廚十三老壇酸菜魚 (D2 Place ONE) (已結業)

突然間想吃酸菜魚，閨蜜推薦了荔枝角這間店！晚市時間挺多人的，等了約莫二十分鐘左右。點了二人份的酸菜魚，再加了必備的寬粉，閨蜜愛吃的午餐肉以及川菜必點的萵筍。酸菜魚即使二人份量也很多，兩位女生是有點吃力（我飯量不多）味道是我吃過幾間比例最正宗的魚香肉嫩，酸而不膩！另外點了上上籤，因為名字很可愛！（餐牌有很多特別的菜名🤣）吃的時候很驚喜，超麻超好吃！！！我最喜歡💕的是木耳，爽口的木耳加上麻麻辣辣的感覺是最出色的大推！！！

好耐冇行過嚟D2 place 食飯，今次順便搵朋友，個肚話我知好想食酸野，所以決定嚟到呢度食酸菜魚我哋三人行，所以叫咗兩個套餐再加一啲小食份量啱啱好！因為仍然疫情關係，所以唔可以太多人一張枱，加上佢哋準備咗口罩圖俾客人，非常細心酸菜魚套餐米線嘅份量如果不太大胃口，一個人應該食唔晒， 魚片有少骨，絕不能心急吃，酸辣度剛好，泡椒鳳爪少食爽脆，係小至中辣度，好入味手撕雞下次可以再試，調味適中！至於碧綠脆荀，脆口清爽整體也不錯

今日同朋友見假期就去荔枝角d2 place 行吓市集,到夜晚行到一期見到呢間廚十三酸菜魚，由於本人鍾意食辣所以即興要品嚐一下！間野好full 好多人，好彩咁岩有二人位，唔洗點等！我地叫左蘆筍，清清地好岩做前菜，同叫左個酥炸肉，呢個送啤酒一流，味道香口，令人忍不住食完一條又一條，份量又多，真係必點！當然都要左個主打酸菜魚，要左bb辣，一上枱，真心好大碟，成個枱咁大，配菜要左紅薯粉，木耳，金菇。個酸菜魚真係好滑，同大陸食開既有得fight! 都係無骨！ 魚肉一舊接一舊，夠酸，好夠味！再叫左兩個甜品解下辣，一個係紅糖冰粉，似啫喱既感覺，幾得意！同埋一款叫紅糖兹粑，食落煙煙un un 似食緊糯米糍咁，上碟係微溫，解辣一流！

係荔枝角D2 Plaza有間食酸菜魚既餐廳，位置易搵，而且座位寬敞舒適，中意食酸菜魚既朋友一定唔可以錯過廚十三，味道非常正宗香酥雞翼 $70單骨雞翼食落方便，香脆可口，仲有辣椒粉可以加不開心的黑木耳 $40菜名都精心設計過，不開心的黑木耳係因為係黑蚊蚊所以唔開心？黑木耳用左泡椒同醋醃製，酸爽清甜老壇酸菜魚(小份) $300配菜追加每份 $28酸菜魚厚度岩岩好，魚質夠嫩夠滑，湯底鮮甜且酸酸辣辣。另外追加左土豆、蓮藕、金針菇，土豆同蓮藕薄身爽口整體食物質素：4 / 5

食晒香港咁多間嘅酸菜魚，呢間份量唔值個價錢，性價比低D魚肉仲要用鹽醃過，個人認為唔需要，不過個湯底最似太二，味道唔錯，魚肉亦都幾嫩滑，不過有少少過稔，冇左魚本身嘅口感，冇牙嘅老人家都食到

因為好伏，所以講3次價錢同食物唔成正平收4百幾蚊三人份完全唔飽肚一個人都食得曬同埋D魚偏咸大陸既太二只係佢一半價錢但份量多佢成倍香港有幾間水準都比佢高！！不推薦

去完荔枝角D2 Place行街，決定試下廚十三嘅酸菜魚！我地兩個人，叫咗個最小份量嘅酸菜魚，加咗兩款配菜，另叫了兩碟小吃和飲品，大滿足！碧綠脆筍 $60碧綠嘅筍片加上適量花椒油涼伴！ 筍片切得超田薄，又爽又滑！仲帶有少少麻辣嘅感覺，好開胃！ 老虎椒愛鬆花蛋 $50又香又軟滑嘅皮蛋加熟蒜粒，好惹味!老壇酸菜魚 (小份) $300  另加寬粉 $28 ，木耳 $28超級大碟呀！魚肉起骨後切薄片，魚片份量好多，而且好嫩滑嘅! 小份的酸菜魚已經足夠兩個人分享!  湯底帶麻辣，又夠鮮味，正！配菜嘅份量同樣好多! 木耳勁多粒，仲有金菇，豆腐，蓮藕等等，都同湯底好夾！寬粉煙煙靭靭，又Q彈，推介！ ZERO 可樂 $10 食麻辣野，汽水必備!無糖羅漢果 $13

