彩晶軒 (已結業)

今日我地全家總動員右去彩晶軒飲茶,飲茶係我地家庭樂其中一個環節,每次都會去尖東,因為果區真係吾駛等位,彩晶軒係首選,因為有兩小時free parking,食物質素高,今次有個新點心"脆皮蘿蔔糕",真係要試下,好似春卷但內裡係蘿蔔糕.....其次一般個叫"南瓜什豆粥",第一次食就愛上了,上次再叫既然加左"皮旦",我個仔不知幾like,差不多成碗食晒,蝦腸好食,D粉吾厚,一條腸粉有四隻蝦呀!仲有Ｄ馬拉糕,熱騰騰右鬆軟,我地每次都要叫兩籠,但我同我老公無份,係比我兩個仔一人一籠分晒!! 講到服務,話說我地叫左個"家鄉煎薄餅 ",過左十幾分鐘都未到,咪是但捉個人幫我地追,佢不單只好有禮咁話幫我地追,(其實我仲跟蹤佢,因為有Ｄ人只係個口答左會幫你追,但好快就無左件事),佢真係走左入廚房幫我地追,不久....我地當然可以食到熱騰騰既薄餅啦!!!! 

之前去過尖東彩晶軒飲茶, 覺得D食物都幾好, 例如菠蘿叉燒餐包, 面頭幾脆, 裡面既叉燒餡料味道又調得唔錯, 最驚喜的是馬蹄糕, 夾住唔會散, 咬了咬仲有淡淡既蔗糖味, 比一般既馬蹄糕多了一份香味, 甜甜的有咬口, 非常特別, 我仲同朋友係咁爭食。 昨晚又去左食晚飯, 今次試左個大蝦沙律, D蝦爽爽地, 同一般沙律差唔多。 另外比較出色既係欖角排骨, 一上菜大家已經覺得伴碟既蕃茄兔仔好得意, 一入口就食到D排骨有濃濃既欖角味, 而且好脆身, 加上有蜜糖吊下味, 都幾野味。 唔夠飽又點個斑球煎米, 為方便大家夾起, 酒樓已先將成碟煎米切成一塊塊, 每塊好似Pizza咁, 餅底就係煎米, 上面鋪滿斑球, D米粉煎到外乾內軟, 外面加D豉椒汁, 脆脆地幾好味。 總的來說, 上菜算快, 食物有一定水準, 可以一試!

姑媽book左位叫我地去飲茶, 本來想唔去但又冇得推, 阿妹又冇義氣臨時縮沙, 好彩d野都好食雪山奶皇包值得試, 奶皇包食得多, 但未試過西式奶皇包, 並唔係傳統白色皮而係西式焗皮, 個皮又夠軟熟欖角排骨好特別, 食落冇油膩既感覺, 我食左幾舊都係全肉, 正！排骨上面有d欖角碎, 有少少咸咸地, 又有蜜糖味甜甜地, 所以好特別, 欖角同蜜糖好match蒜香鮮蝦長春卷 – 賣相好吸引, 連相都唔記得影就搶住食佢係用隻杯上, 每條春卷都成隻碟咁長, 一杯有4條, 仲有好似蝦片咁脆既長形配料比起傳統春卷幼d, 仲冇咁油tim台式鹵豆腐係比較平凡既菜式, 但一d都唔普通, 因為個豆腐係超滑, 必食咸水角唔會皮厚涵少, 佢用個小竹籃上更添食慾不見天韮黃蝦腸 – 有菜伴碟都好少見, 腸粉皮好軟滑又夠薄, d蝦又大隻平時食開都係品字形三條, d豉油永遠都係滲晒最底, 一條過就冇lee個問題, haha~食得叉燒包多就試下菠蘿叉燒餐包, 味道一般la姑媽同表姐都鍾意食魚, 叫左個煎黃花魚, 我就麻麻地因為望落去好似有d乾但食落去原來d魚肉都滑, 外脆內軟, 香香脆脆

一直, 都覺得搵唔到一間值得一讚的食肆.前幾日終於都搵到喇, 就係呢間彩晶軒.那天晚上放左學到彩晶軒開"姊妹大會", 哈, 因為表姊下個月會係到擺酒呢~~睇黎呢間食肆係婚宴為主, 一睇D裝潢閃令令就知佢SELL童話FEEL.我仲未嫁得出, 不過第日有機會, 都會搵呢D靚靚的酒樓場地.碰巧樓下兩位食家都提到在彩晶軒擺酒, 真巧~擺酒樓除了貪平, 重的是食物質素.表姐的確好有眼光. 今晚我地唔係大魚大肉, 不過D小菜都好精緻, 又好味.我地一行5人食左4個小菜, 包括有欖角骨, 黃金脆豆腐, 燒雞, 度小月蜜糖豆, 同埋表姐特別為我而設既迷你冬瓜盅!!!真係好SUPRISE呢~~ 表姐好細心.佢話佢自己上次飲茶都叫過. 幾十蚊好足料, 所以一定要叫俾我食喎.果然, 個冬瓜盅大大隻蝦, 仲有魚有肉, 瓜肉仲好綿好鮮呢~脆豆腐都係我既推介, 細細粒, 外面脆脆地, 裡面超滑.係我暫時食過最好味, 口感最好的脆皮豆腐~~~同場我地仲睇左另一對新人擺酒的情況,唔覺有下面食家所講超迫的情況.可以係999呢個咁特別的日子共諧連理, 真係好浪漫呢~~而且侍應生的服務都很有禮貌, 或許係知道我表姐下個月會

