巴巴站

營業中

休息中

咖哩店門外等候區有免費黄薑飲品，好特別又貼心。點了牛肉 Kebab，牛肉香料味重烤得剛好，香噴噴又帶點肉汁，配合印度香草乳酪汁及新鮮蔬菜爽口鮮甜，捲在熱辣辣的烤餅絕對 prefect match。飲品加了$16配青檸梳打，冰凍可口，飲得出有新鮮青檸汁，不是罐頭貨，好飲又清新。店內擺設充滿異國風情，有清晰介紹印度咖哩不同的香料，好像上了貨香料通識堂，店員有禮又耐心上菜，好親切的小店，會再來試埋五色咖哩和印度烤餅。

一星期食咗兩次 一食上曬癮老闆娘勁體貼細心 手足嘅感覺真係特別有愛🥺(後圖menu).🥘Butter Chicken (橙咖喱 即蕃茄底)$80🥘真係好好好有驚喜 同平時咖喱明顯唔同嫁佢多咗份煙燻味 同蕃茄嘅微甜🍅雖然濃郁 但唔過咸 食到停唔到🥺雞肉都多 正常軟熟度 真心必點😍·🥘Traditional Beef 配油酥餅 $70🥘呢個就純正咖哩嘅辛香辣啦辣得黎好過癮 好香濃 唔係死辣 牛肉比想像中軟熟 至少唔乾柴🐮 油酥餅熱辣辣 麵粉香突出 唔油膩👍🏻.🌰炸洋蔥圈$68 (要等至少15min)🌰我見無咩人點 但好想講 呢個係必點😭等幾耐都值 因為即炸 洋蔥外嘅炸粉厚度剛好 脆卜卜洋蔥仲係好juicy 非常香口沾沙律醬/咖哩汁都好正🥰·建議都係堂食炸物 今日外賣就會淋曬😭不過仍然好滿足🤣老闆娘一聽聲就認得我 好屈機🤭🥰🤭🥰

早前告急的黃店，打算支持一下，是印度人開的小店，星期五晚上七點，等了15分鐘，店鋪小，座位較狹窄，坐得不太舒服，快快食完就走，建議外賣會比較好。叫了一個Set A二人套餐，整體份量略少。餐湯 (蕃茄濃湯)芒果乳酪乳酪濃稠，芒果味濃，甜中帶酸，不過太細杯，唔夠飲，如果大杯就好。印度雜菜咖哩角炸到金黃色，外層鬆化，包着雜菜薯蓉，配薄荷乳酪醬，感覺清新。胡椒脆餅薄而香脆，有微微的黑椒辣味，上面配上生洋蔥粒、青瓜、蕃茄，炸得太油，有點失色。傳統咖哩雞+油酥餅+白飯酥餅熱辣辣，酥脆香口，不會太油膩，咖哩質地杰身、辣，是正宗印度風味，但雞肉切得太碎，食唔到雞肉。烤羊餅卷裏面夾着洋蔥、蕃茄、青瓜、生菜，感覺好清鮮，羊肉唔羶，烤得香口，肉質不會硬，醬汁較少。印度糕點似湯圓，有陣陣薑味，超級甜。

Butter Chicken係喺杜汶澤節目入面最推介嘅菜式，老板娘表示呢個係佢地嘅祖傳秘方，所以喺其他地方係食唔到架。叫呢味菜可以選擇要16oz嘅咖喱雞，或者12oz雞+沙律+白飯+烤餅naan。呢個咖喱唔辣，仲一食就食到好香嘅牛油味。個naan好有質感，唔係燒到乾爭爭，仲唔係薄到好似紙咁，點一點咖喱汁真係好夾架細細聲話你地知，食印度菜一定要叫埋Mango Lassi先完滿。杯嘢嚟到嘅時候好似好細杯，但慢慢飲真啲味嘅話又唔係真係咁細杯。陣芒果味好出，仲好飲過重慶大廈咖喱屋嗰啲！

冇乜機會喺香港食印度正宗咖喱, 又未入過去重慶大廈, 今日就過咗嚟呢邊試一間小店😎 絕少去荃灣區, 小店所在嘅街道人氣都幾高, 連續幾間都係食店, 有茶餐廳有漢堡快餐, 到咗晚飯時間見到長長一條人龍排緊嘅.. 正正是今晚男朋友想食嘅印度咖喱小店 👳🏽‍♀️🥘今晚亦都係排左差唔多兩個幾鐘... 先見到門口嘅招牌🥱... 食客都非常之有耐性, 好堅持要食呢一餐! 餐廳好細, 座位只有20個左右, 小店明顯冇經驗應付大量嘅客人... 😅大家都太肚餓喇, 盡情咁嗌左好多嘢食😈 可惜應付唔黎嘅小店仍然要已經坐低咗嘅我哋等左好耐... 半個鐘之後.. 😪先上一碟小食, 炸蝦🍤! 一食就更肚餓, 更加期待嚟緊嘅咖喱正餐 叫咗一個chicken kebab roll, 配薯條, kebab 入邊餡料豐富, 除咗雞肉, 都有好多菜, 感覺上冇咁油膩, 食完都幾飽~ 終於到期待已久嘅主菜咖喱上場!! 上面嘅係黃咖喱配牛 $95, 下面嘅係白咖喱配羊 $94。選呢兩種咖喱嘅原因都係因為佢哋比較冇咁辣, 白咖喱有甜腰果做底, 甜甜地完全唔辣, 羊肉都唔騷, 個咖喱味好香! 黃咖喱味道比較濃, 椰汁底, 個人

