彩福欣宴 (已結業)

今次黎彩福, 試下些平時未有食的, 其實呢間位於佐敦的彩福整體食物都不錯, 唯一較遜色的就係"取飛位"同上落樓的一部升降機同一條只有下沒有上的電梯, 如果多人上落真的非常不便!跟生煎包一樣做法, 只係這是一款菜肉包, 椰菜將令整個油膩感沖淡, 而且椰菜爽口, 口感唔錯!這味道跟干炒牛河是同出一轍, 雖然只有蔥及芽菜, 但這恰當的調味使整碟腸粉變得不平凡!有很多芋頭粒, 唔會只係粉同下很多胡椒粉, 味道主要靠粒粒芋香, 好味! 有趣的配搭, 好吃不是因為綠茶, 因為這綠茶味不太重, 反而係每每層中間那奶香味, 令這糕變得好好食!又一款gimmick item, 將1-2條素翅釀入豬肉, 講真, 小籠包本身唔錯, 有肉汁, 而豬肉亦新鮮, 其實這"翅"放不放對這件沒有太大影響!!!!

今日在家中溫書溫到發慌, 剛好女友在佐敦附近, 問有無閒情出來下午茶? 當然有LA, 不到5分鐘就飛奔出去了. 由我踏入25歲之後, 心智就趨向老人家, 喜歡到酒樓嘆茶消磨時間.以個人試過多間酒樓, 就鍾情幾間, 分別太子譽宴, 佐敦彩福同尖沙咀彩晶軒.今日位置係佐敦當然是彩福欣宴了! 2:30 不需等位, 就直入大廳了, 淡普滾水唔該, 之後就開始選擇性時間, 大概用5分鐘時間, 同女友分析過今日天氣, 健康, 價錢同埋今晚會食咩之後就有了以下結論:蜜汁叉燒腸: 今天失晒水準, 塊皮完全失去彈性及煙韌度, 又濕又黏, 有點失望!南瓜芋頭烙: 芋頭烙包著南瓜蓉, 這2種食材不嬲都夾, 外層芋頭烙煎香, 而軟軟的南瓜蓉, 都是不錯的食法潮州粉果: 好怕好重胡椒粉, 但呢度就不會出現這情況, 簡簡單單沙葛, 蝦米, 蔥粒, 肉粒同花生就已經討我歡心了!養顏紅棗糕: 女朋友好鐘意呢尾野, 例必有佢出現, 今日效果唔錯, 夠結實, 不會太甜, 又有幾香紅棗味.薑汁雞包仔: 細細個就喜歡的點心之一, 我唔太喜歡薑汁, 但唯獨雞包仔, 雞肉, 蝦同菇混埋薑汁特別合我河車. 這裡係做得OK的一間.坐

同朋友食過不少次富X的龍蝦，覺得都OK，但多多少少都係同自己講咁嘅價錢，想點jack....有朋友話彩福啲龍蝦超正，同富X價錢差唔多，我心諗應該味道各樣咪差唔多姐，直至上個星期同朋友去試左，完全發覺不得了！！我同朋友共2人一心諗住食去龍蝦，所以只係叫左兩碟小食(燒腩仔+鴨舌海硩)同一隻龍蝦，當然仲有啤洒啦，燒腩仔都OK，微暖偏少肥，少食多滋味，多吃好肥膩嗰隻；個鴨舌唔係唔得，少得可憐，得唔知9粒定10粒同一"汁"仔海硩，話哂都五十幾蚊，好似食水深左少少...但呢種不滿嘅情緒隨著見到龍蝦個真身一掃而空！！因朋友之前已食過，並且給我tips，這裡的是比芝士更好的，我半信半疑，因為這說法是顛覆了我既定的概念，但其實我的所謂既定概念主要也是來自富X的。講返呢隻上湯龍蝦，一斤多啲，賣相非常好，食落肉質非常彈牙，味道鮮甜，完全不是富X的層次！啖啖肉，非常JUICY，只有上湯先帶出佢本身嘅鮮味，$78斤有咁嘅質素，贏哂！！我自己寫完都覺得好似好誇，但其實又真係句句由衷，字字屬實的。

一大班朋友好好一個敍餐, 剛剛一圍, 最基本的點心+炒飯麵:錦"老"雲吞: 真係炸得好香好透, 皮有點黑感覺, 但前者配合, 後者是雲吞皮一塊, 有點失望; 不過, d汁酸味舊, 但內容不及附近一間餐館豐富, 故不抵食 !蝦餃:間間酒樓都係招牌點心, 但這裡都唔錯, 賣相吸引, 蝦肉鮮甜且彈牙,掂油菜: 分別是菜芯及油墨菜: 兩者都煮得功夫剛好, 碧綠夠嫰棉花雞:見過賣相幾好, 但好快食晒, 無試過, 記得件棉花係好 "fresh"鮮菇炆伊麵: 少咸, 濃味, 麵口感好, 煙韌, 菇夠新鮮瑤柱蛋白炒飯: 好正 ! 飯少焦, 好香口, 瑤柱都見到一絲絲, 值得下次再食。