星期六5/9跟家人到了尖東的彩晶軒飲茶，最近經常都光顧，因為我會在這裡擺酒。首先品嚐了「脆皮BB鴿」，哈哈，因為我住果頭得某集團的酒樓，只有燒鵝，沒有乳鴿，所以一見到即點，而且只是$20一隻，超值價啦，我們點了兩隻。不過一定要"襯熱"食，否則便感受不到皮脆肉嫩的口感。至於「海味粗條煎蘿蔔糕」，普普通通，不過不失，沒有甚麼大驚喜。反而豆腐，「台式卥豆腐」令不太喜歡豆腐的我，都忍不住多吃一口。卥水汁夠味，豆腐皮弄得又薄又脆，不過一咬下去，滑溜溜，白雪雪。蝦腸的蝦算是用足料，夠爽口夠大隻，不過本人怕皮膚敏感，淺嚐淺嚐。另外，豬仔腳都幾好，無骨，細細份，食多件都不覺得肥膩。最後食多個甜品「馬蹄糕」，甜度適中，大家也不妨一試。

勁唔掂>>>>訂位嗰陣巴巴閉>0< 大口話無28圍都可能比唔晒個彩雲廳我 仲話個廳最多可以擺30圍 迫到爆囉''''''' 仲話想拆台 ??點律師証婚註冊呀!!!簽紙嗰陣頭頂盞射燈夠晒照~勁曬~~ 連宣誓詞都睇唔到嚟讀呀~ 時間安排又唔好; 翅未食完就吹你主人家敬酒 連MC都睇唔過眼叫佢拖慢啲....經理/部長唔掂 連班''狗屎''伙記仲賤 企喺尾嗰幾圍位爆粗 超趕收工 未到11點甜品都上埋 又吹你去送客 呢世人呢次真係輸經驗 過來人嗰啲都話唔掂 化妝師都比佢哋攪到趕晒食物除咗夠熱(快上快食)絕無出色 錢就收到過晒火 一般幾位加位有走散 但加咗4圍13個人收足你$330/位 但我加咗4個素食$220/位 又唔見佢拉上補下減番嗰圍11位總之結婚嘅朋友 香港地大把酒樓 千奇千奇唔好揀呢間囉 ==__=='''

彩晶軒係我公司的飯堂，如果有任何比較重要日子，如同事離職，生日，入職，或者老細請食飯，都會去彩晶軒食lunch昨日因為同事last day，所以中午去咗呢度食最好味的是皮薄而白雪雪的叉燒腸，叉燒半肥瘦，好易咬開仲有蝦蛟，大大隻蝦，又爽又新鮮，啲皮又唔易破～而雞扎就係用雞，以瓜同筍取代火腿、芋頭，雖然可以照顧老人家飯食清淡的健康目的，但倒希望能提供懷舊原裝的雞扎......同事叫了兩大碗南瓜粥，最初還害怕會吃不完，誰知成了搶手貨，到最後更加「照鏡」！原因只得一個，就是南瓜的香甜融入白粥中，淡淡的清甜在夏日不會太膩，感覺剛剛好已約定下回同事生日，一定要再去彩晶軒！

婆婆生日黎左呢到食飯 十分滿意先講下個菜膽雞湯翅* 用料十足 食得到咬得到架D翅!燒乳豬拼盤:: 乳豬好香脆 唔太肥 幾好食 個薰腣都好好食 下次淨叫薰腣先 哈錫紙砵酒焗蠔:: D蠔好香 亦大大隻 夠肥美 冇薑蔥焗咁濃 反而食到蠔本身D鮮味芝士龍蝦:: 好多芝士汁! 撈飯一流! 龍蝦大大舊好爽甜! !!正!!海鮮豆腐煲:: 唔似出面用大量菜墊底 同用蟹柳當海鮮!! 除鮮魷外 仲有帶子 =D 一樣好食 甜的! 另外仲叫左魚 同炒菜 都OK 祝婆婆年年有今日啦~

