廣東名門 (三聖市場)

營業中

休息中

過去在“安記海鮮”買海鮮，在“廣東名門”加工，吃過一次，經歷不錯~這次有十二人一齊食海鮮，熱鬧！星期六日客人太多，所以需要訂位～如果揸車來這裏食海鮮，不要隨街拍，因為有很多警察抄牌～餐廳附近有很多海鮮店，你們可以隨便揀，然後拿去加工，每樣海鮮都有很多烹調方法，但我們都較喜歡食清蒸的，可以帶出鮮味、也有炸的等等但我覺得“廣東名門”的服務態度很差，食物不錯。但大家要留意的是不要隨便接受他們送的海鮮，因為會收你們加工海鮮的費用，大家必須留意！

三聖其實有好多酒家，食海鮮亦都好出名，而我身為屯門友，竟然從來未試過喺呢度進食，所以今年年三十晚，一於帶齊屋企人，試一試呢度嘅海鮮。由於真係太多選擇，我都揀咗好多間先揀咗啲膠廣東名門。貪佢環境比較靚，不過我估價錢亦都相對較貴，但係一年一次，所以唔理咁多。開先係喺酒家門口嘅海鮮檔購買，好多選擇，花多眼亂，我哋都係揀一啲比較大路食物，淨係開先埋單大概千零蚊，比想像中平，可能因為我哋冇叫啲貴價食物。買咗龍躉、龍蝦、聖子同埋帶子。然後就拎去加工，佢會問你想點煮法，亦會比建議你，所以最後就得出圖片中的食物。每款食物都炒得唔錯，加工費連埋啲燒鵝、湯同埋酒水，好似都係＄1000左右，比我地想像中平，下次再食海鮮，都會考慮翻嚟三聖。

前排食開年飯，同事揸車去咗三聖食海鮮。我個同事好耐冇入嚟三聖，佢見到個牌匾非常驚訝，話海鮮街比舊時靚咗好多。我哋就响餐廳對面嘅楊合利買海鮮。今次係我第三次幫襯廣東名門。呢間餐廳有兩間舖，好彩今次嘅位置响前鋪，上次嘅後舖座位好逼，而且冷氣唔夠。象拔蚌刺身鮮甜無比，不過我諗係海鮮店嘅功勞，餐廳提議用象拔蚌個膽煲粥，又的確唔錯喎！豉椒炒蟶子—— 一如以往夠入味蒜蓉粉絲蒸扇貝——呢度餸其實唔難整，所以我要求比較高，啲扇貝有少少蒸過龍椒鹽賴尿蝦 ——椒鹽味同賴尿蝦好似反左面，完全唔入味，好彩賴尿蝦本身新鮮搭救鹽焗奄仔蟹——呢個係賣飛佛，啲奄仔蟹焗得啱啱好，保留到蟹嘅鮮味。見到好多人話呢間服務好差，今次又OK喎，阿姐有講有笑，咁繁忙都頻頻換碟。我哋雞年一定行大運！😬此行每人$6xx, 新年海鮮餐算唔貴啦。

2月14約咗朋友仔去三聖食海鮮，當天人潮並不太多。我哋一早都訂咗廣東名門，但係都係失望而回！我諗唔會再返食啦！感覺上容龍的服務質素平均好多！買海鮮照舊去返楊合利！料子買了$1000無難度的白灼花螺很爽甜！芝士焗龍蝦，這個不及容龍做得好！粉絲蒸扇貝，扇貝很熟帶鞋！果皮蒸鮑魚算係已經不錯，不會過火！豉椒炒聖子，居然系有沙，不知究竟有冇洗到！避風塘賴尿蝦，其中有一隻過了火，好鞋！海鮮魚湯，味道都ok!清炒絲瓜，絲瓜皮十分厚，不好吃！味道一般，加工價錢貴！還有阿姐們的服務態度真係不敢恭維！

