強記小食

營業中

休息中

身為一個地道嘅香港人,一定超鍾意食咖哩魚蛋！行街經過見到食一串, 牙痕又食一串, 早餐,午餐,下午茶都可以加咖哩魚蛋！可謂又細食到大！仲有好味既魚蛋仲要係街邊篤吓篤吓先夠地道貼地,講到篤魚蛋就一定要食葵芳嘅強記小食. @強記小食 既魚蛋長期位於魚蛋關注組第一位！除咗街坊街里成日幫襯之後,有好多人更加跨區去食！去葵廣掃街一定會先來食咗先！平時都有好多foodie 來打卡推介,當日我都見到有個行家係咁影相呀！ 🔮魚蛋 小店用陳皮魚蛋,魚蛋真材實料,有陳皮味之餘又有魚肉味！最重要係魚蛋無咩加發粉,所以唔會變成一粒發水魚蛋咁,魚肉實,外皮煙韌有咬口!重點來啦,係個汁,小店用一個大飯煲一邊滾住D魚蛋,個湯汁浸住D魚蛋,索哂D味,咖喱沙嗲香辣,入口超惹味,唔洗加辣汁都好夠味! 果重辣仲要係後勁出番來,好好食呀！ 如果大家食得辣,仲可以加辣汁!佢地個汁超辣呀！我就唔得喇！不過你地可以去試吓! 🔮燒賣 仲有佢地個燒賣,雖然魚肉燒賣,但係佢地個秘制鼓油,不得了呀！超好味,一定要加!香,甜,咸,集於一身！正！ 🔮鹵魷魚 再食埋橙色魷魚(我由細到大都係咁叫🦑）,本身已熟,會再整熱俾客人!我叫唔辣,咁就會俾一

之前試過同另一半去食，話係度食佢格硬俾個飯盒我地，格硬收飯盒錢。都唔緊要嘅！今次買仲直接收多我哋十幾蚊，真係好似趁我哋唔睇價錢亂咁收錢！我一臉疑惑咁睇幾多錢？佢哋仲充滿自信咁講嗰啲就$14一串，呢啲就$8一串，加埋咪啱囉結果我拎住個計數機計結果佢哋收多咗$14佢哋都係好唔相信，要自己再計多次最後當然佢自己計多一次再退返錢俾我！好食係好食，以前每次過去都一定會幫襯，但係而家咁樣有唔止一次收多人錢嘅經歷，手法真係有啲商榷！奉勸大家喺美食當前，要計清楚條數唔好俾人有機可乘！我唔係話啲嘢唔好食啲辣汁真係好好食，但係記住真係要小心唔好大意

每次去葵芳都一定會買強記小食有時經過見到都係大排長龍佢嘅辣汁真係世界級好食😋好辣㗎!!唔食得辣嘅記得叫少少辣~係會辣到流鼻水😹😹佢哋牛肉球係最出名!!但我都好鍾意食佢嘅水魷魚 牛柏葉同八爪魚!!✨水魷魚唔係每個地方都有水魷魚賣!!佢哋嘅魷魚加上汁超好食魷魚都好彈牙 好有口感!!咬落去係脆(⁎⁍̴̛ᴗ⁍̴̛⁎)✨牛柏葉都係必食!!索哂汁好正😋好辣好過癮~但要睇彈，整污糟啲白色衫就唔好~✨八爪魚冇上面兩款咁好食 ~

我嘅飯堂食過之中最好食嘅牛肉球之一陳皮魚蛋搭個單，一樣有水準雞腎大件爽口🤓最重要真係自家製辣醬汁層次昇華至極級👍👍👍👍👍Total $35每串分別幾錢就唔知😂靚仔靚女們好忙我都唔好意思問比錢就啱😌位置係地鐵站D出口附近搵下🤪

少少餓，但仲有兩個鐘先晚飯，路過呢間，食兩串小食似乎係適合嘅 😂記憶中嘅味道，係辣汁偏辣，魚蛋係傳統嗰啲，燒賣就一般來貨咁。今次應該係相隔一年再食，燒賣唔同咗，唔得 😂 但魚蛋係仍然辣到透嘅程度，而且係傳統皺皮（定係陳皮）款式，好食！所以下次再食，魚蛋就滿足了 😋

