強記美食 (已搬遷) 新店位置

強記美食係一間平民小店，更獲米芝蓮小食推介！講得平民當然沒有華麗門面，但每次經過都要食，係一份情意結外亦因為專注做好，味道一直沒變☺️次次都會叫的🌟腐竹糖水$24 （加🥚雞蛋$4）碌返openrice食評，估唔到冇咩人講腐竹糖水😯腐竹煲到溶哂，糖水入口香滑滑溜，足料！有好多好多薏米，除有利水消腫外，薏米仲有好多益處㗎👍🏻另外好多人會叫嘅什錦臘味糯米飯，是晚賣哂，好在我食飽晚飯嚟，唔洗心思思😁

//#黃店地圖系列間野叫：強記美食邊度黎：灣仔駱克道382號莊士企業大廈地下環境點：門口糯米飯嘅熱蒸氣伴隨著街坊睇直播嘅怒氣 風味十足嘅檔口仔🌝：參與罷遊行市 擺水請食飯撐手足▪雜錦臘味糯米飯 $398分話明雜錦 梗係咩都有啲咁啦 比左個機會我初嚐潤腸添 糯米飯炒得好軟糯 醬油份量落得啱啱好 唔會鹹到生腎石 用料都豐富 細細碗有齊曬潤腸臘腸冬菇蝦米 鍾意嘅可以加$10蚊搭原條潤腸/臘腸 極度邪惡 唯一可惜係份量小 起碼三碗先安撫到我個黑洞▪招牌豬皮 $108分豬皮唔會鬆泡泡 一夾就軟皮蛇咁 口感軟中帶爽 醬汁又甜甜地 唔係一般咖哩豬皮嘅垃圾咖哩汁 好索汁 正 ▪招牌魚蛋 $107分魚蛋同豬皮醬汁一樣 可惜略輸一籌 魚蛋較為普通 如果係陳皮魚蛋就更有風味 下次試埋蘿蔔  ▪馬來甜品喳咋 $289分呢碗喳咋就不得了啦 不得不說佢絕對係出色之作 皆因本人並非喳咋愛好者 對豆類更加係無咩好感(除豆製副產品) 成兜豆有咩好食 呢兜就唔同啦 紅豆沙唔會水汪汪 唔同材料唔同時間落 所以口感十分好 紅豆起沙 芋頭綿粉 最鍾意就係麥米嘅口感 外面脆 裡面煙韌 總之就係我本茶啦 必試

在吃團年飯之前先吃過下午茶頂肚子，路過這間是米芝蓮推介的街頭小食店便有興趣吃囉先找到位置坐下再看看有什麼想吃的！點了兩款小食 (會是先收錢的喔)魚蛋+豬皮+蘿白+燒賣 ($40) - 每款的價錢為$10魚蛋不算很大粒，但口感很彈牙爽口！而且大部份出面的都是咖喱魚蛋，但這間不是。豬皮也很Q彈！蘿白則很入味，但有點老就是囉 ... 燒賣亦不錯的喔！香煎蝦米腸粉 ($25) - 有些煎得很燶 ... 其他的部份吃落很香口！

強記美食舉世黃店全港最好食生炒糯米飯， 沒有之一😎。生炒臘味糯米飯煙煙靭靭搭有強烈臘味香, 臘腸潤腸唔會太油膩, 蔥花芫茜比例啱啱好, 對於唔食綠色嘢嘅我都覺得好好味😋。香煎蝦米腸外脆內軟恰到好處, 每一啖都有蝦米, 自家製麻醬同出面嗰啲好唔同, 比較稀釋但係味道濃郁。

心血來潮嚟到呢一間米芝蓮嘅小食，已經有成69年歷史嘅強記小食！重點係：佢都係黃店！由起初遊行開始已經派水支持香港人！💛💛💛·蝦米腸煎得竉窿地，個皮勁脆，唔多油，仲有啲鑊氣～配上簡單嘅豉油、甜醬、麻醬，就咁食已經淡滿足～·蘿蔔醃得好入味，秘製醬汁只係有少少南乳配麻油嘅香味，好耐冇食過成舊蘿蔔連最入邊深心處都係好夠調味！呢個加分呀！·魚蛋不過不失，一般貨色。🤔可以唔使特別試～·不過老實講，老店來講攞埋米芝蓮都咁支持香港人嘅話，都係真係愛香港嘅！難怪夜晚咁鬼多人就算一支公都去食啦！下次要食佢個食糯米飯🤘🏻🤘🏻💛💛-香煎蝦米腸 ｜ $22魚蛋 ｜ $10蘿蔔｜$10-強記美食 (灣仔)灣仔駱克道382號莊士企業大廈地下-

