影片
港鐵太子站 B2 出口, 港鐵旺角站 B3 出口, 港鐵旺角東站 D 出口
繼續閱讀
電話號碼
26226161
開飯介紹
佈置堂煌的帝京軒馳名粵菜，成功演繹出中華美食的精髓。每天供應新鮮海產，午餐時段更有多款精緻點心。帝京軒除巧手研製粵菜外，並附設經典上海佳餚及北方各省名饌，為客人提供更多選擇。雅緻華麗的帝京軒，是宴會廳以外，另一舉行婚宴及社交宴會之理想場地。除美食佳餚外，這裡的顯赫裝潢及殷勤的服務，必會令客人有賓至如歸的感覺。
繼續閱讀
營業時間
今日營業
11:00 - 22:00
星期一至五
11:00 - 22:00
星期六至日
09:00 - 22:00
公眾假期
09:00 - 22:00
以上資料只供參考, 請與餐廳確認詳情
有關獎賞計劃
相關文章
已經是第N次和哥哥來飲茶。 因為朝早唔太人多，又唔洗等位，坐位舒適，空間感很足夠，枱與枱之間不會好貼。職員服務亦好貼心，有禮貌，食物水準依然保持高質，真的很難得。食物：每樣點心都做得好好，用料也是比較好，看得出用心製作。某些點心擺盤都有特式。 甜品： 桃膠燉旦白，滑香，賣相也吸引。茶： 茶味算幾好，入口滑，香濃，唔澀口鞋口，還有熱爐坐着壺茶，十分好。整體是十分好的酒店中餐廳， 我們會繼續來飲茶。支持支持本地消費。
繼續閱讀
間唔中會好想食返一盅兩件嘅點心，嘆下茶，又可以同朋友慢慢傾吓偈，過返個寫意中午💖💖今日約咗成班靚女去帝京軒嘆茶，試齊特色小菜/燒味、出色點心、得獎作品等，真係大滿足😝🔹胡麻高纖鮮淮山對腸道有益嘅高纖鮮淮山，有健脾之用，食落口感爽滑，配搭香甜胡麻醬，絕佳組合令人食唔停口🔹錦繡福豬三囍拼盤有齊化皮金陵乳豬件、明爐潮蓮燒鵝及金牌黑豚叉燒🔸化皮金陵乳豬件，外皮燒得香脆，帶焦香感，皮薄脆、肉鬆嫩🔸明爐潮蓮燒鵝，燒製至相當酥脆、肉質豐腴嫩滑🔸金牌黑豚叉燒，肉味極濃郁，燒至香氣十足，食落鬆軟略帶焦香，肥而不膩🔹珍寶水晶鮮蝦餃大大件珍寶鮮蝦餃食得特別過癮！晶瑩剔透餃皮透薄餡多，Q彈外皮包裹鮮美蝦餡，口感紮實🔹蟹籽玉帶燒賣皇燒賣皮Q彈有勁，包裹著鮮嫩多汁肉餡、彈滑帶子，為燒賣皇增添豐富味道🔹蜜汁焗叉燒餐包爆餡既雪山叉燒包滿滿香甜叉燒餡，鬆軟麵包包著JUICY入味叉燒，超出色🔹糖醋鮮蝦炸小雲吞經典香港小食炸得酥脆而不膩，外層香脆可口，內裡鮮蝦又夠彈滑，再沾糖醋汁，酸甜味美🔹脆脆芝芯蝦春卷冇諗過原來春卷配芝士係咁夾！金黃香脆春卷入口脆卜卜，咬開有半溶芝士同蝦肉，口感層次非常豐富🔹豉油皇銀芽帶子炒腸粉滑溜腸粉加入豉油皇、銀芽同炒，乾身得黎好惹味，色香味俱全～再加入鮮味帶子，肉質鮮嫩又豐厚🔹油鹽水浸北京菜薳翠綠菜心爽脆、軟腍適中，用上油鹽水浸煮法就更健康🔹龍焱今日有幸一嚐於中華電力「傳承低碳．全電煮食專業大賽」中獲得中式烹調金獎及「新型低碳電廚獎」之「龍焱」，屬陳文浩師傅得獎作品，三式前菜別緻又出色，活用龍躉魚柳每個部位，充滿夏日氣息，盡顯師傅專業技巧及創意！🔸可愛春卷包裹紫洋蔥、蒜蓉、辣椒，香脆辛辣又刺激🔸精美花朵食落竟然係酸菜魚口味，底部仲有蟲草花、木耳，創意滿分🔸香脆杏仁片配搭魚皮、魚蓉，口感軟滑、賣相一流🔹四季豐料老火湯章魚老火湯，具補氣養血、潤腸通便功效，湯頭美味濃郁，夜睡火旺者特別適合飲用🔹櫻海老海皇焗蟹蓋蟹蓋釀入鮮拆蟹肉、櫻花蝦、姬松茸、煙肉、雞髀菇、帶子、皇帝蟹柳等，材料極之豐富，再加入忌廉汁烤焗至金黃色，漲卜卜表面睇見都都好吸引！一啖入口層次感十足，滿滿海鮮及鹹香味，令人回味無窮帝京軒✨📍旺角太子道西193號帝京酒店3樓