呢間小食店係葵芳地鐵站出面，👧🏻當日放工時間去食排晒長龍🫣🫣一於試下到底係咪真係咁正😝😝 ❣️陳皮魚蛋 係香港賣魚蛋嘅舖頭，通常都係用白魚蛋為主，用陳皮魚蛋嘅舖頭真係越嚟越少🫣相比起白魚蛋，👧🏻都係比較中意陳皮魚蛋，食落口感同味道都豐富d☺️ 而呢度嘅魚蛋冇令我失望，魚蛋用咗陳皮魚蛋，食得出陳皮甘甜嘅味道，肉質煙煙靭靭👍而佢個秘製辣汁係必點❗️❗️辣得嚟又有甜甜地嘅味道，超惹味😋😋 ❣️魚蓉燒賣 燒賣都幾大粒，咬落都幾煙靭，唔會有黏口嘅感覺，食得出有魚肉味～都唔錯。不過相比起魚蛋燒賣就有D普通🤣🤣

.📍強記小食📍#饅頭去葵芳 #饅頭的港味道 #饅頭的掃街系列------------------------------1️⃣ 陳皮魚蛋 ($7/6粒)魚蛋雖然細細粒，但質感唔係彈牙而係偏實加有韌性，皮同肉各有千秋：魚蛋皮配上秘製辣汁，先甜後辣，帶回濃郁嘅陳皮回甘，非常香口惹味，食完之後辣感依然回蕩喺口中；魚蛋肉口感煙韌超好嚼，鮮香味濃，同辣汁互相襯托😍，篤一串喺街邊食別有一番風味。◾評分：8.2/10------------------------------2️⃣ 魚蓉燒賣 ($7/5粒)呢度嘅燒賣應該都係自己製作，比坊間食到嘅大粒，質地唔係死實黏口，亦冇乜煙韌感覺，食得出魚肉香味，不過整體就顯得有啲普通。◾評分：7.1/10------------------------------🔸整體評分：7.6/10🔸小編回頭率：7/10

放工經過葵芳地鐵站，口痕痕又想食野，知道近排有被推到熱爆既強記小食，就當然唔可以放過佢A) 環境/店員服務 （偷懶mode😆🤞🏻）因為係街頭小食，所以環境同店員服務都唔評喇B) 食物質素 ⭐⭐⭐⭐ ⭐ （5/5）叫左串魚蛋同燒賣 （7蚊/串）魚蛋十分彈牙，而且好有陳皮味，再加上秘製醬油非常好食😋，終於明白點解會推到上神台條隊排到去地鐵站😅。至於魚肉燒賣十分大粒，飽滿有魚味，唔會好死實黏口。最可惜係我唔食牛，無得食牛肉球😂C) 勝價比 ⭐⭐⭐⭐ （4/5）只係7蚊串其實唔會太有要求😆同埋同附近既葵廣價錢差唔多，又近地鐵站所以比就分少少

咖哩魚蛋、魚肉燒賣係掃街廉價小食之選都會有高質或低劣(如龍x⋯⋯)。就如葵芳巴士總站都有數間小食店，不過講到最具人氣，其實都是隱藏在後巷細細間小食店「強記小食」，放學放工繁忙時間人流高峰亦釀成小店排出人龍！小店本身樸素無任何多餘的裝修，卻製作出本土風味小食，非常地道，食過都大讚其辣汁香辣有層次，經歷超過十多年味道也如一。出品相貌平庸 ，不過就憑著特色甜辣醬汁有畫龍點睛之效。魷魚、生腸辛辣味道的彈口魷魚有嚼勁，香濃咖喱汁混入辣度極週的指天椒粒，奇味無比。最吸引嘅必定係魚彈結實而富咬口既陳皮魚蛋。

每次去開葵芳，除咗去葵涌廣場掃街之外，隱藏在後巷細細間既小食店「強記小食」更加係我每次都一定要去既打卡點😛我覺得佢既魚蛋是葵芳區中最好食的🧐，不過今次我就冇食魚蛋啦😆。巨型牛肉球（$12/3粒）：牛肉球大大粒，咬落有肉味，配上甜豉油，入口頗香。內裡有芫荽、馬蹄同蔥，口感十足，而且不似外面其他的店舖般軟塌塌、口感鬆散，反而咬落彈牙有口感唔會太粉。食完呢3粒夜晚可以唔洗食飯🤭牛柏葉 ($12/串)：一定一定要配佢隻超辣咖哩汁，佢哋咖哩汁味道獨特，辣中帶甜，有後勁的辣，辣味持久力強，不嗜辣者勿近🔥🔥🔥

