廣東名門 (三聖市場)

營業中

休息中

講到食海鮮，我就心心眼! 今晚因為有親戚由外國返黎香港，所以就帶佢地去左三聖村加工買海鮮食啦!今次揀左間比較出名既「廣東名門」，我地明知多人已經一早BOOK左位，咁去到以為入得啦，點知大把人早過我地，我地BOOK左七點，點知部長話「BOOK左都要等」，本身諗住等都係等15分鐘架0者，點知我最後等左差唔多一個鐘!期間親戚就過左對面買料，我地就繼續等。一路等一路見D無BOOK位既人WALK IN等，點知部長大大聲話:「無得等WALK IN」嘩 呢間野真係巴閉呀!等左一個鐘之後就入去食啦! 入面好多人 又嘈上菜都比較慢，我地買左D象拔蚌同埋聖子，叫佢地加工，真正幫襯佢地既只得一個菜同一個粥(唔知係咪平價)，D人態度都庥庥地!!! 象拔蚌我地剌身上黎食，鮮甜好味，另外聖子都不過不失啦! 提一提大家就係三聖村D車位好爆，連比錢晚停車場都排到出大路(我已經7點到架啦) 錶位直頭唔使諗XD 不過有蓋停車場都係$8一個鐘，化算! 整體黎講，廣東名門得個門面靚，其他野都係普通啦!

補祝老媽同預祝老爸生日。倆老提議食海鮮，所以一行六人到三聖村。老爸拿手揀海鮮，見到忠仔記的不錯，用了千七元買了條斑，三只龍蝦，蝴蝶蚌同一只巨型象拔蚌。店員見老爸好相遇，送了一袋海鮮給我們煲湯，有兩條活的𩶘魚，一堆蜆和瀨尿蝦仔，很窩心。準時到廣東名門，人挻多，雖然預訂了，但店員好像胡裡胡塗的安排我們的枱，但態度很不錯。我們大斑兩味—炒球和蒸斑頭腩，油鹽水蝴蝶蚌，蒜蓉開邊蒸龍蝦和象拔蚌刺生。酒樓的加工有點像自己屋企煮，淡淡的，但已經足夠，因為這才可以嚐到海鮮的鮮味。加上用餐後沒有太口渴的情況，即味精不多，餐後感覺良好。我們還點了金蠔，上湯蔬菜和鮑汁鳳爪。金蠔不夠乾身但還可接受，蔬菜還是爽脆，但鳳爪就只有色水沒有味道。總體感覺～OK 啦，加工沒有什麼技巧可言，但能夠食到海鮮鮮味。值得一讚，蒸斑頭腩沒有吃到一片魚鱗，師父很細心把魚鱗刮得乾乾淨淨！

差差差, 完全唔掂. 白灼蝦 - OK, 最簡單. 薑蒽蠔 - OK. 油鹽水蜆 -  差差, 完全過熟, 變成好韌, 完全無鮮味. 炒豆苗 - 差差差差差,  非常非常熟, 好韌. 價錢先恐佈 -  炒得差無可差的豆苗要$108,  蜆我是買一斤的, 不知買了多少但算了1斤10兩.  埋單2人成接近$500 , 未計料錢. 真的很差很差很差很差.  

由於本人非常中意食海鮮,最近既海鮮餐廳就一定係屯門三聖,亦響呢度試佐好幾間,最後都係覺得廣東名門最岩口味,加工費尚算合理.今次一行4人來開餐,指定動作就梗係去發記買海鮮,貪佢員工夠老實,唔會係甘SALE係買貴野,而且叫得多仲同你講夠食既啦,叫甘多食唔曬好浪費架.所以每次去三聖都係去發記買海鮮.由於提早BOOK佐台,唔使等,買齊海鮮俾經理交代點整就OK.燒鵝經常賣囇,呢半隻仲要係Last一份,皮不太脆,味道肉質尚算可以,起碼好食過深井既啦.平時食魚就有兩食,今次來個東風螺都兩食,(上)石窩煮,本身D螺係無咩味,呢個做法有好重既胡椒味,而且夠咸香.(下)辣酒煮,係好常見既做法,唔係幾辣.勝在夠入味.沾下D汁食仲過癮..奄仔蟹好多膏,又飽滿.我認為鹽焗既做法好香,比起清蒸更好食.椒鹽瀨尿蝦,一個字正清蒸斑,師傅既功夫同火侯控制得好好,條魚係岩岩熟,食落好滑,呢D就係響自已屋企做唔到既蝴蝶蚌,出面真係好少地方有,如果無沙既話好清甜,經理架仔推薦佐甘既做法,上來已經一大盤,分量好多,有支竹同勝瓜粉絲,個湯好鮮甜,粉絲完全索囇D湯既味,第一次甘食,好正豉椒炒聖子皇,同出面唔同既就係有泰國做法,佢有

