御寶軒

營業中

休息中

飲過好幾次茶，服務一直非常一般。然而訂位卻較其他中價食肆容易，因此久不久便會來這裏飲茶。雖然服務一般，但這裏的蝦米醬煎腸粉一直是回頭的主因，香辣惹味，較很多其他食店的XO醬煎腸粉還好吃。另一推薦是蘑菇雞粒酥，新鮮熱辣兼酥脆。本來想試吃很多食評推介的白灼鮮豬膶，可惜缺貨，於是點了黑抽豬腳仔及菠蘿咕嚕肉。本身不太愛甜口味的菜餚，因此這裏的豬腳仔可能很多人會喜歡，但並不是我的一杯茶；而菠蘿咕嚕肉的肉排過瘦且菠蘿太酸，醬汁醋味又重，下次應該不會再點了。雖然服務一般，但這裏沒有時間限制，也是可取之處。

去呢間鋪之前，都睇過呢度d食評，話野食唔錯，但d員工好差，抱住唔信邪心態去試就中伏了！因為想搵一間地點方便又唔洗過海，又可以坐到十個人，又睇落中高檔級數就揀左呢度。訂位時留了半隻糯米豬，到現場點菜時，主要都係叫左d簡單菜色，唔知係咪無叫佢d「時令」海鮮啦，個西裝友類似部長咁ge人態度都麻麻。落左半隻炸子雞，落單時個部長答我要睇下有無貨，點知食左大半餐飯都未黎，要親自問佢先話原來無曬，呢d咩嘢服務黎？去到尾聲想叫甜品 10樣有7樣都無 咁你學咩人做米芝蓮餐廳？overall黎講 食物質素係ok 環境同望出去個景色係唔錯 但成件事比d完全唔專業ge員工破壞曬奉勸大家如果想試下貼錢買難受的話 就可以去下ge 但我本人就會將呢間餐廳永久blacklist

中菜館係香港多不勝數，但有質素嘅中菜館唔多。 2023年1月，我食左尖沙咀呢間「御寶軒」，服務差到⋯⋯。其實我想問下呢度係咪自助式架呢？餐具又唔比、野食又就咁擺係後面（然而我地係唔知擺左係後面），如果唔係咁岩有同行者見到 你地諗住擺幾耐？ 餐具隔離枱有；我地個枱冇。我地舉手話要9隻碗/餐具，但其實就係我地後面個櫃 妳又唔即刻拎，等左20分鐘都冇拎過嚟，舉手冇人睇，係要我走埋出去話妳2句先過嚟，之後又話唔記得 又話我地冇叫你唔知可以上得（但擺左係後面） 咁嘅服務質素唔值呢個價

今次係包咗細房嘅晚宴，面向維港景觀，房間環境舒適，食物質素絕對配得上米芝蓮1🌟。波士頓龍蝦是其中一道我最愛的菜，配上黑胡椒非常惹味可口，龍蝦肉質夠爽口，蚌鮮甜得來又夠淋，東星班亦非常之滑。如果想和朋友家人聚會，這裏也是不錯的選擇👍🏻~$1170 ᴘᴇʀ ᴘᴇʀsᴏɴ▪️南乳去骨乳豬▪️淮山杞子乾螺頭燉老雞湯▪️金銀蒜粉絲蒸竹筍蚌▪️黑胡椒焗波士頓龍蝦▪️蠔皇鮑魚伴鵝掌▪️清蒸東星斑▪️脆皮炸子雞▪️濃雞湯浸時蔬▪️蟹肉瑤柱蛋白炒飯▪️賀壽蟠桃

