廣成麵家

營業中

休息中

毒果成日介紹呢間嘢 話啲魚蛋, 墨魚丸做得幾出色， 今晚冇嘢做， 特登揸車過嚟試下， 魚蛋河& 墨魚丸麵， 佢哋嘅招牌貨 ，魚蛋河 魚蛋做得出色， 有魚味 彈牙， 但係 湯底好似滾水咁， 河粉份量極少！ 食兩啖就完， 不過收你29蚊 算， 第二碗 叫墨丸魚麵， 今次我精，叫多色， 墨丸得四粒， 好矜貴咁，食落 真係好普通， 麵係普通 幼麵， 有鹼水味 肯定唔係竹昇麵， 呢鋺收你34蚊，吾值! 只可以講 可以一試呢一間嘢， 有啲覺比毒果跣咗一鑊，中伏，完！

我經常到大埔，但都不知道有這間舖頭存在，直至在電視看到介紹這間麵店，才知道原來是從廣福邨的冬菇亭搬過來。魚蛋粉$28 - 價格算合理，都很大碗，河粉幾滑，碗內有魚蛋和魚片，魚蛋彈牙，點埋辣椒油更好吃！檸檬茶 $8 - 平日有套餐價，加$8有涷飲，熱飲和汽水加$5。原汁牛腩河粉$32-河粉夠滑，牛腩偏瘦，食落有點柴，個汁都幾好味。魚皮$8-平日套餐加$8，魚皮又薄又脆，很抵食。星期六、日及公眾假期，套餐暫停供應。

偶而看到了電視節目介紹這裡的魚蛋河及炸魚皮。環視本地，要找一間像樣點的魚蛋粉店真是異常地困難。故此當一收到風有一間有水準的，當然馬上躍躍欲試....大埔可算是魚蛋粉店林立，兵家必爭之地。若果沒有相當水平的話，也休想在此區內存活....有樣學樣的點了電視推介的魚蛋河以及炸魚皮....魚蛋呈不規則狀，看得出真是手唧的；咬下去，肉是介乎軟綿與彈牙之間，味道非常的"胡椒"，個人認為是有點太over了；最不濟的是魚味絕對稱不上夠濃....搭單叫的墨魚丸，入口感到只是一團由肥肉加馬蹄以及莞茜搓成的球而已，口感軟軟黏黏的，不好吃....魚皮相反就很好 ---- 香、脆、沒焦燶而帶魚味，最重要是皮夠厚身實淨。最怕那些如紙薄質地輕飄飄之劣等貨色....不過拉勻來說，對我這個專道為此味而來的人來講，感覺是有點白走一趟了....

話說星期六去大埔洗牙，一知道去大埔已經諗好食咩，但果間食店我一去到就見店主行出黎棟個牌「沽清，收工」好彩，我既to eat list唔止一間。於是走左黎呢間之前廣福人大讚既冬菇亭廣成！新店重開就唔洗去到廣福先食。叫左招牌魚蛋粉同雲吞米。魚蛋有魚味，質感鬆軟綿綿，係我喜歡食的，雲吞勁大粒。見人話炸魚皮、墨魚丸都好食，不過假日冇跟餐就唔叫住喇。食過又未至於好好食果種，可能我個人食麵中意連湯飲，湯一定加腩汁。除左食材，食麵跟既湯先係令我味蕾有番轉頭食既感覺！有沒有大埔朋友又有好野推介下我呢？

聽屋企人話呢間雲吞唔錯，而且係區內都算出名，所以黎試雲吞係好大粒，裡面料都好足，但只覺係一般水準，得個大字最大問題係好種味精同好鹹，味精已蓋過哂肉同蝦味食完飲番兩杯水都唔夠-_-

之前於大埔返工，間中都會來廣福邨冬菇亭的廣成麵家食午餐，隨住租金不斷上升，廣成麵家最終都要結業，但前排睇面書知道餐廳於大埔重新開張，今日終於有機會再去了。重新開業嘅廣成，位置更就腳，餐廳環境亦較以前乾淨企理。雖然呢度出名魚蛋，但我更喜愛佢地嘅雲吞，雲吞大大粒，鮮蝦餡夠爽口彈牙，當中更有少量芝麻，令雲吞更香口，黑椒牛筋丸亦非常爽，咬落中間仍然有輕微肉汁，而黑椒味亦令人更加開胃。呢度除咗粉麵外，亦有火鍋料賣，臨近冬天可以買返啲返屋企打邊爐喇。

