康瑞涼茶 (已結業)

由於家人於台灣吃過超好味芋圓念念不忘，每每有朋友推介香港食店都會即時跑去試食😬今次拜訪Openrice人氣食肆康瑞涼茶。 朋友告知此店已搬到新舖面積比較大，但由於人流甚多，感覺十分繁忙。見網友都是點特色仙草百配，我也點了一碗凍吃。 賣相頗討好，配料很多。有西米、薏米、紅豆、珍珠和主角芋圓同仙草。 首先，凍吃原來並不是真的很凍，只是比室温凍少少。仙草很滑但無味，地瓜圓同芋圓十分煙靱但都係無味🙄。其他配料個人比較喜歡紅豆，大粒而有咬口。如温度及芋圓味道可以改善就大滿足了。

呢度環境唔錯，裝修簡潔，地方乾淨，但座位比較逼。特色仙草百配芋圓地瓜圓小丸子呢度好多食客推介呢個甜品，即管試試，我選擇凍嘅，份量好多芋圓地瓜圓好煙韌，仙草滑，紅豆同埋其他配料整體上做得足，不過芋圓地瓜圓就唔合格，我同意之前doublewww嘅食評"芋圓地瓜圓煙韌但淡而無味，全沒芋頭蕃薯嘅香"，而仙草都係無咩味，成個甜品煙韌無味而甜。酒釀桂花配芋頭圓地瓜圓小丸子另外揀咗個熱嘅酒釀桂花配芋頭圓地瓜圓小丸子，上到台入口只覺微暖，桂花味夠嘅，但配上無味但煙韌嘅芋圓地瓜圓小丸子，我覺得呢個只係一個普通微暖酒釀小丸子，零分。呢間甜品好多好評，相信因為便宜，我個人覺得名不副實，甜品只有賣相，材料偷雞。

深水埗呢間糖水店有別於一般, 不同之處是大部分都是慕名而來,完全因為是一碗糖水所以在此排隊及等外賣到訪此店時, 當時才是一家涼茶店跟中醫店合拼, 舊鋪當時由於是傳媒熱捧所以多人都會慕名而來, 時至今日再來臨新店時, 發現無論日頭還是晚上, 人龍不斷當時第一次食的時候, 老闆在我們食完之後主動過來問候食品質素, 同時表達所有的仙草凍/芋圓/地瓜及小丸子所有都是由他們自家製, 所以味道同外邊可能會有不同, 但主要都是用藥材製作, 真材實料特式仙草白配$25 芋圓/地瓜圓/薏米/西米/珍珠/仙草凍/紅豆/小丸子一款糖水8款配料, 配料認真是足料, 每一啖到最後一啖都食到以上配料相信全港的台式糖水, 真材實料, 絕對是它

最近重看旅行的照片，當時旅行的喜悅全在面上表露無遺。愈看就愈想不理後果，先斬後奏地買了機票出發再算。世事又豈如此簡單😪跟好友說起，原來他也旅行癮起，想為一碗芋圓而出走台灣。話雖如此，我倆都不是能拋下公事，說走就走的人，倒是在香港尋找熟悉的芋圓身影時，就能快快下決定。-朋友一而再，再而三說這裡是能吃回台灣味道的芋圓店鋪。好吧，就來一試吧。-招牌仙草百配 ($25)小小的碗裏盡載著我們朝思暮想的芋圓 除此之外還有地瓜圓、燒仙草、薏米、西米、紅豆、小丸子。再加上ucc 的花奶，光是看看就滿足～芋圓及地瓜圓咬下去是有煙韌口感。不過跟地瓜圓比起來，芋圓的芋頭味道較淡，地瓜圓反而會較重地瓜味道。而燒仙草夠滑溜，配上薏米、西米、紅豆、小丸子，一碗仙草百配卻能一次過享受多種口感，實屬滿足。-香滑腐竹蓮子配芋圓 地瓜圓 小丸子 ($20)朋友說我已點了冰的，倒不如他點一個熱的，可以一次過嘗遍芋圓的冷熱口感。在我認知裡，腐竹多數是配白果的，未知換上芋圓又能擦出甚麼火花。熱的芋圓比起冰的更為煙韌，而且腐竹亦像是擔當著燒仙草的角色，挺新鮮的配搭。-芋圓沒了，味蕾對芋圓的思念減卻了，但我倆旅行的心癮依舊沒有絲毫

