康瑞涼茶 (已結業)

偷得浮生半日閒，決定一試康瑞的仙草百配，準時4點05分到達，誰不知已坐滿半場，真係不得了！亳無疑問的點了1號餐，特式仙草百配（$25）。等了幾分鐘，主角終於上場！嘩，材料十足，單是地瓜圓芋圓都差不多有廿粒，加上仙草、西米、紅豆等各式配料，口感很豐富！地瓜圓及芋圓有嚼勁，完全沒有粉感，鮮草滑滑嫩嫩，一入口就滑到喉嚨去了☺ 不過整碗吃下來，其實全都是糖水味，有點過甜，如果可以加重花奶或椰汁，相信會更切合香港人口味👍

朋友同我都好鍾意周圍覓食😋食完晚飯10點幾，雖然都已經有啲飽🙈但女仔不嬲都有多一個甜品胃架啦😝喺深水埗就食左最近比較出名既芋圓啦 一去到，比等候既人群嚇親，不過都照攞票先！跟住就等。。等。。。等。。。。雖然得兩個人，但都冇快啲有位😿等位真係等左好耐，差唔多等左半個鐘🤦🏻‍♀️終於有位啦😍睇一睇餐牌，選擇唔算好多，但黎得都係諗住食芋圓仙草嗰啲，所以我地好快就點左兩個凍特色仙草百配，$25好抵食店舖效率唔錯👍🏼好快就到啦😍無諗過呢個價都可以食到咁大碗，味道又好味，仲好足料，有芋圓，地瓜圓，小丸子，薏米，紅豆，仙草，西米等等😋😋 地瓜圓同芋圓味道就唔算好香，但都對得住個價錢，特別鍾意佢地夠煙韌，仙草亦都夠曬滑😋

好彩早左少少嚟食 如果唔係要排好耐隊今次揀咗喳咋中式糖水嚟食地瓜圓芋圓一樣好足料煮得啱啱好價錢比想像中平 只係20幾蚊原本以為會好糖水同地瓜圓芋圓唔夾結果出奇地夾會介紹俾朋友食

見到身邊唔少朋友去試呢間鋪頭自己都心郁郁忍唔住去試吓本身以為中式糖水同芋圓唔夾所以試咗腐竹白果糖水加地瓜圓芋頭結果出奇地好食 地瓜圓煮得啱啱好唔會太過淋 仲有好多啦腐竹糖水亦夠味價錢仲好親民 只係20幾蚊值得下次再嚟試其他口味!

距離上個月中第一黎食，事隔半個月，年初九我地帶埋兩位朋友一齊再黎康瑞，當日係大年初九，時間都唔早，但依然有唔少人喺外面等位。最終都等左接近半個鐘先入座，我地預先已經諗定想食乜~我上次都提過，唔知點解我果仙草百配碗同大部分人影相嘅有少少唔同，鮮草較多，芋圓相對少。今次呢碗份量明顯正常好多~我諗真係唔同師傅做係有微微分別。特式仙草百配 $25今次依然覺得佢地嘅仙草好滑溜，係食過最滑，完全唔會好似其他糖水店咁，食仙草好似食涼粉咁。而最重要係仙草甜度適中，唔會好似食緊甜水。至於芋圓、地瓜圓、小丸子，今次係比較失望。因為我記得上次食，地瓜圓係甜甜地幾好食。三款食落都好煙韌，細細粒，可惜唔知點解完全冇味…3款都係淡茂茂…唔知新年間休息左幾日有冇影響。綠豆沙配芋圓、地瓜圓、小丸子 $25男朋友今次點嘅係綠豆沙配，佢話上次試過紅豆覺得好食，想試埋綠豆。綠豆沙食落清涼，唔會好杰身，尤其我地剛燒肉完，食一碗綠豆沙確確係有助解膩。甜度剛好，不過男朋友都係鐘意紅豆沙果款，佢話有椰奶再香啲。椰奶紅豆沙配芋圓、地瓜圓、小丸子 $25紅豆沙同上次感覺一樣，都係好好食。由於加入椰奶，帶少少奶香，又冇傳統紅豆沙嘅膩。可

