上次食新記冰室，排隊個陣見到隔離有間印度野食，啲野食好似幾正宗甘，今日特登黎試一試佢。雖然星期日，但唔洗排隊就即刻入得。間鋪細細間，坐得有啲迫。1️⃣ 油酥餅食咖哩點可以唔叫類似薄餅既野，送到個陣仲熱辣辣，都算幾軟熟，拎黎配咖哩的確係一絕👍🏻2️⃣ 傳統黃咖哩配牛肉個MENU到有好多唔同種類既咖哩，真係睇到眼花潦亂。到最後決定試最傳統既黃咖哩。啲牛肉好林，一咬就散開，食得出D咖哩落左好多香料，我諗呢個就係印度咖哩既特色🙈一黎到個陣覺得佢好細兜，但食落，又夠食喎，啲汁個份量夠哂我地用黎DIM 4塊餅😌3️⃣ 印度傳統香燒雞呢樣係全餐我地覺得最好食既野，醃既味道岩岩好，唔會太咸，最緊要係燒完之後啲肉仲好嫩，唔會柴😋隔離個兜有啲薄荷味既sauce 同舊雞都幾match🤣4️⃣蒜茸烤餅見到仲有甘多咖喱汁剩，又想試多個餅，就叫左呢個蒜茸烤餅。呢個比起油酥餅 無甘厚身，可以當佢係手抓餅啲friend 鬆軟啲。上枱個陣又係熱辣辣🔥5️⃣印度奶茶第一次試印度奶茶，先知原來有薑味，我同男朋友都飲唔慣，都係港式奶茶岩我地多D。整體黎講，對初嚐印度咖哩既我，覺得都算幾好食，只係環境上有D焗促。

睇「Lateshow」嘅「Yellopenrice」👷🏻‍♂️第一集介紹BaBa's Station，望到佢地啲咖哩同Kebab已經流曬口水，心入面bookmark左搵次去荃灣要試下！過左幾個月係J先生嘅推薦下終於試到正宗又黃又好味的印度咖喱啦🤤，推薦比可能未試過嘅你地~————————————————👅羊肉青咖哩 ($96)👍🏻平時食得多黃咖哩同白咖哩，試下菠菜底嘅青咖哩！放心~無菜青味架，小辣程度愈食愈有辣勁🌶️，羊肉有啲啲騷味，有8-10小件左右，沾油酥餅/撈飯都好惹味，酥餅煎到外脆內軟，無咩油膩感，好想加點多幾塊撈埋啲汁！👍🏻單點16oz咖哩同套餐同價，套餐係12oz咖哩配油酥餅、飯同沙律👅印式燒雞烤餅卷 ($78)👍🏻烤餅皮食落軟得嚟有咬口，包住新鮮生菜🥬、蕃茄、洋蔥同青瓜，燒雞都有肉汁，分開半卷方便食同share👅沙嗲3串 ($39)👍🏻雞肉肉質都軟既，牛肉同豬肉韌少少🤏🏻，沙嗲汁惹味👅印度奶茶 ($28)👍🏻茶味同口感幾特別，完全唔到港式同台式奶茶，當試下新野————————————————🚩總結：咖哩款式好多，有啲仲未聽過添，體驗道地印度菜must try!————————

成日見到門口成堆人所以放棄左🙈平日下午去食就唔洗排隊啦🙌🏻 印度傳統香燒雞腿咖喱餐 $55🍛午餐包汽水/龍眼冰🍹 + $16 叫左Mango Lassi /馬蕯拉茶呢個價錢真係物超所值，份量十足👏🏻本身已經跟左飯同薄餅嫁啦🍚🥘咖喱真係好正宗好香🥰 唔算辣呀我覺得！雞肉好嫩滑👍🏻薄餅好好食完全唔油膩😌如果係叫牛油雞咖喱/正宗咖喱既話就會係分開上嘅😉出餐時間會慢少少，不過好彩平日下午可以慢慢坐😋 大推Mango Lassi🥭乳酪好濃厚而且甜度適中😍😍