繼續閱讀
得閒飲茶呢句說話真的可圈可點！但對著一班美女絕對是承諾，於是便造就了這天兩個墟的大飲茶日。上趟跟美女們一起於獅房菜晚餐時提及帝京軒美味點心，即場便相約上這天的午間開心聚會。先來一客胡麻高纖鮮淮山$118！鮮爽的淮山跟胡麻醬是天生一對的情人，在這熱燙的天氣下帶來一陣涼意吃得舒服。帝京軒的燒味從來也是高水準這錦繡福豬三囍拼盤$388也不例外！內裏包括有化皮金陵乳豬件、明爐潮蓮燒鵝及金牌黑豚叉燒，乳豬皮脆肉嫩口感非凡黑豚叉燒質感嫩滑肉香滿滿，但說到最喜歡我會揀燒鵝喜歡調味不會過多吃到鵝肉的原汁原味，加上甘香鵝皮真的叫人非常回味。點心非常貼心可以點選兩件或四件的份量！就算二人同行也可品嚐到多款不同的點心，只來的是珍寶水晶鮮蝦餃$68/2件、$88/4件。超碩大的蝦餃皮爽滑餡料豐盛令嘴巴非常滿足，喜歡澄皮夠爽滑不會黏牙大蝦餡非常爽口鮮甜好吃。蟹籽玉帶燒賣皇$68/2件、$88/4件除了豐滿肉餡之外還加上帶子，令一粒普通的燒賣添上一份矜貴的鮮味。蜜汁焗叉燒餐包$58/2件、$78/3件！外層有一片香脆的雪山皮，內裏盡是香甜的蜜汁叉燒餡，拼奏出既經典又好吃的組合。香口炸物當然少不了糖醋鮮蝦炸小雲吞$148/6件，香脆不油膩的雲吞皮包裹鮮爽大蝦，沾上糖醋汁來品嚐大人細路也抗拒不了。如果喜歡芝士的朋友就別錯過這脆脆芝芯蝦春卷$58/2件、$78/3件，同樣是春卷但內裏加了半溶的芝士，不只賣相吸引味道還添加上芝士鹹香非常討人歡喜。腸粉我喜歡吃炒的這客豉油皇銀芽帶子炒腸粉$158正中下懷，炒得焦香又爽滑的豉油皇腸粉好可口，加上爽脆的銀芽和鮮味帶子就更加吸引了。吃了這麼多煎炸美食來一客油鹽水浸北京菜薳$108就最適合不過！我們這天得到的是清爽腍甜菜心。接下來幸福地可以品嚐到陳文浩師傅的得獎作品！這道菜於中華電力「傳承低碳．全電煮食專業大賽」中獲得中式烹調金獎及新型低碳電廚獎好叻叻啊。得獎菜正是這道精緻的龍焱$188！是一客滿滿心思的三式香辣前菜。先品嚐像春卷的沙律卷！內裏包裹著紫洋蔥以蒜蓉辣椒調味，口感香脆之餘更非常惹味。然後這件像繁花似錦的是酸菜魚味花朵！咬口有點像魚腐內裏帶有酸菜粒及木耳墊底還有蟲草花，影像跟口感反差超大非常有驚喜。最後這件以魚皮釀入魚蓉再以杏仁片仿魚鱗成件事非常細膩，吃下魚香四溢加上芥末口味的爽口配菜共嚐好刺激味蕾。四季豐料老火湯$88/位也不是省油燈！我們這天得到的是章魚老火湯，濃郁香甜的老火湯越喝越正味道非常舒服。櫻海老海皇焗蟹蓋$158/位！以鮮拆蟹肉配上櫻花蝦、姬松茸、帶子、雞髀菇、煙肉、皇帝蟹柳等釀入蟹蓋，那飽滿的賣相非常圓潤好吸引，蟹蓋面層焗至色澤金黃又靚又香脆。一匙羹內盡是啖啖鮮香蟹肉，還加插了炒香的洋蔥絲配搭香濃幼滑的忌廉汁，口感跟味道也做得非常極致令人滿足，喜歡嚐鮮的朋友萬物錯過喔。快樂時間過得特別快又係時候講Bye Bye，期待下趟再跟大家一起去吃好西。
