廚十三老壇酸菜魚 (渣甸街) (已結業)

突然好想吃酸菜魚! 自從吃過酸菜魚，那鮮嫩魚肉，爽口酸菜，利用不同食材調味得恰到好處的湯底，還可以加上薯粉等配料後，總會(特別在秋冬)想念它∼老實說酸菜魚一般來說在大陸吃真的比較新鮮好吃便宜! 但身處香港嘛，所以很想在香港找到好吃的本地店這次挑戰這家，裝潢風格很有太二酸菜魚的感覺，驚喜的是座位超舒服的有梳化，而且可以預先在openrice訂位很方便➡️ 老壇酸菜魚 (二人份) $338真的很貴 😅 它提供4人 3人 2人的份量可以選，這樣就包括酸菜魚，而配料可以加錢自由選擇 (有午餐肉 豆腐 金針菇 粉絲 土豆片 腐竹 寬粉等等)我們加了寬粉$28 + 罐裝忌廉 $18還提供其它小食可以點不想喝飲料的話，這裡有提供免費可續的茶喔份量超多(請看照片裡跟湯勺的對比，沒錯! 銀色的是Standard size的湯勺)，盤子超大!! 先喝一口湯，對我來說太酸䶢了😅，這里特別標榜它們的酸菜，可是酸菜有點太鹹了不合我的口味 (因為酸菜魚這道菜真的要看每個人的喜好而定)，魚(用新鮮鱸魚)反而很不錯，很嫩滑😋 寬粉很Q，如果湯底味道再平衡一點我應該會回頭😂

好耐冇食過酸菜魚，好掛住佢嘅味道！所以今日約朋友幫襯！即叫即整唔使5分鐘就已經一大盤酸菜魚擺喺你面前！香麻始終都係呢個味道好吸引！但今次覺得湯面比較油一啲同埋魚略厭唔夠薄滑！今次唔記得咗加薯粉，後來追加，仍然好味彈牙！始終都係覺得魚片可以再薄滑一點！反而，脆炸輭糯米條，就能保持非常之好嘅水準！外脆內軟，可以食唔停口銅鑼灣店嘅環境都可以，座位唔係太多，但係始終都係舒適衛生，同埋兩至四個朋友聚聚就係最好啦

前排天氣開始熱自己就想食涼拌，但叫得郁的朋友就喜歡吃四川菜，就陪他到銅鑼灣食一間新興出名酸菜魚的餐館試吓，不過等我懶懶洋打完食評，應該都唔新興了 。一踏入餐廳，就有撲鼻而來的花椒和酸菜味，好令人懷念的四川味，雖則係午市時段但人流都多，座位坐滿七八成，幾乎每一台上都有一鍋鍋酸菜魚鍋。大熱天時打邊爐看似好傻，但對於川菜愛好者，天氣並不是考慮因素之一，最重要係味蕾的享受。下單不久，一大盤熱騰騰的酸菜魚鍋就上枱，湯底比想像中清澈，沒有我最怕的控油(紅滾滾)，配菜豐富，除了一大大片的魚肉之外，還有多種香料，包括乾辣椒和花椒，還有一些薑片，湯底因大量魚肉而變得濃郁，食完魚肉仲有煙韌有口感的薯粉！兩個人分享，不用額外點白飯已經十分飽足。另外還點了一個小食，叫酥炸無面男，睇英文翻譯才知道是酥炸豬肉條，新鮮炮製的這個小菜很鬆脆，不太油膩，豬肉鬆軟，喜歡食辣的朋友可以再點辣椒粉，加配辣度。總括來講呢度坐得舒服，服務態度又好，下次會同朋友再嚟食過。

早前有朋友推薦我試吓依間喺銅鑼灣嘅酸菜魚餐廳，仲話絕對唔會令我失望！餐廳整體唔係好大間，但係環境絕對乾淨。仲安排咗我哋坐梳化位，非常舒服嘅！嚟到就梗係要食酸菜魚啦，我哋兩個人就叫咗一個細嘅，另外仲有中size同埋大size嘅。話就話細份，但係份量絕對唔細！佢除咗有勁多我最愛嘅酸菜之外，魚嘅份量亦都好多！所以兩個人食一定有突！酸菜魚仲可以俾我哋加配料，我哋就加咗午餐肉同埋寬粉。午餐肉就都係正常水準，寬粉就超彈牙，同酸菜魚個湯好夾！講返個酸菜魚先，我覺得酸菜魚最重要係個湯底夠酸，而佢就絕對做到。另外麻嘅味道亦都好足夠，絕對係有平時喺內地食嘅酸菜魚嘅水準，甚至可以話係超越某啲舖頭添！另外我哋仲叫咗糍粑小食 ，唔知大家有冇食過。佢係有少少似炸咗嘅麻薯咁，外脆入面就QQ嘅，仲會有啲黑糖俾你點嚟食。我同我朋友就十分之鍾意！嘢飲方面就叫咗兩杯特飲，分別係荔枝梳打同埋提子梳打，唔會太甜又大杯！ 雖然依間餐廳價錢可能比平時內地食嘅酸菜魚貴少少，但我覺得以餐廳環境同埋食物質素來講，絕對對得住呢個價錢！叫埋三五知己嚟傾偈慢慢食就最啱啦～