葵芳必試，強記小食！位於地鐵站D出口附近，放工時間一定會排晒隊，最出名係牛肉球同招牌辣汁。 牛肉球比酒樓嘅較實，啖啖肉，配上醬汁，wingwing.foodfood食完三舊已經好滿足! 勁飽。

👍🏻山竹牛肉 $12/3粒同茶樓個啲山竹牛肉口感好唔同🤩質地彈牙，有少少牛丸feel，不過當然腍身啲🤣入面有混左牛脂肪粒同馬蹄粒油脂味香濃之餘馬蹄又爽口🤤有芫荽味但唔算好重淋上甜豉油唔會太咸大大粒性價比高😜味道：9/10性價比：9/10-📍#強記小食葵芳港鐵葵芳站D出口#hkfoodie #foodiehk #hkfood #foodhk #hkeat #hkrestaurant #香港美食 #香港美食指南 #香港美食日記 #香港美食地圖 #香港美食推介 #平食 #窮遊 #打卡 #香港打卡 #情侶好去處 #拍拖好去處 #週末好去處 #葵涌 #葵涌美食 #葵涌好去處 #葵涌打卡 #葵芳 #葵芳美食 #葵芳好去處 #葵涌廣場

相傳強記小食每日賣出的陳皮魚蛋數目, 比起葵涌廣場所有小食店賣出的魚蛋數目還要多. 陳皮魚蛋在小食店出現愈來愈少, 無他, 都是成本的問題. 製作的食材並不名貴, 但在size的控制上, 魚肉和生粉比例前者要多才能有足夠魚香, 甚至要帶有陳皮香味, 要做得好就相當複雜. 強記的陳皮魚蛋就有齊所有元素, 再加上獨特的咖喱辣汁浸得相當入味, 其辣汁辣勁強橫, 沒有太多麻度但帶點天然甜味, 所以還能感受到魚蛋的魚香及陳皮香, 味道層次比一般小食店複雜. 同樣辣汁放在牛柏葉及生腸上, 非常惹味.它的另一道名物是魚肉燒賣, 我覺得就有點名過於實, 魚肉肉香不太明顯, 份量與Size和一般小食店差不多, 而且外皮蒸得太久, 有點糊化, 反而其豉油甜鹹平衡度足, 吃完不會喉乾, 比起燒賣吸引, 很有妺仔大過主人婆的意味.

強記最正嘅絕對係佢既位置😏方便得黎又有啲隱蔽，夠晒地道‼️真係經過就忍唔住吉返串🤭強記位於葵芳站一出站既一條後巷仔，先勿論野食既質素，企係呢條後巷吉串燒賣魚蛋嗰種feel係幾咁香港，幾咁麻甩，直頭係佬味濃🤨後巷配燒賣，就有如茶記既豆腐火腩飯配青島，浪漫到痴晒線...整體食物(🌟3/5分)就無話好特別，都係小食店嗰啲野😂魚蛋係陳皮魚蛋，燒賣正常水平，唔算好特別。反而牛肉就勁大粒，口感結實😆男朋友次次都係食呢3樣野，仲話食完牛肉已經好飽，食唔落其他野🙄題外話💬覺得燒賣既質素近年感覺差左，希望只係間中失手🥺

12蚊有3粒牛肉球真係好抵,圍番係4蚊一粒炸呢一間小食店係地鐵站隔離一氣巷仔入面話說以前成日都見到好多人排 ,有一次我朋友同我講好好味,咁我就試下啦,點知一食成為老客戶牛肉球每次嚟都必食嘅 , D牛肉球唔會太粉,都會有牛味既陳皮魚蛋都幾彈牙  辣汁加埋都正, 不過出面都有呢類型既陳皮魚蛋如果一定要特登嚟食一樣野 我一定係話牛肉球牛肉球真係真係好正 ,一食左一次 你下次再經90%都會再食