睇完介紹去試下 去完食到嬲 真係把幾火 貼錢買難受咁1. 服務生服務態度差到一個點，你座位設計有問題，但比說話個客聽 2. 餐廳大約得18-20個座位，但2-3個服務生都care唔到樓面，出錯單，miss單，搵你買單都難3. 座位窄到一個點，standard座位空間都做唔到通道完全過唔到消防條例4. 食物素質唔似比人講到有幾好食，但叫價，你presentation 都唔岩價 性價比拉低。建議你地轉行做外賣生意啦，咁既服務質素環境想趕客咩，想做堂食就減番座位數目提升番d服務質素啦

嚟baba station 一定要揀時間因為 Weekend 多數好多人 (好事嚟！）今日繼續食超高性價比lunch set 今天菜單: 傳統咖喱雞🐓🍛 跟餐會有沙律+酥餅+飯飲品加了hkd16 轉了印度奶茶😊酥餅暖暖的 又香口 單食或點咖喱都好好食!傳統咖喱比上次試嘅另一款(butter chicken) 稍辣但個辣係一般人都可以接受嘅程度 送飯同酥餅都好食!!!😋令我暫時都要將減肥放埋一邊 唔食晒實在太可惜了!印度奶茶有d 香料嘅味道 幾特別又唔會太甜! 好滿足嘅一餐 在疫情中有美食打打氣😊

巴巴站 BaBa’s Station (8.5/10) 推薦程度：🔥🔥🔥🔥 (5🔥為最高)今次黎到荃灣食好西，荃灣路德圍海壩街就出名多野食嘅，平時我經常去依兩條街掃街。海壩街就有一間正宗印度🇮🇳餐廳，平時無乜食印度菜嘅我一於就試吓正唔正先我叫左Butter Chicken (橙咖喱 番茄底) ($85)，屋企人叫咗 Fish Makhani (橙咖喱 番茄底) ($85)，未講嘢食之前。依間鋪本身應該唔多人識，我住喺附近都無乜留意到，直至杜生係YouTube 介紹依間餐廳先識。依間餐廳座位唔多，所以多數去到都要排隊，即使我哋個日特登唔係Lunch time 時間去都好多人排隊，等左25-30分鐘先入到去，好食嘅嘢就要排隊㗎喇，不過一切都值得嘅⋯⋯Butter Chicken (橙咖喱 番茄底) ($85)價錢偏貴💸，特別係度黎講算貴野，值唔值得就試過先知。賣相真係幾好，有個鍋仔裝住我叫嘅Butter Chicken ，個咖喱12OZ配埋油酥餅、飯同埋沙律，依個係一個套餐。單點個咖喱大份啲有16OZ，價錢同套餐一樣。以我所見全部人都係叫套餐，套餐乜都有唔使諗，同埋應該抵啲⋯⋯講咁多試吓個

//#黃店地圖系列間野叫：BaBa's Station邊度黎：荃灣海壩街81號地舖環境點：暗沉的燈光呼應著印度濃厚的神秘感 店員唔鹹唔淡的粵語為香港注入懾人的異國風情 人龍依舊 建議6點左右好去排定隊🌝：LateShow Yellopenrice小店之一 店外貼滿文宣 有出售手足手藝品做籌款 老闆娘更親自派手足所設計嘅利是封同揮春比食客 提供ba1 ba2免費餐比學生 並親身到場支持運動▪橙咖哩雞(包油酥餅+飯+沙律) $85 8.5分 睇完Yellopenrice之後忍唔住要黎灼灼佢 呢個butter chicken果然名不虛傳 咖哩加入番茄底 微酸帶辣好鬼過癮 沾埋油酥餅食簡直一流 雞件全部已經去曬骨 零雪味 仲要夠入味 仲有陣燒烤香味 值得一提佢個油酥餅 咬落有層次感 近似酥軟版嘅手抓餅 好想瘋狂食曬佢啲油酥餅啊 飯就一般般 有些少軟爛 下次問下老闆娘飯可唔可以換做油酥餅先～▪傳統咖哩雞(包一份naan) $708分另一款傳統咖哩 雖然味道上不及橙咖哩驚喜 但係都好香濃 質地夠杰身 值得一讚係份量剛剛好 唔會食完仲剩低成兜齋咖哩 強迫症加不浪費食物主義者表示 終於唔洗覺得曬左啲咖

