廚十三老壇酸菜魚 (D2 Place ONE) (已結業)

去d2 place 搵野食，好易中招，成日諗住佢工業區，嘀野食唔方貴，但通常理想好豐滿，現實就好骨感，佢嘀cafe 真係唔算平，地方又吊腳，我已經將佢踢出我搵食範圍，但我朋友就腳，我唯有搵下有咩性價比高㗎啦！我鍾意食酸菜魚，見呢間嘀食評唔錯，當然好樂意黎試下啦！叫咗拍青瓜，涼拌黑木耳，我例牌！但佢個黑木耳個味係唔同平時㗎！佢用泡椒！！我鍾意泡椒鍾意黑木耳，但我唔鍾意佢地一齊囉！佢地都唔夾我食魚又唔識略骨，平時叫酸菜魚通常會叫桂花魚，骨少，但佢冇得揀，佢果種魚泥味重少少，冇所謂啦！講真，佢大到成個面盤咁，價錢又唔貴，又送碟菜，服務又好，你想點丫！樣樣野都心想事成會天下大亂㗎！已經嗌佢普通個size 都咁大盤，我都忍唔住要做老土野嘅洪荒之力，用隻手同盤魚比大小，呀！

我一向都鍾意食水煮魚酸菜魚, 但以往不嬲都會 係深圳按摩嘅時候食,一年大概食 四五次, 但呢大半年都唔會上去，所以就會喺香港尋覓唔同嘅川菜。 餐廳以酸菜魚為名， 喺尖沙咀， 荔枝角都有店舖， menu簡單， 主打的食物就是酸菜魚, 所以不可不試。我哋兩個人叫咗一份細酸菜魚，加寬粉，豆卜， 腐竹。另外叫咗兩份小食， 泡椒鳳爪，麻辣牛腱。酸菜魚用嘅係鱸魚， 只有一種辣度， 跟泡椒泡薑， 花椒粒，酸菜， 集酸，麻，辣。 鱸魚肉實淨，鮮甜， 連皮切得厚薄如一， 配料一份14蚊， 整體組合好味， 令人上癮，一食再食。 長直寬粉，口感彈牙。 豆卜普通但腐竹爽滑不糊 ，好有豆味。泡椒鳳爪， 清脆爽口，酸酸辣辣非常開胃。 麻辣牛腱， 我地通常叫牛展， 有麻油，辣油，香蒜，芫茜等。兩個人食一個細酸菜魚已經夠， 我哋叫咗咁多嘢食圍返都係250蚊一個人， 相當抵食，而且最緊要係畀人感覺乾淨衛生。

以前一直都好想返內地食酸菜魚不過一直無返，依家終於可以係香港食到一早訂咗位，一到就可以即刻入兩個人叫咗一個小份，再加左寬粉，午餐肉同埋豆卜等左大約10分鐘就有得食啦👏小份其實都好大份，正常食量嘅人都會食得晒同埋飽，酸菜好夠味不過我略嫌覺得酸嘅味道比辣味道強好多但係整體好正👍🏻不過張枱比較細，放咗一盤魚已經無位再放其他嘢食，所以我哋都冇加小食下次有機會好想試皮蛋，見到隔離枱食得好吸引😂一定會再有機會食

第一次去D2 place，行完就搵間野食，見到有間食酸菜魚，openrice啲食評又好就入左去試。🥢大份酸菜魚 $4504個人食酸菜魚份量都ok，仲加左青荀片$28，土豆片$28，寛粉$28 同埋粉絲$28。所有配菜都放哂係魚鍋到，配菜無咩特別，份量正常。但酸菜魚無乜酸菜味，應該係酸菜本身就唔夠味，因為就咁食都無酸味。成鍋魚好多油，而魚片又有好多骨同魚鱗，未試過食酸菜魚會食到骨同麟，好可怕😓仲要唔止係一兩塊魚有，係成鍋魚都有...最後竟然係食哂配菜但淨返啲魚片係到😕

