廖同合荳品廠

營業中

休息中

既然喜歡吃煎釀豆腐，來到旺角一趟，事不宜遲，也要趁機光顧廖同合…平日，最多只走到上海街，甚少踏足廣東道，甫到埗，始知這裏是個街市，還是舊式的，天雨路滑，街上盡是污水泥濘，骯髒得很，本想打退堂鼓，但為了吃的，還是硬著頭皮往前找…愈走愈覺不妥，地圖明明顯示在附近，怎麼不見？結果，走錯方向，給氣壞了，絕不放棄，NEVER GIVE UP！調頭！過馬路！走過對岸！抬頭！左顧右盼！冷不防 ~~~ 一 ~ 腳踏在積滿水的坑渠蓋上 ~~~ 滿腳泥濘 ~~~ OH ~ MY ~ GOD ~ 真想哭 ~ 穿了涼鞋呢 ~ 反正弄至如斯田地，找不到你！誓不罷休！握拳！另一隻手嘛 ~ 負責橕傘 …假如沒走錯路，假如沒有下雨，該是很容易找的，這家荳品廠，格局像公和荳品廠的樣子，門口一邊賣豆腐，一邊煎豆腐，還有豆腐花，堂內則不知攪甚麼名堂，像清潔的位置…要了碟煎釀豆腐，等了一會，即端來，正所謂「踏破“涼”鞋無覓處」，如此辛苦得來的豆腐，一定要狠狠的吃掉它…并以雙箸，夾下，爛掉…再夾，又爛掉…再三夾，還是爛掉…再這樣下去，一定搞成豆腐腦了，不讓我吃嗎，好！不顧一切，拿起碟子，爬飯般往咀裏爬…難怪這樣難夾，滑成這樣子

黎過食一次，又認得條路之後，就當然又黎食啦~今次我仲帶左朋友黎食添~我地都係叫左豆腐花，我因為鼻塞，唔係幾感覺到薑汁味，好彩朋友都feel到，仲話我冇介紹錯，又平又滑又好食，我都係再一次不得不讚讚d豆腐花真係滑溜，好「令」而家仲有幾多間舖頭0既豆腐花賣6蚊雞而又咁有水準又咁抵丫?d店員仲好好服務態度呢~

12-4-2009陪朋友到旺角搵 d 0野, 搞掂後諗住到中國冰室飲杯0野, 但路經呢間舊式豆品店覺得幾吸引, 又0黎凍豆花 ($6) 凍豆漿 ($5) 試試.試了一啖朋友的豆花 -- 夠凍, 滑度 ok, 豆味夠香, 不錯喎.豆漿亦好飲 -- 夠凍, 滑口, 豆香濃郁, 帶輕微(火農)味 (炒過 d 黃豆?), 但又無九龍城義香 (http://www.openrice.com/restaurant/commentdetail.htm?commentid=1861710) 的咁(火農), 好0岩口味! 環境比深水埗公和 (http://www.openrice.com/restaurant/commentdetail.htm?commentid=1874342) 更舊, 衛生麻麻, 果然係舊式豆腐店.下次食 / 飲熱的.

一直聽個朋友話旺角街市附近有間食豆腐花好好味0既舖頭，又話唔係公和，又硬係唔記得個名係咩wo…終於有時間帶我去「朝聖」，原來係呢間~個名真係幾難記得0既~_~"一去到，一人一碗豆花啦~朋友加多個煎豆腐，$7有4件抵過公和呢~伯伯好快手，豆花好快就黎喇~淨係睇個樣已經覺得好滑，未加黃糖食一啖，噢~有薑汁架﹗可以驅風喔同埋，真係好滑加埋黃糖，真係同公和有得fight呀﹗唔怪得咁隔涉都有咁多客仔啦~煎豆腐0既size比公和大件，抵呀~朋友仲話點埋辣椒醬好正添，不過我唔食辣冇得評論。呢度好懷舊look，朋友話呢度有六十幾年歷史架喇~真係要繼續做落去啊我如果行開附近，一定會再黎食~

這間隱藏於廣東道街市內的荳品老店, 以前多次經過都沒有機會幫襯, 今日終於有機會試試. 豆漿比坊間的連鎖荳品店好, 豆味濃, 但是凍豆漿甜了點, 熱豆漿則不錯. 下次要試試另一招牌貨--豆腐花!