御宝集团起源于新加坡，主打高端粤菜，在内地和海外都有分店，香港的两家店中，只有尖沙咀店是米其林一星。·虽然评价两极化，以及粤菜从新加坡起家这个事实有点费解，但我还是抱着随便吃吃的心态来摘星了。毕竟不点大菜的话，人均还是挺轻松的。·服务确实拉垮，看到你招手都不会过来，上错两次菜，添茶靠自助，点菜（除非你喊）也是自己勾选，不过对熟客似乎有区别对待。工作日中午生意都很好，还要排队翻台，人手显然顾不过来。靠窗的海景位听说有低消，这点也很磨灭好印象。·其它的都不行，咱就认真吃饭吧。好在味道整体在线，性价比高，份量也实在，但不太人性化的是点心不能按件卖。茶位费不贵，但是茶很一般。·【蛋白炒虾球】这道菜在广州御宝轩叫做“白松露油西施虾球”，到了香港御宝轩做法有所降级，没有白松露油，名字也改得通俗易懂（“西施虾球”应该是传统叫法，西施指蛋白）。放在杯中呈现，造型精致优美。·蛋白炒到刚刚凝固、汁水丰盈的状态，有着蒸蛋般的柔嫩润滑，也有着滑蛋般的流又欲止，令人陶醉的口感像在亲吻婴儿的脸颊。·一只饱满的大虾仁亭亭玉立在棉花般的蛋白表面，标准的断生口感，吃起来脆弹无比。炒蛋白与虾仁的结合不会是无心之举，蛋白承

入座後完全冇人理，舉手見到都唔理，負責上菜嘅淨係識叫你等等，唔會幫你叫負責落單嘅待應。入座後等咗超過5分鐘都冇人俾茶同menu，要自己舉手要求先有，但舉手又唔理杯有污漬，衛生程度同服務質素都係絕對不配米芝蓮一星。窗口位有minimum charge，好多野食都要預訂，冇預訂幾乎有1/3嘅嘢唔使食。食物質素一般，但價錢偏高，性價比極低，同樣質素有大把其他餐廳。普通到一道菜都推介唔落，食到一肚氣，冇下次。

試過幾間米芝連餐廳呢間嘅experience係最差一開始落order嘅時候D staff已經勁串 無咩禮貌問多幾句都唔耐煩 又hard sell d貴海鮮 答非所問都算 最煩係全餐飯有個人棟係張枱側邊趕你食快啲 傾計又插嘴 又唔會幫手斟茶純粹棟係到 係咁講十點閂門 要走我諗求其入一間酒樓都唔會有人叫你食快啲？我地食得快唔快都唔關你事actually 結果我地坐到十點 間餐廳熄左一半燈 熄埋音樂話晒都米芝連一星 點解個service係會咁？就算野食幾好食都好呢個experience 都係好趕客 無下次

星期日帶一家人去飲茶，食物質素未去到米芝連1星之餘， 仲有差過澳X嘅態度。當日serve 我地個個經理叫Axxx。1.樓面非常唔welcoming 黑面2.想要幾隻碗（當時只有碟）方便老人家食野，佢聽到之後行左去，好耐都無返黎。點知等左好耐都無攞比我地，甘我地再問一次，然後佢好晦氣話「得喇得喇」，係後面攞啲碗 。其實個碗櫃正正就係我地後面，點解好似要我求佢甘先比幾隻碗我地？3.我地叫個姨姨攞一碟辣椒醬，佢擺得左之後好串甘講「下次要辣椒醬同樓面講啦」。甘我地無理佢繼續食，之後個經理自己再攞多一碟辣椒過黎，臨放低之前話「你地米有囉！」4.我地想剪啲春卷大家share食，經理話「下？剪呀？」我話你比刀叉我我自己做，佢做完之後黑口黑面收埋刀叉，就行左去。我哋全程都微笑有禮貌（局住😂）但係冇諗過服務態度即刻惡劣。咁大間酒樓管理真係好有問題。地理位置一般食物銅鑼灣御寶軒好食啲