今日去開銅鑼灣行街 經過樓下見到呢間酸菜魚嘅推廣就同男朋友一齊入去試吓啦一坐低 店員好快就俾個餐牌我哋因為全日都冇食嘢所以就叫咗一個二人份嘅酸菜魚一份上上籤 同埋酥炸無面男上上籤係串起唔同嘅餸菜放喺辣汁入面有鵪鶉蛋 萵筍 蓮藕 入面咁多樣最好食就係萵筍爽脆清甜 同辣汁竟然出奇地夾酥炸無面男即係小酥肉仲配有辣粉可以俾我哋決定點唔點而主角酸菜魚唔好睇佢二人份以為得好少但其實就咁食已經食到好飽我哋叫咗小辣 辣味同酸味都好夾成餐飯食到好飽好滿足 估唔到香港都有咁出色嘅酸菜魚

有天與奶奶商量她的生日晚飯，興之所致提議食酸菜魚。幸而奶奶不抗拒還說可以一試....我便隨即預約了當日一行三人準時到達...因打算點選更多餸菜我們就選了「小份老壇酸菜魚+厚寛粉」魚滑味濃~(有些魚肉帶點碎骨要小心進食)奶奶就覺得味道偏咸了一點其中一款小菜「正經的雞被撕」有驚喜麻香味濃~麥生與我都讚不絕口呢!!!餐廳位置還算方便服務不錯主打「 老壇酸菜魚」喜歡的💁🏻‍♀️可以一試。若對魚及辛辣不太有興趣的朋友仔不建議一試雖有其他小菜可供選擇其款式不多*份量較少。

就在銅鑼灣渣甸坊劉一手樓上，位置很好找，在樓下抬頭可以看到。店面不算大，但座位都很寬敞，不覺得擁擠。酸菜魚的味道很好，用盆端上來的，魚塊大小適中，分量也夠，湯不咸，添加的配菜入味又爽口。泡椒鳳爪特別辣，很過癮。紅糖糍粑做的挺正宗，黏糯適中，煎炸火候把握的不錯，不會覺得硬或者粘牙。用餐環境蠻好的，就是90分鐘有點不夠用，蔬菜價格略貴，菜名有意思的很，整體性價比不錯（一定要提前預約，晚市真的很多人等位）

無得反大陸唔想排隊可以黎試下😃呢間嘅酸菜魚，食過太二嘅朋友不禁會相比一下整體都好食，呢間酸味無咁重，辣度都幾辣魚既質感無得輸。好滑 。暫時係食過咁多間魚最好食既一間，叫咗二人分量既老壇酸菜魚，美中不足嘅係酸度同辣都冇得選擇，如果唔係幾食得辣嘅朋友唔建議食，我另外加咗配菜金菇粉絲寬粉，粉絲分量非常多，可以食得飽，相比下魚嘅份量就少d，不過都合理。如果分開味道為5星辣度⭐️⭐️⭐️⭐️食到一半覺得幾辣酸度⭐️⭐️⭐️濃味⭐️⭐️⭐️油膩⭐️⭐️⭐️⭐️魚⭐️⭐️⭐️⭐️⭐️另外見到餐牌午市有優惠價可以用$95單人套餐$180約半價價錢試二人餐下次會再試下 整體幾好

一入門口 已經好有深圳個d食烤魚既集團店感覺 咁當然價錢一定唔會係深圳咁平啦 佢個menu好簡單 2人份 3人份 4人份 唔好諗住佢會有d配料係裡面 係無既 不論你叫咩份量 佢都只係得魚同酸菜 如果想個魚窩豐富d既要再自行另加配料 佢無爐 hit熱住 所以最好叫魚既份量再順手搭單叫配料會較好 因為佢地係一齊煮好再上碟比你既 我地叫左2人份魚 再搭午餐肉 豆卜 寬粉 萵筍 酸菜魚佢裡面係用新鮮既魚再切片 方便大家食用 辣度可以同店員講 我唔食得太辣 所以叫左個少辣 酸菜魚一上枱 我同肥仔急不及待就開餐啦 佢D魚唔係薄片 咬落去有厚度 食落口似腍魚 有質感 肥仔話食落有點腥但我就食唔到 但個酸菜都夠味 令人開左個胃口想一食再食 係開胃既 不過條魚都有少少刺 大家食時要小心注意 食酸菜魚同食水煮牛一樣好似尋寶咁 要撈下底先過癮 撈下又見到塊魚 撈下又見到萵筍 不過撈極都仲有既係寬粉 我地都清得8899 唯獨食剩兩三條寬粉 佢d配料份量都叫ok架 唔食3塊4塊 就咁打個比方説 午餐肉都有8塊 寬粉都有一堆 所以叫配料時要衡量下自己食唔食得哂❤️最後順帶一題 限時90分鐘 用餐時請都留意 😊