廖同合位置唔易搵，不過真係一間幾有特色的鋪頭。路過見到間鋪好特別， 明明係賣豆品，入面又有幾張枱做堂食，於是試下。凍豆腐花會一碗碗咁放入雪柜冷凍，非常冰凍，適合夏天食；熱的就真係熱辣辣，而且好滑，但相對豆味淡D。($6)至於味道，感覺用料比較純正同新鮮，有豆味，唔錯；我唔會講到非常好食，但絕對值得一試，支持傳統製作，好過去D連鎖店。（如果你唔鍾意豆味，嫌腥，建議去超市買百Ｘ豆腐花）。在朋友一再叮囑下，終於寫返篇食評，呼籲一下。廖同合專營各式豆品, 由豆芽,豆腐,豆卜,豆腐花到腐乳都有。我嘗試上網找廖同合的資料，竟然只找到一個日本遊客資料的網站上找到。（不過後來又搵唔返條LINK, 原來廖同合係日本遊客間竟然有丁點名氣!）仲有豆卜，有機會再試。始終係街市舊鋪，地方當然唔新淨，都算企企理理，抹得乾乾淨淨。

人煙密集的廣東道街市,隱藏著一間老牌豆品店廖同合.同北角馬寶道的德興隆一樣,愛匿藏在街市,同大家捉迷藏.也是豆漿豆花,豆花滑溜不著痕跡,同樣充滿著豆香.冰凍的糖水略為過甜.豆漿味除豆香濃之外,亦帶有點點膿,但沒有義香膿得強勁.有很多人都受不起陣膿味,我反覺得帶有此味的豆漿更有個性.但不是個個能夠接受.

豆花好滑(但唔知係落左好多石膏粉關係呢),豆漿都好好味,唔知點解間間賣豆品鋪頭都好似好污穢咁既

在好旺角買完舊車票,步回巴士站,路過此店便入來。六時多,隨處找個位坐下。口乾想溼溼口,點碗凍豆腐花。凍豆腐花幾夠凍,糖水也預先落了,食落頗滑,但豆味不足,而食到底卻有些粉的感覺。心想,熱食會否比較好?

平時食開旺角街市，另外果間，所以想試下呢間。呢間可能偏僻d，所以少d人。其實呢間都唔錯既，幾好，d豆花都唔錯，有豆味~有放姜汁，好味~d煎豆腐有d細件，但都唔錯。可能食慣另外果間，所以覺得果間好味d。

主人與奴隸獸在旺角街市買生果，加上天氣又涼涼地，真想食碗熱豆腐花，所以順道去了『廖同合』。1. 豆腐花（HK$6.0）：豆腐花不會太結實，口感頗柔滑，是一碗合格的豆腐花。2. 煎釀豆腐（HK$6.0）：從未食過如此熱辣辣的煎釀豆腐，（差點辣到咀都腫埋呀！）豆腐有豆味，還有一股淡淡的煙燻味，幾獨特，主人頗喜歡。所釀的魚肉，有魚鮮味，爽口彈牙。食飽飽，全身暖烘烘，繼續逛街囉。

嚟呢間老舖一嘗豆花....六大洋一碗，價錢算公道，但食味就唔多"公道"...texture唔夠滑，食到尾仲隱約有點燶味...莫講話跟九龍城義香不可相提並論，就連公和及人和亦有所不及....本想叫碟煎豆腐試吓，但睇嚟都係就此作罷...

吃過幾次這老字號豆腐花普通魚肉豆腐是內裡最抵食6元4件但好食與否要看天時上次剛煎好

由地鐵站到巴士站途中,突然又想吃豆腐花,雖然雨還是很大,自己仍是往這裡走。傍晚六時左右,廣東道街市的人潮已經減退,找個座位完全沒難度;一踏進店內已向阿姐說:凍豆花和豆漿,謝謝!豆腐花看來很滑,果然!雖然冷比熱欠豆香,不過今次的確很滑,滑溜程度比不上一街之隔的人和,但已比上次所吃的滑溜,不錯!只是欠了我喜歡那種焦味,對自己來說這方面略為不足!今次糖水卻下得足夠,沒有不夠甜的情況出現,水準的確有點飄忽。豆漿仍是那種濃濃的感覺,喝下去的感覺不會稀稀的像飲水,而且有淡淡的焦香,這裡的豆漿是暫時來說最滿意的,所以也外賣一大瓶($20)給大人和弟弟分享。最高興是順道買到一大件涼粉($6),不用四處找,真好!

住o係附近既人都知呢間豆花出名今日都係陪朋友先黎食我唔餓只係試左朋友仔o個少少熱豆花今次較稀唔夠實但勝在無左煲燶既味但糖水太少朋友仔要加好多黃糖先食到煎魚肉第一次食估唔到咁實淨煎完一件件都唔爛得黎仍然係咁滑口魚肉亦無乜粉可惜無豆辦醬提供只有辣醬點食唔係一定重正我,朋友仔,同埋其他朋友食過咁多次都一致認為水準太唔平均如果期望水準穩定既建議去對面街人和好d