首次去太早摸門釘後，直至有一天的黃昏終吃到這間醫館附設的奇店「康瑞涼茶」。此店四時後會兼賣台式的仙草甜品。最有趣是醫館內有很多人，不是看中醫，九成都是吃仙草的，有趣！不過這情景已成過去。去年底，「康瑞涼茶」搬了新鋪並變身「康瑞甜品」，坐是坐得舒服了，但感覺還是坐醫館食時有風味。幸好的是食物水準沒變。基本上每次不論堂食或外賣，都係食「特色仙草百配」，今次亦無例外。這個「特色仙草百配」有仙草、地瓜圓、芋圓及小丸子。芋圓及地瓜圓好煙靱有咬口，完全是台灣人形容的「Q」口感，配埋滑滑的仙草，讚呀。

深水埗久仰大名既康瑞仙草芋圓，成日聽朋友講好好食好好食，今日終於試到啦，果然真係好好食冇介紹錯呀，但鋪頭環境就麻麻普通涼茶鋪，但聽到d人講鋪頭遲d會轉鋪，形左做糖水鋪，座位會好好多，但想食真係預左比d耐性花時間排下隊先有得食！黎到緊係食招牌糖水，特式仙草百配，碗內乜都有乜都可以試到，仙草，芋圓，地瓜圓，紅豆，綠豆，西米，薏米，仙草滑嘟嘟同涼粉有d似但好食過涼粉，芋圓，地瓜圓煙煙韌韌好好味，又重芋頭同蕃薯味，紅豆綠豆都好夠淋身，西米，薏米淋淋爽爽口感都好好！椰奶紅豆沙配芋圓，地瓜圓，小丸子，幾種丸都好煙煙韌韌，真係好like呢種口感，加埋花奶又滑d又香d，甜度岩岩好，非常好食！

以前佢未搬鋪頭個時食過一次，到佢開左新鋪再試，水準依舊冇變，仲一樣咁好食同抵食，雖然依家越開越多賣芋圓既糖水鋪，但最鐘意都係康瑞，口味最接近台灣既味道，唔會花巧，價錢公道

特色仙草百配:芋圓, 地瓜圓, 小丸子 HKD25一直想試試康瑞涼茶, 感覺好特別, 既是醫館, 也是涼茶店, 但同時也提供中式糖水, 聽聞足料, 大碗, 抵食….由醫局街搬到附近的荔枝角道, 終於搵到機會去試終於上枱了, 嘩! 真係幾大碗wor….主角之一的仙草, 已經好耐無食過仙草喇! 好多人話仙草 = 涼粉, 不過我可以話你知, 絕對係兩回事, 仙草有佢獨特的香味再嚟就係芋圓, 地瓜圓…絕對唔hea, 咬落有芋頭香味, QQ感十足, 啱晒 #煙韌控 嘅我, 再加上小丸子, 珍珠, 薏米, 西米, 紅豆…煮得好綿, 最後仲有忌廉奶, 令成碗糖水添上奶香HKD25咁足料, 好味, 絕對抵食

康瑞涼茶本來只是一間平平無奇的中醫暨涼茶舖，忽然一炮而紅的原因就只是一碗五彩繽紛的豐富芋圓糖水。如今新店獨沽一味售賣甜品，款式不多，大都離不開中式糖水及芋圓。特式仙草百配 ($25)兩碗特式仙草百配，一冷一熱，賣相卻南轅北轍。熱的一碗芋圓等材料全部沉底，飄浮於面的只得烏黑墨漆的仙草，賣相不符網上圖片。冷的一碗賣相討好得多，至少能看得見多款材料於面。芋圓及地瓜圓口感軟糯，冷的比熱的煙韌有嚼勁，略帶甜味不過芋頭味和地瓜味欠奉。另外配有薏米、仙草、西米、珍珠、小丸子及紅豆，相當豐富養生。雖然芋圓糖水味道不錯材料豐富，但是其實沒甚驚喜可言，芋圓質素不算特別出色，勝在每天人手搓製，而且價格相宜，一試無妨，不過未必會再度特意光顧了。