食飯時間, 這裡並不多人。附近係酒店, 門面無乜特別, 但上到去真係樓底高, 夠光猛, 裝修不老土, 真係幾靚。今日有人請客, 隨便叫 。點心:彩福蝦餃皇 :熱辣辣,晶螢通透, 蝦彈牙爽口煎腸粉 : 薄薄地, 脆, 鼓油不太多, 腸粉都夠滑菜芯: 大大條, 嫰, 油唔太多, 樣靚干炒牛河:牛滑, 河粉多少少油, 但顏色唔差, 食落去除油多左都幾好食 。

今次是類似滿月酒的飲宴, 食物來說, 是不錯的。燒味拼盤份量好, 較十二人食, 但侍應很早就收起了醬油, 若吃得慢, 就只可乾食。蝦球是較有驚喜的較大, 金盞都入口不錯, 桃也是合適的甜雞絲翅的份量較, 很滿足!!!鮑片厚, 配合鮑汁讓人想食完再食!海斑較普通, 沒有大印象燒雞的肉很滑炒飯和伊麵各有六碗, 想食多一點都無百合紅豆沙有水準

睇到己前既食評咁好,真係唔知點解我今次去飲咁差唔知係咪將價就貨,但都想分享下意見!朋友結婚,一定開心! 哩度環境幾好,投射音嚮OK!四四方方無柱位,擺廿零圍唔係問題。服務都幾好,唔會得失賓客;開席後,面前杯唔凍既橙汁未試過見杯底!朋友D紅酒/白酒亦一樣!新郎新娘介紹一番後,終於上菜:乳豬: 得皮無骨,應該係越南雪豬;一人得兩塊皮,想添D都無...鴛鴦蚌:一般上湯焗龍虾: 幾夠味,因為D粉吸晒D湯汁,但當一咬...有一鼓澎湃既雪氣冲出,其餘淨咗無食,海皇生翅: 見侍應分,知道原來海皇係急凍蝦粒同急凍帶子粒,生翅係翅鮶邊,都算啦,點知吃一啖,一陣難以接受既梘性化學味出現,以為係食具,但嗦一嗦碗同湯匙,無味;再吃多啖,係D翅呀......放低又無食清蒸青星: 死魚來的!因為無扯旗!(因為生猛魚既蒸完後鰓後支魚旗唔會貼住魚身)都算,食落...霉既!?見到同席既都食淨無人再添...扣南非鮑魚: 即係鮑汁扣“鮮”鮑魚仔,成日去X星酒家食,$68清蒸鮑魚仔,無感覺~~炸子雞: 嗰晚食過既最好;因為同其他酒家質素一樣...伊麵炒飯: 成晚都無乜食過嘢,伊麵炒飯各要一碗,可能因為肚餓,所以覺得OK美點雙

星期日難得一家人聚頭，節目當然離不開飲茶；家人愛去彩福，貪其地點方便，又可以訂位我們訂了下午一點大枱一張，不用等，上到去即刻有位坐，甫坐下，即刻劃點心，人多好點菜，大路點心如又燒包, 蝦餃, 燒賣, 排骨, 腸粉, 雞扎等當然不可缺；比較特別的有：燒賣 - 燒賣是帶子燒賣，粒帶子都唔細㗎；雞扎 - 雞扎內有蟹柳, 味道唔係幾夾；ＸＯ醬炒腸粉，石頭鍋上，熱㷫㷫，好好味，其它都屬於中規中矩啦！反而我們叫了一個干燒伊麵同瑤柱蛋白炒飯就好正個伊麵好入味，個麵本身唔係整到冧㕷㕷，仲有啲彈牙添個炒飯都炒得好乾身，有帶子粒同蝦粒，仲有啲蟹籽添，賣相同味道都唔錯假期可以訂位飲茶的地方唔多，這兒是一個好選擇

近日有朋友在此擺酒慶賀新婚，雖然自己這次沒有帶相機赴會，未有拍下一對新人的重要時刻，也未有把這次酒席的菜式拍下來，不過對位於酒店內的酒樓印象蠻好，覺得可以介紹給所有未婚的人士。 首先，這酒樓的佈置在清雅中見華麗，樓底既高，也無柱位，使人感到地方很是寬敞。燈飾的配合亦使人感到甚為高貴和舒服。個人覺得選擇這裡作婚宴的地點是非常適合的。 至於婚宴的菜式方面也著實不錯，份量多之餘，大部分菜式的味道也有水準，特別是清蒸海上鮮，廚師蒸魚的火候恰到好處，使這尾海上鮮嫩滑非常，值得一讚。最後，在此再次祝賀一對新人白頭到老，夫妻恩愛！

週六在佐敦彩福參加了一場婚宴。店內分左右兩個禮堂，可同一時間供兩對新人舉行婚宴。今趟設宴的禮堂以白色佈置作主調，感覺清雅。場地四正，無柱位，樓底亦高，頗適合舉行婚宴。軟件配套方面，服務雖未算突出，但以酒家水準來說已令人滿意。至於食物，婚宴菜式實在變化不大，亦寫得太多，不作詳細敘述。總括來說，食物用料OK，烹調水準平均，但吃畢不會留有特別印象。當然，出席婚宴的目的旨在見證一對新人的重要時刻及分享喜悅，過程只要順順利利，其他都無乜所謂了！祝願一對新人百年好合，永結同心！

