廚十三老壇酸菜魚 (太子集團中心) (已結業)

日前班老友記話要食🌶️麻辣野刺激下味蕾👅, 一定要去呢間喺太子集團中心既鋪頭試下咁話, 當下就即刻去試~~. 首先試左佢個傷心涼粉, 食落一啲都唔傷心仲好開心添😂, 好鍾意佢既紅薯粉口感煙韌彈牙, 又好吸汁, 愈食愈辣, 嗜辣🌶️既我愈食愈想食停不下來！💗. 另外叫左個麻辣呠呠雞🐦仲正, 啲無骨既雞肉咁加埋鵪鶉蛋🥚、萵筍、牛柏葉、腎、牛肚、薯片...等, 浸埋喺香辣油同埋芝麻入便，就咁睇落都已經覺得好辣🌶️, 啲野食都仲好入味添, 對於無辣不歡既我, 呢度既麻辣砵砵雞真係超正！👍🏻. 酥炸無臉男個餸名幾搞笑, 就叫尼試下, 原來係將豬扒🐽切成小條狀, 炸成金黃香趣既面皮, 酥軟既肉質配上濃郁醃料, 點埋少許🌶️辣粉趁熱食一流！😋. 蔥油撈豬肚啲豬肚🐖既肉質口感爽脆且嫩而不生，味道好鮮美！🤤. 呢間舖可以正式列入我的辣店名單👍🏻🏆

夏日炎炎無咩胃口，最好就食啲凍冰冰又開胃嘅小菜💦💦所以今日嚟到依間川菜館，不過唔係食酸菜魚，反而食涼拌小菜尋回食慾😹👉🏻傷心涼粉賣相好吸引❤️❤️一磚磚嘅涼粉疊到一座小山咁，質感軟糯有咬口，辣油同炒香嘅辣椒碎非常多，好想買依個辣油返屋企撈麵食啊😻👉🏻麻辣豬耳仔彈彈吓嘅豬耳仔👂🏼脆骨同豬皮分佈均勻，重點係處理得好妥當，唔洗驚食食吓會見到有毛😽👉🏻麻辣牛展切得大大件肉感重，麻辣汁可以吊起牛展嘅牛味，減少咗牛羶味😸👉🏻蔥油撈豬肚撈豬肚好食，特別係有啲花生粒，豬肚嘅柔軟加埋花生嘅香脆，味覺上無得彈！

每隔一排就會想食酸菜魚，今日又食！隔了一段時間冇食，原來最近特價，咁可以加多幾樣配料，哈哈。加了必食紅薯粉，土豆片，青荀片，豆腐。比起魚，我更喜愛紅薯粉，索哂酸濃湯，煙煙韌韌，少許辣度，超好食。魚肉去哂骨，啖啖肉，又香魚香味，湯底實在太香都忍唔住飲哂。

最近d酸菜魚越開越多終於等到d老店開始冇咁多人流所以決定試試酸菜比魚好吃是真的上菜的時候魚有點失望熱度不太夠使得酸菜的味道沒有進到魚肉裡感覺可惜了反而冷串有驚喜難得可以有得食可以試試

🏮廚十三 老壇酸菜魚🏮總有一間喺左近👣是日嚟到尖沙咀分店，由地鐵站行想來3分鐘都唔使，位置咁就腳梗係要來食啦🙈🍲酸菜魚  今次叫咗小份，話就話兩位用，但3個人食絕對無問題👨‍👩‍👦本身包埋寬粉、蓮藕片、腐竹等食材，唔夠可以再加，不過小心食唔哂，因為份量會爆多呢😆兩碟黑紋蚊嘅小食，🖤老虎椒愛鬆花蛋&🖤不開心的黑木耳比連鎖米線店嘅出品高質一百倍，汁醬好地道又夠多，必食！🐃爽口牛柏葉  無改錯名，爽口而且好易咬開，唔洗好似橡筋咁要用力扯先爛，不得了嘅口感😍🌶泡椒鳳爪  好開胃嘅涼拌小菜，用泡椒、鹽、糖、白醋浸透，酸酸may may配鳳爪真係好夾

貴為酸菜魚愛好者嘅我😻廚十三依間酸菜魚專門店一早已經好想去，聽講份量多又夠正宗，點可以唔食呢🙊皇牌🎖酸菜魚🎖一上枱，大家都嘩嘩聲，實在係巨量級🤩加上我哋加咗豆卜，依啲索湯嘅材料真係好正，建議點都要加料，會滿足好多😍麻辣豬耳仔同蔥油撈豬肚都係凍撈嘅小食，但味道好唔同，兩樣都係令人驚艷嘅味道😋值得一讚嘅係，豬耳同豬肚都唔會有豬肉本身嘅腥味，無論係麻辣或蔥油撈都令人回味無窮😚棒棒雞嘅口水汁好濃厚，每件雞肉都掛滿左刺辣嘅醬汁，辣度十足🙉終於食到bookmark已久嘅酸菜魚，同期待一樣咁優秀，酸菜魚愛好者記得千祈唔好錯過🤤🤤🤤