繼續閱讀
一行五人想飲茶，找酒店級食肆，看食評，選左帝京軒。價錢不平，遲左到，結果食咗個下午茶，之前都唔知有，係餐牌嘅八五折。食物如下：1）焗蟹蓋： OK2）黑豚肉叉燒：不好吃，硬。不建議吃。3）鹹水角：好味4）雞包仔： OK5）蘿蔔糕： OK6）叉燒包： OK7）糯米雞： OK8）蝦餃：好味10）蝦腸：腸粉皮好薄，最好卷多一卷。我覺得唔似一般傳統嘅蝦腸。11）帶子燒賣： OK12）潮州粉果： OK13）牛肉球： OK大概食咗咁多嘢，比一般普通酒樓好少少，價錢是1400多元，已經折咗八五折，其中叉燒最貴，最不值得。我覺得冇嚟過嘅人都唔需要再嚟。另外，成個帝京軒有一陣好奇怪的汽車廢氣味。同酒店酒樓反映咗，也沒有太大改善。也沒有向客人回覆有關查詢。整體服務未見用心，個別酒樓男經理稍好，其他都一般。
繼續閱讀
近嚟濕立立真係冇乜胃口！不過諗起之前喺帝京軒食嘅春日菜式，啲餸好清爽仲好滋補添即刻覺得有返啲餓意，我哋食呢個叫做春曉宴總共有七個菜咁多，第一個叫做滋潤、三弄入面有三款唔同嘅前菜擺碟好靚仔。第一樣係超可以代表春天嘅豌豆伴春筍！以為佢好清點知原來用腐乳嚟煮，所以呢個味道係清中帶濃幾得意喎。中間嗰件係海參龍爪菌，炸香咗之後嘅龍爪菌食落有啲脆脆口感菇味都好香我就幾鍾意，件海參整得好煙靭咬落去口感好好，同埋煮得好濃郁入味好好食呀。最後呢個係蔥蒜蘿蔔餅！蘿蔔絲加蝦米同埋蔥蒜喺入面炸成一個小餅，炸到脆卜卜口感好香脆食落去清甜又惹味。跟住嚟呢道菜係鮮淮山銀鈎炒澳洲鮑片！睇落去好似碟小炒王咁不過入面加咗鮮甜嘅澳洲鮑魚，加埋清甜嘅蒜心、淮山同埋鹹香蝦乾香口到不得了。鍾意食蝦嘅朋友千祈唔好錯過呢隻白松露汁香焗虎蝦皇！大大隻嘅越南虎蝦新鮮爽口又彈牙，師傅用咗白松露嚟煮個汁香到一個點呀。跟住呢一道菜係橄欖油胡椒無骨馬友魚！師傅將馬友魚起成魚柳跟住攞去炸到香噴噴，外面乾身唔油膩入面嘅魚肉好紮實，點埋秘製嘅黃豆醬一齊食仲正斗。食到呢度我哋散叫嘅砂鍋蝦頭油乾煸花膠嚟到我哋面前即刻煮，師傅全副武裝將材料逐樣逐樣炒香，然後加入鮮甜蟹肉同埋養顏花膠，呢個時候啲女士們梗係睇到嘩嘩聲啦！呢個花膠加咗蝦頭油同埋蝦籽嚟煮，同平時炆嘅花膠完全唔同食法！花膠食落去好煙韌蟹肉又鮮甜，唔好話女士們連我哋呢啲麻甩佬都覺得充滿骨膠原好正斗。食完花膠就要跳返去春曉宴嘅第五道菜！呢個時候上個貴州竹笙繡球菌菠菜苗超正，竹笙口感爽脆繡球菌菇味香濃，加埋啲滑捋捋嘅上湯菠菜味道好清新，解膩之後又可以繼續擦大餐。呢碗係生拆嘅薏仁小米泥鯭粥，不嬲都鍾意食粥嘅我覺得呢碗用薏米同小米嚟煲嘅泥鯭粥都好唔錯，加埋入面有好多鮮甜嘅拆肉泥鯭呢碗粥真心吸引。呢個餐嘅甜品有兩款咁多！一個係燕窩蘭香草莓糕另外一個係桑寄生首烏蓮子蛋茶，講個樣梗係個草莓糕吸引啲啦。呢個草莓糕上面擺咗養顏嘅燕窩，中間透明嗰層係用蘭香籽造成嘅啫喱層，下層就係用草莓做嘅糕底層次感好豐富，最緊要係味道好真同埋唔會好甜。呢碗桑寄生首烏蓮子蛋茶個味道其實都好香，入面仲加咗首為啱晒我呢啲麻甩佬食，不過我就唔係好鍾意食熟雞蛋，但係成碗糖水我係覺得好味嘅，呢個餐喺3-6月食得到，喺酒店訂位仲有8折優惠抵食好多㗎。
繼續閱讀