建榮特色桑拿菜火鍋店

營業中

休息中

係出面食開啲連鎖餐廳，難得黎到屯門探朋友，就想食啲地道啲嘅，今次友人就帶左我一間屯門人先會識黎嘅餐廳食小菜。餐廳有少少大排檔嘅感覺，好熱鬧。有露天嘅座位，都有室內。友人怕熱，就揀左室內，但秋天黎緊，坐室外相信會有feel啲。餐單選擇真係好多，睇左勁耐都未揀好，樣樣都覺得唔錯。不過因為今次得兩個人，就嗌左三樣菜姐。豉汁蒸白鱔。睇得出用料真係好新鮮，簡簡單單嘅醬汁，夠味得黎，又唔會掩蓋到魚本身嘅鮮味。略嫌有少少腥味，不過正常係會接受到。刴椒粉絲開邊蒸蝦。辣椒份量十足，嗜辣嘅朋友應該會好鍾意。每次都話粉絲蒸蝦，粉絲先係主角，今次都唔例外！百珍豆腐煲。入面嘅配料係五花八門，咩都有，鮮蝦、粉腸、豬肝、魷魚等等。最鍾意佢嘅豆腐，難得煎得黎，仲保全內面嘅嫩滑。王老吉總括黎講，味道地道，份量偏多，性價比高，但兩個人黎食會覺得太多，比較推薦一大班人聚會食。

黎到屯門行街街，順便去屯門工業區接朋友收工，朋友介紹話想食大排檔😱所以決定去試試。無諗過咁多人，有室外同冷氣房，地方都好大！咁偏僻嘅地方，估唔到黎到重要等位🤦🏻‍♀️好多一家大細黎食唔好睇侍應姐姐粗粗魯魯大大聲聲，都好有禮貌主動介紹菜式👍👍👍有打邊爐同小菜款式，價錢都算親民每次去大排檔食飯，都會叫沙拉骨...沙拉骨幾香，個汁好惹味，仲有啲芝麻小朋友都鍾意食👍👍👍送飯一流籠仔海蝦炒飯籠仔荷葉蒸海蝦(炒飯底) - 開邊蝦不算大隻，但勝在每一隻都有蝦膏，加上蒜蓉一起蒸，上層的精華完全跌至下方的炒飯，令炒飯更加濕潤，淨食炒飯都食得出一種鮮味椒鹽百福豆腐椒鹽豆腐外表金黃香脆，吃起來卻很誘人。有了椒鹽，就算淡而無味的豆腐也變得不一樣好吃腐乳通菜通菜有點老，可能唔係時候😭九點幾食完食飽飽諗住走，見到門口有人喺度等位越夜越旺場！真係估佢唔到有咁多人黎食嘢！小菜都唔錯，下次有機會再嚟🤤🤤🤤

今晚來到位於屯門工業區的建榮特色桑拿菜火鍋店，從屯門市中心再搭輕鐵 505 到建安站下車行數分鐘就到達，這裡是大排檔的格局，但設有冷氣房， 不會受炎熱的天氣影響，可以吃得舒適。 餐前涼拌小食點了涼拌芝麻海蜇$68 -海蜇爽脆， 是一道很好的開胃前菜。 麻辣炸大腸 - 重口味菜色，大腸炸至外脆內軟， 不是太辣，有點像避風塘的感覺，這麼重口味，最適宜飲一杯啤酒來佐這碟菜。酥炸牛坑腩 $118 – 推介菜式之一， 酥炸牛坑腩倒是第一次聽，酥炸牛坑腩新鮮熱辣，香口惹味，入口鬆脆，牛腩半肥瘦，肉味濃，配的醬汁是喼汁，可一解油膩感。蒜蓉開邊蒸蝦 $128 - 蝦很新鮮，鮮甜爽口，而且處理乾淨，每隻蝦的蝦腸都除掉，蝦的分量頗多，蒜蓉惹味，底下的粉絲更吸收了這道菜的精華。另外這裡有一些特色火鍋套餐，待天氣再涼一點的時候，可以再來吃火鍋。

今晚來左建榮大排檔，7點幾來到已經full晒，店員偷偷地放左門外俾我地坐，好在當晚有風，坐岀邊反而又幾舒服wor見到餐牌原來有足料燉湯，好似幾吸引，但原來要早一日前預訂因為有豆豉鯪魚，次次係街食親一定會好油，反而呢碟一d都唔油wor平時食開蒸鱔就多，椒鹽就第一次食，唔係周圍都有得叫，份量都算多，食落外脆內軟，連埋本身有既椒鹽，愈食愈想食丫雞油同薑蓉味都唔算好重，第一次試呢個食法，蟹肉有鮮味，但呢個size價錢略貴，要$268，呢煲份量好多，無偷工減料，應該有一個大魚頭，薑葱味夠，支竹入晒味

