康瑞涼茶 (已結業)

想不到白色情人節會嚟到呢間我想食好耐嘅糖水舖，話黎話黎，都已經隔咗幾個月，點知最後會係314嚟到喎，滿足薑汁蛋花湯圓雖然係好簡單嘅材料，湯圓，雞蛋，薑和糖，但係都能做出一份賣相吸引嘅糖水。欣賞！糖水有啲過甜，加上蛋花令食物更加有質感，賣相加分了，唔會太寡，如果冇記錯嘅話，湯圓仲好似有八粒，非常之抵食。湯圓有芝麻同花生餡特色仙草百配只能說佢賣相吸引過佢真實嘅味道食完薑汁蛋花湯丸之後，會覺得佢冇乜味，一開始睇個樣以為佢係椰汁，但實際上其實係奶，所以味道較淡至於配料有西米，薏米，紅豆，芋圓，地瓜圓，丸子，珍珠同涼粉，其實同誠記小籠包嘅八寶冰差不多，比我再揀多次我會食誠記，起碼有啲煉奶加返個甜味芋圓地瓜圓好少芋頭同番薯味至愛雜果啫喱估唔到為我帶來驚喜嘅係呢一碟啫喱，除咗賣相靚之外，佢嘅味道更加吸引，不過唔識形容，每粒啫喱入面都有一粒椰果為咗佢啫喱，下次可能會再來的白色情人節，圓滿

特式仙草百配＄25 呢碗招牌糖水配料非常多，好似有自家製芋圓、仙草、薏米、西米、紅豆、小丸子等等，芋圓煙韌有咬口，份量又足，咁嘅價錢真係超抵雖然加咗忌廉奶，但極體甜度適中，唔會過甜桂棗雪耳湯底配芋圓＄25如果想食熱嘅芋圓，可以試下呢款養生之選，雪耳又多爽滑，清甜又有紅棗味椰汁紅豆沙芋圓＄25 紅豆沙再加咗椰奶，味道香濃，但整體味道偏甜價錢平又大碗，難怪晚晚都咁爆場！

行左成日街，夜媽媽食完飯，又點可以5食埋個甜品呢！今日尼到深水埗ge呢間好有台灣feel ge 甜品店，咁咁岩我尼排熱氣😷，所以就梗係揀仙草系列ge甜品啦！一入到去，我真係哇哇哇，因為好最要，所以我哇左三次，佢d甜品真係好平呀！！！雖然佢選擇5係好多，但佢價錢咁平，真係當堂嚇左我一跳，需知道依家食親甜品，冇三十蚊都幾難食到好野。個甜品一上，我即刻比左個心心眼比d椰奶😍因為我係椰奶ge超超超忠實fans，我認真覺得冇椰奶ge甜品，就硬係差d野咁，因為有d店一係就比好少椰奶，一係就椰奶同甜品5可以共存，要特登分開嗌椰奶乜乜乜咁，如果5係其他ge甜品就5會比椰奶你。佢d仙草好滑，同埋有d爽爽地咁，食落好有口感。椰奶分散左仙草淡淡ge藥味，令到個d仙草更加易入口，同埋因為d仙草，當堂令到成件事健康哂咁，就算係食宵夜都5覺得好罪惡咁♥

而家周街都賣芋圓，我試勻好多間，最愛都係康瑞！又平又好食😋我最鍾意食咩都有既呢份～$25又有紅豆珍珠等等，岩晒貪心既我佢d芋圓細細粒，煮到熟透QQ的，口感好正！我最驚個d大大粒，個心煮唔熟，硬到死個d芋圓😥之前都中左幾次伏，仲要淡而無味，真係激鬼死佢4:00pm先開～之前有次摸門釘😣 今次終於食到啦！食完仲要買多個外賣氹下媽咪～本身想買酒釀丸子，但員工好好心，提我要即日食，籤熱就無咁好味！最尾買左腐竹糖水芋圓，媽咪都話平靚正，話下次可以偷賴唔洗自己煲！哈哈😝

難得來到深水埗，點可以唔食埋甜品，朋友介紹有間芋圓好好食，就算晚餐已經好飽都要一試。特式仙草百配(熱) - 雖然有D貪心，但難得來到，咩都想試下，所以選左最多料的特式仙草百配 ，有齊芋圓、地瓜圓、小丸子、西米、紅豆、薏米、珍珠 ，真係超級多料，一邊食一邊驚歎「咦，原來仲有D款材料架」，而且仙草好香滑，主角芋圓都好煙韌、彈牙，口感非常好！香滑腐竹蓮子配芋圓(熱)  - 相比之下香滑腐竹蓮子比較失色，但都真係香滑清甜。兩款甜品雖然味道都係偏甜，但都可以接受。整體而言，雖然款式唔多，以芋圓為主打，但芋圓做得出色，性價價比甚高，雖然遠少少都要來食！