前幾日放工去左灣仔，見到呢間舖舖面，就記得動新聞有訪問過既米芝連小食店，即使埋去睇睇。呢間雖然係小食店，除左腸粉燒賣外，仲有粥同糖水！而每逢冬天就有得賣糯米飯🤤，我見到都忍唔住要試下。初時都怕太細碗唔夠食，但好在比坊間糯米飯多配料，有冬菇、蝦米、臘腸、膶腸。食落口感同平時糯米飯唔同，平時既係好油，好實，但舖頭係先蒸熟再炒，令每粒飯粒粒分明，唔會痴埋哂一齊，非常有口感，調味就用左豉油，味道唔會過太濃，可以食到臘味香味！連我呢D平時唔食開既都要試下！估唔到平日放工係非常旺場，店員做到無停手，我覺得個飯幾好食，難怪連繼3年拎到米芝連！同埋多謝舖頭員工有人情味！大家快D去幫襯佢！

朋友介紹話前排食咗一個好好食嘅蝦米腸我哋一聽到即刻都好想去試我哋行到過嚟嘅時候大概10點可惜蝦米腸已經賣晒只係得返豬骨粥同魚蛋嗰啲一場黎到咁都試吓啦豬骨粥上面加咗好多蔥花同埋胡椒粉而且入面都好足料 仲有蠔豉添😆😆😆我地點左兩份魚蛋魚蛋係連埋咖喱汁上嘅我覺得似係咖喱湯多啲😆呢隻魚蛋唔算好辣 味道亦都唔算好濃郁不過魚蛋嘅質地好彈牙 比較淋身唔會乾爭爭好死實 都幾特別不過以個人口味來講如果佢辣d嘅話會更加好食整體來講呢兩樣嘢都冇令我失望好想下次再嚟試個腸粉呀😣😣😣😣

是日天氣漸冷踏出入冬天吧！J先生話帶我去吃好東西 - 強記簡單的餐單堂食的座位一般般；有些座位好狹窄，另外有些位置於後巷！粥底煲得好綿滑丶豬骨肉腍丶蠔豉丶花生J先生話：不錯的粥！頗嫌粥底太濃身，加少許稀才似粥糯米飯粒粒分明而乾身；加上冬菇丶蝦米，再配上臘腸及潤腸咸香，令這碗飯味道層次感再提升份量偏少！腸粉滑溜；麻醬不夠均勻，芝麻不夠甜醬丶辣醬放在枱上；自己調配！這碗湯汁，只有微微的辣；豬皮軟身，蘿蔔沒味道而有些硬J先生話：再來一碗！因他很愛吃；而且覺得這碗是他吃過之中最好味的糯米飯！但如果有花生就更加好味！注意：所以食物到齊；要即時付款的！強記 總結：還可一試！

Winter is the best time for tons of delicious local food. Other than hotpot and clay pot rice that might require some buddies for sharing, sticky rice is a nice option for solo diners.Keung Kee has a long standing history of serving delicious local food since 1950, and it has been on the Michelin food guide for local snacks since 2016. Visiting Keung Kee for a quick dinner on a cool December evening is the perfect thing to do.This Assorted Sticky Rice I ordered was definitely up to its fame. The

再評強記好失望. 無影相.今次同樣叫了糯米飯 及 豬皮蘿蔔. 兩樣都好鹹. 好鹹. 糯米飯的豉油好似唔駛錢咁落, 係我錯, 無叫走色.豬皮蘿蔔呢...豬皮份量好孤寒. 大部分食肆的豬皮蘿蔔, 豬皮係”正方形”size. 呢度孤寒到一開二,變咗長條形. 用來炆蘿蔔的湯, 加了大量南乳, 炆到D蘿蔔極鹹. 老闆有無試過味呢?其實, 係灣仔地舖賣平民百姓食物都做得住, 應該都係自己物業. 既然係自置物業無租金壓力, 點解唔俾心機做好食物呢? 以前呢檔真係好旺, 我由街邊車仔檔食到入舖, 到搬離灣仔後途經有時都會坐低填下肚. 真係一次比一次失望. 質素一次比一次差. 唔會再食. 好失望