依篇又係生日飯。雖然皇宴開o左唔係好耐，但係我地一家人飲早茶都飲過不下十之了! 食過D點心覺得都幾「骨止」，環境好又有「飲」feel，所以我餐生日飯都喺度食。我地幾左以下幾味: 招牌雞煲翅 ---------- 貴為「招牌」卻降價於「晚飯三寶」大平賣，而且唔會將貨就價。魚翅唔粗但係夾到食，用雞足有半隻，湯底梗係夠味啦! 正秘制無錫骨煲 ---------- 排骨多肉但係「雪貨」，肉較粗鞋、冇鮮味 ，加埋醬味勉強可以。 瑤柱熱食雞 --------- 果然夠熱! 比起一般酒樓ge貴妃雞滑口少少，唔錯~ 清蒸大海青斑 ---------- 我地4個人叫左條兩斤ge，足秤~ 條魚本新唔掂，肉質非常之鞋口，相信唔係蒸得太過火。一分錢一分貨，青斑都係唔好叫咁大條 竹笙玉盤鮮艷素 ---------- 真係好「齋」吓! 本來打算當菜食，但係清淡左d~ 楊枝金露 ---------- 正路o野，ok的! 不過稻香正d 椰皇燉燕窩 ---------- 依個甜品真係要留番來「壓軸」，聽講仲係獲獎之作! 椰味香濃又滑口，名不虛傳，必食

成日北上，心中當然掛念西餐多於飲茶點心，不過有正經事在身，算啦。都可算酒店餐廳的彩福皇宴裝修清雅華貴，我最喜歡入口處大大盞的水晶燈，不過電梯實在有點窄。與龍及老友小試其3人行政套餐($98)+小食：　鴨舌海蜇拼盤($38)-餐牌圖片很精美，實物卻平庸又量少，正想抱怨之際，卻發現海蜇爽脆彈牙，鴨舌亦香口美味，原來是碟出色小食。彩福蝦餃皇-透明度不高的蝦餃略為厚皮，但勝在蝦肉鮮爽。京滬小籠包-多摺的小籠包不算皮薄，不過汁鮮肉香也夠吸引。煎焗魷魚鬚-又煎又焗後的魷魚鬚不香又不脆，而且味道偏咸，是最差的一款食物。田園時蔬-清爽鮮嫩的唐生菜，加上很少油分與蒜粒，已經很美味了!章魚瑤柱雞粒砂窩飯-飯粒炒至乾身分明，材料充足不欺場，味道令人滿意；但份量實在大得不合比例，最後要打包大半收場。　埋單$180，以環境味道計很合理，考慮地點也是選擇來的。男主角要提早離開，我也沒有戀戀甜品，繼續與老友趕下場了~

師傅前前後後都黎左呢食店幾次, 但點解都仲未有食評呢? 皆因師傅次次都諗住映埋相先寫, 可惜次次都掛住食所以唔記得左, 而今次都係冇映, 不過著實想分享下, 所以希望能夠淨係用文字都可以引起大家嘅共鳴啦!是晚一行四人就黎左呢間食店度食晚飯, 全程由師傅發板, 於是乎三餸一湯又點少得, 問一問個伙計有咩正湯? 於是就介紹左龍利葉木瓜煲雞腳湯, 再柯打左呢度頗出名嘅鹽焗雞一隻, 魚肉釀茄子, 金銀蛋浸豆苗, 再加多一碟生炒糯米飯!先講下個龍利葉木瓜煲雞腳湯, 湯底煲得好夠火喉, 味道清甜, 夠晒滋潤, 係咸左少少同埋帶少少肥啦, 如果再淡少少就仲正, 一煲湯分到六碗, 所以絕對夠飲; 鹽焗雞係一個砂煲上, 皮香脆肉身滑, 一d都唔韌, 加上味道唔會過咸, 啱晒師傅呢d鍾意食滑雞嘅人, 正呀!魚肉釀茄子賣相比較特別, 係兩隻茄子成條上, 面頭釀上魚肉, 而碟邊伴上西蘭花, 上枱後伙計先幫手剪開, 茄子釀得幾腍, 而魚肉亦唔算多骨, 個汁亦十分好味, 至於伴碟嘅西蘭花亦係一絕, 西蘭花爽口得黎又唔硬, 加上非常嫩綠, 十分好味; 最後金銀蛋浸豆苗亦不賴, 豆苗新鮮兼嫩綠, 一d都唔老, 勁正!

難得長假期, 終於可以陪下媽咪飲茶, 朝早起身上openrice check下, ...叫honey 開車車我地到jordan 呢間彩福, 印象中去過彩福食茶, 但唔係呢間...食物其實幾好, 雖然款式都係個d, 但環境加分, 可能係酒店入面, 感覺都grand d, 5個人都係$3xx幾, 算抵卦~呢度d 燒賣, 估唔到竟然出色...因為通常都係個d味, 今次值得一讚~