年廿八真係要洗邋遢同朋友去呢一度諗住食個開開心心嘅海鮮餐。點不知我覺得都自己被掉包....我哋叫咗好幾個海鮮都係出邊買返嚟然後喺廣東名門到加工。講明係自己買一定係游水生猛先至會買啦。其他食飯一粒都唔錯，今日人多啲得好耐。但係明白既.....一直個個送菜都幾好，係平時一向既水準。但賴尿蝦一出現，就見到不夠胞脆，係油溫低落鑊所以唔夠脆。打左佢，肉已梅，新鮮的怎麼會梅？我唔好彩，但一定要洗邋遢！肯定被調包了

三聖一帶一向是吃海鮮勝地，選擇繁多，豐儉由人，這次到了定價較高的廣東名門。到了三聖海鮮檔附近已看到絡繹不絕的紅色的士，可見不少人特地從港九地區過來。我們一行十五人點了十一道菜，海鮮小菜都有。沙拉骨 酸酸甜甜，肉略韌。砵酒焗桶蠔餐廳推介，果真不錯，外脆內軟，帶輕微的酒味。菠蘿咕嚕肉正常水準，沒特別。蒜蓉粉絲蒸扇貝蒜蓉粉絲蒸扇貝一直是我的最愛，所以要求也高一點，這道菜蒜香足，粉絲入味，唯略欠溫度。豉椒炒蟶子很難失敗的一道菜，豉椒加蟶子本來就是絕配，味濃爽口。蒜茸炒瀨尿蝦有一大堆蒜茸，但不夠入味，蝦肉亦不夠鮮嫩。豉汁蒸鮑魚簡簡單單用豉汁烹調已能帶出鮑魚的鮮味，一人一隻，永不落空。辣酒煮花螺餐廳的另一道招牌，嗜辣者至愛，果真香辣可口；有石窩加持，吃到一半還在冒煙。鹽焗蟹只有蟹殼有鹽味，蟹肉不入味。單從食物質素而言其實不錯，環境算舒適，唯侍應態度可加改善，可能是生意太好吧。

其實成餐飯，食物都一般。不過因為呢個蠔，我們這一家唔會再嚟食囉有少少貴，但都入到乳鶬純粹阿仔鍾意食夠新鮮，因咩都唔使酒樓做新鮮，超爆膏，好味入得口啦好花蛤同蘿蔔都好鮮甜囉

老板請客食飯，在三門仔客人先和巨蟹影相留念，在海鮮店生劏了隻阿拉斯卡長腳蟹，到名門以上湯焗伊麵底，老板很客氣地俾了隻大蟹鉗比我品嘗，啖啖肉，鮮味。彈牙的幼伊麵吸收所有上湯精華。是10個還有蟶子，炒班球，青菜，愛煞了那長蟹腳給我吃到飽。滿枱食物，夠面子。客人開心，我食完回去就更加落力工作！雖不是豪華裝修，座位舒適，座無虛席，招呼都算是週到，換了幾次碟。和海鮮店對面，㨂海鮮方面。門面裝修都幾靚。位置是不太方便，可乘的士或駕車前往。價錢方面，海鮮1100，煮約1000，共7人，每人300。

從來未見過一間海鮮酒家，服務態度真係好差，由其果個懒係忙既女部長，好似全世界得罪佢咁，最後居然連廚房都感染埋，明明十隻象but仔，炒出黎得番三份一，大佬搵福食行遠啲唔該！總之一肚氣！

之前睇左幾個食評，個個都話佢服務好差。搞到我啲屋企人唔肯來食。但我死心不息，於是今日同太太及朋友來吃，睇吓啲服務係咪真係咁差。以我今次的經驗，其實服務都ok。食緊嘢都自動換碟，打開茶壺蓋都會自動加水，睇唔到有乜嘢問題。食物方面，朋友介紹的豉椒蟶子炒米粉底有驚喜。其餘的椒鹽賴尿蝦、鹽焗奄仔蟹、石鍋焗鮑魚、清炒油麥菜水準都好好。買材料用左$670, 名門的炒手費$700, 算合理。不過當日餐廳內幾多烏蠅，食店要注意一下