在商場逛著逛著到了晚飯時間，友人與我對於路過主售酸菜魚的餐廳大感好奇，再從窗外看到大大碗的酸菜魚放在每位食客枱上，此刻我們便決定了那晚的晚餐了餐廳色調一反主流中國風設計，主要以啡木及藍色為主，感覺柔和中不失生氣。實施1.5m枱距離後餐廳寬敞甚多，坐得舒適又環境寧靜除了枱距離外，餐廳因應疫情還提供相應措施，準備了一盆熱開水讓我們再次清洗餐具，亦供應透明膠袋盛載口罩，食得安心之餘餐廳也可保障潔淨衛生餐牌簡單地只有一張兩頁，正面為主打酸菜魚，有小份、大份及土豪份量，分別適合不同人數享用，還有13款配菜可添加理酸菜魚中。背面則是一系列涼菜、小食及飲品，大眾的款式有些帶著可愛而莫名奇妙的名字，詢問後才知食物真實身份。大大的碗盆由服務員沉重地放下，看到內裡滿滿的食材便垂涎三尺，湯底乃是酸菜魚的靈魂，酸度與辣度適中，屬來自花椒的溫和麻辣非辣椒的辛辣辣度，而辣度亦平穩地維持至最後一口，不會有愈吃愈辣的趨勢，可惜油份頗高，湯面明顯可見一層油漬。除添加之配菜外，湯底內基本附有大量酸菜、芽菜、魚及花椒辣椒等香料。魚片大約有十多片，魚肉非常嫩滑帶微魚鮮味，雖說去骨魚片，但仍可找到3至4條粗碎骨，進食時我們也份

成日都會去深圳食酸菜魚, 水煮魚哩D野, 但係一直係香港都搵唔到好食既, 再加上哩排疫情, 直情無得上深圳, 有朋友講係D2 有間叫廚十三既酸菜魚做得好好, 釣哂癮既我當然立刻約腳狗沖去試下啦. 今日星期六, 六點鐘, 我又真係估唔到咁多人, 但係剛剛好有二人枱, 坐底叫咗一個大既酸菜魚, 一個糍巴, 一個泡椒雞腳, 嗱~ 哩道同深圳唔同既係, 佢有得俾你揀辣道, 同行朋友不太食得辣, 啱哂佢, 黎到真係好大好大盤囉, 香到死, 魚肉勁滑, 酸菜酸得黎唔搶喉, 正明係無添加野, 糍巴係一D用糯米整成既小食, 外面炸香咗, 勁有米香, 加上黑糖漿黃豆粉, 口感味道豐富的一個小食, 仲有泡椒雞腳, 雞腳好爽口, 泡椒香而不辣, 很開胃, 結論: 我一定會再黎食一間餐廰, 上哂引

大概呢一兩年大陸興起吃酸菜魚，香港亦都慢慢逐漸引入，今次我和同事去試一試這間酸菜魚，估唔到一上菜嘅隻碟竟然可以大到咁誇張，如果量一量，可以去到有半隻手咁長佢都可以比你揀一邊 麻辣 或者唔辣，同埋可以加其他小吃例如，午餐肉腸仔等等，我和同事叫了一個辣同唔辣方便大家口味 ，辣嘅方面亦都適合大家吃，少少辣又未去到話十分之太難食唔到，可以一試

對住喺荔枝角嘅朋友真係一大喜訊D2 Placa 新開左酸菜魚啊!!店內好多超浮誇嘅標語講到我好期待先點左個蔥油撈豬肚，豬肚新鮮爽口，好入味另外想食辣嘅可以點呢個手撕雞脾，少少麻好開胃啊跟住就嚟重頭戲"酸菜魚"啦個碟大到嘩然一聲，你睇下個比例就知幾誇張d魚肉夠哂份量，可以根據人數點返相對嘅份量，唔使擔心唔夠食而且超多配菜，用嚟送飯真係停唔到0芽菜都好入味，令人食哂成碗白飯lunch set都好吸引，一定會再嚟

朋友話今晚帶我去一個地方食飯，包我歡喜😁⋯⋯首先一入大廈門口，有好熟識畫面，這個地方唔系某劇集拍攝🎬埸地🤔🤔，朋友知我時時都追這個劇集，所以特登帶我來這裡參觀。唔知會唔會碰到，大龍生，大小姐，或者Terry.....,,呢？😅😅⋯⋯難道朋友帶我去初戀cafe😱😱原來這幢大廈有幾層是食肆，我地上左其中一層，有好多餐廳🍴選擇，仲有小量攡位買賣，好像一個迷你市集。最後朋友選擇左一間，我時常都話想食酸菜魚的食店。老闆怎解會開這間食店，原來有段古，而且這間食肆好多客人聞名而來。一入餐廳，地方給人感覺簡潔，光猛，座與座位排得整齊。一坐低，待應就放低一支玄米茶給我們，原來系免費任飲👍👍今晚由廚師提議，首先來碟：叫做「正經的雞被撕」🐔，🤔，雞皮爽，滑，有咬口。味道合中，有麻油香味，還有些乾指天椒🌶在上面，以為好辣，味道完全適中，並沒有遮蓋鷄味。可能之前待應問我們食辣的程度而分配，值得一👍，太細❤。而另一碟：「碧綠脆筍絲」冷盤，食物好精緻，擺設有心思，絕不馬虎了事。賣相非常吸引👍👍。最後主角出場：叫小份酸菜魚，二人份量，絕不取巧，份量絕不少😱😱，配菜繁多，絕對物有［超］值，配料有芽菜，蓮藕片，薯仔片，木