最近社會狀況真係完全唔敢返大陸，朋友介紹呢間酸菜魚絕對食過一次之後都唔使北上！門口好整潔高檔，開頭以為價錢會幾貴，但一打開Menu覺得好抵🤣我哋有六個人所以叫咗一份土豪份酸菜魚，佢哋嘅與非常之鮮嫩幼滑，最最最值得讚嘅係完全冇魚刺，即使小朋友都可以放心食用👍🏻另外仲加咗豆卜、午餐肉、粉絲，當中粉絲索晒湯底既精華，酸甜入味。鍾意食辣野既我地，見到Menu所有辣嘅菜式都好想叫晒！🤩先黎一碟泡椒鳳爪，清脆爽口，酸酸辣辣非常開胃生津。 另外仲叫咗一碟麻辣雞爪爪試吓味道嘅區別！顧名思義就係有麻辣嘅感覺，嗰種辣係越食越想食。而麻辣豬耳仔嘅味道同麻辣雞爪爪差不多，但口感上很大分別！豬耳仔味道脆嫩，有嚼頭， 非常好吃。另外有幾個菜式嘅菜名非常特別：不開心的黑木耳、老虎椒愛松花蛋、酥炸無臉男。當中特別想推介嘅係酥炸無臉男，口感鬆脆，再加上佢哋配嘅麻辣粉，少食煎炸野嘅我都忍唔住係咁食🤪其實餐廳除咗食辣野，都有一啲唔辣嘅菜式， 當中嘅清炒萵筍絲有淡淡的蒜香，脆爽的筍絲。最後佢哋贈送香酥雞翼同甜品紅糖冰粉，佢哋嘅香酥雞翼真係非常之香，配埋麻辣粉勁惹味！必食推介👍🏻👍🏻👍🏻👍🏻👍🏻

想食酸菜魚，朋友介紹左呢間比我，趁假期就一家大細去食皮蛋正常味道，質素都ok，好多garlic但個汁唔夠辣，得個咸字，冇乜層次感。咁細碟要$50，性慣比低泡椒雞腳，上枱已經爆晒皮，賣相唔合格味道都係普通，淡淡泡椒味，又係貴呢個唔記得咗個名，係炸米糕個類，點左個黑糖汁，甜甜地幾好食不過炸粉有啲厚，個皮脆到硬左lol 終於到主菜酸菜魚（2人分量）～ 揀左小辣，湯底ok嘅，但係冇乜辣味同埋重點係一啲酸味都冇魚就幾滑嘅，份量又係好少。普通當佢係一個餸都幾好食，但係如果係酸菜魚就唔合格啦

今天經過荔枝角D2 place （地點十分方便，鄰近荔枝角地鐵站，只需行5分鐘）,見到這間廚十三酸菜魚被裏面的餐牌所吸引，餐牌裏面的菜色全都是用特別的名字作涼拌的名字！涼拌方面我點了碧綠萵筍及青椒土豆絲，碧綠萵筍切得非常薄但食落很脆口，味道不是很濃但很清爽！另外我點了青椒土豆絲，平時一般的土豆絲都是涷食，但這款是熱食，而且味道有點酸，十分開胃！煮食亦點了一個老壇酸菜魚，魚質非常滑，而且香口，我加了午餐肉，蓮藕，粉絲，木耳，豆皮於酸菜魚中，這些配料滲入酸菜魚湯中，令配料變得非常好味！而且酸菜魚可以選擇自己喜歡的辣度，配合自己的口味，我選擇了小辣，另外酸菜魚感覺不太油膩，不像平時大陸食開嗰啲，非常值得推介！

係香港都食到正宗嘅酸菜魚！今日同屋企人黎到荔枝角嘅廚十三食酸菜魚，係唔少鬧市都有佢嘅分店。聽聞店鋪老闆係愛吃酸菜魚之人，專門研究酸菜魚嘅地道做作，怪唔之得係疫情中嘅午市時段仍然有唔少人黎一嚐酸菜魚。我地點咗小份嘅酸菜魚，足夠俾2個人享用，亦都加咗唔少配菜，例如粉絲、青荀片、木耳、藕片、金菇、芽菜等等。結果一上菜就嚇親我地，因為真係好大盆，令人難以想像土豪份會有幾大！辣度可以自選，要唔辣都得，我地試咗小辣，湯底用咗紅椒、泡椒、麻椒等等黎烹調，非常開胃。魚肉無骨，十分方便，而且口感滑嫩，惹味十足。酸菜更加令酸菜魚錦上添花，酸咸味令人食指大動。碧綠脆荀，即係青荀片，切成薄片，非常爽脆。酥炸無臉男，即係炸肉絲，依間餐廳有唔少菜式都有非常有意思嘅菜名架。香口得黎，一啲都唔油膩，作為小菜一流。