第二次惠顧，今次終於試到特色仙草百配，仲要係凍果種，一碗$25，價錢相宜，配料豐富，有芋圓、地瓜圓、紅豆、珍珠、西米等，最適合我呢種鍾意每樣都試d既人，上面仲應該淋左椰奶。個人覺得最出色既係仙草同芋圓：仙草同涼粉有點唔同，稀過涼粉，好滑漏，入口即sir喉嚨咁濟，而且甜度適中，唔會好似市面上涼粉咁硬身得來味道又淡，正！芋圓有濃濃既芋頭香味之餘，煙煙韌韌，口感十足，幾飽肚，食完呢碗野我諗都可以飽到宵夜時段了。

想食芋丸，揸車兜落旺角，好似又見唔到。去到深水埗見到好多人排隊，嘩！正是本少爺想揾嘅嘢。入去買碗特色仙草百配$25, 等咗五分鐘有得攞。Ｄ配料有六成，唔係太甜，恰到好處。樣樣有，有芋丸、紅豆、薏米、仙草，幾有咬口，感覺得意。

夜晚同老死食完飯慶祝佢升職之後，我地略嫌唔夠喉，所以就係附近搵左間糖水鋪 志在可以吹多陣水。康瑞甜品主打台式甜品，可以互配芋圓 地瓜圓同小丸子。選擇唔多，但價錢便宜。由於本人近排太熱氣既關係，理所當然地揀左綠豆沙配芋圓 地瓜圓 小丸子，綠豆要食幾多粒先下到火？成碗上！綠豆沙可以接受，勉強可以食到少量綠豆粒。但芋圓同地瓜圓就唔合格，煙韌但淡而無味，完全沒有芋頭、蕃薯既香。友人則揀左特色仙草百配三丸。厚面皮地偷試左一啖，味道偏甜，但可以睇得出用料頗足，集百家大成，同樣敗筆都係芋圓、地瓜圓。價錢定位平民，但借住台式糖水既名號卻做唔出台灣既味道，稍為有點可惜。

特色仙草百配係必食的！有凍有熱揀，梗係食凍啦熱死辣辣！好足料，以為芋圓係主角，原來仙草先係重點！勁滑！！！好正仲有小丸子，薏米，同埋好多好多料25蚊抵到爛！不過可能太好生意，雪得唔夠耐，唔夠凍，再凍啲真係滿分

超好味超推介既芋圓！最好熱食 幾乎搵得番係台灣九份食既口感😻芋圓地瓜圓入面有真·芋頭蕃薯🤘🏻仙草底又唔太甜👍🏼重食左腐竹雞蛋底 同仙草差太遠😭.康瑞涼茶 (深水埗)地址：深水埗荔枝角道323號地舖幸福指數：8.5/10.

食飽飽晚餐食個糖水先滿足，聽說呢間糖水好出名，就去會一會。8點幾，已經要等位，入到去，點左2個凍糖水，點知暖的，芋圓普通，小丸子麻麻，腐竹蓮子糖水都係一般，吾係想像中好食，應該吾會再幫襯入面環境麻麻，坐的位，吾舒服

