建榮特色桑拿菜火鍋店

營業中

休息中

Happy Friday 當然出街食啦，今日全日都落雨唯有近近地，熟食市場大排檔開餐，經常都幫襯呢間建榮，大大碟又好味，價錢合理家常便飯feel蒜蓉開邊粉絲蒸蝦每次都必點，蒸得啱啱好，很大碟呢，粉絲底都成碟餸咁多，去街市買都要呢個價錢，送飯一流呢度仲有我最愛嘅德國麥啤，配炸乳鴿match過配炸豬手囉😂😂呢度乳鴿好大只，肉質好嫰滑，熱辣辣，即叫即炸西蘭花炒鮮尤好好味，唔太油賣相好掂第一次點呢個建榮特色炒飯，有驚喜應該用咗瑤柱，鮮蝦仁同鹹蛋黃去炒，好香粒粒分明，每一啖都有濃濃嘅蛋黃香，喺其他酒樓未食過，建榮特色炒飯 真係有’特色’簡簡單單又一餐，真係要支持多啲街坊小廚，呢度嘅店員很親切，同食客打成一片，星期五晚飲下啤酒，放鬆一下真係fit到漏

呢日約左人喺屯門區西鐵附近，晚飯時間經過見呢間大排檔有冷氣，又有幾多客人，心想應該有返咁上下，又見於是我哋就決定入去吃晚飯。侍應介紹呢度新推出嘅脆皮炸大腸 ($88) - 外皮炸得香脆，食落肉質爽口唔油膩，火喉控制得好好，大腸洗得好乾淨唔會有怪味，配上甜酸汁食就更加正！😋蠔仔肉碎菜莆煎蛋 - 煎得好香口又唔乾身，加上爽口嘅菜莆，口感同味道都豐富！😍沙薑雞腳 ($68) - 大大隻炆得夠腍，配上沙薑汁，夠晒惹味😘招牌小炒王 ($108) - 有韮菜花、蝦乾、菜莆乾、白飯魚乾、魷魚、腰果，材料豐富，香口惹味，用埋配飯 配酒都咁正！青島 ($22) - 大枝裝都係$22，好抵飲，呢餐有咁多美食，一於啤啤佢🍻🍻😄

今晚弟弟放工，媽媽碰巧在附近找姨姨買海味，媽媽都趕不及回家煮飯，索性直接在弟弟公司旁的大排檔吃些風味小菜也不錯。沒想到雖然6時多，但這裡已經接近滿座，工廠區的大排檔夜晚如此多人屬少見呢。弟弟說無骨海南雞是這裡的招牌，叫我們一定要試試看，故我們點了半隻。海南雞有雞腿，雞胸，雞翼，讓我們一次可品嚐到三種不同部位的雞肉，相當滿足。每塊海南雞都保有肉汁，腿肉鮮嫩多汁，滑口又清爽，特別是嚐到雞皮脂香具彈性，滑嫩鮮美，不會給我們肥膩的感覺。雞胸的部份，嚐起來也很嫩口，軟而不爛，不柴不硬，清爽極致。雞肉沾上了特製醬汁，味道更豐富更有層次。紅通通的招牌咕嚕肉完全擄獲我們的心，咕嚕肉炸得外層脆脆的，恰到好處的蕃茄糖醋醬汁完美包裹住咕嚕肉，菠蘿及紅，黃，綠椒，並撒上黑，白芝麻，無論視覺效果抑或味道都十分豐盛。蠔仔肉碎菜脯煎蛋給人較扎實的感覺，煎蛋外層煎至微酥，裡面則蘊含鮮嫩滑溜的蠔仔及蠻有嚼感的肉碎，每一口煎蛋都吃得到爽脆又鹹香的菜脯粒，難怪弟弟這麼愛，因為真的超下飯。我們怎可只吃肉，當然要吃些蔬菜取得均衡飲食。西蘭花炒蝦球炒得不錯，我們最怕就是吃到硬邦邦的西蘭花，這西蘭花嚼起來軟中帶脆，花部份的原色也保

老媽子聽身邊的街坊推介，這次帶我食好西。來到屯門站，我們一同前往位於工業區的建榮特色桑拿菜火鍋店。大排檔的格局，雖則天氣炎熱，但餐廳備有冷氣房，保證吃得舒適。酸筍椒絲面醬蒸新鮮大魚頭魚頭香滑，帶酸香味道，與面醬的味道很匹配。黃金蝦採用原隻新鮮蝦烹調，蝦肉鮮嫩多汁，每一淡都有香口的感覺。中式煎牛仔柳家庭小菜都整得出色，牛柳肉質軟腍，酸甜味十足，越食越開胃。海皇雜菜煲份量之之多足夠四人享用，粉絲香滑，海鮮有蝦，蜆和魚等，非常鮮味。