今日嚟D2 place行街，見到原來呢度都開咗廚十三。上次食過銅鑼灣店覺得唔錯，就揀咗喺度食晚餐。門口等位區有好多醋埕裝飾，好啱打卡。呢間分店都係有好多長梳化位，坐得都幾舒服。兩間分店餐牌係一樣既，上次冇叫到脆荀今次可以食返🤤叫咗加多寶同酸梅湯，兩樣都係外賣包裝，酸梅湯相對無咁甜。碧綠脆荀 (8/10): 脆荀好爽脆，其他嘢都偏濃味既情況下好建議大家叫呢個做前菜平衡下酸菜魚小份 (9/10): 個人覺得呢間分店既魚片更加滑，但相對胡椒味會比花椒味突出啲。配菜揀咗豆卜、金菇同寬粉，全部都超索汁好正～酥炸無臉男 (7/10): 炸到脆卜卜既肉絲好似送酒小食～個人覺得點下酸菜魚既湯汁味道更正～紅糖冰粉 (8/10): 最後嗌個冰粉做甜品，冰粉滑嘟嘟，加埋偏煙韌既蒟蒻粒，口感更加豐富～推介大家嚟呢邊行小店既時候試下～

呢間酸菜魚真係目前為止喺香港食過最好味嘅所以不得不推介一下。呢日係平日下午時間，所以冇乜人唔使等位。你叫咗個二人份量酸菜魚，魚的份量勁多鍾意食酸菜嘅人可以加錢要多份的。之所以咁鍾意呢間酸菜魚嘅原因係佢湯料用料好足，一路食一路感覺到既香且麻，魚肉亦好入味。酸辣麻層次豐富，味道唔單調！另外加咗粉絲同午餐肉， 估唔到午餐肉同酸菜魚係咁夾啖啖肉的感覺。粉絲就吸晒啲湯汁我叫咗幾樣小菜麻辣豬耳仔辣度係微辣，好香芝麻味，食落豬耳仔好爽口老虎椒愛鬆花蛋鬆花蛋即皮蛋，老虎椒炆得好淋好入味，最鐘意呢碟皮蛋有滿滿的蒜香食落好過癮！上上簽呢碟上上籤原來係唔同嘅蔬菜、雞腳同鵪鶉蛋所製的涼拌小食，凍食來的。蔬菜嘅款式全部都入口幾爽脆開胃，同酸菜魚嘅口感就截然不同。紅糖冰粉呢碗甜品冰冰涼，入口即化，好順滑，甜度適中，解膩呀飲品方面本身每一台就已經有蕎麥茶，我另外叫左酸梅湯，原來係樽裝飲品，味道還可以

朋友有一天說想吃青椒土豆絲，並推薦了這間餐廳。川菜味道特色是麻辣，對我一般來說，川菜不合我喜好，可是在我第一次品嚐酸菜魚後，我便深深愛上這到菜！之後每次有機會品嚐酸菜魚都覺得十分滿足！酸菜魚的主角是魚肉，幼嫩細滑的魚肉有著神秘的魔力，使人吃完一口又一口。我總覺得要把魚肉烹調得如此嫩滑是一門大學問。這到菜的味道來源於湯頭，酸辣平衡有道，入口覺得味道豐富，不會死辣或者死酸。不過，因為這是一道味道很重的菜式，所以我覺得還是不要喝湯比較好。這是朋友喜歡的土豆絲，味道挺有趣可口的，不是會令我朝思暮想的美味，但味道口感亦算不錯。

係呢排抗疫嘅日子下都比較少出街，今日係難得地約咗幾個朋友出嚟食飯，我哋就去咗荔枝角D2place食嘢順便行吓街～朋友推介左呢間廚十三🤣咁岩呢排都唔方便上大陸食酸菜魚，喺香港搵到間差唔多水準嘅就夠啦～見到餐牌上面唔同類別嘅食物都有好多選擇，我哋就隨心咁叫咗少少黎試！首先唔少得嘅當然就係酸菜魚啦！碟酸菜魚比我想像中大好多，極具份量，淨係見到未食都已經覺得有種莫名嘅滿足感～酸菜魚嘅湯底有好豐富嘅調味同配料，酸菜嘅香味十分濃郁，而且配料仲可以任由我地自己選擇！我哋就梗係唔少得叫番啲吸到湯味嘅配料，好似薯粉、金菇等等黎食盡個湯底既美味啦～當然除咗配料之外，主角酸菜魚嘅味道都係好出色！佢嘅魚味好突出，而且肉質幼滑細緻，浸左喺湯第一段時間令到魚肉更加入味～小食酥炸無臉男係一條條細細條嘅豬肉條，香脆可口之餘又唔會令到人有太飽肚嘅感覺，作為小食真係冇得頂！皮蛋嘅味道不過不失，點多啲佢嘅醬汁就更加好味啦呢個類似年糕咁，食落煙煙韌韌，但係又唔會有好濟嘅感覺，而且點少少黑糖咁食，絕對將佢嘅味道進一步昇華當然唔少得嘅就係有紅糖冰粉作為甜品啦！有甜而不膩嘅冰粉配合爽口嘅椰果作結，啱啱好中和到原本酸菜魚喺口入邊濃郁

