康瑞涼茶 (已結業)

食完萬發, 朋友就提議食呢間糖水。鍾意食芋圓嘅我即舉腳贊成呀!!! 之前都已經想食呢間芋圓, 都幾出面架!!!由萬發行過去大概10分鐘, 食飽飽行下, 當做下運動。去到等第2張枱, 一路等, 越黎越多人, 好彩早左到。等左10分鐘, 入到去, 座位係有少少逼, 小心啲行就得。朋友們一致要食特式仙草, $25一碗都算平!呢碗係凍嘅, 可以見到啲料喺面, 有芋圓, 地瓜圓, 西米, 薏米, 紅豆同珍珠。(唔知有冇漏左)呢碗係熱嘅仙草, 啲料喺底。兩碗我都試過, 覺得凍食好味啲, 芋圓同地瓜圓煙靭啲。另外其實佢地凍食唔算好凍, 怕食凍嘢嘅女仔可以試試。

聞說呢間店近期芋圓很出名，剛好友人有時間，岩岩遇著剛剛，就走左去試食。店舖小小不算大，坐得比較寬敞。糖水種類不多，主打芋圓及仙草，而且可以凍食、熱食。特式仙草百配 - 芋圓、地瓜圓、小丸子 （$25）此外仲有紅豆、薏米、西米、仙草，配料十分豐富，一次過可以滿足想食台灣芋圓糖水嘅慾望！😂不過芋圓、地瓜圓味道比較淡，只有Q彈。香滑腐竹蓮子配 - 芋圓、地瓜圓、小丸子（$20）腐竹蓮子糖水清香，入面嘅芋圓地瓜圓份量十分多，好像食極都食唔晒。整體都幾抵食，食到好飽！

之前係台灣第一次接觸仙草，貌似涼粉，以糖水形式溝芋圓一齊食。據說可以清涼退火丶生津解渴，所以係台灣掃完夜市食左咁多煎炸野，想下火食佢最好不過。依家係香港都可以食到佢，今次介紹嘅係位於深水埗嘅康瑞甜品。主打仙草丶芋圓嘅中式糖水。不過我本身唔太好涼粉類型嘅食物，所以我今次冇叫仙草系列，而點左分椰汁西米露同椰奶紅豆沙，兩碗都係配芋圓丶地瓜圓丶小丸子。芋圓即係淺紫色丶地瓜圓即係橙橙地色，其實食落去冇乜味，唔會食得出有香芋同地瓜嘅味，口感煙韌，有咬口。椰汁西米露淡味左D，椰奶紅豆沙椰奶則幾香，不過食完椰奶紅豆沙再食椰汁西米露，會覺得椰汁西米露更淡味。環境氣氛： ★★★☆☆食物質素： ★★★☆☆服務態度： ★★★☆☆

之前會係舊鋪買外賣，因為次次去親都好多人冇位～昨晚深水埗食完飯，就過來這邊食糖水+試試新鋪！第一次食熱既，好似比以前食凍既甜好多。個人不太喜歡太甜既糖水，所以扣左少少分。唔知係咪熱同凍既分別，但如師傅可唔咁重手落糖就perfect了！(因我外賣了一碗給媽媽，佢平時食開甜野都話呢碗野甜喔）$25，有咁多雪耳+小丸子/湯圓，好抵食！又冇加一收費！非常好！Keep it up!!

這是我第二次在香港的食店吃芋圓，第一次是在荃灣，已是四年前的事了。從巴士站走了十分鐘，便到達康瑞涼茶。這店舖面積不大，我們坐在近門口位置，點了兩款芋圓。男朋友是甜食愛好者，他點了左邊的椰奶紅豆沙配芋圓地瓜圓小丸子。紅豆沙味道不太甜，配以芋圓地圓的Q彈口感，很好吃。我點了簡單的特式仙草百配，份量也不少。仙草味道清淡，配以我本身不太喜歡的椰汁，吃進口裏味道也不錯。$25可以再嘗台北的芋圓味道，實在很划算，這小店很值得推薦！