依家好耐之前食過呢度嘅白灼黃沙閏，今日好想食豬潤所以就嚟呢度再食！時間當然一樣咁好味！不過$168.得十片片都真係幾貴不過超彈牙得來同事爽口，好正！不過兩個人每人分五片都會覺得唔夠喉底下嘅芽菜好好味，不過覺得呢度餸落得太多油，芽菜會short咗好多！叉燒腸：冇食評嘅人講到咁抄嗰啲腸粉！叉燒量一啲都唔吝嗇鍾意半肥瘦叉燒嘅人非常啱食，雖然我鍾意瘦差，不過見到我朋友食得咁高興都值得素菜什菌餃細細粒幾好，清清地，入面有啲荷蘭豆切碎可以唔撈油更好金錢肚新鮮，底下剪咗好多清甜嘅蘿蔔，不過覺得佢啲醬唔係咁好，太杰一pat念着係啲金錢肚格格度啲將少啲比較好，不過知道坊間大部份都係咁樣嘅蝦餃不過不失白灼時菜走油，唔錯，不過數過$68只有11條😅米芝蓮餐廳價位係咁上下不過呢度嘅環境同埋服務都非常之好，特別係男部長做事有效率又上心，安排又有禮貌同埋佢哋會成日觀察住你哋有咩需要 唔怕貴嘅嚟食都幾享受🤣

御寶軒有兩間分店，我去開嗰間喺尖沙咀北京道一號。餐廳連續五年攞到米芝蓮一星⭐️，景觀一流，向海🌊，食飯可以睇到幻彩詠香江🎆🏙，但係網上評價參差🧐我喺御寶軒食過一次佢嘅芝士焗龍蝦伊麵(第一張圖)，雖然超過HK$2000，但係真係好食，芝士味濃🧀，龍蝦多肉🦞我最鍾意嘅一道菜係佢個海鮮泡飯(第二張圖)。泡飯個湯好好飲😋，脆米另上，加落熱辣辣嘅湯裏面會渣渣聲💥椒鹽白飯魚🍤(第三張圖)夠脆口。蝦醬鮮魷🦑(第四張圖)OK，但係略嫌蝦醬味唔夠。牛柳(第五張圖)賣相有待改善😔。。。咕嚕肉(第六張圖)真係唔得，皮唔夠脆，肉唔夠嫩，最大鑊係嗰醬，好杰好似蜜糖咁，凍咗仲嚴重😩甜品方面🍮🍡，流沙包(第七張圖)同擂沙湯丸(第八至第九張圖)唔錯，夠軟熟。整體我覺得可以嘅，始終個景同地點拉左唔少分。御寶軒好嘅地方係豐儉由人，平有平食貴有貴食👍💰: HK$400-500 pp (Dinner)💝: 6.5/10

[🇭🇰香港- 尖沙咀].再訪 - 前排黎飲完茶覺得水準唔錯, 再黎食晚餐, 都冇令我失望👍🏻必食招牌”糯米釀脆皮乳豬”(圖1) 可以每件叫,就算人少都可以試到,但記得要預訂!呢度嘅”蜜汁叉燒”(圖4) 就唔係好岩我口味,太軟同太多汁; 反而”鹽水雞”仲正另一個推介係”檳城炒河粉” (圖2) 好有鑊氣, 用臘腸吊味, 更加惹味😋個景仲要望住維港, 如果食早啲,臨日落之前嚟個境 - 冇得輸🌆.🔻🍽 御寶軒📌 地址: 尖沙咀北京道1號10樓.#tummysreadyattsimshatsui #tummysreadyforchinese #tummysreadyformichelin

