御品軒 (已結業)

簡直唔明點解呢間嘢可以會有人俾笑臉. 我叫了牛肋丸河粉. 是我去超市買用來打bin lo的牛肋丸, 河粉亦是, 只是我打bin lo的好味過佢, 因為佢ge湯底淡而無味.老婆叫了崩砂牛腩河粉,崩砂牛腩又冇味又韌.服務一般, 叫了幾次待應都聽唔到.浪費了一個CWB黃金地段ge鋪位.

星期六中午經過這店就入去試下...... 坐了樓上, 坐位都算舒適. 叫了清湯崩沙牛腩河粉, 咖哩牛腩伊面, 一碟五吋半菜遠. 清湯崩沙牛腩都算幾"林", 但河粉比較爽, 個湯味道一般. 咖哩牛腩伊面, 咖哩汁分開一個碗仔上的, 味道幾香濃, 伊面都不錯. 可是我們都差不多食完碗面, 但都未見碟菜, 叫了店員去查下, 又等左一陣先有. 菜只是普通的菜心, 其實都不用改個特別的名, 不如就咁叫"油菜" 比較貼切點. 之後我們試下這裡的甜品, 叫了楊枝金露和北海道紅豆雙皮奶. 兩樣都無特別. 店子在一點多開始多人排隊, 可是店員做事的效率實在太慢, 樓上的兩位店員, 一位女的就好勤快, 可是另一位男的卻十分懶散, 難為了那個女的店員要照顧所有樓上的客人, 加上廚房起菜慢, 好多客人要等好耐先有得食. 我們走時叫埋單都等左好耐, 要再催先店員, 他們先肯收錢呢. 總而言之, 食物尚算可以, 但服務有待改善. 如果趕時間的話, 還是去別的店子吃吧.

學名其實是御品紫菜八寶，坐了一會，一些中華料理的布置下，直覺說這是一碗「日式車仔麵」。是集硼砂腩、牛丸、豬肉丸、魚餃等材料於一身的沙河粉，澎湃的紫菜下，說是「紫菜．八寶」，菜名設計精準。例牌的先喝喝湯底，味道較從前輕盈了很多，有著天然牛骨鮮味，基乎喝不出藥材味來，仍是真材實料的湯底，然而個人是比較喜歡從前帶著當歸味的藥膳湯底。硼砂腩是爽腩附近帶著厚根膜的位置，樓下牛肉佬常說爽腩與硼砂腩是同樣子，吃落口卻是天壤之別，是日的硼砂腩切成丁方，肉質軟腍也富微微牛味，但「一口式」的做法，方便入口的，但切得太細，沒有皮連肉的連貫感覺，也可能是膠質炆得不夠「起」吧？其餘的配料也做得不錯，牛丸與豬肉丸細細粒，打得爽而富彈性，前者加了些蒜粒題味，後者非水泡豬肉感覺也很紮實，魚餃也不錯感覺非「粉」開搓的貨色，簡單的八寶，足料而紮實，沙河粉呈半透明狀，沒特別米漿粗糙感，入口軟滑，說不出的感覺是：做比日本仔食的．．．是日累得頭暈暈，有的沒的隨便吃過便算了，也沒留意餐廳發生的事，只記得這裡很光，椅子光的、石柱底是光的、吊燈罩打著散射的光、梯級也有細細的紅燈光，很光．．．很光．．．A.甜品是北海道雪糕，質感幾似雪

記得佢哋剛開張時食過一次，對佢哋嘅雙皮奶印象猶深。响doraya食完後欲搭車返歸，路經此處，太太問使唔使食番碗雙皮奶先走。哈哈，仲使講，梗係"使" la...份量依然極小，但就賣成十八大洋一碗，小弟嗰碗加有所謂嘅北海道紅豆嘅雙皮奶仲要加多五蚊，直頭跡近搶錢。但諗深一層，間舖身處銅記黄金地段，唔貴至奇la..奶味依然極香，質感依然挺滑，但最衰自己貪得意加上罐頭紅豆，D紅豆味蓋過大部份嘅奶香，唉...大浪費...都係太座醒目，淨叫雙皮奶，實冇走雞....