幾個月前要食過一次康瑞 係舊店都打左篇食評 係舊店鋪頭雖然好細但係食落都真係好驚喜 芋圓好好味 於是今次食完晚飯特登係旺角搭車過嚟諗住試下會唔會有咩突破📍📍鋪頭比以前既大 寬敞🙆🏻 座位數目多咗一倍⚖️ 坐落明顯比以前舒服既😚個日大約9點左右到 人都算多 但就唔算等得太耐位 5分鐘時間已經可以入座⏱ 安排得幾清晰 所以大家係出面都幾有耐心咁等😚餐牌同之前好似冇變 都係有咁多款既簡 我地簡咗1, 3, 9 三款都係簡凍既😚 天氣凍食凍都係好正 芋圓我覺得食凍係爽同正既💕1: 特式仙草 我地覺得配搭唔錯 仙草質素高😚3: 雪耳甜 又爽口 桂棗都幾甘甜👍🏻 配搭埋我地覺得幾清新❤️ 冰冰涼涼既感覺 我個人最推崇哩款🙆🏻 但朋友就覺得比較甜😂9: 酒釀桂花 特別得黎幾夠酒味 有蛋花灑係上面 桂花淡淡清香💁🏻 不過我覺得酒味太重不過三人總結 芋圓同舊店相比 冇咁彈牙 口感同之前差咗d 朋友話應該係配方改咗或者粉既份量唔同咗 所以令口感冇咁有咬口🤔不過我覺得都仲幾好味 可以再試 以哩個價錢係香港食芋圓😚 質素又唔差既 康瑞係可以多試既 不過會期望下次更好😬😬

與友人旺角飯聚後 想食啲中式類型既糖水便從旺角散步至位於深水埗既康瑞涼茶之前舊鋪一路都是外賣為主但今次轉左新鋪後 多左好多堂食位但價錢依然十分佛心 依舊25蚊大大碗～上：桂圓雪耳湯底配芋圓 - 好潤 岩哂秋冬dry到爆既身體左下： 綠豆沙配芋圓- 口感清新 順便清一清聖誕新年打邊爐累積既熱器右下： 特式仙草配芋圓- 仙草滑啫啫 食落去好fresh 芋圓方面 口感十分Q彈 可見是新鮮即製 誠實滿分而且唔會話粉味偏重總結而言Cp值爆登！Must Try Again and again!

每次去台灣都必食嘅芋圓，係香港試過好幾間，但都未揾到啱心水。哩間一直都好想試，終於都有機會到深水埗食返碗。宵夜時間都幾多人等位，但好多人都係外賣，所以好快就有位。值得一提嘅係，雖然好忙，但員工嘅服務同態度都十分好。一場嚟到，必定要試特式仙草百配，哩款可以話係貪心之選，咩都有齊：仙草、珍珠、薏米、西米、紅豆…。芋圓果然係QQ嘅，即使係凍，依然保持彈牙，有口感。另一碗熱嘅酒釀桂花，其實都好香，味道都唔差。但糖水敗筆在未夠熱，令人有d失望。不過，整體芋圓質素好好，依然值得一試。

不久之前聽朋友說起深水埗有一間上午是跌打館，晚上是賣芋圓的，水準更是非常不錯的，店舖名稱是叫--康瑞涼茶！聽起來很好奇，於是就藉假期空檔去了解一下是什麼情況。到達才知道原來已經從舊址搬到新址，但非常近，只是一街之遙。營業時間是下午四點到晚上十二點，當日未夠四點已經有十數人在店外排隊，有點誇張。坐下來就點了這個暖胃姜汁配:芋圓，地瓜圓，小丸子HKD 25水準果然很高，芋圓細細粒非常柔韌，芋頭味也非常濃郁，再配腐竹絲和姜汁，在寒冷天氣底下簡直暖在心頭，制作非常有誠意，讚！總結:雖然舖址交通不算太方便，但難得香港有一間水準這麼高的芋圓店舖，遠一些都是值得的。