好耐都冇去三聖食海鮮，難得爸爸返嚟梗係食返餐好啦！所以幾大雨都要去食。好彩早出門口去食，冇訂位都可以即時有位。買完海鮮返嚟已全場爆滿。因為全部游水海鮮，必正！酒煮蠔蠔夠新鮮，煮完之後size冇變細，仲有三份二隻大人size手掌咁大隻有口感，夠蠔味。胡椒鮑魚煲胡椒味夠香，鮑魚彈牙有口感，用胡椒煮完之後仲食到鮑魚味薑蔥炒蟹蟹夠大隻，超級多蟹膏，肉質夠鮮。清蒸游水東星火喉啱啱好，成條魚都好滑。椒鹽瀨尿蝦12吋長食得夠滿足，椒鹽之後肉質唔鞋口唔硬，瀨尿蝦d膏超好食

服務差個Captain話買左海鮮先可以安排入座，我地咪去買左先，點知攞左海鮮去到，又話要排隊，足足企左45分鐘，以為好滿先要等，殊不知其間見裡面仲有檯無人，咪問下個Captain, 佢話你訂八點半嘛，都未夠鐘，咁樣嘅服務，係呢度先有。煮功海鮮係同關財記買嘅，後尾試晒，可以講，係我今生未食過咁無味嘅海鮮，係完全無味，花甲無味，瀨尿蝦無味！廣東名門亦用無味蘿蔔和味精水炮製出一碟完全無味嘅油塩水花甲，收我地煮功$160,我覺得離譜得膠關。關財記嘅瀨尿蝦本身都無鮮味，廣東名門用小學雞嘅煮功，攪左碟椒塩瀨尿蝦，唔脆兼無火喉，仲油淋淋，差過屋企自己煮！油塩水蟶子就同我整咗豉椒炒蟶子，雖然佢話賠番俾我地，我地怕賠啲唔知咩貨色，唯有照食！成晚最好就係果8隻砵酒煮蠔，不過都係果句火喉唔夠，可能個爐頭溫度唔夠，師傅又唔夠功夫。其他辣酒煮花螺，椒塩鮮魷，唔夠火喉，炒豆苗，老過咩咁，糯米飯求求其。結論我地四個人，煮功收我$850，關財記海鮮$780，兩間店雙劍合壁，無鮮味海鮮加小學雞煮功，收5星酒店中菜廳價錢，大家自行決定會不會幫襯。

其實這家店的廚房應該不差，但可能突然多了我們一大班人，所以有些招架不住，且看餘下的菜式。老虎斑，清蒸是最簡單的做法，這店蒸魚功夫非常到家，通常食蒸魚都會在上檯後稍等一兩分鐘，尤其是有這麼大的魚，好等內裏的熱力再封一會，就全條魚內外全熟，剛可離骨，但在底的肉也會略為偏過熟，而這晚的魚在稍等後一開出來，就做到剛可離骨的狀態，可能是我們也食得快，所以到食魚的貼着碟的部份時也仍非常嫩滑，魚味十足，夾雜豉汁和蔥入口更覺美味。至於在飯店另加他們自家的生菜就做法和味道都非常一般，但還算應該有揀選過，不算過老。另一味咕嚕肉就非常見拙，相中可見配菜如菠蘿等色澤夠鮮艷，但肉的顏色已偏暗黑，而入口味道酸甜也不足，炸不出脆口感覺，內裏肉質過瘦，變成入口鞋而老，聽說今晚原是想叫燒鵝的，但沽清才轉咕嚕肉，結果又出事。