屯門友話此大排檔口味正宗，又有創新特色招牌菜，非常夠火喉好吃，配搭超好味而口感豐滿，菜式種類繁多而夠份量，價錢經濟實惠，各式各樣，鑊氣夠飽肚而心滿意足，一家人共聚一枱心情特別開懷幸福，有講有笑，互相問好，物輕意重，而其小菜新鮮精美，爽脆有層次感，有意外驚喜，清爽不太油膩，有喜出望外的菜式，算是簡單菜色平有平食。其廚房效率其高，一會兒，精緻可口美食佈滿桌子上，在夏去秋月的日子，滿月高掛的晚日上享受家常便飯，但願家人健康愉快地共聚一個月滿的中秋節，大排檔環境當然比不上豪華酒樓的富麗裝潢，但簡簡單單的佈置，其街坊伙記服務絕不差勁，廚師泡製美味可口的菜餚，令客人流連忘返，值得再來！地方環境尚算不錯，勝在簡單隨便就是街坊特色出色的大排檔，内面有空調房子，都不致大汗淋漓，食得爽快！地方乾淨企理寬闊，光線充足，不太暗淡，最重要就是食得開心滿意！招牌小炒王，用菲菜花，腰果，鮮魷魚，咸魚乾，辣椒乾配炒而成一道菜式，味道鮮甜，脆爽順喉，清香味美，小油小咸，一路大啖，餸飯之選，口味出色！白鱔鮮味而豉汁濃香，肉汁充盈，鱔肉咸香，味道濃郁而爽口，口感豐富而清香滑膩，十分彈牙，滿足味蕾，值得再次光顧！三色咕嚕肉望

雖然我是一個女生, 但也不介意到大排檔吃飯, 我不是扭扭另另的女生, 也不會裝作自己很高貴很矜貴, 大排檔有的是地道風味, 是鑊氣, 偶爾也想吃一下呢。今晚就發掘到一家, 在屯門站行過去大約10分鐘, 在工廈區的大排檔, 晚上十分有人氣呢!蒜蓉開邊蝦$128: 呢個價錢份量咁多, 無得輸, 2個人食的話, 都飽左六七成, 蝦好新鮮, 蒸得唔乾, 蒜蓉調過味, 略鹹, 底下粉絲吸收了蝦香, 雖然有點油但又好食。蒜蓉炒通菜$58: 蒜蓉味好足, 炒得很香, 唔乾, 調味也是略鹹, 吃到底也比較油。紅燒乳鴿王$48: 皮香脆, 肉嫩滑, 燒得不錯的乳鴿, 仲見到有店員拎住細隻乳豬在門口燒, 燒了該有半個鐘以上, 好好心機。金沙鮮魷$108: 即叫即炸, 炸到脆卜卜, 金沙即鹹蛋, 味道鹹香, 內裡鮮魷爽滑, 做得不錯。椒鹽豆腐$68: 雖然只是百福豆腐, 但經椒鹽炸過, 寧舍不同, 外香口, 裡面滑嘟嘟, 口感一流!總括來說, 餸菜比較濃味, 比較適合送啤酒或送飯食, 現場所見九成係男人, 不少飲啤酒同食煙, 如果不慣煙味的人, 最好訂返間房, 咁就無問題啦。

朋友介紹，屯門工業區既熟食中心有間人氣大排檔非常值得一試，於是呢日收工就約人去試下因為已經是夜晚，所以周圍既工業區都冇咩人。但係行到呢個大排檔附近竟然十分熱鬧，睇黎真係吸引左好多街坊幫襯見到咁熱鬧氣氛咁好，我都好期待！除左門口既半露天檯之外，仲有精美既包廂，有電視又有冷氣，環境比起其他大排檔好好多餐牌有十分多選擇，要睇曬咁多菜真係需要時間。呢度竟然有麥啤飲而且價錢比其他餐廳平好多！鼔油皇銀芽炒拉麵$78店員推介，話係佢地新出品，味道果然唔錯。因為係用拉麵炒，所以比起普通面彈牙許多。鍋氣加上滿滿的洋蔥芽菜，又唔會太油，係出色既大排檔特色出品酥炸美國桶蠔$178呢度既生蠔好大隻，每隻蠔既size比起雞蛋仲大，而且足足有七隻咁多食落非常新鮮，外皮酥脆，配啤酒一流蒜蓉粉絲蒸開邊蝦$128又係份量十足，用料新鮮，每隻蝦都肉質彈牙鮮甜。新鮮既蝦只需要加上蒜蓉就足夠好食，而粉絲吸收曬蝦既精華，都係非常鮮味紅燒乳鴿$45見到檯檯都叫呢個 ，所以我地都試下。鴿肉juicy，外皮炸得又夠脆，果然不愧為人氣菜呢度環境舒服，而且員工都好nice，充滿人情味，下次要同多d人再黎試下