糖水款式唔多，價格親民，20至25蚊就食到碗糖水~主要分桂棗雪耳、紅豆沙、綠豆沙、姜汁、西米露、仙草奶露，再配搭最受歡迎嘅芋圓、地瓜圓、小丸子~特式仙草百配 $25喺網上見過唔少圖片，發現我呢碗同大部分人嘅有少少出入…或者係唔同師傅做嘅都有所不同(?!)我呢碗就有大量仙草，仙草係食過質地最滑溜！「嗖」一聲就吞左落肚，仲帶淡淡甘香！芋圓、地瓜圓、小丸子都好煙韌、彈牙，唔會實的的，口感非常好， 甜度適中！當中仲有西米、紅豆、薏米、珍珠 ~以咁嘅價錢，能夠有咁多種類材料、質素，難怪咁受歡迎！椰奶紅豆沙配 $25因為加入椰奶，並唔似一般紅豆沙嘅顏色，糖水質地稀身，飲落更舒服、滋潤。裡面嘅材料豐富，既有紅豆、芋圓、地瓜圓、小丸子，仲有西米露！ 男朋友都覺得呢碗糖水唔錯，而且佢偏愛呢間嘅地瓜圓，唔會淡茂茂， 又有咬口桂棗雪耳甜湯 $20朋友點嘅係雪耳甜湯，飲落清清甜甜，特別係我地剛燒烤完，十分潤喉！其實加5蚊一樣有齊芋圓、地瓜圓、小丸子，但朋友就冇特別點材料方面見到有紅棗、少量龍眼肉、份量頗多嘅雪耳~味道就唔錯，可惜雪耳質素一般，食落太硬，唔夠爽滑，朋友都食唔哂。整體黎講，試過一次都明白點解康瑞人

boodmark左呢間餐廳好耐，11點左右黎食仲有好多人係門口排隊，不過，慶幸都係等左一陣，唔係太耐。餐牌選擇並唔係好多，都係20款內，但都可以做到咁多人黎食，真系好勁餐牌我地兩個人叫左三樣野食，特色仙草百配($25)，西米露配芋圓($25)，糖不甩($18)價錢一Ｄ都唔貴，仲好抵食！！特色仙草百配($25)好豐富足料既一碗糖水😱整碗糖水滿滿都係仙草、紅豆、薏米、西米、芋圓、珍珠，各樣材料配搭起黎，口感一流西米晶瑩剔透，芋圓軟糯，紅豆軟硬適中，配上花奶黎食，簡單又驚喜而糖不甩($18)係芝麻/花生湯圓黎架平時個Ｄ只係冇餡既湯圓，所以呢個好有驚喜！！再沾上椰絲花生砂糖，有種講不出既滿足，像小孩子捧著棒棒糖舔着吃那份滿足🍭

短短一個星期去左3次，因為經過，因為想試埋未試過既款式，因為太為食，3次食左5款唔同味道。本人心水係雪耳紅棗桂圓，偏甜但配芋圓清清地無咁膩。芋圓細細粒，咬下去吃到芋頭及蕃薯的味道，真材實料呢！仙草試了熱食，微暖非熱得噴煙那種，但見其他人多點凍食，賣相凍食較吸引，熱食似稀釋左既龜令膏。薑汁亦偏甜，未至有薑辣的感覺，而蛋花配上薑汁實在非常配合。聽人講話深水埗有間食芋圓既涼茶舖，從未曾去過老店，今次行經發現此店就在大街上，很容易就找到，食完先知道呢間就係想試好耐既賣涼茶糖水舖，真的沒有令人失望。

是日係深水埗睇完朋友比賽，食完個面，又好似唔係好夠喉，深水埗咁多野食梗係要挑選下食乜野再暖下個胃，又想食芋圓，女朋友介紹如果未食過可以黎呢度試下，咁岩黎到佢舊舖地址，原來佢已經搬左去新地方。好在都算近，所以好快就行到。但真係太多人，要等成15分鐘先有得食由於唔係好肚餓，想暖下個肚，就叫左個熱既桂花酒糟配芋圓望落去都唔錯，都幾香但食落口又另一回事，芋圓唔係太香唔夠咬口，比我預期中失望可能食過太多，而家有比較整體黎講就好似一個普普通通既酒糟蛋花糖水咁，而個芋圓又無乜特別

今次冒名而來，果然冇失望平日都好多人排隊，唔係揀極夜食唔會有機會直入座坐低望一望其他人叫邊一款，再望一望簡潔既餐單，揀左1號同3號~1號 - 仙草百配3號 - 桂棗雪耳其實2款都好好食，呢度最出名係芋圓，不過個人認為粉圓都好唔錯! 雖然唔知粉圓係咪即炒 (因為台灣夜市非常盛行即炒粉圓，再放落奶茶/茶，香港人叫"珍珠")，康瑞放落去果D粉圓都好香，帶點點炒燶左既味道。非常欣賞大家不妨試真D!