廚十三老壇酸菜魚 (渣甸街) (已結業)

平時真係唔點食魚但會食酸菜魚貪酸菜魚夠惹味又無骨配料放咩都咁正見好耐冇食過酸菜魚黎開cwb就食下啦疫情期間 餐廳都好貼心提供埋口罩袋俾大家使用咁就唔洗怕整污糟個口罩啦每次睇到個menu都有好多款想食但兩個人其實都食唔到好多🤣食得酸菜魚唔可以唔飲下野既始終辣辣地 有杯野飲會舒緩下d辣味上圖係芒果梳打特飲下圖係熱柚子茶芒果梳打一d都唔hea 係真係飲得出有濃濃既芒果味大人份酸菜魚配料要咗寬粉 豆腐卜 青筍片每次食酸菜魚都一定一定要寬粉同豆腐卜索哂d酸菜湯入哂味好正魚一如既往的冇骨夠哂滑朋友係超鐘意食飯午餐set係可以任叫白飯既~~蔥油撈豬肚向來我都鐘意食牛肚豬肚今次豬肚係必點既用蔥油一d都膩仲辟到都豬腥味上上籤入面有豆腐卜 青筍片 椰菜花 雞爪 蓮藕片相比起用酸菜湯 呢個更辣更惹味食完會有麻痹既感覺最後要翻碟菜清一清既白灼得黎又夠味👍🏻👍🏻👍🏻

最近幾個月都無返深圳食酸菜魚，上網看過這間評價幾高，今天決定和朋友前來一試😋😋😋見到網上沒有預訂服務，需要自己打電話來book⭐️⭐️我們點了一個二人分量的酸菜魚，選擇了小麻辣，另外還加了黑木耳和寬粉（問了店員其實就是類似紅薯粉😝😝😝）食物來了，魚肉非常鮮嫩肥美，每片都切得薄薄，而且有少少青胡椒的香味，非常滋味😋👏🏻😋黑木耳是爽口新鮮，每次都喜歡點寬麵去吸收湯的精華，當然連湯一齊飲會更美味👍🏻👍🏻👍🏻

今日喺銅鑼灣行街，又想食下啲四川野。佢Menu除咗酸菜魚，都幾多嘢食。餐廳嘅裝修都幾新穎。呢個正經的雞被撕，就係手撕雞。賣相好靚，佢有啲芝麻令到成個雞好香，辣辣地好醒胃。呢個避風塘魚腩超級好食，佢炸粉一啲都唔多，真係可以話係啖啖肉。睇佢好似好多香料辣椒，但其實都唔算辣，本身唔係好食得辣嘅我，都覺得好味。呢個上上籤，賣相好得意，佢有好多唔同既餸，例如蓮藕、鵪鶉蛋、海帶，食落去都幾麻，鍾意食麻辣嘅不妨試吓。黎到主角酸菜魚，你可以揀辣度，我就揀咗BB啦，佢啲魚好大塊，好多肉好好食。同埋我哋再加咗個寬粉係入邊，配酸菜魚一流。呢個菜佢炒得好好味，佢霹走咗椰菜嗰種青草味，啲菜有好爽口，切得好細條，口感好好。最後我哋叫咗個糍粑，出面鋪左啲黃豆粉，裏面非常鬆軟，外面炸得好脆，好味！

我已提早打電話問左幾點last order,係個女人聽電話話9點15分我問我8點45分去都ok，佢話ok，我話咁我留一留枱個女人叫我直接上去就得，咁我8點45分上到去，話2位，前台企左個肥肥地女人，同我講無位都笑唔到係last order之前比我入，所以叫我走唔使等，我當下真係火滾，咁你叫我直接上黎做乜呢？態度仲要好差驚我阻你收工？你收10點半喔你唔想做咁打黎問你就咪叫我照上黎啦，真係係中環用15分鐘仆出去，為左受你氣？

