彩福皇宴 (已結業)

媽子生日，一家人一起去酒樓叫餸食飯。皇室堡樓上的彩福，性價比高，很多人選擇來飯聚。今晚又要8點才能入座，還座無虛席。我們點了叉燒拼海蜇，叉燒半肥瘦，燒得好香。海蜇彈牙惹味。脆皮南乳雞，雞皮金黃香脆，雞肉嫩滑，沾上南乳汁，別有一番風味。啫啫通菜煲，蝦乾十分大隻，通菜不會過老，炒得很入味菠蘿咕嚕肉，甜甜酸酸，咕嚕肉肥瘦均勻。清蒸沙巴龍躉斑，新鮮，蒸得剛剛好，不會過熟，十分嫩滑，而且幾大條，份量足。一人一個白飯，五個餸先700幾蚊，夠晒飽👍🏻👍🏻👍🏻

今日有空，同亞媽飲茶， 裝修好特別，用藍白加些雲石，有些牆身用了鳥語花香的花紋，帶出新式又高貴嘅感覺，好靚絕對唔似一般茶樓，價錢屬中等，整體點心味道中上，人手夠，唔會話狂舉手都無人理，cp值算高

彩福皇宴一向是飲茶不錯的選擇，其水準一向穩定，相估晚餐都唔錯。  平日晚上我地七點鐘來到酒樓，全廳已有八成滿，好彩早已預約，萬一要等位就令到朋友唔高興。 這幾年 致力投資到婚宴方面, 單從接待和大廳已經看到佈置上是花過心思的。 開茶速度好快, 但人手略嫌不足，店員往往要叫幾次先有反應。 晚飯小菜選擇多得令人眼花撩亂，所以將點菜大權一手交比朋友。 啫啫魚腐蝦球粉絲煲$108 、 木耳百合炒全齋$88、 海王櫻花蝦炒飯$113 可能佢想鍚住我荷包所以唔點海鮮，只點了一般家常小菜。 海王櫻花蝦炒飯$113炒飯乎合了炒飯應有條件，粒粒分明、夠干身、上色度平均¸ 基本功十足。 材料有櫻花蝦、蝦肉、元貝粒、 魷魚、翠肉瓜等。此炒飯亮點當然是櫻花蝦，其薄脆口感和咸香味令到炒飯的層次提升幾度。 木耳百合炒全齋以清炒方式將所有素材 蓮藕片、 黑木耳、鮮百合、馬蹄、蜜糖豆等重點是多多蔬菜，可平衡胃口, 用油不算太多, 味道清淡但， 感覺健康。 最後上枱【啫啫魚腐蝦球粉絲煲】先經泡油蝦球圓轆轆、大大個；配魚腐這個配搭頗有新鮮感。其實識食一定要食粉絲，粉絲索味索汁一流，又不黏口，又咸又鮮

返左成個禮拜工, 星期六緊係要陪下屋企人飲茶啦, 皇室堡9樓呢間彩福皇宴排隊排到出門口呀😮排左大半個鐘終於入得喇, 得獎點心好吸引, 而且價錢唔貴原隻鮑魚燒賣皇 - $35見到得獎點心有我至愛既燒賣, 即點啦😍除左燒賣上面最吸睛既鮑魚之外, 個燒賣本身有2-3隻新鮮大蝦, 加埋唔會太肥既豬肉整成, 所以口感極佳, 汁又香🤤旋風黃金流沙包 - $30貴為另一款得獎點心, 賣相已極為討好, 咬開後陣陣奶黃香味撲鼻而來, 極度流心的確令人招架不住😝而且價錢都係同平時既包差唔多, 性價比高👍濃湯鮮蝦水餃 - $33呢度既水餃絕對唔會欺場, 上湯配水餃能夠激發起蝦既鮮味, 再者原本粒水餃係用新鮮大蝦同埋爽口木耳整成, 加埋外皮又薄又滑, 真係好正呀😍煎粟米花枝餅 - $30慢火煎成既花枝餅, 外面非常香脆可口, 花枝粒亦都爽口彈牙, 配埋香蔥同粟米確係一流👍布拉白腸粉 - $25滑嘟嘟既布拉腸, 淋上豉油後配埋麻醬海鮮醬一齊食, 極具港式風味鮑汁鮮竹卷 - $24用料上乘, 薄薄既鮮竹皮包含左美味既餡料喺入面, 一咬開瞬間爆汁🙈原個椰皇燉燕窩 - $42嘩嘩嘩, 你冇睇錯, 真係有咁多款甜品比你