假期嚟到深水埗睇野，離遠見到間康瑞涼茶，見熱熱地就決定入去食碗仙草芋圓降下溫，順便休息下可能假期關係，客人比較多，所以要拎飛仔等位！等位期間梗係要諗定一陣食咩啦！過多一陣終於有位，可以入去啦！席上坐無虛席，好熱鬧，有小小擠湧！最後我點左特式仙草搭配$25！雖然menu寫只有地瓜圓、芋圓、丸子同仙草，但其實碗內仲有西米、薏米、紅豆同黑珍珠！非常豐富芋圓、地瓜圓口感十足，奈何芋頭及地瓜味道較淡！另外，原來仙草具有清熱解功效，消暑必吃！而且仲凍凍地，好似果凍咁，唔錯

因為想食芋圓，所以搵到呢一間涼茶舖，如果呢一間涼茶舖已經做咗好多年由原本賣涼茶做到而家轉型糖水，咁佢就真係轉型得好成功。因為佢真係超多人排隊，凌晨12點閂門到11點半都仲有人等緊架。喺香港越來越多地方可以食芋圓，但係有啲地方嘅芋圓超級大粒，好似魚蛋咁大粒，仲有餡嘅，我自己鍾情於台灣嗰隻細細粒裏面乜嘢都冇嘅芋圓，呢間正正就係做到我想要嘅，細細粒，配上簡單嘅糖水。25蚊，抵食到喊。佢嘅糖水有熱有凍，但係嗌嘅話，啲糖水都唔係好冰凍，依家咁嘅天氣食都尚算接受，如果夏天食嘅話，啲人可能會覺得唔夠凍。我記得台灣傳統嘅芋圓店佢哋會係啲糖水入面加少少刨冰，令到碗糖水冰凍啲之餘仲有少少咬感，佢哋可以試一試。

今日同朋友好早就食完飯所以去左好想試嘅康瑞涼茶我地九十點去到都仲有人係到排隊，入面都係全滿，等左二十分鐘到就有得入去我地幾個都係叫最例牌ge特色仙草八配，有芋圓，地瓜圓，小丸子成碗野都係大量仙草，又好滑，有紅豆，西米薏米珍珠，其實呢碗野都幾足料芋圓，地瓜圓，小丸子都好煙韌，好好食 成碗都係$25 ，真係好抵建議大家去食之前吾好食到甘飽，真係會食5哂仲有個建議係可以提供水俾客人，我個日口渴得好緊要，見到出餐個位隔離有樽水，諗住問可吾可以俾杯水我，佢就話冇水，我話見到個到有，佢話不設客人飲用個刻灰左，仲要附近周圍都冇便利店，下次提供到就好喇

每次來康瑞都是吃芋圓甜品，今次卻有點不同。芋圓依然好吃，只是今晚來得比較晚，不適宜吃得太飽，畢竟芋圓是澱粉質嘛。週六晚上喜宴過後，十一時半來到，雖不用等位，但座位是九成滿座，生意很不錯。並非開在食肆旺區而有這樣的場面，相信是店子的實力所帶來的人氣。不吃芋圓，自然要細看餐牌，發現其實都有兩成甜品是沒有芋圓的。選了二號「桂棗雪耳甜湯」，只是$20，十分抵吃。雖然搬了新舖位，沒有加價，欣賞老闆的熱誠。很清潤的冰糖底，雪耳份量不少，夠軟滑，味道不錯。

同三個fd去深水埗個頭食飯，飯後梗係要食番個飯後甜品，今晚想食芋丸，所以黎左呢間。好在我地算黎得早，等左15分鐘就有得食。朋友未食過，跟我一齊叫左"特色仙草百配"($25)。等左一陣就食得啦勁快~三個fds都話好食我次次都係叫呢個，因為乜都有，又唔會太甜。其實每次都心思思想試下其他甜品，但每次諗完一輪，都係叫番特色仙草百配本人好鬼驚啲好甜好cream既甜品，所以來來去去都係食開嗰兩三間甜品鋪，康瑞一定係心水之一佢既芋丸，好似係台灣食咁，彈牙，唔會好面粉咁~好味道