難得一遇 買少見少出品好 價錢值👏位於屯門市中心 新V city 附近既工廠區-大排擋今日係係附近收工 就同朋友係到食估唔到係甘高質 好味金銀蛋浸時菜（$68）足料既👏👏味道剛剛好蝦🦐醬肉片炒鳥冬（$78）雖然佢以蝦醬去炒 但一d 都唔過鹽 係剛剛好既避風塘茄子（$88）呢個絕對係配啤酒係一流 外脆內軟 脆脆係-唔會-炸到一舊舊 好厚粉脆脆係好薄身，帶辣味👍冰鎮豬腳仔（$88）夠凍 而且好大件 好入味 開胃👏真心值得推介 因為價錢唔貴 而食到好食既係好難搵 而且佢既份量係大 一個價錢係預3-4人份量 2人就大碟既👏👍

好多女仔都唔鐘意食大排擋 我反而覺得幾有風味👻例如唔多地方有得食鵝腸 呢到唔單止有 仲處理得幾好 肥美得黎好爽脆 加埋芽菜同麻油 口感好有層次又係唔多地方有得食既咸鵝 咸咸地 更加帶出到鵝既肉味 唔使點醬都已經好夠味仲嗌左白鱔蒸飯 個飯底真心讚！ 用荷葉包住 飯粒粒分明 但係一d都唔乾 入面仲加左蛋同蔥花 連埋魚油同鼓汁 真係好好食 我都忍唔住食左兩碗最後係通菜炒牛肉 簡簡單單 好夠鑊氣 而且牛肉keep到幾嫩滑 成個感覺都幾熱鬧 嗌多枝啤酒 香港風味👍🏻👍🏻👍🏻

好奈都無食過咁有水準既籠仔蒸蝦飯，以前每蓬星期日同屋企人去樓下間酒樓飲茶都會點一個籠仔蒸蝦飯食。 酒樓做既籠仔蒸蝦飯 , 海蝦新鮮 , 飯底有炒過 , 調味汁非常吊味 . 之後因為領展要番新商埸 , 酒樓及附近店舖亦相繼結業 . 之後每當到中式食店食飯 , 都會點籠仔蒸蝦飯 , 想尋回以往既味道 。但試左咁多次 , 始終都係食唔返 . 唔係海蝦唔夠新鮮 , 就係飯底太濕 , 太軟 , 太硬 . 但係今次終於比我搵到啦 ! 朋友一路都係屯門住開,所以佢今次帶左我去熟食市場,唔係住開呢區真係唔識除左籠仔蒸蝦飯之外,朋友仲推介左乳鴿同啫啫介菜煲。雖然呢到似大排檔，但係唔算太熱，唔會食到出唒汗！妙齡乳鴿比起平時食開既都算大隻，所以都比較多肉食肉質好juicy 皮亦烤得剛剛好非常脆口 好開胃！啫啫介菜煲本身無打算叫，因為我唔係太鐘意食介菜。但係朋友不停話介菜唔難食，好啦，咁我試下啦。介菜同其他菜唔同既地方就係苦苦地甘甘地咁，所以唔係人人都岩食！雖然係咁，味道都唔差，間唔中食一兩次都無問題仲炒得幾惹味添！最後就到是晚主角喇 籠仔蒸蝦飯 😍海蝦肉質實淨 ， 味道鮮美 ， 蒸飯有先加蛋炒底 ， 飯乾濕

香港每日都進行緊，同時好多店都開始公式化，連鎖經營，自然就會變得流水式作業所以小店，大排檔，老店真係買少見少 但為左食好西當然會周圍問下8下佢地住既區有咩食店係特別好食 所以我同事見我咁麻甩 就介紹左我呢間大排檔果然無令我失望建榮炒飯=福建炒飯只係我覺得姐，因為貌相好似 材料十分足料，不過炒飯方面我本身比較喜歡超乾身，所以如果呢個飯可以炒得再乾d咁就perfect啦呢個不得不介紹，豉椒炒大蜆 聽聞呢個只係勁辣，其實仲有癲辣如果食到癲辣既朋友不況可以同店員要求 by the way, 呢碟炒大蜆火喉鑊氣十分夠，食個下令我回憶到好多細個同屋企人係大排檔既情景，所以話回憶總是美麗的呢d就係大排檔既風味白灼鵝腸我的最愛，認真如果就咁食的確只有鵝腸味，個鵝腸好乾淨帶有少少應有既脂肪，掂埋佢地個豉油辣椒，就更加突出到鵝腸個種少少既臭臭味 蝦醬通菜鮮魷，菜新鮮，葉夠嫩唔老，蝦醬調既份量岩岩好唔會太咸，所以唔會蓋過鮮魷既鮮咪大排檔既鑊氣，呢個價錢絕對係物超所值絕對可以encore以上開飯食評，只係本小姐食後感