同朋友聚會都很喜歡選擇這間酒樓，因為它環境裝修都很舒服！色調也很和諧，難怪他們說自己是婚宴專家門店！如果擺酒簡直一樓，做婚宴的專門店很好，場地很大，中間一條柱子都沒有，非常舒服！ 而且食物的質素很有水準！然後選擇都很多，點心大小剛剛好，愛吃的都能吃到，非常合我們口味！最緊要係價錢大眾化得黎D點心有特色呀嘛！不算太精巧，份量剛剛好！職員服務態度也不錯，去過幾次都係一大班朋友一齊去，好難得地個個都讚不絕口！絕對可以encore

美好的星期天就是可以跟家人出外飲早茶，但美好的背後往往要付出不菲的代價，就是要在假期中晨早起床出去「攞位」。這天來到位於銅鑼灣皇室堡的彩福皇宴。開好茶開始準備叫野食😍😍大點心紙包括了早午及下午茶市的點心。是早茶必備的優惠點心😍😍最後是得獎點心啦！全都較其他點心來得貴，有興趣不妨一試。

慶祝媽媽生日就上網搵到呢間酒樓，諗住未試過呢間吃過晚飯，本來都係帶住個心食物會一般，因吃過好多間酒樓都係差唔多。叫咗一席嘅 ”親情宴”,但當晚吃都有些驚喜，無諗過分糧都幾足，特別係龍蝦伊麵，味道都不錯，屋企人都好少試過會贊好，竟然話不錯，其他碟碟都ok，但唔知會唔會叫一席係唔同，如果散叫小菜有無咁嘅質素呢。

After spending two weeks in Canada, I really missed dim sum! So, boyfriend and I just randomly picked a place. Choi Fook is a mainstream Chinese restaurant. With restaurants throughout the city, the one in Causeway Bay is really nicely decorated as it is geared for wedding banquets.Menu is in English and Chinese. Though there is a few "specials" that are in Chinese only but it's mostly just noodles and stuff. It's the in form of a check off piece of paper.The two of us ordered a lot of dim sum.

環境4分：正常中式酒樓格局，牆上有結婚擺酒佈置，唔會坐得好迫，有房可以訂，可以畀四分。衛生4分：地方都叫整齊，有枱布又有公筷，四分。服務3分：樓面伙計態度正常，都叫爽手，正常三分。味道4分：1)      蒜茸開邊蒸龍蝦都幾大隻，Ｄ肉厚但就夠爽夠脆，兩個人食完一隻唔夠皮要加多隻。2)      南乳雞好脆皮，Ｄ肉都算幾滑。3)      椒鹽鮑魚呢，唔講以為自己食緊椒鹽魷魚鬚，三樣入面最差。抵食4分：平均一舊水隻龍蝦，連大樽嘉士伯都只係十八個八，真係好抵，不過鮑魚唔及格要扣分。

1150 分攞飛等到1点10分，对Walk in客的無視，實在令人奮怒，对這個飲食集團打零分，什麽是訂枱客優先，Walk in 客就無錢比咩 ! 枱就無人坐，真是玩人嗎！當客人是傻瓜

差唔多每隔一兩個禮拜就同屋企人飲茶，今次係第二次嚟彩福 (第一次我唔舒服所以無點食野)上一次見到可好多野好似好好食今次終於可以試下喇~~見到佢有d係得獎嘅就點嚟試下~呢個好失望…脆係夠脆但入面嘅蝦肉好細又唔彈牙，好彩炸到熱勒勒食會好食d，但入面嘅芝士汁怪怪地味道ok但d餡料好少啊雞粥唔錯不過唔夠綿同水咗d欖菜肉鬆脆米炒飯味道唔會過咸，但d 脆米唔太脆搞到又有d痴牙…食到底先發現好油下呢個杏汁千層糕最好食、唯一encore 咗呢樣腸粉滑係幾滑但d醬料太少…呢個幾好味不過超油，如果炸得乾身d就好服務幾好，超忙d員工都會主動加茶