以前個個都番大陸食酸菜魚，但有時想食起上黎😖，其實係香港都食得到相當水準既酸菜魚。🥳首先要讚呢間幾貼心，有提供口罩袋給每位顧客。環境都夠乾淨，有公筷提供。呢度既菜色岩鐘意重口味既食家😙首先必須講講主角酸菜魚，鱸魚肉好滑身，無骨，切成一片片簿身，所以好入味，酸菜味好出。大大碗好足料。另外仲加左寬粉，🥰好鐘意寬粉，唔係淋曬果隻，又有相當厚身，夠咬口，配酸菜魚真係好正，係我同朋友們最快清盤既一碟！避風塘魚腩 🌞睇樣以為好辣，反而係好香口，呢個大推上上籤呢個有好多款，海帶，椰菜花，雞腳，蓮藕等等。隔壁小孩饞哭了其實係用鍋燒既椰菜，有油香，好岩夾其他重味道既菜式。店員都貼心，問問我地想爽身啲定淋啲。麻辣牛𦟌夠麻，岩鐘意辣既朋友，底下配青瓜絲甜品 雨露均沾第一次食呢款甜品，係米糕配黑糖，外脆肉軟，夠煙韌，口感幾特別仲有其他小食，我地三個人真係食唔少🙈開左個胃了（😂啲菜式名幾特別正經的雞被撕酥炸無臉男

今日襯住放假去食下好野放鬆下就黎左‘廚十三’食酸菜魚過下口癮😋佢地座位好闊落 坐得好舒服亦好貼心咁提供口罩袋比我地放口罩食物方面梗係唔少得佢地招牌菜!老壇酸菜魚🐟佢有小份、大份同土豪份揀亦可以自己選擇辣度同埋加配料我地2個人揀左小份加鮮腐竹無論配料定係魚肉 份量一d都唔姑寒👍🏻魚肉好滑又冇骨 辣度剛剛好 亦唔會好油膩 超正啊值得一提係佢地既酸菜同魚一樣咁好食就咁食酸菜都可以餸一碗飯正經的雞被撕個名幾得意 我地就叫黎試下其實就係麻辣手撕雞雞絲好滑好入味又麻又辣好開胃蔥油撈豬肚豬肚好爽口，帶有小小辣配上芫茜同花生碎 一齊食多重口感整體黎講性價比都高係香港地食到高質酸菜魚 價錢亦都唔貴可以慳番番大陸既精力同時間😆

第1次喺香港食酸菜魚小份酸菜魚 ~ $338呢個小份酸菜魚絕對夠3個人食，我叫咗小辣，辣到啱啱好另外我加咗米線同埋豆腐，啲米線同豆腐會加埋落去嗰啲酸菜魚裏邊。啲米線加左落啲酸菜魚度食系幾好食，因為啲米線吸收左酸菜魚的湯汁蔥油撈豬肚 ~ $98豬肚爽口，蔥油夠香泡椒鳳爪 ~ $68味道偏辣，係1個凍食，咬落肉質有口感香酥雞翼 ~ $78荔枝風味梳打特飲 ~ $28熱蜂蜜柚子茶 ~ $28環境方面呢間餐廳裝修行壞舊風，入到去有一種去咗另外一個地方嘅感覺。呢到有好幾張卡位，兩個人都可以坐張4人卡位

 以前會上去深圳食酸菜魚，最近返少咗，好在香港有間正老壇酸菜魚，係銅鑼灣、尖沙咀都有分店 。店舖內的漫畫設計十分養眼，燈光好夠光猛。 座位仲有埋叉電位同叉電線，夠哂細心。 作為主角的「老壇酸菜魚」有三種份量，1）可供4人享用的土豪份，2）供3人享用的大份和3）供2人享用的小份。另外加幾款配菜包括薯粉、午餐肉、青筍片和豆腐 。超大一盆酸菜魚，顏色豐富，大海碗裡除了有白雪雪的鱸魚片和酸菜外，還有腐竹、泡椒、胡椒等。入面嘅寬粉係最好的配搭，吸收哂整道菜的精華  我點了少辣程度，只要唔食唔到花椒，都唔會有太麻味道。  碧綠脆筍係窩筍片，幾香口，有蔬菜配下可以食多啲  點了紅糖冰粉，冰涼滑溜，味道挺好的　  見到午市menu有套餐供應，便可品嚐到老壇酸菜魚配白飯 + 飲品，下次要試試    