朋友的朋友 是這店的熟客所以伙記十分殷勤熱情到只會照顧我們不時停著與我們聊天對其他客人就不聞不問其實我覺得他們的管理很有問題不過點心上枱後我就覺得這間店我不會再來第二次所以張就吃吧說是米之蓮一星真的想問憑什麼🤔鮮蝦菜苗餃 皮薄 蝦鮮味 菜也嫩滑 好食嘅我最喜歡的燒賣真係一般過一般啊豬肉不夠肉香 口感不彈牙 我覺得不合格叉燒酥夠肉汁 不過不夠熱感覺做好了遲遲沒有上枱蝦腸 上枱都感覺到冷冰冰真的不夠熱辣辣唔！扣分炸腐皮卷 漏氣嘅不好吃最後的滑蛋蝦仁炒河粉這碟炒粉好食嘅蝦球鮮明 肉質彈牙微辣的醬汁又似星洲炒米河粉也條條分明 不會䅻埋一舊非常有鑊氣總括點心真的很一般炒河粉有驚喜

食物：#普洱茶：顏色很深，但茶味不濃！#素菜炸春卷：炸得很鬆化，不錯！#筍尖鮮蝦餃：皮薄，蝦肉富彈性，好吃！#香菇燒賣皇：豬肉有鮮味，加分！#蟹肉瑤柱蛋白炒飯：炒飯夠乾身，蟹肉挺多的！環境：北京道一號10樓，享無敵維多利亞港海景，靠窗的坐位設最低消費2,000元，我們坐大堂中間的圓桌，剛好在１個小包房的門口，包房沒有關門，内有５人(３個成人和２個兒童)，這家人非常嘈吵！嫲嫲中氣十足，聲音洪亮！２個兒童不時尖叫！遇上他們，難受！

老實說餐廳與海旁相隔太遠而且玻璃灰矇矇唔乾淨因此海景唔太吸引食物的質素才是重點.《杏汁豬肺湯》先出場的杏汁豬肺湯真係有驚艷到我杏汁味好出完全冇平時酒樓飲到個種廉價的內臟味道豬肺好爽滑呢個湯絕對係必點.《白灼豬潤》再來一碟內臟豬潤厚身爽脆千祈唔好錯過墊底既芽菜拌勻熟油豉油薑絲一齊食好好味.《脆米海鮮湯浸東星班》另一款必點菜新鮮的東星即劏即煮魚肉鮮嫩魚皮彈牙脆米海鮮湯這個做法將整碟菜提升至另一層次海鮮湯代替蒸魚豉油令東星肉更鮮味脆米浸於湯裏依然脆口這種味道絕非筆墨形容很想encore .《黃金焗鮮魷》邪惡的咸蛋黃脆皮外層包住軟滑的鮮魷一d都唔靭雖然食完一舊都有少少膩但係又心思思想食多件唯獨害怕膽固醇超標.《金牌鹽焗雞》聽聞呢款又係名物但相對於前幾款咁出色的菜餚鹽焗雞相對上顯得普通左少少但不得不讚既係即使雞胸肉都係嫩口.《上湯蒜子豆苗》上湯豆苗正常發揮豆苗很嫩伴有少少酒香味.《薑蔥粉絲焗中蝦煲》最不推的菜色整體味道唔夾或者本身先入為主⋯以為會有泰國建興的粉絲蝦煲風味結果粉絲冇索到d蝦味而且薑蔥味又唔突出連預期既鑊氣又冇食既只不過係粉絲同蝦放埋一齊既煲仔菜《合桃露》合桃露顏色濃郁但合桃味淡點了

見佢係米芝蓮，於是相約友人放假黎呢度試試，嘆下茶食下點心。老實說，環境是不錯的。樓底高，夠開揚，對住個海景，個view是不錯的。只是，餐廳最重要的還是食物質素。點心的質素不錯，但又未至於好好食。叫左蝦餃、燒賣、蝦角、馬拉糕、菠蘿叉燒包,都係一般質素，稱不上超班好食。比較推介既係:1. 炸雞翼鬆脆香口，忍唔住encore多碟2. 花生炆豬手豬手入味，當補充下骨膠原都不錯唯一不足既係，呢度既服務麻麻地。侍應既反應永遠慢幾拍，我差d要自己收碟同加熱水。