得知彩福的龍蝦節再譽歸來，便約了一家人大吃一頓。星期五的晚上訂了6:15pm，坐下的時候入座率大慨三、四成，坐了不久便聽到服務員推銷鄰近的食客，龍蝦節的龍蝦只剩下2隻，要就馬上下單。沒想到下一秒第二位服務員大聲叫嚷"龍蝦已停"。6:30pm龍蝦已沽清，那還算是甚麼龍蝦節？ 完全接受不到，全晚入座率100%，但有龍蝦吃的只有20%。若他們的入貨量那麼少就不要做推廣，不要令這麼多人失望。吃了幾年龍蝦節今次對彩福真的很失望。

話說今日又去銅鑼灣探朋友，晚飯嘅時候一行6人嚟到而家〈彩福皇宴〉食晚餐。大概因為平時會接埋婚宴所以場地都grand grand 地幾靚。但係估唔到我哋晚市散叫叫又真係幾抵！燒腩仔個皮燒得夠脆夠鬆化。大肥膏多咗少少但尚可接受。節日晚市孖寶$395仲有半隻炸子雞同魚，都算幾抵所以叫埋。炸子雞合格，皮夠脆，但多油左少少。條魚都蒸得ok，尚可以啦，雖然未算好滑但有魚味而且都幾夠肉。呢個炆豬肉啖啖肉好似梅菜扣肉咁鬆化，正！濃湯浸豆苗就比較差，豆苗太大棵又粗又鞋，仲有所謂嘅濃湯都唔知係乜湯，仲要加大量唐芹喺面，古怪古怪。最後仲一人叫咗一隻元貝。都幾新鮮同大隻味道ok。整體黎講食物質素ok，但礙於6人埋單都係千鬆啲蚊，每人都不用200，銅鑼灣來講算好抵食，所以值得畀〈笑臉〉

約了幾位八十高齡的長輩到彩福晚飯，因為之前幫趁過一次下午茶，印象不錯⋯⋯已經早了一個多星期訂位，以為萬無一失，誰知晚飯前一天下午一位操鄉音的阿姐打來，說有婚宴，主家加了一張枱，沒有枱給我！我當堂成個彈起！說約了長輩食飯喎！她竟叫我自己打去炮台山分店問下仲有冇枱！omg!一席婚宴跟我們區區七人的消費沒得比，就要犠牲我們了！大家到這裡訂晚飯前，要想清楚，可能人少會被cancel booking!後話：過了兩三小時，酒樓又打來，今次是操純正廣東話的，非常搞笑的是她扮冇事發生，一開口就說要跟我confirm booking！難道之前的電話是幻覺？！有common sense的，都會估到你reject了個客之後，佢會馬上轉卜另一間啦！唔通我呢頭覆了幾個八十老人轉了去喜萬年、個頭又再同佢地講轉返去彩福嗎？！不過，我承認兩次接到電話都有D激動，佢哋都係打份工啫，鎖你鎖你！

早上有兩個鐘時間，為打發時間，決定上皇室堡9樓飲個休閒早茶。彩福d茶葉算係咁， 比起普通街坊酒樓質素好， 仲可以揀新會陳皮普洱茶， 對消化同喉嚨都好。有時遇著啲茶樓開一壺難飲嘅茶，真係一啖都嫌多。因為一個人，所以叫左個"孖寶"就夠。鳳爪排骨飯加北菇棉花雞,唔知係咪因為多老人家/退休人士飲早茶，個鳳爪排骨飯啲飯......好林, 食一餐半餐完飯都ok啦 另外, 食食下先發現 , 原來d 北菇喺上枱之前已經由個碟仔逃脫咗.....喺個碟同個籠中間條罅夾住....... 唔怪得知碟棉花雞 個樣好似唔多對路啦，原來少咗d 菇。