通菜梗生菜包: 用一片片新鮮冰凍的生菜葉, 包裹著粒粒通菜梗, 菜脯, 豬肉粒... 這是一道很脆的, 很爽的生菜包, 絕對是一道創新fusion生菜包!!! 椒鹽鮮魷: 魷魚很新鮮, 很大片, 也很椒鹽, 但鬆脆口感度卻略遜一籌... 北菇紅燒豆腐煲: 北菇和豆腐也炆得很入味, 不錯不錯!!! 雖然這裡是大排檔式餐廳, 但侍應們都服務卻是很窩心的, 連湯也貼心地為我們分配呢!!! 整體來說, 此大排檔的食物份量都偏大, 是價廉物美之選!!!

收工已是晚上八點，我和同事都餓到打鼓，工廠區好多食店都收晒爐，咁夜仍開工真係寥寥可數，建榮桑拿菜火鍋店就係表表者，亦都係我㗎飯堂。沿途夜欄人靜，好難見到人影，但火鍋店內卻出奇地每晚都一定坐滿人，無他，只有一個理由，就係餸菜超好味，永遠都保持水準！雖然叫火鍋店，但係店內係有好多撚手小菜及海鮮供應。每次去我地一定叫碟「小炒王」，大大碟，材料十足，有蝦干、菜脯、新鮮八爪魚鬚、辣椒絲、腰果、銀魚仔及鮮嫩㗎韮菜，夠鑊氣又健康，用來送酒一流！環顧四周，見到差不多每枱客都有點選「冰淋醬烤骨」，包括我地都有幫襯。外層酸酸甜甜㗎醬汁將肉粒包住，肉粒面鋪上黑白芝麻，食落口完全唔覺得肥膩，既香口又開胃。食完烤骨仍未飽，叫了半隻海南雞（無骨）及一碗淨湯粉。半隻雞好大碟，買相好靚，用了雞肉砌了一隻翼，雞肉好嫰好滑，雞皮好薄，無過多肥膏，醬料香味強烈，聞到已經流晒口水，極之好味👍淨湯粉好大碗，珍寶咁大碗，伴了幾片脆綠生菜，粉夠薄又夠滑，真抵食！

係人都知屯門有好多大排檔，但係而家嘅大排檔今時吾同往日啦，都可以做到好新穎。環境闊落，感覺乾淨，估唔到今時今日嘅大排檔可以做到咁，今日嚟到屯門嘅工廠感受一下大排擋既風味。辣子炸大腸，炸至脆卜卜既大腸，食落口充滿層次，外脆內軟，配上一啲類似避風塘既炒法，辣辣地好惹味。黑椒茄子牛柳煲，走過油既茄子，伴上黑椒味，感覺新鮮，牛柳入口軟滑，配上洋蔥，味道更夾。椒絲腐乳通菜，果然夠鑊氣，充滿腐乳味得來又唔會好鹹，喺屋企真係難得一食嘅味道。鹹蛋黃炸鮮尤，外層係濃濃嘅鹹蛋黃香味，新鮮炸起，入口脆身，內裏包着鮮味十足既魷魚，就算高膽固醇都唔理得咁多啦，不可錯過的美食。