琴日細佬生日飯去左屯門三聖名門，第一次來去到已經無人理你（忙到無人理），服務員叫你買海鮮ok買左少許海鮮，跟住有個服務員（亞叔）態度超差問你點整，正想同家人考慮點整服務員（亞叔）就講……吾講就吾好講一腳踢開用籃放既海鮮（服務超級差不知所謂……我吾知佢系米老闆（如果系更加不知所謂）吾會再去食物無特別、態度超差、又點會再去

經理態度奇差，非常無禮貌。訂位等于沒訂，接待根本就沒有查訂位記錄，等了40分鐘。服務員嚴重不足，筷子熱水全部自己拿。服務員說水果糖水送完了，我們投訴經理，突然又來了幾片橙，但經理堅持沒有水果的，都不知道誰在說謊。食物味道跟附近其他店差不多但價錢貴一倍。千萬不要去！

自細都住屯門，之前一直鍾情流浮山的海鮮，但近幾次朋友都極推介去三聖食。今次媽媽生日，決定要入去試一試，雖然當日係星期二，但早一晚就訂左枱，8點鐘,四位。7點半左右去到三聖, 先去右邊海鮮檔選購海鮮。朋友介紹到上記買海鮮，買左一斤龍蝦，四隻鮑魚，半斤蝴蝶蚌，同埋一斤左右蟶子。仲買左兩隻蟹, 一斤左右。8點買完去到名門，因為訂左位，即時有位坐。當晚不算人多，坐左6-7成人左右。坐低冇耐就點菜，伙計好醒目，幫你諗埋點煮點搭最好食。等左10分鐘左右，第一道菜就到黎左油鹽水蝴蝶蚌，自家製既上湯煮，唔會搶味之餘仲好鮮，個湯都好好飲!!爸媽食唔到多野，所以一斤多龍蝦就夠，簡單走油調味就上碟因為仲有烏冬，冇再叫麵底。調味一流，唔油膩又有鮮味!!!陳皮南非鮑魚，上記鮑魚係幾鮮，又大隻又彈牙，而名門既陳皮好香，同鮑魚絕配!!!鹽焗黃油蟹，食海鮮好少咁食，通常都係炒蟹多，今次試鹽焗，好香，蟹膏仲係留係蟹入面，慢慢流出黎!! 好好食! 鹽焗仲有好處，蟹膏仲好熱好香!!!蟶子炒得好入味好香 豉椒汁味道岩岩好 唔會太濃總結 好食又扺食！ 值得一試

同屋企人黎食飯, 一早訂左位,餐廳坐無虛席,好多人都選擇去街市買海鮮黎,但我地選擇餐廳直接點菜,鹽水花甲花甲好大粒清甜, 無沙豉椒蟶子店員建議豉椒炒果然無推介錯豉椒好入味而且有鑊氣蒜蓉粉絲蒸扇貝扇貝大粒蒜蓉多, 配上粉絲超好味避風塘賴尿蝦肉質厚身有口感避風塘味道好惹味焗蟹外面咸, 入面鮮味第一次呢個煮法, 唔錯一家人食飯除左食小菜,間唔中食海鮮都唔錯

大堆頭海鮮宴 同同事來廣東名門食海鮮,先在旁邊的海鮮檔買了大量海鮮, 有南非鮑魚, 大隻瀨尿蝦等等..買了千幾蚊. 之後取過來接廣東名門這邊 先上巨型椒鹽瀨尿蝦, 師傅做法無甚麼特別,但的確夠傳統惹美 ,有前手臂咁大隻瀨尿蝦確實鮮味, 南非鮑魚比一隻八達通更大隻 ,欣賞店家用上陳皮, 香味貫徹, 去走鮑魚的苦澀味, 扇貝買回來的很大隻, 只是不太夠 蒜蓉, 買了一斤鮮蝦級師傅做芝士炸蝦, 廚師弄得夠香口 二三十隻蝦連榖掃清光.餐廳送的湯鮮味十足有魚肉豆腐 瀨尿蝦, 飲落有海鮮味, 桂花糕比較鬆散, 如有更多小小些魚膠粉就更好, 另一道甜品芋頭糖水煲得溶爛, 入口即溶,好食到震.服務方面有些好好, 有些姐姐沒太好禮貌, 黑口黑面的, 看運數吧.