一行廿多人，浩浩蕩蕩去到三聖，由於早已由其中—位搞手在"忠仔記"代訂了幾樣極品，包括阿拉斯加蟹，花殼龍蝦，扇貝，澳洲大鮑，瀨尿蝦，聖子皇和蠔等，所以在海鮮檔現場只是驗貨和隨意再揀多兩三樣，包括花螺，大蝦及老虎斑；隨即入坐"廣東名門"，我們被安排在另一邊向海舶『貴賓房』(不過估計該處是僭建出來的)，因為無肉和菜，所以在飯店加了咕嚕肉和生菜等。花螺，做了兩食，先是白灼，當晚約花螺不太大，所以有咬口之餘又不韌，作為餐前小食相當不錯；另一食是辣酒煮，雖然煮的時間不長，但由於花螺不大，而飯店爐火應該幾大，所以後上的辣酒花螺也勉強算是夠入味，亦夠淋。大蝦用豉油皇煎，蝦肉夠爽口，外殼味道夠濃，非常惹味，但蝦肉味道不足，略嫌偏淡了半點。聖子皇，豉汁炒，很多時豉椒炒聖子都用較細的聖子做，這次用到聖子皇，食法當然有別，大大隻聖子，入口咬落夠爽口，火喉恰到好處，若過火就會韌，唯—略嫌豉汁稍為偏咸。生蠔，用椒鹽半煎炸的方式做，生蠔本身夠新鮮，用椒鹽炸起，麥面炸粉極少但蠔身外表卻脆而香，內裏汁液豐滿，一口咬下去有爆漿效果，味道咸香鮮美。瀨尿蝦，用一貫做法-椒鹽，瀨尿蝦夠肥大，有膏但肉有半點削但仍鮮甜，而蒜泥夠香

對上一次到訪屯門三聖村已是兩三年前的事，今次舊地重遊，重訪關財記買海鮮及於廣東名門代工用膳。關財記海鮮款式多，圍舖行了一圈，選購了花龍蝦(約兩斤半)、瀨尿蝦皇(約一斤)、象拔蚝仔(五隻)及杉斑(約一斤)。各款海鮮皆很新鮮，結賬誠惠約千一元。海鮮來到前，先來茘枝柴燒鵝一碟，鵝肉味道頗濃郁，肉質腍身，近皮位置相對油份多，少吃多滋味，皮脆度一般喇！菠蘿咕嚕肉及上湯瑤柱浸時蔬是另外兩款追加小炒。菠蘿咕嚕肉甜酸汁調味不俗，新鮮菠蘿酸香帶甜，咕嚕肉外層脆香，內層熱辣鬆軟，都幾好食。上湯瑤柱浸時蔬則個別芹菜過於搶口，整體菜式無乜特別。至於海鮮，花龍蝦以芝士香焗，另加伊麵放底。菜式賣相大碟給引，龍蝦肉多且厚，味道濃郁，口感結實，和配上的芝士汁味道匹配。芝士汁香而不膩，伊麵底雖略為碎身，但配上芝士汁味道同樣吸引。瀨尿蝦皇以傳統金蒜製作，份外香口味濃。瀨尿蝦皇肉質實在，味道甜美。每人半只實在不能滿足。象拔蚝仔以蒜蓉粉絲蒸，象拔蚝仔都算爽甜，美中不足的是成品竟帶少許沙，影響了味道享受。清蒸杉斑大小剛好，肉質相對較嫩。酒家烹調時間亦掌握甚佳，魚肉剛熟，剛離骨，白滑細嫩肉質得以最佳狀態呈示。加上魚香甜美，值得推

有日友人無聊, 忽發其想吃海鮮去。於是便駕著車子向三聖出發, 時間尚早, 還見到如斯日落美景, 很爽!!在三聖邨買了海鮮, 便走到友人經常來到的廣東名門。豉椒炒聖子, 聖子肥美, 新鮮鮮甜。鑊氣十足, 炒出來的聖子都沾滿豉汁惹味。胡椒粉絲湯煮大蜆, 充滿大蜆的湯底十分清甜。還有一些芹菜及粉絲, 值得推介。至於大蜆, 不是時令, 不算大隻, 但肉質依然彈牙爽口。 辣酒煮花螺, 是我喜歡的一款海鮮之一。這個辣酒, 不算沒有麻辣, 亦講不上勁辣, 酒香只一般, 但也可算是惹味吧!! 花螺還可以, 雖然件頭較小, 但新鮮肉爽。最後來了賴尿蝦, 蒜頭爆乾椒鹽, 伴著賴尿蝦上碟。賴尿蝦十分乾身, 蒜香充滿其外穀當中。而且蝦本質很好, 拆穀後可完條蝦肉離殼, 質感亦有彈性。而且瀨尿蝦有膏, 豐富豐腴, 口感滿足。跟其他附近更有名氣的餐廳比較, 感覺這裡的比較實在。最少火喉足, 價錢更為合理。

