影片
港鐵荔枝角站 B1 出口, 步行約6分鐘
繼續閱讀
特色
同客食飯
適合大夥人
以上資料只供參考, 請與餐廳確認詳情
十二點半前歎平靚正早茶～彩晶軒(長沙灣)出開荔枝角做野，找個舊同事食飯，佢就話去長沙灣郵政局個巴士站一落車行埋去個舊商場入面個間酒樓。因為大家都係巴士的好朋友，所以就清楚明白地點了。在舊商場外場仍然見到“新星酒家”的招牌,現在已經轉為彩晶軒了。酒樓的格局有點奇怪，他是成Y字的。一直行到中間的連接點就是另一邊電梯到商場的另一邊福華街出口， 兩邊分開不同的餐枱。下車前，朋友早到就先拿位，但我找不到他又打不通他的電話，原來酒樓是有些位置是收不到信號的@.@這真是OMG. 最終還是在酒樓的深處找到正在歎茶的他啦！他們是用茶包的，不怕茶葉碎弄出來,但茶要泡耐一點才出現茶味。p.s.茶壺有裂痕。早茶的優惠點心去到十二點半都真係第一次見，平時多數都係到十一點半，最晚都係十二點。剛好來到酒樓大約十一點半，趕緊下單！柴魚花生豬骨粥每次飲早茶都喜歡叫一碗粥，原因是為了它。 好多人喜歡粥跟油條，但我比較喜歡粥跟脆卜卜。脆卜卜是主角， 要混合粥來食才是滋味無窮。用料充足，豬骨是咸豬骨，有些是排骨， 只是粥底煮得久了便會出水，不過不失。晶瑩蝦餃皇蝦餃皮煙韌十足，夾起來不容易散開，可以清楚看到蝦肉緊緊的被包圍着，正如他的名字晶瑩通透。十五蚊兩隻，算是抵食。家鄉紅棗糕養顏保血當然係紅棗啦！剛蒸起好香的紅棗味，四層的紅棗我就喜歡撕開一層層食，你呢？點心大拼盆點左上面個兩個先發覺原來是有重覆的， 不過唔緊要， 上面兩個都好好食， 食多個都無問題。除左蝦餃同紅棗糕， 仲有粉果燒賣叉燒包同另一款菜曲餃。我發覺他們的任何一款餃子都做得好好。餃皮夠晶瑩又煙韌，不會過厚或過硬，可以一眼看穿入面的餡料，這是廣東點心的特色。燒賣記得外國朋友成日話我哋香港點心好鐘意放蝦，初時我都不以為言。今日見到燒賣入面有兩隻蝦仁，就想起我那位朋友了。叉燒包一個醬多過叉燒的叉燒包，而且太咸了，連包都要扣分。小評：入座率接近九成，通常客人都會叫優惠點心煲仔飯。我哋最後埋單都係九十有找。抵食！佢上點心的速度很快，十二點開始便多人埋單，我地叫埋單後都等左十五分鐘先收到張單，仲要等佢找錢， 如果可以到櫃檯前埋單會快捷一點。滿分為10分(1分最低，10分最高)食物：8環境：7衛生：7服務：6價錢：8舒適度：7總分：7
繼續閱讀
早起身想試試新野，見到食評話呢間酒大樓不錯，來試試看，不過未有想像中好食，可能期望太高啦。當值女經理找錢時無故串人，仲追出來鬧人，服務真係麻麻地。價錢方面，飲早茶比其他酒樓貴。才叫了一碟菜心、一籠兩粒的燒賣同一個飯(早茶份量不大)，計埋茶位要74蚊，兩個人食都唔算飽肚(我地兩人已算細食）。
繼續閱讀
每逢假日想飲茶, 最令人頭大就一定係揾位… 好多酒樓動輒都要等一個鐘… 好彩家中有車, 可以去遠少少飲茶都冇問題 ^^ 眾多酒樓當中, 家人最愛呢到, 貪其平靚正, 坐得舒服又易揾位!! 大年初二, 一行五人嚟到, 只係等咗五分鐘就可以入座… 咁疏乾真係去邊度揾吖 ^^ 其實無他嘅, 酒樓地方大, 所以咪相對地易揾位!!我哋點咗以下點心, 小食: (圖上) 晶瑩蝦餃皇 - $27 / (圖下) 鮮蝦北菇燒賣 - $24-- 蝦餃皮造得頗薄, 蝦膠打得好滑, 而且入面仲有大大隻蝦, 爽 ^^ 燒賣嘅豬肉餡好香, 配上加咗香菇一齊打嘅蝦膠, 美味!(圖上) 羅漢齋腐皮卷 - $17 / (圖下) 金勾咸水角 - $14-- 腐皮好薄好酥脆, 夾雜香濃嘅羅漢齋, 口感豐富 ^^ 咸水角炸到外脆內軟, 不油不膩, 恰到好處!