之前來大埔的時候，都好像未有這一間茶餐廳，經常經過，都看到入邊人流不少🤔。這次，晚上做運動之前，就去試一試吧。據友人所指，這間餐廳，之前應該是位於廣福邨的街市的小攤檔，又是因為被小店剋星——領展迫遷，被迫搬到這兒開新的小店。這樣更好，我們可以支持一下這類型小店。六時去到，其實店子都不小，吾等就坐在門口吧。一直都覺得，牛腩如果做得很好，才可以做出美味的牛腩飯。否則，如果牛腩比較乾，不是入口軟林，其實，叫個牛腩飯，又乾又瘦，吃到滿口痴牙😏，應該相當難受。這兒的牛腩也比較一般，與普通茶餐廳的牛腩都差不多，偏向瘦，有幾條牛筋就比較特色，軟林易入味。其他牛腩都是相對較瘦，有點兒痴牙。一向到麵店，很少會主動叫一碗魚蛋粉，因為好像比較寡，而且沒有肉落肚。但是，到廣成則不同，原來它的魚蛋真是非常出色，一點的腥香，又彈牙，但是沒有磨牙感。雲吞的味道也相當不錯，非常之大顆的雲吞，現在已經很難見到這麼大顆的雲吞，因為有其他食家經常說「這麼大的雲吞，就很難一口吃掉」。內裏，好像有硬殼，不知道究竟是蝦殼，還是放了蝦籽般，以致雲吞內裏好像有點趣卜卜，口感特別，味道一流。後來找回之前的報道，發現原來雲吞加入了炒過的

廣成麵家在大埔都有一些歷史，其實名字一家聽過，但就未去光顧，所以這天lunch，陳姓同事再一次帶我去吃一次這間歷史食店。新店很光猛，已經不是懷舊的感覺了。但光猛和食店有時是必須地拉上關係。 這次叫了魚蛋河，同事叫了雞排出前一丁(有錢就是任性)！哈哈！ 魚蛋河先來！例牌先飲湯，再吃魚蛋！ 個湯清，飲完不算好鹹，味精就唔覺有。 魚蛋真心要讚，好彈牙，而且好重魚肉味！真心好吃！ 歷史果然是不同~~ 同事的雞排出前一丁~~~ 個雞排真係好好味！好香口！ 咬下有肉汁出現！ 煎得剛剛好！ 這間值得一吃！特別是魚蛋~~ 當然唔係高級食店，唔好要求坐得舒服，但店員在忙碌的lunch都算有禮，值得一讚。

以前廣成係廣福邨冬菇亭既時候已經成日食佢既墨魚丸米粉同埋黑椒牛筋丸！而家終於都開返啦👍🏻星期日下就特登過去食，下就兩點幾無乜人唔洗排隊，間舖裝修都幾靚，而且有冷氣都 幾舒服，每張枱都有櫃桶裝餐具，夠方便。我揀返黑椒牛筋丸河粉，朋友叫咗個雲吞麵，另一個朋友就叫咗個西多士。我既黑椒牛筋丸同以前一樣咁好味呀😍好真材實料，除咗呢間，係出面真係好少可以食到唔係麵粉整成既丸，河粉就正路野朋友個雲吞麵都係同以前水準一樣👍🏻不過兩碗麵既份量好似都比以前細份咗🤔另一個朋友既西多士好大份好厚呀👍🏻目測吋半厚😂 試咗幾舊都幾好味👍🏻下次食廣成除咗食粉麵，佢既西多士都好值得食！

大埔遍地美食, 其中一家是開業多年的廣成麵家。 結業一排廣成終於在6月底成終於係大埔墟寶鄉街重開，因此特地前來入貨幫襯支持一下。 招牌牛丸一斤$110, 我一次買左3斤, 差啲被老闆話我買哂佢啲牛丸~~佢既牛丸真係王牌無得頂,爽口彈牙,輕輕一咬可見牛丸內裏空間充足, 充滿肉汁。 廣成能得以重開, 實在是可喜可賀。

重新開鋪當日不在香港，今天專程同媽咪一齊去幫襯支持。星期六下午4點半去到，大約得一半顧客幫襯。每張枱都坐咗一兩個顧客，只得水吧前嗰張枱無人坐。坐落之後知道中伏了，半個小時內不斷有員工喺張枱整嘢：包外賣嘅醬料，甚至將成盤剛洗完嘅水杯放喺枱面。牛雜河粉，河粉太少。我叫牛筋河粉，但牛筋得兩小段，其他係牛腩。郊外油菜，啲菜有啲黃。星期六，日，假期飲品要收原價就有點偏貴(相差$10)，若果全年都收套餐價就顯得更抵食。