同屋企人響加連威老道行街，之後想搵地方食野，於是黎左呢度。片皮鴨：食片皮鴨最怕包鴨肉塊皮乾爭爭，但呢度就剛好，佢地仲好細心咁每一塊都用紙隔開，夾起果陣唔會一夾夾起幾塊。原先要控制自己只食兩件，但食下一件又一件，最後食左四件！菜膽雞湯翅：不過不失，我對食肆的餐湯都係一般，飲落有湯味不太鹹已經算合格了。上湯龍蝦伊麵：好大碟，食得出龍蝦味道，最重要的係唔太鹹。生炸蠔：炸得剛剛好，蠔本身好滑。最衰我地咁o岩六個人，一人一件無得encore！菜絲（西芹、洋蔥、鹹酸菜）炒鴨絲：鴨殼起肉切絲，再加芹菜，食落很惹味。其實我地個個都食到飽，都要打包拎返屋企，用黎第二日炒米粉。甜品：非常有驚喜！ 一set有四杯迷你甜品，有芒果布甸、香芋布甸（2杯），仲有龜苓膏。香芋布甸好香好好味，但龜苓膏略嫌苦左些少。搵日中午再過黎呢度的話，試下飲茶先得。

同老同學聚舊, 要搵中間位置, 非尖沙咀莫蜀, 見食評 ok, 一試.又唔係我心目中既質素, 我諗我食野真好奄尖, 點解次次見食評唔錯, 到我食都麻麻嫁…..講番呢間, 服務唔錯既, 諗住初五,預早 book 枱, 去到點知都好多位, 成晚都唔滿. 叫左個4人套餐, $828, 連呢樣果樣, 白飯, 汽水等, 埋單 $1060 翅: 唔….. 個色橙左 d, 味道…. 麻麻地 魚: 都可以既… 但係細條左 d 西芹帶子: 呢碟太少得可憐, 好少家, 味道 ok 既 炸子雞: 非常既一般雪藏水準最好食既係個糖水. 8寶糖水

This restaurant have very unusual but trendy style of restaurant design and food.A family of 7 and we ordered 8 dishes including the dessert.Restaurant design is 5 (1-10 most), it is way too much color for me!!One dish amazed me is the Curry Roast Goose, traditional Roast Goose in curry sauce and it is very tasty. Not to mention, it is only $98 dollars.Also, great price on Steamed huge couper fish $498 and Chicken shark fin soup $168.If you in that area, please give it a try!!

去咗好幾次.飲茶同晚飯都有水準.環境幾好,裝修新,坐得舒服, 服務都唔錯.下午茶,點心都幾精緻,叫好多嘢都係每人約$50.晚飯小菜都OK,價錢合理,唔貴.但係個地點比較偏僻D, 在尖東,交通唔算方便.如果大班人晚飯食中菜, 都係幾好選擇.

attended a friend's wedding banquet.common dishes of wedding banquet, similar to the comment below. but it's one of the worst (or, should be the worst) i've ever tried these few years.乳豬- tasted bad, it's not the usual taste you expected.all other things were too salty, tasteless, etc...even the dessert 紅豆沙is 燶 ga!!!!from 乳豬to 紅豆沙, all failed, i'd say 唔好食/難食.and for service.. well, as usual, one waiter for one table. our waiter was quite lazy, didn't want to refill beverage. my glass was empt

辣椒女表姐兒子結婚，當然要出席啦！因和其他人唔多相識，所以差不多到食時才到。食物包括乳豬全體、西蘭花帶子、炸蟹拑、蟹肉生翅、原隻鮑魚、東星斑、脆皮燒雞、海鮮飯、伊麵、百年好合、美滿鴛鴦和甜橙。乳豬全體- 外貌幾好，但明顯偷工減料，而且外皮唔夠脆口，肉質又韌又凍，相信一早做起，放得太久吧。西蘭花帶子- 西蘭花偏硬，老人家食真係有點難道，帶子就正正常常。炸蟹拑- 炸得好脆，第一味比較出色的。蟹肉生翅- 味道太鹹、好一般。原隻鮑魚- 第二味比較好一點的，煮得幾淋。東星斑- 魚肉蒸過火，又韌又無味。脆皮燒雞- 外皮已開始唔脆，又多肥膏，雞肉偏韌，唔多吸引。海鮮飯- 一碟分唔到六碗，無緣試，但看外貌就唔多吸引。伊麵- 太淋，飽肚一流，味道九流。百年好合- 太甜，又無香味。美滿鴛鴦- 說真的，環境只算一般，但食物水準真係麻麻，雖然唔算難食，但就沒有一樣出色，部份還算差添。可能食普通晚飯會好一點，下次有機會要再來試試先！播歌的控制又奇奇怪怪，音樂唔多配合，明顯唔專業，感覺真係好唔得。

早上和爸媽去飲茶, 悠哉悠哉也.煎蘿蔔糕–雖料少, 但有蘿蔔香, 糕也軟滑.煎薄橕–香脆不油.叉燒包–皮薄餡汁多.奶皇包–不是流沙的, 但甜得自然.雜菌雞粒粉果–料比想像中清淡, 澄麫皮不夠煙韌.燒乳鴿–幾嫩, 不太油.椰皇燉雪烚–香甜美味.祝爸媽快快樂樂!