巴蜀烤全魚 (已搬遷) 新店位置

我不太喜歡吃魚，因為怕多骨。但自從吃過巴蜀烤全魚之後，便愛上了這裏的烤魚。今日午餐時間去光顧，因為先前早餐吃得太飽，所以轉而試試椒鹽鱸魚，想不到竟然有意外驚喜。全條魚外面炸得甘香鬆脆，連魚骨都可以食埋，但毫不油膩。難得裏面厚厚的魚肉又滑又嫰，配湯飯或湯米線皆宜。大大碗魚湯又鮮甜美味，冇落味精，差些兒連心愛的玻璃樽裝零可樂都喝不下。超滿足。今次來是午餐時段，滿座又頻頻有客人買外賣，原來烤魚也可以外賣，包裝美觀又方便携帶。此外，有朋友推薦水煑魚，下次可以一試。

朋友好喜歡食魚，我就好喜歡食酸辣食物，所以咪揀咗巴蜀烤魚。間鋪真係唔係好大，限聚令下亦滿座。店員話要等😱，既然到咗，想必一定唔差囉。就決定等位，好彩，都係等咗10分鐘啫。店員介紹下，我哋叫咗個酸辣豆角少邊魚，少少酸辣，魚身多肉，不多骨，啱晒我同朋友的要求👏🏻叫了肥牛串，雞肉串，各兩串。雞肉串燒，仍可保存肉質嫩滑👍🏻。肥牛串係一大條，抵！因為摺埋黎燒，朋友覺得有D地方不夠熟，所以放落烤魚煮多陣，其實咁樣煮多一陣，又另有一番味道😂我哋又想試吓其他嘢，於是再點多份口水雞，可以飽肚D。這間巴蜀烤魚的口水雞D醬汁與別不同，係落芝麻醬，也有少許辣，雞的分量不少，肉質鮮嫩，味道配搭也不錯！😍溫馨提示：飲品要揀X福堂，夠大枝呀！因為佢哋D汽水係細枝裝（飲一枝係唔夠㗎😂）

今日去咗男朋友屋企樓下嘅一間四川店食川味魚 我不嬲都鍾意食重口味 所以叫咗一個麻辣味既細邊魚 小辣 $148 另加咗$40配菜 有金菇 大豆芽 芹菜同秀珍菇 條魚一上份量好大 我同男朋友一度質疑佢係咪嚟錯咗size 條魚會有埋火爐上 所以長期可以keep住溫度 條肉魚質唔會“鞋” 仲越煮越入味好惹味 至於配料全部都係吸味之選 新鮮分量多 食完夠曬飽 另外我哋叫咗兩隻雞全翼 脆卜卜 好好味 最後店員仲送咗兩碗細細碗嘅魚湯畀我哋試 魚味濃郁唔會腥下次再黎試下去過魚湯米線先

位置於紅磡，係何文田地鐵站b1出口行幾分鐘就到達巴蜀烤全魚，每次經過都被那麻辣香味吸引，終於今日的起心肝去排隊試一試！這間「巴蜀烤全魚」的確沒有令我失望！入到去緊係先點佔咗9乘枱都叫既烤海鱸全魚啦，我地擇咗小邊香辣味，再叫多三個小食就啱啱好！先黎咗三個小食，有涼拌麻辣海帶絲，蒜泥白肉同尖椒皮蛋。太多小食比我選擇，先揀呢三款，下星期再約其他朋友再食過😂沒有誇張這是我近來最好食的烤魚，一大盤魚是用小火爐盛住，一邊吃邊烤！魚一大條，魚肉非常滑溜，啖啖魚肉！烤魚新鮮惹味，份量好夠，送飯一流！令人回味無窮。

/ /好耐都冇食過巴蜀烤魚啦！香港都好少地方有得食，今次去開紅磡，經過呢間見到好多人食，忍唔住都試咗😛✨小邊烤魚因為我兩個人食，所以只係叫咗半條魚🐠都係啱啱好食得晒，烤魚好香，肉質嫩滑，真係烤得啱啱好！我都揀咗小辣，食落都唔算好辣！另外仲加咗一份萵筍（$25）份量都算多，放埋落去一陣，食落好爽口✨尖椒皮蛋呢份皮蛋好特別，有埋青椒！但係食落好香嘅花椒味！皮蛋都算新鮮仲叫咗兩串串燒試下，要兩串起跳✨羊肉串&雞肉串我個人鍾意雞肉多啲，嫩口不過羊肉串都好香嘅羊味不過呢一間店舖嘅員工會比較有性格平時都好多人食，所以點餐嘅時候要講清楚啲但係整體速度上菜都好快

