御品軒 (已結業)

今日男友帶我來到這裡食，一入去都覺得環境唔差，之後我o地叫o左魚角拉麵、崩沙腩拉麵、黑柏葉、薯蝦餅同燉奶，5樣o野我覺得除o左個崩沙腩拉麵同燉奶唔太好味之外，其餘都唔差，由其魚角真係好好味，薯蝦餅有D似蘿蔔糕，黑柏葉就爽，佢\o地湯底都好濃味，幾正!!!崩沙腩拉麵同燉奶就唔係太好，可能我曾食過更好有比較o掛!!埋單都係$99，食物質數同環境收咁o既價錢都好合理呢!!!

係呢間鋪頭吃過好多次午餐,食過魚角、肉根丸、水餃、水牛乳燉蛋.全部都好好味道.燉蛋好滑,又好香蛋味!(記得要趁熱食!)水餃好大粒呀!係銅鑼灣用$30就食到一碗粉&一碗甜品,真係好抵呀!

突然想食清湯腩...銅鑼灣唔知邊間好...諗起呢間新開...即管一試....兩個人...食左:崩沙腩河粉....魚餃河....混醬蘿蔔.....掌心芥蘭....崩沙腩OK...魚餃略嫌淡左D...河粉好滑....好鐘意....可惜湯底唔得...冇味....蘿蔔都OK...冇渣...芥蘭頭批到好似筆尖咁...好得意...仲要幾好味....雖然係咁..但係食腩通常都係食D老字號...呢間太新潮啦....我未見過咁後生既牛腩師傅....好似有D格格不入....你話佢唔好味又唔係....梗係覺得有D唔妥....埋單$74...好合理....都可以再去....

本來又係想食壽司, 但條龍長到好誇張, 見隔離呢間未食過就試下. 被安排坐窗口二人位, 圓椅唔算太舒服, 但總好過坐中間八人四方檯崩沙腩粉干($25) - 崩沙腩膜位連筋部位唔夠爽口, 而腩肉炆得夠腍但牛味唔重, 粉干類似米線, 粉身偏硬, 而個湯底好重牛味, 但同時羶味都好重. 除左大路既辣椒油外, 原來連黃辣椒都有供應, 加左後令到碗粉味道即時提升牛筋丸沙河粉($20) - 牛筋丸細細粒, 丸身較實籮白($15) - 入口無渣, 但唔入味

粉麵及小食類崩沙腩- 好淋, 幾好, 有啖啖肉感覺, 但牛味唔重.粉乾- 似米線但硬身d, 幾得意, 比米線更加有口感.湯底- 一般, 味精唔濃.魚皮餃- 皮厚, 有少少鯹味, 可以.黑葉- 唔夠爽口, 一向都係靠麻油調味, 做小食都ok.甜品類估唔到呢度有好多款甜品揀, 選擇比粉麵更多!牛乳雙皮奶- 第一口好"羶", 食多幾口就習慣. 好滑好味!白芝麻湯- 一般啦, 始終都無黑芝麻咁香口.

這裡開了間新店子，有甜品又有麵食，之前在和民吃得不飽，轉戰第二場。兩層高的小店，的骰。走精緻復古路線，閣樓的紫色紗帳幾特別。檯及餐牌也設計出色，只是座椅是固定的，而且好窄，坐得啎舒服。1)芒果西米露吃過一口，並不突出。芒果味淡，而西米本身又沒有味道的，結果係有姿態無實際。2)蘆薈奇異果尚算清新，蘆薈很甜，蘆薈的甜是因為浸了糖水的甜，不是清甜。奇異果又很酸。做一份奇異果為主題的甜品也不簡單，重點是奇異果本身，沒有篩選過就用來做甜品，九成都是過酸的。3)紫米奶皇湯丸個名聽落好尊貴，但湯丸做得好差，皮過厚，沒有彈性，所以食落好實。奶皇不流沙，餡偏少，用紫米搓粉做湯丸皮，其實都有特色。最差是個糖水底，十分之差，皆因用薑嚴重不足，同時又用嫩薑，毫無誠意。4)崩沙腩沙河粉沙河粉一吃便知，根本沒有鏡記的沙河粉質素，粉厚不爽。清湯底，噢！不是清湯，那只是滾水來的，不要期望有腩汁了，就連一點味精也沒有，又真係好清的。對於是否崩沙腩有一點點懷疑，可能是廚師煮得差吧，韌的、瘦的。這碗腩河不是差，而是極差！吃過計過之後，終於大徹大悟。這間舖前身是林寶堅尼服裝，驚訝連大公司也不續租的話，租金加幅應該相當之驚人。