心血來潮～大家放工想食四川菜 諗起想食酸菜魚🐟 於是上網搵吓有冇酸菜魚嘅鋪頭～ 見呢間連鎖店得返荔枝角一間冇裝修 所以特登黎🤣 本身諗住疫情影響 應該唔多人出街食晚飯 但係原來都滿位 睇嚟大家都好鍾意食酸菜魚😎除咗必要嘅酸菜魚之外仲有唔少四川嘅特色涼拌小食大部份都係酸酸辣辣！ 呢個係豪華版四人份量嘅酸菜魚 $580 真係好大份一放落嚟已經霸哂成張四人枱！ 好足料有好多好多酸菜同埋魚嘅份量都唔少，餘生滑溜，辣度方面個人覺得就唔係好辣，可能夾左香港人口味，但係慢慢食落就會開始辣～ 麻辣麻辣都幾過癮！另外酸菜魚都可以加配菜，我哋就加咗必叫嘅寬粉，金針菇，蓮藕片，青筍片（$28 一碟）～ 寬粉大大條好厚身配合埋四川麻辣味簡直一流！ 個人好鍾意青荀 好爽口而且係麻辣中帶點青新嘅感覺🤡老虎椒愛鬆花蛋 $50 其實即係皮蛋 凍凍地沾上辣椒汁 而且好滑溜 前菜一定要叫！ 麻辣雞爪爪 $70 醃得10分入味 辣辣地 食到停唔到 重點係無骨😍 雨露均沾 $40 其實即係四川麻薯 性價比好高 外面炸得香脆內裏腍身 面上有花生粉 點上糖漿 甜甜地 煙煙靭靭 好有口感！ 最後叫咗紅糖冰粉做甜品 透明嘅啫喱 口

今次媽咪生日佢鐘意食中菜，一於就帶佢嚟食酸菜魚啦D2 Place呢間非常闊落即使碟魚咁大碟都唔會好逼😂先講左啲開胃菜先睇啲菜名好得意，點左個蔥油豬肚啲豬肚好爽口，而且好入味另外就點左個手撕雞，有少少麻辣，超惹味之後就嚟重頭戲酸菜魚啦，佢好專注做一款係我欣賞的👀 點左四人份，足足有三條魚咁多😂好大份好夠食啲魚肉滑得嚟又唔會散，舊舊夾得到而且佢有好多配菜，芽菜、支竹呢啲好入味嘅野，食到停唔到口🤪最後食埋個甜品好滿足

約好朋友新年後上深圳食酸菜魚,因為封關,反而被我哋揾到香港都有得食吾使返大陸咁辛苦。呢間食市有幾間店鋪,就朋友方便,我哋揀咗荔枝角。交通便利,好容易到達。門口擺放著幾十個罎子,頗有特色,吾知內裡是否裝有各式各樣嘅調味醬料呢🤔柔和燈光同餐檯及梳化好配合,透過粉藍色玻璃窗可以睇到街景,令人有種舒適優閒感。餐廳非常受年輕人追捧。餐廳主打酸菜魚外,仲有涼菜、蔬菜、小食、飲品同甜品選擇。有啲餐名仲好好笑添：酥炸無臉男、刀拍前男友、老虎椒愛松花蛋……🤭刀拍前男友🥒吾錯吾錯,"拍"得好,青瓜碧綠爽脆，配上芝麻、蒜蓉、麻油、胡椒等醬汁，少少麻辣,係一道醒胃前菜。炒土豆絲🥔馬鈴薯絲粗細均勻,口感爽脆,條條分明吾會糊化,簡簡單單入味。老壇酸菜魚(小份)🐟主角出場啦眼見鍋內鋪滿魚片、豆卜、酸菜等,加上花椒仔同菊花瓣點綴。急不及待飲頭啖湯……魚湯够熱,味酸、香、鮮中帶微辣,餐廳採用新鮮鱸魚製作,肉質嫩滑、吾散、無骨，適合我哋怕吃魚骨嘅人。酸菜新鮮脆口,正如餐牌上寫著「酸菜更好吃哦」！除咗以上食材外,仲有：蓮藕、大豆芽、木耳、粉絲、鮮腐竹、豆腐……等多樣配菜。老壇酸菜魚(小份)但份量係大大鍋,已足夠我倆飽肚有餘