天氣轉冷，是食烤魚的好時間。餐廳開業多年，可以食到烤魚正宗風味。點了一份涼拌青瓜。青瓜爽脆，蒜泥多，生蒜辣味出。烤魚有不同味道和辣度選擇。 點了小邊烤魚，酸豆角味。烤魚放在大盤上，盤下放了數個小火爐，保持溫度，不會鋪滿油。小邊魚也很大條。烤香表皮，魚很鮮味。魚骨是屬大條分明，魚滿多肉。酸豆角帶出鹹酸味，魚愈煮愈入味，愈香。可將湯汁配飯，同樣吸引。風味串燒很吸引。點了大漢羊肉串和鹽燒元貝。羊肉串，羊味很重。燒過後的孜然味特別香，惹味串燒。元貝串，簡單用鹽帶出海鮮味。肉質爽口。

今晚同四川朋友一齊去了紅磡一間專食烤魚的店舖，我的四川朋友亦是從他的朋友中介紹得知這間店舖並稱讚食物相當不錯！這間「巴蜀烤全魚」的確沒有令我失望！首先我想介紹就是蒜泥白肉，它與別不同之處是青瓜夾在中間令到蒜香的白肉香之餘食到清新的青瓜好清爽且不油膩！尖椒皮蛋都好好食因為我覺得其他店舖的尖椒皮蛋比較油膩但這間就沒有這種感覺，它辣中帶甜原因是用了甜豉油的緣故。最後端來了烤魚，魚面上鋪滿了豆豉令到魚肉滑之餘味道十足，沒有誇張這是我近來最好食的烤魚！我還記得當晚師傅從廚房出來看食客還對我們打招呼並且展開和藹的笑容，反應出他重視客人而我們被重視這點亦是相當重要的！

今日就打完波就泥度紅磡啦，見天氣開始凍啦，就想食返啲熱辣辣嘅嘢，就嚟到呢間巴蜀烤全魚。入到去，坐滿左一半嘅座位，當中有四台都係內地人。見佢哋都嚟呢度捧場，我諗到個風味都會幾正宗喇。咁見open rice 平時呢食評都係食晚餐食佢嘅邊爐烤魚啦。咁今次呢午餐我哋就叫咗兩個米線，分別係一個椒鹽原條海鱸魚米線，同埋一個係麻辣酸菜水煮黑魚片米線。佢嘅海鱸魚唔算係太鹹，同埋骨肉分離，條魚算新鮮。做到皮脆肉嫩，代表火候控制得好。魚湯呈奶白色，無魚腥味。入口舒服。酸菜魚湯辣度適中，魚片嫩滑。份量夠飽。可以一解心癮。烤羊肉串，夠羊味，調味剛剛好。肉唔會太細粒而唔夠口感。

味道还行，但是店员服务态度太烂了，明明计算三百整的费用最后要了403，还拒绝给小票，再也不来了。另外店员故意听不懂普通话，要了一瓶可乐给了两瓶。看中了大边烤鱼不停说大边普通鱼有刺不如来一个鲈鱼，说了十几遍，上菜速度奇慢无比。

和朋友打乒乓球，之後在紅磡逛街，順道吃烤魚。餐廳冷氣足夠。酸菜味烤海鱸魚208元（送兩碗白飯），長方形盆裝載，底下三個小火爐，將湯加熱。海鱸魚是預先烤香了，再吸收熱湯味道，內質嫩滑，魚味鮮甜不腥，配搭少少酸菜一起食，很滋味，湯底有大量大葱和少量莞荽，提升味道層次。串燒肥牛卷每串14元，份量大，牛肉味濃，還有鹽味和香草味，抵食好味。串燒元貝每串14元，有五粒元貝，烹調時間掌握得很好，保持肉汁鮮味，值得推介。樽裝可樂13元。總結：美味抵食