坊間報道總著眼於爽腩有幾爽腩、崩砂腩有幾崩砂腩、水牛乳又有幾矜貴…同意選材是經過仔細考量的，但國內運下來的，貴極都有個譜。更何況，省內的滑溜雙皮奶，大都為水牛乳所出。水牛乳本身有一種特殊且濃烈的香味-「濃烈」不是指如羊奶的羶，但有一股很濃的牛奶羶勁。熱「牛乳龍眼浴」，只能半證明了用水牛乳做的：任何水牛乳，滾一滾，涼一涼，即時起衣；不確定的，是用任何脂質高的乳品，滾一滾，涼一涼，也即時起衣。懷疑的，還有那淡淡的羶味：它當然比十字奶的有奶勁，但…只希望是因龍眼太多，蓋了其羶味…又或者，調到合港人口味吧。物以罕為貴，香港的論調而已…又或者，只因其天時地利的gimmick 罷了。

同朋友0黎食lunch, 見呢度新開, 又唔係咁貴就試0下, order 0左個崩紗腩粉干, 朋友就要0左個淨手打魚皮餃.崩紗腩(見圖) 賣相一流, 幾腍, 有少少筋, 又唔係咁肥, 味道都唔錯. 粉干似上海麵0個d, 口感一般. 唔知點解食呢碗0野成個感覺好似0係屋企食0野咁...朋友d 魚皮餃味道都唔錯, 皮幾煙韌, 而且係全白色熟透的, 唔似得其他鋪頭d 現成貨仲要煮唔熟搞到層皮半透明, 諗起都驚. 餡料就一般啦.環境一般, 間鋪無門, 樓下真係太嘈; service ok, 落order 個女店員好有禮貌, 叫得0個兩樣0野都覆單; counter 收錢0個個阿嬸就令人汗顏, 摷銀包耐少少0者, 而家又唔係唔俾錢, 使唔使咁0既樣啤住我0地呀-_-Overall 都係一間唔錯0既小店... 不過佢主力似乎係賣糖水咁喎, 有機會0黎試0下都好.

崩沙腩沙河粉$26因為這是tenny 吃的，不吃肉的我可不知道味道如何。問問tenny，他說牛腩方面，不比香港的一般牛腩好，不特別嫩也不特別香。湯底方面，香港一些店的湯底是熬了很久的，甚至熬了多年，以致十分濃郁，這裡的湯淡而無味，遜色得多。沙河粉卻不錯，香港一般的河粉較碎，這裡的較完整。總的來說，這是開在銅鑼灣的新派餐\\\館，味道質素不及香港某些老店，甚至比一般茶餐\\\廳更差。牛乳龍眼浴$24這是我吃的。可選熱或冷，我選了熱。喝第一口，我的感覺是：「這味道... 這味道... 很─好─喝─!!!」本來鎮店之寶水牛乳已令整體口感香滑，而且奶香輕輕的，不會太濃。加上新鮮打成的龍眼蓉，讓每一口都充滿龍眼的甜和香，每一口都原汁原味，吃得出沒有半點人工調味或人工糖水，那清甜的味道讓我百感交集，因為很難形容那好味道的感覺。超多的龍眼!!!吃這，最好吃熱的，這才能真正感受到水牛乳的味道。http://hk.myblog.yahoo.com/mei_ciel/article?mid=1074&prev=1075&next=1052

睇到之前食友嘅食評，有少少動搖小弟試菜嘅信心。但無論如何，一件崩沙腩及一碗雙皮奶足可令我放膽一試...跟太太去到，人山人海。小店好明顯有擺過心思落去裝修...餐牌都唔使望，崩沙腩魚餃麵加雙皮奶...魚餃皮相當煙韌，豬肉餡食落幾實淨，唔係"散修修"；崩沙腩炆得軟糯，橫隔膜部份夠"膠口"，食落亦有質感..最大敗筆係用上普通車仔油麵而唔係用銀絲細麵，當堂扣分..雙皮奶食落有濃濃奶味(雖然唔多肯定係唔係水牛乳)，並不太杰，表面亦有薄薄兩層奶皮，做得不錯...比義順好吃得多...可以encore...