約朋友行街, 佢四點都未食飯陪佢四圍搵食, 結果求其入左依間. 唔想齋坐就嗌個甜品啦.芒果浴裡面有椰果呀大小西米呀芒果肉呀同芒果汁.芒果可能過左時期喇, 唔甜得來仲幾酸下.汁底唔夠甜, 個甜品都唔會好食.30蚊, 好貴!!

想對御品軒作出評語前, 好奇地想看看其他朋友有甚麼留評, 竟然是笑多過喊, 有點訝異, 不禁去看看何以有人「笑」, 原來笑中有淚, 幾乎個個都彈服務, 也算是中肯, 反映出如果你真係想透過openrice去搵食, 不能懶到只看笑喊的數字, 也應該略略睇下評語的內容。去御品軒是上星期日的事, 人不算多。坐下見餐牌上標榜崩砂坑腩,就即管試試坑腩河, 朋友則吃綠豆沙。五分鐘後, 綠豆沙來了; 十分鐘後, 隻牛大概仲未好, 正想向女侍應查問, 她已經走近, 冒失地爆出此話:「你係咪叫咖喱牛腩飯?」令到我嚇呆左, 三秒鐘都出唔到聲! 然後, 我告訴佢係崩砂坑腩河。三分鐘後, 終於送來。一看之下, 係喎, 係崩砂腩喎, 有層膠質, 冇花冇假。點知一咬之下, 冇味! 不但牛腩冇味, 煮得過淋的河粉亦冇味, 標榜用牛骨熬製的湯底, 唔知係咪用做火牛d骨呢? 一d味都冇。蠢, 加d蔥、冬菜或芫茜, 仲可以有d味, 但廚房大概認為自己的湯底天下無敵, 咩配料都唔加, 終於真係淡出個鳥來。過去, 去九記食名大於實的牛腩, 都奈著性子食晒至走, 算係畀面人地老字號, 但呢間有d似許留山的御品軒, sorry,

當日同老公經過世貿中心附近搵地方食晚食, 見到一間似係糖水舖又有面食的店, 睇下門口餐牌上的價錢都可以, 環境ok, 就決定入去試下......店員叫我地上樓上坐, 當見到條又窄又長的樓梯已經唔想上, 上到樓上原來安排坐張中央大枱, 即係要搭枱, 簡直似一家人食飯, 你眼望我眼...都算啦....我地叫咗一碗"御品鮑魚餃拉面" $28.-, 拉面都可以, 但係鮑魚餃係苦>.< ,一碗"崩砂切片鮑魚面"$48.-, 點之, 店員落錯單, 變咗無鮑魚, 最後叫咗一碗"御品水餃", 送來時只得微溫(好過凍) $20.-...食落唔好味....雖然仲可以叫甜品, 都無叫, 真係對店內食物無晒信心...萬二分唔掂, 唔會再去, 要搭枱唔出聲, 店員落單又唔寫枱號, 經常攞住啲食物行來行去, 雖然食物名稱寫得好好聽, 什麼什麼"御品乜", 好吸引, 但係絕對兩回事.... >.<

偶然得知有崩沙腩吃（即是爽腩附近的部位），還要在銅鑼灣，二話不說，放工便去。此店在世貿中心對面，板ｘ迴轉壽司附近，以前應該是某服裝店的鋪位。一心來吃崩沙腩，自然每人來一碗，情報說沙河粉非常厚，便配麵條吃，小卡要了幼麵，我則要了拉麵。崩沙腩和爽腩都在坑腩的尾部，兩者都連著筋膜，只是爽腩的肉質比較爽滑，每份牛腩中只有一小塊，故此比崩沙腩更值錢。先喝一口湯，是牛骨煮的清湯，味道自然不及九記的藥材湯那般複雜。崩沙腩比較腍，不及爽腩吃來有勁，但夾著肉的筋膜膠質甚豐，味道不俗。可是那拉麵真是不知所謂，麵條糊成一團不用說，最氣人的是麵餅沒煮開就上碗，把這種麵拿來奉客，牛腩多好吃也沒有用。反而小卡的幼麵雖然不太出色，但起碼正正常常。另外點了一碗蘿蔔，用牛腩汁燜的，清甜又有肉香，值得一讚。此店除牛腩外也賣甜品，要了一碗水牛乳雙皮奶吃，水牛乳比一般牛乳結實，吃來乳香撲鼻，亦不太甜，弄得不錯。建議店家在粉麵的選料下些功夫，依比例計一定是最便宜的材料，為什麼不花多少少用一些好些的貨色？