今日阿媽話唔想煮飯，熱熱地要落街食喎，咁我哋落街見到工廠區有好多熟食中心，氣氛都唔錯，而且依家啲熟食中心唔同以前啦，充滿着冰涼嘅冷氣，真係消暑一流呀我哋叫咗隻海南雞，最重要最重要嘅就係佢冇骨㗎，啱晒鍾意啖啖肉既我，金黃色嘅外皮，一見到已經令我垂涎三尺，雞皮脆滑無比,雞肉一啲都唔鞋身，滑滑的而且完全食唔出有雪藏你，你都有都唔會好鹹，配上佢秘製嘅醬汁味道更勝一籌。酥炸牛坑腩，新鮮熱辣，即叫即炸，粉唔會好厚，入口鬆脆無比，牛腩係半肥瘦，牛味濃郁，肉質紮實，不可不吃。薑蔥火腩白鱔煲，咋渣聲咁上枱，鮮肉好爽脆，而且份量好多，以呢個價錢黎計真係絕對抵食，火腩半肥瘦，入口淋滑。招牌小炒王，講得上係招牌，就梗係好嘢啦，有鑊氣就梗係唔使講啦，入面有魚仔，腰果，腰果依然脆口，呢味菜用黎送酒真係一流

今天去咗建榮特色桑拿菜火鍋店晚餐，地點在屯門建榮街，即屯門工廠區投注站附近。由V-City西鐵站河田出口步行十分鐘就到，地點都算方便。因為店舖後面近球場，亦有公眾停車位，加上位於工廠區，晚上比較靜，所以揸車都ok。今晚點了三個小菜、一罐气水、一個白飯，誠惠$324港元。因為小菜非常大碟，又叫了蒸鱔，所以感覺消費十分便宜。而味道屬超好食舊大排檔味道，炒野有鑊氣，鱔蒸得剛剛好，浸菜清清地，全部都非常堅好食，而份量十足，所以實在值得推介，必加入小弟飯堂之列。豉汁炒鵝腸，好有鑊氣，大大碟，無得頂牙。金銀蛋莧菜，清清地試，有味而不太咸，出色。鱔蒸得剛剛好，豉汁味濃但不太咸，鱔肥而滑，正。

大排檔喺香港買少見少，呢日約左個兒時舊鄰居見面，我哋就揀左嚟大排檔食飯回味下。打開餐牌都有好多選擇，秘製重慶雞煲 (半隻$188) - 鷄肉嫩滑有鷄味，加上三色椒、雜菇、紅洋蔥、中芹、乾辣椒等，材料豐富，夠晒惹味，大大煲， 煲底一邊加熱一邊食，越食越滋味。侍應仲介紹食完鷄煲可以加上湯打邊爐，一於等遲D天氣涼D再嚟食過。鮮腐竹浸時蔬 ($68) - 除左莧菜，仲有鮮腐竹、雜菇、紅蘿蔔、中芹等，湯底夠鮮味，健康好味。冰淋醬烤骨 ($88) - 烤骨肉質鮮嫩唔嚡口，醬汁酸酸甜甜，既開胃又好味。王老吉 ($10) - 食辣鷄煲飲返罐涼茶清潤下青島 ($22) - 大枝裝都係$22，夠晒抵飲。

今晚去朋友公司傾完公事，佢話附近有個碩果僅存嘅大排檔，叫我點都要去試吓... 去到建榮，一眼望去，以為只有小小一檔，幾張枱... 點知原來係橫跨幾個檔位咁大地方，入面3檔位都坐滿～酸菜江團魚，落單時店員積極推介，話香港無呢款魚，特地從內地運嚟香港，一定要試咁話... 條魚就一般內地淡水魚嘅味道及質地... 而個酸菜湯係出奇嘅好味，個廚房師傅應該都係同條江團魚一齊運嚟，煮川菜都有板有眼～😆😋冰淋醬烤骨，味道同京都骨差不多，但就唔係唔係用牛，改用豬肉排骨～炭燒乳豬，燒得香脆，醃肉入味，好舊式做法～招牌小炒皇，係大排檔必點類，呢度炒得夠鑊氣，讚～

今日入屯門探個認識咗廿幾年嘅好兄弟 兩個大男人梗係唔會喺屋企煮飯啦 佢帶咗我去佢樓下大排檔開餐 講真我都好耐冇去大排檔食飯啦 未入到去喺門口已經聽到啲鑊氣有幾勁 呢啲其實真係要大排檔先食到咁耐冇見梗係要啤啤佢先啦 啤酒好抵飲食住乳鴿飲住啤酒 真係絕配乳鴿個皮炸得勁脆呢個招牌炒飯勁正勁有鑊氣 喺大排檔一定要食啲炒嘢先得個蒜蓉蒸蝦勁大碟 啲嘢好新鮮 好味個味道亦都相當唔錯 同個好朋友嘆住啤酒 一路享用美食 真是十分爽最重要係呢度係有冷氣㗎 非常享受這餐晚飯