香港雖然唔少地方有酸菜魚食，但係真係好好食嘅又真係唔係太數得出，如果唔係近年香港人就唔會咁鍾意返大陸食酸菜魚啦。但受疲情影響，相信未來一段時間都返唔到大陸，想食嘅朋友不妨試下呢間「廚十三老壇酸菜魚」，佢嘅酸菜魚做得幾好，幾impressive，係香港有四間店，分別位於尖沙咀、銅鑼灣、油麻地及荔枝角，梗有一間係左近。銅鑼灣店都幾新淨，環境唔錯，座位寬闊幾舒適。而且受政府新頒布實行嘅餐廳人流管控措施所影響，食客都需要隔檯坐，所以不同食客都相隔幾遠下。另外，餐廳入口擺放左消毒搓手液，而洗水間亦有放李斯德林嗽口水，衛生方面都算比一般餐廳好。上上簽 ($88): 內有一串串的青荀片、鵪鶉蛋、椰菜花、藕片等等，湯汁屬小辣級別，都幾惹味，經浸泡嘅食物都幾入味，特別青荀片清甜爽嫩又帶點辣都幾好食。招牌老壇酸菜魚 ($338/小份, $478/中份, 土豪份/598): 分別供約2人、3人及4人享用，而呢窩係中份，份量都幾多，非常大堆頭，仲可按自己喜好，自選其他配料，例如午餐肉、金菇、豆腐、土豆片、米線、寬粉、青荀片等等，每款加$28元，一般都會加一兩款配料以及米線/ 寬粉等。首先，由於與水煮魚嘅辣油唔

有食過酸菜魚就知佢的魅力😍😍好耐冇食過，今次就試廚十三，感覺質素很好🐟🐟入到店舖，環境闊落，4人坐位為主，唔會有好逼的感覺，枱與枱之間的空間感都設計得宜😊餐廳提供膠袋放口罩👍🏻細心餐牌前後一張過，簡單易睇，有分為小份、大份、土豪份，配合唔同的人數去選擇，而配菜種類10款以上，已經好足夠選擇💁🏻‍♀️另外小食同涼菜都以涼拌為主，好吸引，每樣都好想試🤣🤣大份的老壇酸菜魚$478😍😍份量很多很足料，湯底出色，酸菜味很出，也不會太咸，湯底配合得好好，魚肉大塊，啖啖肉，配菜加了寬粉及金針菇👍🏻👍🏻吸左湯汁，叫左一碗白飯，淋上湯汁😍好正好滿足😋涼拌及小食麻辣豬耳仔$88上上簽$88隔壁小孩饞哭了$78小食都好香的花椒油味，味道濃郁，豬耳好爽脆😋😋最後叫上一杯荔枝風味梳打特飲，舒暢👍🏻😌

很差的體驗。朋友話呢度啲魚好夠辣，所以帶我黎試下。Book左枱但都等左20分鐘先入得，在場唔係多人等位，呢度係90分鐘限時。-而且服務方面真係唔掂！我地order左碟酸菜魚先再慢慢叫其他野。我問朋友叫左咩辣？佢話頭先個男侍應完全無問過要咩辣度就已經走左⋯⋯好趕？講真，辣度絕對係侍落單時必要問嘅問題！隨後我地同個男侍應講返要中辣，佢hea應。隔左幾分鐘條魚已經到左！total落單連落枱serve只係前後十分鐘左右，咁快嘅？條魚梗係唔係中辣啦，最後唔夠辣，問另一個女侍應可否加辣？佢話可以，跟住入廚房攞左碟紅色sauce出黎，倒入鍋酸菜魚中（疑似係辣椒油）。咁都得？正常酸菜魚是綠綠地色的，倒碟辣椒油落去，一試仲難食過本身「唔夠辣」嗰陣，原本都有啲麻同酸，而家無晒之餘搞到勁油！到底係邊個教佢咁樣加辣？其實唔排除如果當初啱辣度可能幾好食，而家浪費左條魚，成晚個mood ruin晒-另外溫馨提示呢度無其他主菜，menu係得酸菜魚+ 十幾款小食/前菜，見到隔離一大嘭人，成枱叫左3碟menu改埋啲餸菜名，你睇完多數係唔知咩黎，但呢碟侍應話似係口水雞。味道不麻不辣反而有啲藥材味(唔知咩sauce)，一般