疫情影響下，想搵一間餐廳可安心與朋友歡聚用餐絕不容易。 最近從同事口中得知， 老壇酸菜魚餐廳衛生做得非常出色，令食客安心之餘，食物口碑亦不俗， 今晚決定與好姐妹 2人一試 餐廳位置於地鐵站D2出口對面， 交通非常方便。 可能入坐時間尚早， 筆者沒有等候就被安排入座坐位的確非常寬敞舒適，在疫情的時勢下，空間感非常重要環境空氣流通。每枱也會奉上一壺清香麥茶，麥茶溫度適中，不會太燙或冷冰冰。這裡有三款份量酸菜魚供食客選擇，人少也可以享受酸菜魚美味前菜【碧綠翠荀】非常出色的前菜，荀非常新鮮。 荀砌成薄薄的一片片， 每一片入口都有著麻油香味，口感香脆開胃 前菜【正宗雞脾絲】同樣也是不得不推薦的前菜， 雞肉十分嫩滑， 入口 ~香香·麻麻·辣辣~ 與外間的手撕雞味道與別不同 二人分量 【酸菜魚】店員主動詢問筆者嗜辣的程度份量絕不惹少， 除了魚，非常多配菜。蓮藕片、雲耳、午餐肉、 支竹……魚肉大小適中，入口嫩滑無雪藏味， 其餘各款配菜也砌得薄身，好讓酸辣的湯底精華容易吸收於食物當中，享受酸菜魚之川式之樂。

以前會返中國食酸菜魚，家下不了，但係又想食喎，於是搵左呢間餐廳！餐牌介紹話鋪頭老闆係資深吃貨，最鍾意食酸菜魚，仲鑽研咗酸菜魚嘅13種做法，講到好勁咁搞到我都好期待。我同朋友兩個人叫咗個小份酸菜魚。另外仲叫咗兩款小食，分別係青椒土豆絲同埋正經的雞被撕，即係手撕雞。啲名好別出心裁！唔好以為呢支係油，其實係茶，小麥茶之類，清淡解膩！最貼心係次次飲淨三分二，waiter 都會嚟換新茶！座位方面都好寬落！所有櫈都有軟墊，坐得好舒服！<正經的雞被撕>送到！岀奇地有擺盤🤣本身覺得手撕雞都係咁㗎啦，冇乜特別，但係竟然有驚喜！雞肉嫩滑唔再講，個麻辣汁唔係一味得個死辣，係有層次嘅麻辣，仲好入味。平時啲花椒一食到就要lur, 因為太辣，但係呢一個竟然可以咬埋吞埋，嗰種麻係食得入口嘅麻！大推！至於青椒炒土豆絲，唔好以為呢味菜好簡單，要炒得好食都唔易！又炒過嘅香口，亦炒得好爽身，完全唔油膩，雖然係澱粉質，但係一啲都唔會食到飽飽滯滯。重頭戲終於嚟到，就係酸菜魚，成個面盆咁大，非常誇張！除左有最重要嘅魚，當然我地亦有叫配菜，包括腐竹、豆腐、連藕丶粉絲、木耳。湯底非常特別，唔係一般中國或者我哋心目中正

我好鐘意食酸菜魚，但好多間都用catfish黎整，雖然冇骨但係感覺都麻麻地，冇乜魚味。今次去左依間度食，佢係鱸魚黎，所以唔駛擔心食左咩魚落肚。依間店做緊折扣，所有配菜同飲品都有半價，所以我都叫左鮮腐竹同寬粉撈埋酸菜魚一齊食。叫左小份（因我得２個人）$300對於２個人黎講，份量其實都岩岩好。魚肉好滑，唔多骨，有魚味，湯底唔油，酸味唔算好勁，可接受，可以辣多少少會比較好。另外叫左老虎椒愛鬆花蛋（＄５０）皮蛋有點重鉛味，唔係流心蛋，所以一般。麻辣牛展（＄８０）好重麻味，有點食唔出係食緊牛咁。酥炸無臉男（＄８０）炸得香口，配埋辣椒粉食一流。夾埋食左５百幾蚊左右，環境幾好，２個人俾４人位置，好闊落，服務都很好，有禮物，而且食品質素唔錯。