一直都好中意食酸菜魚,但係香港要搵到好味又正宗嘅酸菜魚 都唔容易今日同朋友食飯,佢推介我黎呢間廚十三老壇酸菜魚，上open rice 睇，先知佢原來有四間分店就番朋友係灣仔返工，我地揀左銅鑼灣分店,分店就係希慎後面一條街，都好容易搵上到去，見到台台都有好大鍋酸菜魚，個鍋有成2塊面咁大我地兩個人,所以叫左份細既老壇酸菜魚 hkd 338, 仲加左寬粉 hkd 28 同鮮腐竹 hkd282個咩都想食既女仔，仲叫左 酥炸無臉男 hkd 88 & 不開心的木耳 hkd 58當然吾少得叫返2杯靚靚野飲黎打下卡喇，我地叫左芒果風味梳打特飲 hkd 30 同 巨峰提子風味梳打特飲 hkd 28講下食物嘅質素,酸菜魚好正宗, 有好多花椒酸菜, 魚肉超滑嫩,值得一讚酥炸無臉男 即係炸豬肉，好香脆，超正兩杯野飲味道都恰到好處,吾會過甜下次會再encore呢度

食辣野的心久唔久就會出現呢次就好想食酸菜魚一係唔食一食就食間專食酸菜魚嘅店舖今次就嚟咗廚十三本來下午黎有二人酸菜魚米線餐已經有曬酸菜魚.米線仲有嘢飲但今次主要嚟食魚所以我哋就嗌左個酸菜魚小份二人享用酸菜魚個湯底一向正當然唔好放棄加配料呢我哋就加咗個腐竹另外有啲菜名全部都好抵死我哋就嗌左個手撕雞個名叫做正經的雞被撕了等待時間唔使好耐之後大大嘅酸菜魚終於到啦一黎已經聞到一陣陣又酸又辣既味道味蕾即刻打開首先飲個湯底酸菜魚最重要嘅幾種滋味都做到又有魚味又有花椒加埋本身辣椒配合得唔錯魚片都係另一抵讚嘅地方魚片首先起晒骨另外唔會太薄仲可以食到有魚嘅質感手撕雞辣到適中而且都係因為起晒骨方便食用加埋芫荽同香料味道配合得宜最後加埋芒果特飲同可樂又可以食好野既辣可以涼下心開心🥳

Even if I’d made a reservation and I arrived on time, I got told that there were still two tables ahead of me, and these two tables were obviously walk-in. Then what’s the point of offering customers reservation?!!!!!! Second time being treated like this. Terrible!!!!

酸菜魚唔辣嘅啲魚腥嘅又油，咩避風塘魚柳可以完全唔夾辣椒還辣椒炸魚還炸魚一碟餸兩種味，個串串既感覺係煮完之後浸落啲油度除咗有花椒味就冇味啦～價錢又貴又唔好食最重要一樣野係咩呀連個飯都煮唔好仲要係爛飯，同大陸嘅酸菜魚比真係冇得比完全唔入流，除咗用一個字油黎形容之外冇其他，食完之後非常之咁口渴飲咗兩支水都解唔到喝，除咗杯提子梳打比較正常之外，口碑都做唔好，呢間野非常非常知失望，真係真係真係完全冇下次囉。

上次食酸菜魚時，見到有一張自選米線或者泡飯已經好想試，而家再嚟試吓其他，主要原因係幫人買take away自煮酸辣粉，一解同辣既相思之苦，但搞到我都買咗一箱試吓，希望我呢個懶鬼唔好買完放咗喺屋企就算，的起心肝煮嚟試吓，講番堂食既嘢先，自選米線/泡飯，我揀咗米線，午餐肉，牛展配中辣酸菜魚湯，以為入面會有魚，原來係我諗多咗，米線煮得唔林，建議放一陣先食，辣味足夠，午餐肉雖然無煎但好好食，牛展比較爽又有牛味

魚既分量唔夠，酸菜都唔係好多，建議中意食酸菜既加酸菜，成盆野個湯底偏有少少油，但可以接受，加既蓮藕和午餐肉就比較多，自帶粉絲同豆腐，粉絲好食但佢地既服務態度唔好，尤其係個肥肥地既員工餐廳座位大細一眼睇嗮啦，都可以叫極唔該都冇人理，啲員工係度傾計咯🙄起碼招呼左客人先傾嘛大佬落單又係，服務態度衰到，佢係唔會有機會比你講完你既野，叫完二人分量既魚之後諗住加餸，個職員就直接插嘴問你要飲咩，揀完野飲就直接轉身拎野飲然後就走左，都唔問你仲有冇其他需要，大佬啊我餸都未加，宜家食野消費叫多啲野食好似有罪咁想點啊，話嗮都幫親緊你wor🙄咁既服務態度認真👍🏻食完即刻走人，一刻都唔想再逗留野食係好食，但咁既態度，冇下次