今天與友人相約共晉晚餐，用膳後，時間尚早，便在深水埗附近找找歇腳處。在荔枝角道，有間裝潢頗新的糖水店，瞧瞧餐牌，價格也親民，我倆便結伴進去。食肆招牌菜多數放在餐牌的當眼處，看到餐牌上置頂的項目，看似豐富，又吸引，我便點了。而同行者則為了保險，選了腐竹糖水。 上菜速度快，不消五分鐘，甜點便端到來了。我瞥見碗裏不只有芋丸、地瓜丸，更有西米、椰汁、仙草等，貼地的價錢，吃得到多樣的食材，真是不得了！味道方面，我略嫌其中的一眾小丸子不夠軟糯，其他也不能挑剔了。仙草不會很甜，有淡淡的草藥咩，恰到好處。再經過附近，必定再試。

自從去過台灣食芋圓之後，一直都念念不忘其煙韌QQ的口感！不久前食過覺得口感Q彈，與那時旅行食的味道很像。是日到深水埗覓食，當然要去康瑞食個糖水才圓滿！去到才發現營業時間為下午四時，唯有在附近閒逛消磨時間吧！四時才到不足一會，店舖內已擠滿人，門外亦有一條小小的人龍，慶幸等待不消十分鐘已可入座！甜品有十多款，再搭上兩款小食兩款飲品。選擇不叫做多不過亦不會感到悶！桂棗雪耳湯底配芋圓地圓小丸子 - 色澤清澈，食落順滑舒喉！雪耳軟綿綿得來又保留著一定的嚼勁。紅棗預先去核，甜甜的，挺有口感！芋圓小丸子有著一定的煙韌，細細顆的體積，不自覺已吞下了不少！

相信好多人都中意食台灣芋圓,我同露哥都五例外,後來得知朋友推介依間小店有得食,於是就專成黎試試💃🏻💃🏻我叫左個凍仙草百配走紅豆,基於本人真係五太中意紅豆,所以要走🙊 入面除左有芋圓 仙草 仲有薏米 黑珍珠 配料十足👍🏻👍🏻而且芋圓味道適中,五會太甜!口感亦👍🏻,一d都五似方間既偽芋圓,粉粉的..經過就係可以一試,就算五食甜品都可以飲反個涼茶,因為依間小店本身係賣涼茶,之後再賣甜品❤️❤️

以前去深水埗係為咗陪男朋友睇電腦依家就調返轉係佢陪我食糖水第一次食康瑞 仲係喺醫局街嘅涼茶舖鋪仔細細 仲可以坐係醫師枱食芋圓仙草好得意依家轉左鋪位 前左一條街店鋪大左好多 坐得舒服啲 等位時間唔洗咁長 大約10分鐘內都已經入到去每次都會嗌嘅仙草百配忠實fans黎架佢啲芋圓仙草真係食過返唔到轉頭芋圓好煙韌有咬口 唔會煮過頭 爛papa咁食落仲會有陣陣芋頭香 好真材實料仙草更加係我嘅最愛 甘甘地又滑溜溜 有輕輕嘅藥材味 應該真係用仙草製造食落仲涼涼地 夏天食真係一流 好消暑香港其他鋪頭真係食唔到其他配料仲有軟糯嘅紅豆、QQ嘅地瓜圓同小丸子、爽爽地唧薏米等再加埋奶 成碗糖水乜嘢口感都有層次感好豐富糖水非常足料 唔太死甜 感覺健康清新 食完唔會太有罪疚感 哈哈而且價錢都只係20幾蚊 夠哂親民貼地

由於晚餐食完點心，決定再戰糖水，黎到附近呢間康瑞，但係太耐無黎食呢個糖水，去到舊甫先發現原來搬左地址，都搵左十五分鍾，終於黎到新甫位置。點左兩個糖水share，一個係特式仙草百配，另一個係香滑腐竹蓮子糖水加配料。特式仙草百配，友人話每次食呢個糖水都要叫呢個，呢個好似係招牌，話明係百配，佢真係樣樣都有足料，係真係幾好味，口感好正，絕對係食完晚餐再黎都食得落。本人就食親中式糖水都會點腐竹雞蛋糖水，呢到呢個香滑腐竹蓮子糖水你可以選擇加芋圓、地瓜圓、小丸子或者加蛋，平時次次都有蛋，今次決定選芋圓、地瓜圓同小丸子(就算加埋蛋都只係加$5)。對我黎講好新奇，黎到果陣好驚喜，估唔到會有蛋花，凍糖水加蛋花係超級好味，再加上佢既配料簡值不得了，芋圓、地瓜圓同小丸子全部都比得上台灣既 級數，所以好快就食哂成個糖水，呢個價錢呢個水準，絕對會返黎再食！