早排見到呢間嘢晚餐時段就都多人排隊，都因為咁食過一次烤魚，坐得唔舒服加上職員態度差。今次隔一排又想食米線就諗住幫襯下，叫咗兩碗米線，叫外賣都等得耐，職員態度依舊係差返到家打開外賣食，湯底食落係冇咩味精，果底湯係好淡的魚湯黎，不過係加咗好多水淡哂，得返非常少量魚味，米線份量都幾少下，食完唔太飽。米線入面雞先難食，非常難食的雞，有雪櫃味，臭味同酸宿味，應該煮過程出咗問題，係一碗俾好多雞肉吖，不過全部都臭臭同有雪櫃味，非常難食，大家如果真係要黎呢間食嘢，千萬不要叫米線。不過烤魚都好一般，唔值得再去幫襯，我唔會再去買嘢食了

好想食烤魚，聽講紅磡呢間係烤魚專家，就立刻去試試。入到店舖之後，店員熱情咁招待我們。味道有好多種：香麻辣味，豆豉味，泡椒味，香辣味等等1️⃣香麻辣味大邊 $208我們叫了小辣鱸魚，鱸魚肉質鮮嫩惹味，辣味好足。包左兩碗白飯🍚，好夠飽。🙆🏻‍♀️美味指數:7.12/102️⃣大漢羊肉串 $14/串羊肉串很肥美，肉質彈牙，別有一番風味。🙆🏻‍♀️美味指數:7.15/10💡整體來講，性價比不錯👍🏻，去黃埔一定要試！巴蜀烤全魚 (紅磡)地址🐾:紅磡蕪湖街66號地下

星期三晚諗住會少啲人，所以Walk-in去食烤魚。6:45去到，原來已經要等3張枱，好彩都唔算等咗好耐，20分鐘已經可以入座。我哋2個人點咗酸辣烤魚(大邊)+送2碗白飯+麻辣豬大腸+3串羊肉+3串豬頸肉+1支青島，埋單$385好合理。酸辣烤魚新鮮惹味，份量好夠，送飯一流。麻辣豬大腸好香麻香好入味。串燒豬頸肉夠有炭香，正反而串燒羊肉較為淡味咗啲。整體而言，食物美味，待應態度殷勤，好多都係佢哋熟客，小店味濃，會再幫襯

位於紅磡，但由何文田地鐵站b1出口會比較方便到達的巴蜀烤全魚，每次經過總被那麻辣香味吸引，但每次都見門口有小群人排隊而打消念頭，今次由於疫情關係少人出街聚餐，而造就今日唔使等位就食到第一次食，睇唔明餐牌小邊大邊是什麼？！店員笑住咁講解，其實係一條魚切開一半，比較大邊的是大邊，細邊的是小邊，真是大鄉里，那麼簡單，怎麼要問人見到旁邊客人來了一盤豐盛的烤魚，於是決定要小邊就可以了，這樣我們就可以試到其他小食點了酸豆角小邊加一個魚付，一盤滿滿的烤魚端到面前，不其然咀角笑起來，吞了淡口水，唔客氣了。第一次用酸豆角配魚食，既開胃又野味，配菜吸滿酸豆角湯底，送飯一流！聽到店員向其他客人推介麻辣粉皮，說味道是由師傅自己調配，跟外面味道不同，於是我們又點了一份。麻跟辣的配搭恰到好處，互不搶大家風頭！粉皮比較硬身，有咬感，果然跟外面的有分別！今餐超滿足，可能係因為想食好耐加上不用等位就食到，下次想食都要提早訂位了！

中午和朋友去尝试了烤全鱼，因为是紅磡的朋友推荐的，所以本身还有一些期待。尝试过後，大失所望。价格也并不算低，两个人午餐一共400（包括鱼和三个自己加的配菜），鱼偏咸，口感很干，而且吃起來不覺得新鲜。不知道是否生意不好，服务的态度也很差強人意，除了结账其他时候都爱搭不理的。不会主动倒水，不主动上饭（本來應送的），盘子脏了要求换的时候也是一脸不愿意，换了两个盘子都没是洗乾净还有污渍的（在疫情当下实在让人更加不安）……只收现金和支付宝，不收信用卡。体验挺不好的一次用餐，不会再去。