柱侯牛腩好，清湯牛腩好，有什麼「好腩」，都會特意去試試。食友說這裡的崩沙腩也試得過，趁一天人在銅鑼灣，就來試一試。一時正，人客只得六成滿，在這個繁忙的地段，顯得有點門庭冷落。侍應妹妹指了門口的一張檯，最憎坐門口，就徑自的走了上樓上，也未客滿，從容的在角落的二人檯坐下。看餐牌，爽腩20蚊，崩沙腩25蚊，還用說，當然要崩沙腩，來個崩沙腩河。另外見有鮮柏葉，牛柏葉見得多，新鮮的坊間已少見，就來一客看看如何。崩沙腩果然對辦，雖然件數少，得四、五件左右，但都是邊位，少廋亦帶肥。廋的部份，吃落鬆化不韌，肥油亦甘香可口，收貨。湯底是牛骨湯，反而藥材味不太濃，適可而止。河粉粗身，帶半透明亦爽身有咬口，不錯。總括而言，這碗25蚊的崩沙腩河，吃得過；鮮柏葉是連胃壁的部份也在內，果然是新鮮的，吃落爽口偏韌，都要有相當的牙力才可以應付。因為是鮮貨，雖然用薑絲及蔥段再加醬油去撈過，吃落是滿口油羶味，騙不得人。鮮柏葉少吃，只15蚊，也滿意亦試得過。兩位侍應絕對是在「遊魂」，尤其是男的，送錯食物之餘，又拿著我的柏葉遊足全場也未放下，其實得三檯人，只有我吃柏葉，又是他落單的，用點心去記也不行？隔離有蔥花蒜蓉，我不叫也

經過板前隔離有間外面睇落幾與別不同既"牛腩麵店", 行埋d 睇見到幾粒日文字就中左入去...間店大字標題催谷"崩沙腩"! 至於好唔好味? 又睇落去?崩沙腩河: 待應送上走青的砂腩河, 同蔥分開上, ok 細心。牛腩肥瘦適中! 比食開既牛腩多了一份羶味! 呢隻羶味都可以, 再羶d 就好羊咁羶了! 印象中有d 似駐外國中式麵店的牛腩一樣, 沒有千年浸牛腩汁, 睇你鐘意食邊種啦?羶羶的牛腩加上清湯, 清湯餚有牛味, 不是濃的那一種! 喝了幾口也可以! 黎個小食脆香水餃: 炸得唔錯呀! 新鮮炸起熱辣辣, 咬下去真的有"拆lak" 一聲, 水餃水準也不錯!埋單三十五元。因為tea time, 唔可以食得太顛...食住咁多先! 呢間店分兩層, 加兩個日文字已經引到好孩子入去, 不過入到去見到招牌菜崩沙腩之外, 好多好多甜品選擇! 其實如果對本身崩沙腩有信心, 可以"專一" d, 同埋選擇其他平d 租既地點打出名堂, 唔使選呢個咁貴租既地鋪, 不過選左呢個咁貴既地段, 用其他甜品beverage 去吸引唔同時段既客亦無可口非...ng...但係長遠捱貴租之下, 不倫不類又咸又甜無清淅定位下最終可能.

Wings飽餐後，與好友才行了一個鐘，就收到龍電話。差不多四點了，傻瓜竟還未吃午飯；好啦，大家一起來個下午茶吧!　御品軒的牛腩與燉奶皆有名氣，正好龍試牛，我與好友就肩背試食燉奶責任啦。不用等位，我們被安排就坐樓上雅座，環境比預期中精緻，幾舒服的。　龍要了咖哩牛腩飯餐($38)，有一杯西瓜汁送；我與好友就分享出名燉奶($14)。咖哩牛腩飯的份量很細，我唯有安慰龍：銅鑼灣好多野食，陣間再食過...味道倒是不錯的，牛腩夠肥美鬆化，龍迅速清碟。　剩下的西瓜汁及燉奶卻等待良久，問了侍者幾次都無回應，感覺服務一般。終於上到來，西瓜汁勁細杯又無味，若揀椰汁或橙汁應會較好。燉奶就不錯，不過在一般甜品店都可吃到如此水準，此店並沒額外credit。　總結來說，印象不太好又不算壞，萍水相逢過後，再會未必有期。