(圖上) 瑤柱豆苗餃 - $24 / (圖下) 上素蒸粉果 $17-- 兩款餃嘅皮都造到晶瑩剔透, 一眼就睇得到內裡乾坤! 瑤柱豆苗餃入面加咗少少薑粒, 不但辟咗莧菜嘅青味, 仲大大提升了鮮蝦嘅香 ^^ 上素果入面嘅餡料整得好滑, 當中嘅蘿蔔粒 & 椰菜絲好爽脆, 口感一流!(圖上) 香滑牛肉腸 - $20 / (圖下) 白灼北京芥蘭 - $38-- 牛肉腸不論腸粉皮定內裡嘅牛肉餡都係名符其實咁香滑 ^^ 芥蘭雖然不知是否真的來自北京, 但大大條, 冇渣, 好新鮮!(圖上) 鮮竹牛肉球 -$17 / (圖下) 蜜汁叉燒包 - $14-- 牛肉球外表雖然唔光滑, 但一口咬落去, 除了多汁之餘, 其實都好滑溜 ^^ 叉燒包有少少流心嘅效果, 叉燒汁夠濃, 而且餡料嘅份量十足, 好食夾抵食!(圖上) 脆皮燒腩仔 - $38 / (圖下) 發財就手 - $15-- 燒腩仔嘅皮燒得好酥脆, 啲肉鹹鹹哋好惹味 ^^ 點豬手主要係為個意頭~ 都幾入味, 夠哂稔, 食落充滿膠質!(圖上) 黄金炸豆腐 - $28 / (圖下) 脆皮素鵝 - $32-- 豆腐粒炸到金黄鬆脆, 皮夠薄, 豆腐又夠滑, 夾埋啲炸過嘅蒜粒一齊食, 令人食不停口 ^^ 素鵝嘅腐皮又係炸得好脆, 但比腐皮卷厚身, 內裡嘅素菜呈層層疊疊狀, 所以食落同腐皮卷嘅口感及味道略有不同, 不過大家都一樣好味! 最後, 重點作出場~ 蜜汁叉燒 - $85-- 叉燒啱啱燒起好軟嫩, 薄薄一層蜜糖, 加埋炭燒嘅痕迹, 簡直係天堂中嘅美食 ^^ 雖然價錢唔平, 但份量十足, 絕對係物有所值!質素穩定, 價錢平, 座位寛敞又易揾位~ 唔嚟呢度飲茶仲可以去邊吖~
繼續閱讀
年廿八老遠跑到去荔枝角飲茶，呢頭工廈林立，不少是公司食中午飯，普通茶客也很多。我們一行五人，點了十個點心，一碟炒粉，最後有一個點心缺貨。十款食物包含了煎、炒、炸、冰和腌等不同做法，蒸點比較多 - 蝦腸粉、粉果、香茜餃、鮮竹卷、田園粉卷和馬拉糕。腸粉很幼滑；香茜餃其貌不揚，蒸起有點縮水，但味道不錯；馬拉糕有驚喜，味道甜美，入口有奶黃的感覺。炒 – 獨孤一味，豉椒肉片炒河粉，份量適中，豬肉片特別爽，而且彈牙，好像是豬頸肉。炸點 – 錦鹵雲吞，附上一碗紅色醋汁，個汁不會太杰身，甜酸比例也不錯，配料則不夠份量，只有青椒、叉燒、瘦肉片、番茄和魷魚等，記得舊時在別的地方食過還有豬肝、豬肚、蝦仁等。冰甜點 – 馬豆糕，已經很多年冇食，看上去很普通，食落有椰汁味，馬豆味都幾香。冰腌點 – 秘制豬手，其實是冰白雲豬手，豬手的皮非常爽脆，其實本身的味道並不特出，只是靠那黑色的醬汁，有醋酸味和生蒜香，醬汁很多，與炒粉撈在一起吃，很開胃。選擇到這裡是細佬的意思，佢話之前去過元朗店飲茶覺得不錯，今次的結論是不同地點，即使同一集團名下，很多地方運作上都不相同。例如元朗店在接待處等位時先選定飲咩茶葉，這裡則跟慣常做法，坐低先至叫茶。臨走時經過前台，看見有桃花新鮮運到，工人正在解開繩子，桃花隨即零星掉下，仙女散花美到不得了。
繼續閱讀
今天到附近睇樓,行過見到呢間好彩個門面幾靚,新裝潢左咁,改左名叫彩晶軒,所以便上去試試!一入到去幾靚,有個位係比d結婚既人影相,實在體貼!我們叫了一些點心,價錢都合理,亦大大碟! 叫左幾道健康小菜... 蛋白薑粒紅米飯,由紅白+米一點青瓜整成,一點都不油,幾健康幾好食! 另外叫了個雲耳,好爽,又是一個好的素食,除此外當然我們都叫了叉燒啦!因為聽聞好彩的叉燒係幾好味的!因為沒有肥肉,是叉燒最好吃的一個部份!這個真的要一試!飯後又叫了甜品,個芒果布甸好有心思!味道也不錯,還便宜過糖水舖的,嘻嘻!
繼續閱讀