睇完杜生介紹專登來幫襯，舖頭真係好細下，排隊唔算好耐，幾個字左右，門口放咗黃薑水，免費添飲，有助排毒，又幾sweet 播店內充滿文宣，明確嘅立場🖐😷☝️研究左個menu好耐，原本想食黃咖哩雞，但唔知落錯單定係來錯左，食落應該係蕃茄咖哩，不過都好好味，好足料，不過略嫌雞肉太碎，如果大舊d應該會更加好味。油酥餅酥脆香軟，好好味，另外追加左蒜蓉烤餅都唔錯，不過都係覺得油酥餅好食啲豬勁肉唔掂喎，切得太薄，好乾啊，成塊燒完再切開會冇咁乾個honey lemon tea幾好味，我幾中意。

晚上食飯時段7:30抗疫時期都需要排1 小時隊，8:30 才有位不過值得環境稍為狹窄，枱與枱之間距離很近但服務好，食物質素高咖哩角真係必食，入口鬆化又不油膩支持小店加油

又到放假去搵食既日子喇! 今次帶兩個朋友去荃灣搵食!第一站揀左去最近名氣大增既巴巴站食下D異國風情野先~講返喇, 佢未出名之前我已經食過好幾次, 當時多數都係食咖哩, 因為好食所以成日都叫同一樣今次黎到, 我同自己講一定要試其他野!!最終我揀左雞肉Kebab, 因為前一晚有少少想食Kebab, 所以唔使好耐就決定到喇~但估唔到既係我個兩個朋友都係揀Kebab.....原因係佢地覺得Kebab會冇飯咁飽喎點知食完後大家都超飽呀!雞肉Kebab配沙律 - 先講講沙律, 佢地既沙律簡簡單單, 勝在夠新鮮!至於Kebab, 入面既材料都好清新, 味道唔會太濃, 菜比肉多比較健康!唔想重口味既話我絕對推介大家食Kebab!雜菜Kebab配薯角 - 呢個得意喎! 入面除左有菜, 仲有炸薯蓉咁既野, 好食呀!! 薯角就正常水準喇!牛肉Kebab配薯角 - 而牛肉就比較乾少少, 但都可以接受~印度奶茶 - 茶味係幾特別既, 但就甜左D喇!總結: 呢度既午餐好抵食架!! 味道OK~值得繼續支持一下!

朋友生日說試試這間店，於是便進了這間小店試試。外面看這間店很別緻，有一個小型吧枱在門口，可能是方便客人等位的時候可以坐坐。而裡面的空間則非常小，可能客人需要遷就一下。這間店的食物都是由印度老闆親自研究烹調，侍應也是印度人，所以點餐的時需要用到英文。印度傳統香燒雞----燒雞的雞皮烤得很脆，油脂分布平均，而內裡的雞肉也不乾，還鎖住了肉汁在裡面，加上香辣的辣粉一起烤，非常惹味，外焦內嫩的雞肉配上自製的青醬，十分配味。青咖喱配雞套餐----客人可以單點青咖喱配雞，或點套餐:青咖喱雞+油酥餅+飯+沙律。先說說主角青咖喱雞，不能吃辣的朋友可以點這個，因為是用菠菜底去煮，很健康也不辣，配上雞肉去煮非常入味。咖哩煮得很濃稠，落足配料去煮，配上白飯和油酥餅非常夾味，旁邊還有沙律配搭，吃咖喱前先吃一些沙律，開胃又清新。傳統咖喱海鮮單點----這款咖喱比青咖喱辣少少，但可以接受，並不會非常辣，裡面海鮮非常多，而且都新鮮肥美，有魚柳，鮮魷等等海鮮，配合油酥餅非常惹味，油酥餅很厚實鬆軟，外層酥脆，內層煙煙韌韌，一吃便知是人手自己製作。蒜蓉烤餅----這個烤餅是單點的。這款烤餅比起油酥餅比較薄，而且沒有油酥餅的

本來覺得間店舖吾太覺眼、而且位比較少，見系黃店所以就去試試一試難忘，因為系午餐時間去食，所以價錢冇甘貴。叫左個飯同牛卷兩樣都好好食，外邊食吾到既咖喱呢～所以值得你去試。但吾好預份量大，比較少，男仔可能吾夠食

到路德圍食嘢當然係要支持下小店啦， 今日中午呢就想食下印度菜， 見到呢間小店位置唔多得四五台， 仲要坐得好逼， 咁就啱啦呢啲先係小店嘅風味。 為咗食地道嘅咖哩重要 等一陣先入到去， 排排下發現原來仲有好多客喺度排緊， 就知真係正。我哋每人都叫咗一份咖哩， 特別係我就最鍾意用咖哩汁點薄餅， 當然啦如果你係怕肚餓嘅就真係要叫飯先得， 所以我嗰幾個大隻同事都叫咗啲飯。 雖然都家呢就唔大兜， 但係香料好足， 有地道風味， 最開心係叫咗你杯芒果lassi， 真係覺得自己去咗印度