見這店供應的食物好像蠻特別，位置方便，於是在某天到老銅辦貨時，來吃個brunch.雖然對餐牌上好幾款食品都有興趣，但決定先點一客最多人吃的崩沙腩，麵食方面可選配粉干、河粉或手打拉麵等。本對「手打拉麵」非常好奇，但信心實在不大，所以挑了粉干。據店員的介紹，粉干類似米線，但比米線煙韌；吃過之後，我就覺得其質地算不上「煙韌」，只能形容為比一般米線有彈性，不算很特別。當日我那碗粉干碎碎的，不知它本身就是這模樣，還是我倒楣了。對牛腩無甚研究，亦不知那「崩沙腩」正宗與否，總之肉的部份頗軟腍但仍有嚼頭，筋膜狀物體亦不會太韌，對牛腩要求不高的我就覺得不俗。湯底應用上了牛骨來熬，有輕微的牛臊味，清淡但絕不至於無味，也收貨。這店供應的甜品似乎也頗吸引，既然肚皮尚有空間，就再來一客雙皮奶。端上來時，只見面頭浮著少許像是油的物體，吃下去果然有點油膩，不管有沒有特別原因，我就是不喜歡這感覺。這雙皮奶的質感，像薑汁撞奶般稀稀的，味道只屬一般。這店環境整潔，以位置和環境來說，價錢亦屬合理，相信會有機會再光顧的。

第一次和男友上課，上完之後就趕緊過海食飯。因為我們打算今天來個為食之旅!第一站是御品軒，其實是被其裝潢吸引而至。不過此種想法卻是大錯特錯。我們點了魚鮫米($20)和崩沙腩麵($24)各一。男友的崩沙腩麵尚可，至少腩味不錯，麵也不會過腍。可惜我那魚鮫米的米粉極差!不爽口之餘更是碎到不能再碎，完全失去口感，只覺得將一堆堆麵粉塞到口中。本來打算食甜品的，也不願冒這個險了。環境不錯，坐在二樓人少少的頗舒適，而且可看到街景，但食物真的一般甚至有點差，不推介。

有一日睇到報紙介紹佢啲『崩沙腩』...當然講到好好咁啦...咁經過開就試吓啦...去到...一見個門口裝修到咁靚...已經心感不妙o架嘞...因為小弟都有唔少食牛腩嘅經驗...經驗話比我知...越靚裝修嘅牛腩粉麵舖...就越難食嘅！果然又中咗...佢啲牛腩...唉~~~~~唔知就以為自己食緊羊肉...有陣臭騷味嘅！騷到我離開佢舖頭之後嘅半個鐘...陣騷味都仲喺口腔未散...啲河粉就唔錯...食落覺得好滑...口感幾好...湯底就真係精彩咯...佢個湯底嚴格嚟講唔算係湯底...極其量只能叫做半碗味精水...點解叫半碗？正常嘅味精水或多或少都帶啲咸味吖大佬...佢淡到不堪o架...當我離開之前...留意吓佢門口側邊個煮麵位...諗住望吓煮麵師傅個尊容啦...嘩！！！唔望尤至可...一望~~~舒服晒！明白晒！明白佢啲嘢點解咁難食呀！個師傅...頂多廿七、八歲...咁嘅年紀...邊夠料同資歷做得到啲有水準嘅牛腩吖...咪唯有整靚啲裝修、買啲靚啲嘅杯杯碟碟咁...嚟混淆大家嘅味覺...唉~~~~~依啲咁嘅食店...真係愚蠢到極點...

裝修......好靚食具......好講究招呼......一流招牌「崩沙腩」......「鞋」及「un」 「河粉」......竟然用炒河用的河粉放湯!!!招牌「混醬蘿蔔」......無改錯名, 真係混醬,差過車仔麵檔。崩沙腩其實即是坑腩, 仲用咗較差部位的坑腩, 不過改了個好誘惑的名, 就引咗我入去喇! 好味的只有湯底。