上星期專登走去試,門口要排隊,比飛仔個伙計比到亂晒籠,不分先後,可以咁講佢地個門口係冇秩序可言既,等約十分鐘,之後坐係樓上近窗口,跟住梗係叫番個"崩沙腩"麵試下先啦,見到佢地個廣告相影到咁鬼吸引,跟住仲叫埋杯木瓜汁消滯添,杯果汁就幾FRESH啦,但係碗麵呢就...非常失望啦!!!!!!!!!!!!!首先D所謂"崩沙腩"同廣告既係100%唔同既野,跟住我問個伙計呢碗係乜野,佢望一望就叫我等等要CHECK番張單先...(原來D伙計見到都唔識分既,要CHECK單先知喎),2分鐘後佢番黎話係"崩沙腩"喎,OK啦,照食啦,點知D麵係油麵黎既,好CHEAP好似車仔麵,可能有人鐘意既...但我就認為蛋麵至係PERFECT MATCH,ANY WAY,講到D腩呢就... 唉...硬到死!一D都唔鬆化,要就住D肉紋黎撕開先至食到...食完仲要用10分鐘去清潔D牙,因為黐晒牙呀!!!!原本都想試埋D甜品先走既,但係...都咪啦,我個FRIEND同我都不約而同講句..."唔使旨意有下次"!!!

同朋友去食糖水，諗住個門面，都會ok la!!點知，都幾貴下!!!叫左個雙皮奶同個龍眼涼粉，雙皮奶有d粗糙同埋甜左少少，去謝斐道食"義順"好過又細碗.......龍眼涼粉有d新意可以一試不過都係太細碗$24，貴左d la第一啖食落唔多慣，d龍眼可能係本身o個d酸苦味唔似食糖水有少少怪食落原來仲有d龍眼蓉ok wor!!!不過真係太細碗la.........

難得有人請食lunch,一於試新野,一個爽腩沙河粉,一個崩砂腩粉干崩砂腩有塊筋膜黏住,唔算好腍,至於爽腩,都有塊類似筋膜的東西黏住,但質感似軟腍腍的牛筋,呈半透明狀,一碗有七八舊腩,但有一半唔爽,普通瘦腩,有d韌,懾牙罅,有人話好味過九記,sorry,我一直唔夠九記好食,我buy華姐多d,湯底尚算清甜。沙河粉直係麻麻,又厚,又唔滑,仲碎濕濕約莫兩寸長一條,似普通粗炒河放湯囉,粉干就唔錯,似爽口版米線另叫小食薯仔茸蝦餅,有少許蝦肉粒粒仔,個餅就有d煙韌,似食豆沙燒餅,不過係鹹版,但都幾油下叫多個紅豆雙皮奶,我覺得唔可以叫做雙皮囉,面頭都唔覺有層薄膜,奶味無乜,甜左少少,但勝在夠滑,加埋大大粒的紅豆,好味!!!

第一幅係崩沙腩，食落好似潮苑o既坑腩，不過就無潮苑燜得咁好味喇。第二幅係鮮魚鮫，個人覺得呢味仲正過Ｄ腩，值得一試。第三幅是甜品～～紅豆雙皮奶：好正，紅豆味濃而不太甜，而且Ｄ奶真係好美味！合桃奶露：合桃露加埋Ｄ奶食，好滑，而合桃是個人的喜好。我地LUNCH食，所以無加一。

We tried the recommended 崩沙腩沙河粉, the beef brisket very tough, flat rice noodle too thick, not enough soup and the soup base tastes like herbal medicine.We sat upstairs and the service was horrible,. Expect worse service than 茶餐廳.Overall a bad dining experience and would never go there again!! Much better off at 九記, 生記, 華姐for 清湯腩.