細個真係唔識分咩係有鑊氣，大個咗就知道鑊氣重要性！街坊菜比起集團式經營，除咗老闆有人情味之外，夠鑊氣都好重要，係屯門熟食市場搵到間爆座食店，勁有鑊氣！大大啖蜆肉，真係隻隻都有肉，最怕成碟炒蜆係蜆殼多過蜆肉，連周邊配料：洋蔥、青椒都好惹味蒜蓉蒸開邊蝦，有蝦膏㗎！仲有我最鐘意粉絲墊蝦底，吸收哂蝦汁味，撈飯一流，食多2碗飯都得！魚香茄子煲又一撈飯必備，茄子唔會過份油膩，食落口唔會滿口油，豬肉碎加辣椒爆香超惹味，茄子fans表示想瘋狂encore地址：屯門建榮街32號建榮熟食市場地下C6號舖

黎到大排擋必點既菜式難得試到間整椒鹽鮮魷係咁好食 炸脆香口得黎 用既鮮魷都好新鮮最後比我地成碟清哂 椒鹽味剛剛好 唔會特別咸煲仔類我地就簡左雜菜煲，用料新鮮 成大煲 差d食唔完 特別喜歡佢加埋蜆同蝦令d菜好鮮甜再黎睇下大排擋炒野功力我地就叫左小炒王好香好惹味 d蝦乾炒得好入味 絕對推薦最後我地唔知原來每碟份量咁大叫埋佢地招牌菜 呢個整睇得出都好有心機牛腩夠淋 牛香味不得了呢味脆皮炸牛腩真係無得輸！牛腩醃得入味，而且炆得淋！睇圖就知係炸到金黃色，外層好脆卜卜！可惜食唔哂兩個人 太大份店員都好好人 幫我地打包埋下次會叫多d朋友去再食呢間餐廳比我感覺係超有人情味 好多街坊都去幫襯 一到夜晚就好熱鬧 又近市中心絕對推薦

去屯門搵朋友食飯,試下呢間小炒。兩個人叫左沙拉一字骨($88)、蝦醬通菜鮮魷($88)、芝士蝦E面($128)先講個沙拉一字骨,唔係浮誇, 一上枱已經好香, 好多沙拉汁,仲有D肉好淋。蝦醬香得黎又唔咸,鮮魷一咬就開,唔會好似香口膠咁。個E面最好味，蝦雖然細隻但係新鮮而且個面同個芝士好融合,因為出面食開的,一係就芝士搶左鮮味,一係就係個面無味,但呢間真係好好味~兩個女仔,食到好飽,要打包,哈哈!下次有機會會再去~YEAH~

尋晚入左屯門，揾家姐吃飯。話說姐夫以前係九巴度做，所以會係個頭逛開，家姐誠意推介喱間大排檔。我哋係屯門站A出口出行大概7-8分鐘就到!環境好大排檔feel，地方夠大，有幾間冷氣房，怕熱嘅人都唔駛驚。。我哋有大有細緊係坐冷氣房啦~啲伙記好好招呼，我哋一坐低會主動介紹有咩好食，推介左啲小菜俾我哋 啤酒唔貴!籠仔海鮮炒飯，喱個飯都好大兜，可以6碗飯，啲飯又唔乾，啲蒜蓉汁滲入啲飯度，而啲炒飯吸收哂啲汁，嘩，真係超正，喱個籠仔海鮮飯不可不試。其實本身今日好想食黃金蝦先去大排檔食飯，黃金蝦好香好食，份量又多，啖啖咸蛋味，送啤酒一流!喱個蝦醬炒牛肉通，我見枱枱都叫喱碟菜，我緊係要跟啦，嘩嘩嘩...真係無得彈，真心第一次食到咁好食嘅通菜。雖然係重口味左啲，但好夠火候!喱個係黑椒茄子牛柳煲，我一見到喱個小菜就話即刻要order，我覺得應該食好正，因為煲入面兩樣嘢都係我嘅愛吃~~店員又服務好，啤酒妹會成日主動倒酒，店員見你食到咁上下又會幫你換碟，服務都不錯。喱間""建榮""真心好食夾大件~每碟小菜都大大碟，埋單五大碟小菜連啤酒都係500咋!!真係物有所值