下午茶🕒一般人都係去茶餐廳or咖啡店飲杯茶食件包，而我同同事就決定今日嘅下午茶要有特別啲，所以去咗食川菜🤣🤣🚩泡椒鳳爪➖泡到入哂味嘅鳳爪，每一啃都有濃濃嘅泡椒甜同麻，伴碟嘅涼菜都同樣醃得入味😌🚩麻辣牛展➖厚切牛展食落特別有口感，面頭灑上黑白芝麻同香菜，令到味道更昇華🤩🚩老虎椒愛鬆花蛋➖皮蛋嘅份量都幾多，中間有啲炸蒜可以俾你夾埋啲皮蛋一齊食，食完口臭都要繼續食😆🚩十三涼粉➖依個涼粉好似薯粉咁，不過更加滑口同Q彈，好輕盈一啲都唔heavy，下午茶嚟講啱啱好😝

平時較少食酸菜魚依一類嘅食物，見到身邊嘅朋友對酸菜魚嘅喜愛程度咁熱烈，就一於叫朋友推薦一間試一試👀👀未食酸菜魚之前，朋友話要食吓小食先得👅先試❤️‍🔥麻辣牛展❤️‍🔥，本身驚好辣食唔到，但依種麻辣又幾易接受喎😮條脷會麻麻地，然後有微微嘅辣滲出嚟，又幾有feel喎🤭之後就有💚蔥油撈豬肚💚，本身覺得內臟好腥嘅我都食到，因為蔥油味好香，而且豬肚處理得好乾淨，係一個好match嘅組合😌❤️‍🔥十三涼粉❤️‍🔥類似涼拌粉皮咁，只不過粉皮變成粗粗地質感似蒟蒻嘅麵條，滑嘟嘟不錯吃😚壓軸嘅❤️酸菜魚❤️果然冇令我失望，魚肉近腩位好肥美，加上酸菜嘅酸甜平衡咗魚同花椒油嘅油膩感，怪唔得知朋友都咁鍾意食😍

喺尖沙咀行吓行吓街，突然好掛念川菜椒椒麻麻嘅味道，記得之前喺度食過酸菜魚，佢哋嘅小食都唔錯，所以去過一過口癮先😚😚🐓麻辣呠呠雞&滕椒呠呠雞🐓嗌咗兩個呠呠雞😃一個係麻辣口味，一個係滕椒口味🌶麻辣味湯汁好刺激，而滕椒湯汁就唔太辣，仲有少少甜味，幾舒服嘅味道☺️🐽麻辣豬耳仔🐽豬耳好爽脆，撈咗麻辣油食好回味，底下仲有啲青瓜絲，可以再增加口感😋🌧雨露均沾🌧食埋個甜點就滿足哂🥰又甜又軟熟嘅糍粑非常煙靭，黃豆粉嘅份量都好足夠，每條糍粑都可以沾得滿滿🤩

酸菜魚，而家好興，每間都有唔同風味，今次就試下呢間，朋友話正宗d，入到去已經好大陣酸菜魚味👍🏽👍🏽👍🏽因為主要係食酸菜魚，所以我地都只係叫左酸菜魚，仲叫左一d餐前小食黎開下胃先，等我介紹下：🐟「酸菜魚」🐟好正宗，夠麻夠酸😋而午餐肉同藕片既份量都好夠，最緊要夠爽脆！係好好既配搭！而且魚🐟本身肉質好滑，好入味，呢個份量兩個人食岩岩好!✅「十三涼粉」份量幾多，涼粉滑彈牙，夾埋d汁一齊食 簡直冇得輸✅「麻辣豬耳仔」又麻又辣🌶啲豬耳好入味，真係會令到人食唔停口😆✅「蔥油撈豬肚」好淋，配埋蔥油真係出奇哋咁夾😍味道唔會太鹹，食多少少都唔會好口渴😄呢一間四川菜🌶嘅質素真係好高質💯