吃完米苔目，繼續深水埗台灣美食之旅~ 為了吃康瑞涼茶，我與朋友都等它4時營業，等待期間，也有不少人和我們一樣耐心等候。愛嚐鮮的我絕對要試新口味 (之前沒吃過的口味) 今次選吃看似普通的椰奶紅豆沙配芋圓，地瓜圓及小丸子，紅豆沙滿滿的豐富配料，口感滑溜的小丸子搭配煙韌的芋圓及地瓜圓，以及熬煮軟難的紅豆。加入椰汁的紅豆沙滋味更為提升，一次兩種滋味品嚐，享受午後的時光真不懶。桂棗雪耳湯底配芋圓，地瓜圓及小丸子雪耳透過費工熬煮技巧，加上紅棗已去除籽核，細心熬煮出雪耳的膠質出來，事前準備也相當費時費心。一舀起雪耳呈現軟爛的膠質，晶瑩剔透的膠原蛋白口感媲美燕窩，加上紅棗香甜，讓人輕易補充缺少的天然膠質。秘制軟滑糖不甩真的很軟，而且超燙，花生粉不會死甜，只有香氣。熱呼呼的吃很不錯，濕潤的糖不甩沾滿花生粉，花生內餡流沙般湧出。每次來康瑞都有不同的滋味，今次也不例外，希望下次來的時候保持水準之餘，也又另一番美味。

想當日泥試係因為睇到網上介紹，而本人又係芋圓愛好者所以係舊鋪既時候（醫局街）就已經幫趁過。而搬新鋪後，再一次試試芋圓，依舊非常煙un！新鋪比舊鋪大好多，環境乾淨，服務態度好。今次試左（熱）綠豆沙配芋圓+地瓜圓，由於皮膚過敏關係，我要求唔要小丸子，可以要多少少芋圓，非常滿足😍綠豆沙清熱解毒，糖水底唔會過份甜，食完唔會有罪惡感。價錢跟舊鋪一樣，未就搬新鋪關係而加價，親民呢店內仲有其他小食，涼茶，飲品選擇，唔食芋圓既朋友都可以試下

每次駕車經過都人山人海，Nosir說這間甜品店很有名，所以相約朋友一起試試，我們8時多到達，也等了差不多半小時才能入座，跟大部份糖水店一樣，座位擠迫，慢慢享受傾計就不適合了，只適合速戰速決，食完就講BYE BYE~聽說這家甜品店原先是涼茶舖來的～簡潔的餐牌，以傳統中式糖水為主打，喜歡小丸子還是湯丸只需隨便加錢就可以了﹗一場來到，當然要試小丸子啦﹗我們一行四人，其中2人點了一熱一凍棷奶紅豆沙，一個配芝麻湯丸，另一個配芋圓、地瓜圓和小丸子另外2人點了凍特式仙草百配，也是一個配芝麻湯丸，另一個配芋圓、地瓜圓和小丸子特式仙草百配材料甚為豐富，口感很豐富和多種層次如果配湯丸也有四大粒紅豆沙當中有西米，芋圓、地瓜圓和小丸子很有咬口，我很喜歡吃這種煙韌的丸子，而且甜味適中，十分滋潤﹗結帳，位位$25，豐富用料，個人認為價錢合理﹗

勁多人排隊！點解咁多人排隊😦。。。岀左名既野就係咁，本身係涼茶舖，晚上賣下芋圓咁，但開始被傳開去，傳下傳下，紅左之後更獨立開左間甜品店，可能香港少有有專食芋圓既店舖掛，但SK都係中意台灣既鮮芋仙多好多，幾時係香港開🤔？啲人又實為之瘋狂椰奶紅豆沙配芋圓, 地瓜圓, 小丸子 $25______________________________點評✏️分數：6.5/10______________________________味道🍴紅豆沙略稀，但芋圓好鬼好咬口😁仲有小丸子，25蚊黎講，以香港真係抵食，不過唔洗抱太高期望，質素正正常常另一碗係桂棗雪耳湯底配芋圓, 地瓜圓, 小丸子，同為$25，友人所點，所以不寫評了，試左一啖，幾清甜

還記得第一次經過舊鋪招牌直行直過, 到後來有一個晚上發現有人排隊飲“涼茶”先發現康瑞既故仔, 從中醫館到涼茶鋪, 再演變成甜品店, 現在搬到新鋪索性改成“康瑞甜品”, 好讓路人不再誤會; 講返康瑞名物, 當然係仙草芋圓啦, 掛住台北東區粉圓既我當然要黎試試佢, 星期六晚特別多人, 唔想等唯有改變策略外帶回家吃, 1號特式仙草百配, 內容豐富, 有仙草、芋圓、珍珠、薏米、西米同紅豆, 仙草甘甜青爽, 薏米西米夠軟熟, 美中不足就係芋圓身上, 質感係夠軟糯, 可惜缺乏味道, 除了顏色之分, 同樣都是嚼而無味, 作為招牌之一確實失色原少!