每年的「爸爸節」總會想些特別搞作, 雖然每次都會是事先張揚, 像是再沒多驚喜。 早說過爸是傳統的人, 中菜絕對是不二之選, 心知他接受能力有限, 太特色太新派的菜系都不太適合, 這樣看來, 海鮮該當是不俗的主意。 提起吃海鮮, 腦海即時閃出多個熟悉的地方, 比如西貢、流浮山、南丫島、長洲……不想勉強他走太遠, 就近的三聖邨還算方便, 加上從未真正訪過, 那就由我做個小搞手, 促成這個溫馨的三人飯局。一向都沒刻意要挑正日來慶祝, 這次也不例外, 避開人潮之外, 亦免卻因過急而令出品粗疏的機會, 但最重要的還是那份心意。 一心打去訂座, 才得知午市原來只可walk in, 唯有先去一碰運氣, 確定有位後再著爸媽過來。 是日天公不太造美, 時而陽光, 時而下起雨來, 陰陰沉沉的, 還好心情沒被拖壞。爸爸對吃不算講究, 但間中也想帶他出外享受一下, 太高檔的地方討不到他的歡心, 還顯得有點拘謹, 渾身不自在呢! 下輕鐵後一口氣衝到名門去, 只見當時的檯差不多已坐滿, 上前一問, 竟然馬上有位, 實是出乎意料之外。請接待員稍留檯一會, 再到對面的海鮮檔巡視一下, 很快便鎖定舖位最大, 貨源較多的

在早早前就把廣東名門放在我想要吃的名單內，為的就是那隻脆皮芝士龍蝦。早前Triangle的一員到訪了後，也有讚不絕口，於是便決定於我正日生日來個海鮮午餐。（在寫這篇食評的時候才記得，原來上一年恰巧原班人馬也是在三聖邨為我慶生呢！）在餐廳報到後，我們便到了鄰近的海鮮檔，隨心的選了一間海鮮檔，挑了6款海鮮---龍蝦、扇貝、鮑魚，瀨尿蝦和螃蟹，東風螺，盛惠$900。取了海鮮後便再次回到了廣東名門加工，交代了烹調方法後，便安心等吃了。椒鹽瀨尿蝦： 選了兩隻大的瀬尿蝦，以椒鹽的方式處理。仗恃是壽星的福利，就請了F幫我剝殼了，就說他剝殼的時候，是分外的賢慧。看見瀨尿蝦啖啖肉的置於眼前，確是令人想要拍手叫好。入口隨即感受瀨尿蝦的鮮甜沒法擋，肉質紥實是為佳品，還偶有滲出椒鹽香，大讚！辣酒煮東風螺：上菜的時候，眼前的是一個石頭鍋，有小氣泡不斷在表面浮現，就似是掉了東西在岩漿內，熱氣從碗中急起，十分誇張。大家也自然反應的問了一句： 這是甚麼來的？後來才恍然大悟的知道原來就是東風螺。用一支小竹籤挖出螺肉，也夠辣勁，風味十足。小秘訣是可以把東風螺泡在湯中久一點，雖然是入口沒有那 麼燙，但就是螺肉會有更入味。脆