話說呢排對芋圓情有獨鍾，再加上好耐之前聽朋友講過深水埗有間好有水準嘅但係背景好特別嘅芋圓舖，點特別?上午是跌打館，晚上是賣芋圓的，好搞笑!店舖名稱係叫--康瑞涼茶！於是就藉假期空檔去呢度朝朝聖。去到先知道原來已經從舊舖搬到新舖，好彩喺非常近，只是差一條街。她營業時間是下午四點到晚上十二點，好彩當日夫去到係15:45,唔係都幾掃興，當日未夠四點已經有十幾人已經喺店外排隊。當招牌著燈時，排到嘅人好似張學友演唱會飛開售咁興奮，坐定定之後就點了這個特式仙草百配:芋圓，地瓜圓，小丸子果然係高水準之作，芋圓細細粒好柔韌又好咬感，芋頭味都好重，再配埋特式仙草，食落去真係透心涼，誠意之作，正！

搬了新舖，地方比之前大了，堂食座位多了我外賣桂棗雪耳配芋圓，地瓜圓，小丸子糖水 芋圓，地瓜圓，小丸子也是QQ的，糖水不太甜，好多雪耳，25蚊也算合理今次食完晚飯8時就去買外賣，等了大約4-5分鐘，夜D就排曬長龍

食飽行過，見人多，心諗應該唔會太差，但我錯喇。叫咗個腐竹糖水，睇落正常，一路食一路心裡面鬧，基本上似係糖水煲完後放一堆碎腐竹落去撈一撈，唔凍唔熱，糖水太太太甜，腐竹冇味。吃一次便夠。

久仰大名，來到中醫舖舊址才發現貼了搬遷告示，幸好轉個角在大街地下就是新店，不難找到 (現在openrice已update為新店地址)。本來是中醫舖的副業，現在已夠人氣分開一家專賣糖水的店舖，仍然是下午四時才開店，星期一至日。看看餐牌，雖然主要賣芋圓，可以選擇的甜湯也有很多，我們點了以下兩款:店員提議仙草百配要凍才好吃，端上來時看見有花奶，也覺得所言甚是。配料有紅豆、西米、薏米、芋圓、地瓜圓、珍珠、仙草共七種，非常豐富足料。芋圓和地瓜圓算是頗煙韌，雖比不上在台中東東芋圓吃的那麼Q，也沒有芋頭和地瓜的香味，卻也是我在香港吃過以來覺得最像樣的 (相比起葵廣/太子227甜棧/紅磡豬仔糖水)。值得一讚的是仙草，滑溜得來有點咬口，又不會像涼粉般太硬，也不是稀框框那種，是真正的仙草。其他配料加上花奶混合一起吃，真的很配合也很滿足。另一個想要熱的，薑汁紅棗雪耳糖水加上片糖甜度適中，紅棗夠香，雪耳夠潤，加上微微辣薑味不嗆喉卻夠暖胃，只是這個甜湯也已經可賣這個價錢。加上芋圓和地瓜圓也算配合，其實熱食更加Q! 所以又再加分了 小店價錢合理，乾淨企理，簡樸的糖水做得好最吸引。如經過深水埗想吃糖水，一定會再來。

同中同翻深水埗亂逛敘舊，順便就想黎試試呢間傳到街知巷聞嘅台式芋圓。下午開門嘅佢仲差15分鐘先開門我地就早到左，但門口居然已經有人龍排隊等緊開門！！我地唔算遲到派左好一段時間先有得入座，匆匆忙忙食玩就要騰張檯俾下個。但都算值得！價錢合理，豐富足料，芋圓煙韌彈牙，涼粉滑溜，椰奶甜度適中，食極唔膩，大食如我食完居然覺得飽肚

上網一直見到好多人讚康瑞既芋圓好食，今日終於可以去試下同男朋友叫左一個一號同埋椰汁西米露配芋圓，地瓜圓同小丸子。先講一號仙草芋圓，個人覺得成碗野勁淡味芋圓同地瓜圓好淡味，好似有陣膠膠地既味，而且份量5多。同系台灣食既味道有距離。燒仙草勁碎同好薄，個人5太中意食，最後都系冇食曬。之後椰汁西米露亦系失望，完全冇椰汁味，得幾粒芋圓地瓜圓甘，數量好小。非常失望