聽講呢間嘢噶糯米飯令人食過返尋味，今日就一於去試下有某咁犀利啦。要左份什錦臘味糯米飯，臘味好多，而且夠香但系一點都唔肥膩。點糯米都系粒粒飽滿，好有嚼頭噶。一碗臘味飯體落去唔算好多，但系食完之後真系好飽。總體來講料足，飯香，真系好值得推薦。

又到lunch時段，今日得一個人食，搵下有咩想食先，天氣涼返少許，不如去食個糯米飯，據聞強記美食的臘味糯米飯不俗(呢個真係據聞左好耐)﹐超過60多年的老店，歷史悠久，由街邊車仔檔做起再到入舖﹐深受歡迎，米芝蓮推介唔在講，仲要係良心小店，身處灣仔，冇理由唔幫襯呀。 小小的店子，主力做外賣但亦有堂食，不過位子不多，既然都來到就堂食了。 餐牌。 什錦臘味糯米飯，$39。 熱騰騰臘味糯米飯，看似細碗，實際都幾飽肚，有臘腸、膶腸、臘肉、蝦米、冬菇及蔥花等，好足料，糯米飯粒粒爽身，唔會黏埋一舊，感覺冇咁油膩，味道鹹鹹甜甜又甘香，配合埋臘腸及膶腸的油潤，味道更豐富，果然幾好味。想食糖水，但實在太飽，只好下次了。良心老店，值得支持。

支持小店在這個尖夏更為重要, 特別是身邊的連鎖集團並不會站在我們那邊, 支持小店, 讓社區小店更能生存下去, 選擇更多自然不需要向大財團靠隴. 強記可說是灣仔小店的代表, 五十多年賣的就是十隻手指也數完的美食, 當中生炒爉味糯米飯, 最為吸引到老饕的胃口. 從一開始的十多元, 到現在已經五十元一碗, 原因嘛! 大家都明白, 就是這個”奇特”社會的結果, 住在這社會的人, 唯有”盡做”就是. 這裡的糯米飯, 油光豐富但不油膩, 口感軟糯而外面微焦, 是一碗出色的飯底. 臘味外面的酒香調和了內裡的濃味, 膶腸豬膶粒層次分明, 並不是如膏狀般的稀, 我不知這是否完美, 但絕對是值得支持的原味道.

強記美食，其實屹立左喺灣仔已經好多年，但係近年接連攞到米芝蓮街頭美食嘅推介，令到慕名而來嘅人越來越多。到底佢係咪真係咁好食？令我忍唔住都要黎試吓！坦白說其他嘅腸粉，豬皮魚蛋，我都覺得只是普通野，但係佢嘅糯米飯真係做得好唔錯，甚至係我今年食過最好嘅一碗。首先要做得好一碗靚嘅糯米飯，我覺得要有三個條件。第一糯米，佢做到香口而不油膩，並且做到粒粒分明，令每一啖食落口嘅感覺都好細緻，而唔係好似坊間一些糯米飯咁由於煮得個淋身，令到黐埋一舊嘅感覺。呢一點真係要俾個讚。第二係個豉油，混合糯米飯嘅豉油佢做到恰到好處唔太甜唔太鹹，可以話係合成得非常好。最後就係啲臘腸，明顯用嘅都係靚料，坦白講係香港靚嘅臘腸都一定要買本地貨，內地嘅貨源可能平幾倍但係食落口就知，明顯佢嘅臘腸都屬於唔錯嘅質量。整體來講，如果係為咗碗糯米飯，絕對值得一來，如果為咗其他嘢，路過就試吓吧。完

強記美食小吃其實味道真係唔錯但又未至於驚為天人只係用料足,食起上來味道好,花心機做早幾年拎到米芝蓮介紹自此就天天滿場 什錦臘味糯米飯 花生旺菜豬骨粥 喳咋 香煎蝦米腸粉 豉油王炒麵 紅豆沙 綠豆沙 魚蛋 燒賣 蘿白 豬皮 小吃 米芝蓮小食推介 秋天最受歡迎係糯米飯招牌之中既招牌,好多臘味肉,夠香氣有蝦米臘腸等食材,口感豐富少少咸香 綠豆沙料足,啖啖綠豆沙夠曬沙唔係一味得個甜字$24一碗,外賣加一蚊碗,有少量坐位堂食 始於1951年,歷史算係耐由車仔走鬼檔入鋪做生意灣仔駱克道382號莊士企業大廈地下G/F, Chuang's Enterprises Building, 382 Lockhart Road, Wan Chai港鐵銅鑼灣站 C 出口, 步行約4分鐘