對新界區來說，屯門的三聖邨可是一個海鮮勝地，在新市鎮計劃未曾開發之時，這裡曾是一個漁港，匯聚大批新鮮海產之情況下，自會出現相關的食肆與及味道，記得多年前曾來到此地一躺，記憶中的味道及價錢亦屬合理水平，如今相熟攪手在此舉辦飯局，自也樂於前來。今次所用餐的店號，是邨內的廣東名門，於內裡多間的海鮮食肆中，實力較為雄厚的一間，起碼其鋪位已超過一間，看當晚的菜單款式眾多，可知道不能少覷，只是執筆之時，已離這飯局接近廿日之期，當中不少印象細節，已經忘逾大半，惟有憑剩餘所知的，記下這飯局的大概的面目出來。先來兩個餐前小吃，分別有鮑汁雞腳及胡椒湯豬手，同為重膠質之食材，前者可滷得鮮甜入味，至於後者的豬手質感，於爽口腍滑之同時，其邊位處也附上一些剩肉，配合入味的胡椒上湯，些許的微辣可更添惹味，如與碗內的腐竹同吃可更加不俗。還有一個以店名作點題的招牌茄子，將茄子油泡後再淋上濃味芡汁，口感上不失為外脆內嫩，如果芡汁能夠輕手一點，相信這食味效果更佳，同場還有一個鼓椒蟶子肉炆米，特別之處在於先將米粉前成餅狀，然後再切成多份，最後才將蟶子肉及芡汁淋上，記憶中這米粉於挺身之餘，期間也帶點軟熟之感，加上軟熟而鮮甜的蟶

一大伙兒吃生日飯，今次就去三聖邨的老鼠洲度買海鮮加工，這次大家都選了廣東名門，因為一直都很想試一試，很多次在外邊望入去的裝潢都覺得是這一區之中最好的，就是不知道味道是否有冬茹亭那邊的咁有煱氣，今天終於訂左位試一試。今日買左龍蝦、蠔、鮑魚、海蝦同魚，龍蝦就係上湯伊麵，一黎到屋企人已經覺得個廚房師夫啲刀功唔錯，每舊都係差唔多大細，火侯亦調較得剛剛好，沒有肉殼分離，肉質是彈牙同一啲都唔會過熟，至於啲伊麵底就吸哂啲龍蝦汁，好味到比啲小朋友搶哂黎食，我都係小小哋食左一柱先可以寫到個味道出黎咋。蠔就選左的吉列炸蠔，睇落好似好熱氣，食落就好 Juicy 同埋中和左個炸皮啲熱氣感覺，鹹淡適中，食到停唔到口呀！個開邊蒸的海蝦同鮑魚又係火侯控制到啱啱好，鮮味依然，肉質嫩口，大家都食到贊口不絶最後講埋條魚，本身夠哂新鮮，只要時間控制得宜就冇問題，所以食完以上的大家都有擔心會有問題，但想不到真係滑到入口即刻扇入喉嚨咁濟....大家都話早知買夠兩條孖住上呀。最後付送甜品係桂花糕及西瓜，都幾好但大家都係回味緊條魚的嫩滑.......

上次我去到三聖邨興記吃海鮮後,已經發覺到三聖邨這個地方有很多中式酒家.難得我今日不用返工,於是我去到屯門三聖品嚐美食.既然屯門三聖邨有這麼多間酒家,為什麼今次我會選擇廣東名門試菜呢? 原因是我喜歡這間酒家簡潔而華貴的室內設計,而且環境比起其他幾間酒家較為寧靜.雖然今次我來到屯門三聖,但是我今次並不是吃海鮮. 今次我吃的其實是點心和小菜.首先為大家介紹的是蝦角.這個蝦角真的做得不錯,除了蝦內夠大夠新鮮之外,外皮也炸得鬆脆.好像剛剛炸起這樣,熱騰騰,多麼的美味呀!吃完蝦角後,下一個來的點心就是X.O醬炒陳村粉. 雖然這個陳村粉用了X.O 醬來炒,但是味道並不是太過辣.如果喜歡吃辣的人,可能會感到有點失望. 我自己覺得都炒得唔錯,幾香口,只是欠了一些X.O醬應有的辛辣味道.今次我都有叫小菜,今次我叫的是石鍋豆豉雞煲. 當日我來到屯門三聖,其實天上都下著細雨,氣溫都比較凍,於是我想叫一些熱騰騰的煲仔小菜. 這個石鍋豆豉雞煲沒有令我失望,除了熱騰騰之外,豆豉味都十足.這個豆豉雞煲真的很惹味,送飯的確一流. (推介)飯後甜品是古法馬拉糕,蔗糖味濃郁,而且是即叫即蒸,所以真的很鬆軟.我覺得太美味喇!