食到間好正嘅大排檔呢！但可惜(?)呢間嘢係喺屯門😹我知道對好多人嚟講都好遠😹真心推薦俾住屯門附近嘅人😚.店員好nice，率先推介佢地嘅鎮店之菜冰淋醬烤骨俾我地。果然係好食😭😳食落係甜甜哋咁，調味剛剛好，所以就咁食都唔會覺得過咸過甜，而拎嚟送飯又一樣fit。排骨表層烤得有點脆脆的，但內裏肉質依然保持juicy軟腍。同埋豬骨都大大件，而且有好多肉食㗎，肉同骨都容易咬開，所以食落都啖啖肉咁，好滿足☺️所以我同朋友係一致認為呢個餸係今餐嘅number one🏆必叫必食呀！.其實我未試過喺大排檔叫湯飲，但店員又推薦佢地嘅芥菜豆腐和牛丸湯，所以就叫嚟試吓。同行朋友唔食芥菜，所以店員幫我地轉芥菜做娃娃菜🙆🏻‍♀️呢個湯又係必叫！好好飲😆連一向好細食嘅朋友，食到最尾好飽嘅時候，都話要繼續飲湯🙈入面嘅和牛丸好好食呀！呢啲和牛丸食落真係有牛味，同平時食開嘅牛丸係完全兩回事嚟😳好搞笑係呢啲和牛丸係會食到攝牙”拿”㗎，真係好真材實料😋.脆皮豬手原隻上，皮同肉已經起咗出嚟。你豬皮炸到好脆，食落一啲都冇油膩感覺，所以一時令我忘記咗脂肪為何物，不停夾脆卜卜嘅豬皮嚟食😚豬手肉都多，而且肉質都夠軟腍🙆🏻‍♀️不過肉同皮都分離

今日超忙，連老闆都要出動送貨，送貨點圍繞在荃灣、屯門和元朗區。佢知我熟路，就召我跟佢車。送貨送到7點幾，真係餓死人。老闆見我黑佢面，都知機，話請我食埋飯先散水。我引路帶佢揸車去附近建榮街熟食市場搵嘢食。嚟到呢個美食陣營，唔使揀啦，見最多人幫襯嗰間就行入去。咪以為熟食市場呢啲環境我老闆會唔like，其實，佢都係草根出生，偶爾間嚟到呢啲地方，還會觸發佢嘅當年情。事實上，呢度環境唔曵，冷氣仲超勁，好爽!老闆叫咗沙拉骨、啫啫芥蘭煲、酸菜煮魚和一支青島 (揸車，所以只飲一支)。【沙拉骨】都唔知邊個發明這個菜式，中西合碧，將中式嘅酥炸過嘅排骨同西式嘅沙拉醬炒埋一齊，又開胃又好食。啤啤佢先!排骨完全入味，又有肉汁，非常鬆化可口。【啫啫芥蘭煲】大大煲，香噴噴。煮到一啲苦澀味都無，配上辣椒肉碎，充滿馬來風味，係送飯佳品。【酸菜煮魚】啲魚煮到又嫩又滑雖然我哋點的是小辣，但辣味已經足夠。酸菜啲味道又啱啱好，將啲汁用嚟撈飯，不知幾正，老闆都隊咗兩個靚仔才肯收手 (口)。無幾耐，佢老婆call 佢，話未食飯，叫佢買個外賣返去餵妻。老闆望望隔籬檯食緊乾炒牛河，好似好正，好夠鑊氣，就落個order 叫個XO醬乾炒牛

有d人可能會覺得大排檔又嘈又熱，但無可否認既係大排檔總係有種人情味係任何連鎖快餐店比唔上既～今次黎到屯門熟食市場既建榮，去到睇餐牌睇到好迷惘，老闆推介左幾道小菜，道道都真係好抵讚，服務態度又一流，真心一試難忘💛招牌小炒王好足料，有韭菜蝦米菜甫腰果魷魚，所有配料夾埋唔會話比其中一樣搶左味，鑊氣十足，送飯一流咕嚕肉唔會太酸太甜，食得出唔係用千年老油炸，d粉又唔會好多，好爽口～開邊蝦蒜蓉蒸飯十個讚，要我食三碗都得，用荷葉鋪底再加埋蒜蓉，d飯超級香，再加埋d新鮮既蝦，真係好正，必叫！