酸菜魚係香港愈來愈受歡迎，新開咗唔少專門食酸菜魚既餐廳。朋友推介咗呢間好正宗既廚十三老壇酸菜魚，地點方便易揾。❗️酸菜魚❗️嚟到見到隻碗超大，酸菜魚嘅份量亦都非常之多勁好食😋d魚好大舊，啖啖肉，魚肉無骨又嫩滑，魚亦都好彈牙好新鮮夠酸又夠辣🌶，呢個酸菜魚唔算好辣，平時食開小辣嘅我都食到👍🏽❗️棒棒雞❗️雞肉🐔滑雞皮爽，唔會覺得油膩，有小小辣🌶，好有辣既香味👍🏽❗️爽口牛柏葉❗️超級爽口，切到一條條，每一條都好入味😋❗️老虎椒愛鬆花蛋❗️鬆花蛋即係皮蛋，老虎椒切條，擺盤有心思😍味道唔辣，皮蛋晶瑩，仲有d肉碎伴住食，惹味不太辣，好好味😋食物質素好高水準💯鍾意食四川菜既朋友一定要去試吓

真心有驚喜，我第二次食酸菜魚，以前覺得酸菜魚冇咩特別，反而食過呢間之後，真係有啲驚喜🤣因為我不能吃太辣，所以我已經覺得夠辣味😋酸菜魚🐟上枱真係嚇咗一跳😱真係好大兜呀！我哋仲要加咗寬粉，夠辣得嚟又有帶麻，好過癮，魚嘅份量明顯比較多，配埋煙un嘅寬粉係冇得彈👍🏽麻辣呠呠雞🐔所謂嘅呠呠雞其實就係有好多串串浸咗係個汁裏面😛有牛柏葉，牛肚，鵪鶉蛋，土豆片，腎片，萵筍😋滕椒既味道其實就類似泡椒咁，花椒味比較重，呢個味道都正😂我自己就好鍾意，總括嚟講d串串係幾岩食👍🏽上上籤☝🏽冷鍋串串係川菜好出名既小食，將食材串起，放入麻辣🌶湯底，食落口冰冰涼涼咁，唔油膩。有蓮藕片，海帶，青荀，鵪鶉蛋，去骨雞爪，椰菜花等，第一啖食，唔辣，但之後，條脷及嘴唇就開始有麻痺既感覺，好過癮，愈食愈上癮😆好美味嘅一餐🍲下次一定會再嚟過😄

好耐冇食過四川菜😭😭 咁啱今日約咗兩個好姊妹一齊出嚟食嘢，而大家都咁鍾意食辣嘅時候就決定食呢間廚十三，夜晚六點幾上到去嘅時候冇咩人，店舖好大枱與枱都有足夠嘅空間爽口牛柏葉 - 好爽又唔靭，味道有少少辣，食完好開胃👍🏽酥炸無臉男 - 個菜名好得意，原來係炸豬肉，炸得非常脆乾身，肉質就肥瘦適中，都有啲油份係入面，但食落去又幾juicy😋個粉都配搭得好好，非常惹味炸雞翼 - 炸得好脆好乾身，而家好入味，食唔停口🤤🤤整體上食物既質素好出色👍🏽味道更加令人津津樂道😋我對呢餐晚飯好滿意💯

天氣咁熱好想食啲又酸又辣嘅嘢平衡吓，途經一間叫做「廚十三」四川菜，口碑又好似唔錯，於是同屋企人上去試下❤️傷心涼粉❤️夏天食涼粉真係透心涼❄️辣辣哋真係好醒神🤩❤️蔥油撈豬肚❤️唔知點解啲豬肚可以整到咁爽口，加埋啲蔥油真係好香口👍❤️老虎椒愛鬆花蛋❤️在眾多有趣既涼菜名字中揀咗呢個，十分特別，皮蛋用上好鬆花既皮蛋👍既有賣相，味道都唔錯😋❤️泡椒鳳爪❤️好爽好脆好好味，我最鍾意泡椒酸酸辣辣既味味道👍絕對有下次👍等我約埋班fd再嚟試佢既水煮系列😋

聽朋友介紹話廚十三的酸菜魚好好食，一直都心思思好想試，趁現在疫情個案偏低，終於忍唔住約埋朋友一齊食大小油條 有大又有細，兩種有唔同嘅口感，但係兩種都炸得好脆好好食😋泡椒鳳爪佢做得好入味😋同埋佢有切開一半👍🏽食嘅時候就冇咁論盡啦，係唔錯嘅開胃菜麻辣豬耳仔👂肉質爽口，食完成個口都麻晒，加埋啲青瓜絲一齊食，十分滋味蔥油肚撈埋啲蔥油真係好香，仲有啲花生🥜好香口呢間餐廳既食物質素高，而且裝修精緻❗️地點鄰近地鐵站，交通方便，屬於尖沙咀既火辣🔥之選❗️