吃過尖沙咀的廚十三老壇酸菜魚發現原來銅鑼灣也有分店剛好這天和朋友到銅鑼灣上完課後便決定帶這兩位酸菜魚迷一起試試餐廳空間寬敞 座位舒適枱與枱之間有著距離 不會太擁擠而且還提供了濕紙巾和口畢袋 食得更安心淡淡蕎麥香的茶 好喝老壇酸菜魚 大份大大一盤份量十足有不同辣度迎合不同口味 我們選擇了小辣湯底味道正宗加上辣椒、胡椒和香料等魚肉份量多 配搭酸菜吃 整體味道多層次金針菇 在酸菜魚中加了一些配菜金針菇吸了湯底的味道 不錯不錯蓮藕片還加了片片蓮藕 碧綠脆筍正如食品的名字 色澤碧綠 萵筍吃下去脆脆的挺爽口香酥雞翼單邊雞翼方便吃用 雞肉外層炸得脆脆的內裡肉質嫩滑 點上辣粉又香又好味紅糖冰粉甜甜涼涼的冰粉有解辣的作用

又想食酸菜魚，又係經朋友推薦去呢間廚十三食，上次佢去咗尖沙咀食話啲魚好滑，個湯好飲！我想起一年前返大貨食嘅口味！好有期望！坐位舒服，一壺暖水招呼，呢壺水一啲銹味，如果加片檸檬會理想啲！三個人叫咗一客細酸菜、麻辣牛展、隔壁小孩饞哭了、蔥油撈豬肚、雨露均沾呢幾樣！首先試吓個酸菜湯，唔.....唔夠濃、唔夠清，好油！魚有啲泥味，但滑！加咗寬麵同order碗飯！酸菜魚一定要有呢兩樣去配合個湯食，諗住好食啲！相比大陸真係差得遠！再試個蔥油撈豬肚，個蔥油味呢！去咗邊？好淡！好失望！份量得好少！食埋個隔壁小孩饞哭了（豬油渣炒菜），上網話會有專人喺你面前炒一炒，但今日無！可能疫情嘅關係，食落去一啲豬油味都無，唔香，唔熱，食完到我哭了，係失望到哭了！要食返塊牛展止哭，果然好香，好食，唔硬，好軟，夠大塊！牛展下面仲有啲青瓜絲，可惜青瓜絲吸唔到啲麻辣味，完全無味，可能無用鹽去醃出水，所以水味重！到最後食返件雨露均佔當甜味，炸得好脆，夠乾身，唔油，個甜醬油都好好食，一點落啲醬油依度都好脆，話好煙靭，台灣人叫呢種係好Q呀！太大期望最終失望！服務就麻麻！始終酸菜魚喺香港做唔到大陸嘅口味！湯唔夠濃同清！只怪我太執著

超正酸菜魚 魚同酸菜同樣好味 味道濃郁湯汁鮮美 多樣配菜選擇 自己選了豆卜 針菇 同寬條麵 一大兜酸菜魚兩人份量都覺得有啲過多 不過食極都覺得好正 越食越辣😜呢款甜品第一次食 好好味 好彈呀 唔係好記得叫咩菜名🤣本身想叫個雞腳 點知原來改左菜單 呢個款相對其他菜式黎講 無咩特別🤣

係香港都可以食到一流既酸菜魚，享受酸辣口感。餐廳環境闊落乾淨，座位之間有好大既走廊，而且2個人都可以坐到一大張卡位枱，大玻璃令餐廳光亮，而且好high class既feel。餸菜名亦都唔簡單，改得好搞笑但又名副其實。叫左酸菜魚小份($338)，上上簽($88)，隔壁小孩饞哭了($78)，老虎椒愛鬆花蛋($68)，雨露均沾($48)。酸菜魚大大盤送上黎，鱸魚肉好滑好大塊，酸菜爽脆，而且小辣既湯開胃，一開始唔覺辣，食食下就辣味開始出。自己可以加配料，叫左金針菇，寬粉。2款配料都可以吸哂d湯，寬粉厚厚地，帶d煙韌既口感。而且份量非常多，食極個底仲有好多配料。冷鍋串串係川菜好出名既小食，將食材串起，放入麻辣湯底，食落口冰冰涼涼咁，唔油膩。有蓮藕片，海帶，青荀，鵪鶉蛋，去骨雞爪，椰菜花等，灑上大量芝麻。第一啖食，唔辣，但之後，條脷及嘴唇就開始有麻痺既感覺，好過癮，愈食愈上癮。侍應幫手將豬油渣及椰菜炒均，因為鐘意食脆身d既椰菜，所以侍應好貼心問想食脆/軟身既椰菜。加入豬油炒香既椰菜色澤好光鮮，而且陣陣香油味。椰菜即場煮，所以熱辣辣好暖。鬆花蛋即係皮蛋，老虎椒切條，擺盤有心思。味道唔辣，皮蛋晶瑩，仲