御廚煎餅 (已結業)

灣仔新開家庭式小店，即叫即煎既煎餅，餅漿用左黃豆粉綠豆粉仲有綠豆即日磨成蓉無咁熱氣。全部都係即叫即整，先落粉漿再打蛋再灑黑芝麻，成個過程你都可以望住佢整。拎上手已經覺得好大個，同埋真係超熱辣辣，有個膠袋可以俾你拎走。麻辣好出名，不過先試一下孜然羊肉($34)，，外皮有啲過淋，要讚中間加左塊薄脆更有口感，仲有勁多蔬菜料同幾塊羊肉食完當午餐都得。店名: 御廚煎餅地址: 灣仔灣仔道181號長春大廈A舖餐牌:

和囡囡灣仔行街街，囡囡突然間話肚餓，想食嘢，明明剛剛食完嘢無幾耐。見到有一間煎餅舖，平時很少見有此類食店，無食過，見到有人排隊，應該唔會太差啩，就諗住買比囡囡食。店員態度很好，有笑容，有禮貌。 因為是即叫即做，所以都要等，叫咗個北京烤鴨煎餅和酸梅汁，煎餅很熱辣辣，如果係冬天食，相信會更加正，攤左一陣比阿女食，阿囡話好好味，有啲似食片皮鴨，而且個皮更加香脆，，我只係食咗三四啖，她差唔多食囇。囡囡可能鍾意飲甜野，所以唔係咁喜歡酸梅汁，我就覺得幾好飲，喝後很清涼。

天氣實在很熱, 晚上的灣仔站著也流汗, 自從老金煎餅消失後, 有一點懷念呢, 知道這裏有煎餅 特地來一客吧~店鋪採用開放式廚房, 開放式好處 能讓顧客更加了解食物的製作, 雖然是加分的好機會， 但是如果廚房不整潔， 反差會很大呢~ 😅😅😅 我看店主要花多點心機令地方更整潔呢～ 尤其在等候的時間真的會望多兩眼呢 😂😂😂 點了孜然羊肉煎餅， 由於餡料很多， 煎餅煎得比較細小， 有點脹爆 包不下的 感覺， 用同等份量的餅漿可以弄得大和薄一點， 這個御廚小弟要下多點功夫啦~ 餡料方面有很多青瓜和蘿蔔, 脆餅即炸的很脆啊～ 😆😆😆 肉方面雖然吃不出很羊， 但孜然味很香。看見小店裏有很多熱血御廚青年， 希望你們可以再做好啲，加油啊 ~ 飢point : 6/10#hungermarch #非飢詩

我唔係喺灣仔返工，不過間唔時工作不太忙就過去灣仔食lunch, 平時去開華星，泰國菜之類，今次因爲要去灣仔298買野過左時間，就走去IVE附近揾野食。去到活道經過一間新開煎餅店，見到幾位食客排隊買野，於是決定一試。店子不算大，只見店員們不停煎餅，手勢好熟練，幾分鍾已煎好一個餅。我點左一份北京烤鴨煎餅，不用等太久已經攞到。一拎上手，個餅熱辣辣，一望真係唔只小食咁簡單，份量十足，內裏鴨，配菜同醬汁比例恰到好處，聞到香噴噴既烤鴨味，紅蘿蔔絲同青瓜絲菜放既份量剛剛好，薄脆新鮮做仲好香好脆，雖然醬汁本身好濃，不過咁樣夾就令到淡同濃既材料混和一齊，餅皮初初諗以為係全脆既，不過後來發覺佢既餅皮食上去既感覺係複雜既，軟中有少少脆，厚薄適中，唔係一味賣抵食夾大件就整d又厚又柴皮既餅或者薄到無感覺嗰種，可感受到佢地不是只為賣野馬虎去做。真係好好味，仲有叫左樽酸梅汁，甜度啱啱好，飲左覺得開胃，食餅時侯唔會覺得滯！聽講呢款煎餅係北京，山東一帶盛行，不過我無食過當地既，唔識咁比較，不過以材料，食入口感覺我覺得感覺良好。佢地仲有黑白墨魚煎餅，同蛋包流心芝士薯餅都好出名，一定會再試。

鐘意佢蛋餅夠軟又煙韌，餡料又夠多，有塊脆片包住一齊食，口感非常好。我一星期幫襯左兩次。試過黑白，肉鬆， 北京填鴨。新鮮感加味道都很好，我會繼續試其他不同口味。份量可當一餐，食完好滿足。

係灣仔返工，平時lunchtime都見到呢度排晒長龍，難得今日公司遲放lunch因為開會開耐左😅就趁過左繁忙嘅午飯時間去買個煎餅試試😋之前都去過北方旅行但就未食過煎餅所以一直都想試食😋不過因為之前未食過所以無得比較再話俾大家聽。我去買煎餅嘅時候大約1:50，完全無人排隊😆正！叫左個北京烤鴨煎餅➕豆漿（$45）當時候見鋪頭入面有好幾個伙計，又可能因為無人排隊嘅關係所以好快就煎好個餅俾我😝啲員工都好nice同體貼，叫我等一陣就得架喇，個餅煎好後俾我時提醒要小心熱。煎餅其實同整法國crepe差唔多，都係倒左啲麵粉醬係個平面爐上再用T字型嘅木棍spread開啲醬令到佢成為一個圓嘅餅形。之後打隻蛋落去再mix埋落啲麵粉醬度，個餅開始成形時就用個鏟反轉個餅。跟住就搽啲平時食北京填鴨啲甜醬落去，再灑上芝麻、青瓜絲、蘿蔔絲同鴨絲、lettuce，最後鋪上脆卜卜嘅cracker先捲埋個餅。成個製作過程大概2-3分鐘。煎餅口感脆脆地，味道亦唔會太鹹或太甜，希望餅入面啲餸可以多少少。以下係食左幾啖之後影嘅相😂所以賣相可能麻麻地。大家如果路過灣仔可以試試😋

今天，6 月 24 日，食物潮流走勢動盪，甜食最高位為梳乎厘班戟，鹹食則為煎餅，市場裡的商戶正在分拆分拆再分拆再下市；而芫茜系列亦開始進入止蝕位，邪惡抹茶紫薯芝士拉絲亦接近出血階段，實在令人感慨萬分！-作為潮寶的寶，今天亦抱著當風箏遇上風的心態，跟風，向煎餅出發，去了灣仔一間新開的煎餅店一試風味，一洗頹塵！-踏入門口的那一刻，友人大叫並大叫：這個男子有點像彭于晏！當時我退後了一步，愕然了一刻，感嘆了一句：嘭！這是雨中飛翔的雁吧！🤷🏿‍♂️ 無可置疑地，從他不羈的眼神，誠懇的態度，已是這躺旅程最老懷安慰的 1 part！-廢話亦不多說了，進入向煎餅出發的重點位，柯打了一份 #北京烤鴨煎餅，盛惠 36 個大洋，我給了他 40 個大洋，然後他找回 4 個大洋，片刻，他命令御廚開始工作，在過程中，我看著御廚努力地製作煎餅的時候，代入朕的角色，吾也不禁沾沾自喜起來了！其後等著又等著，等著再等著，再等著再等著，作了一句新詩：等等復等等，小寶仍在等 ...... 好詩好詩！-煎餅終於製作完成了，由嘭雨雁手中交接了煎餅，心情激動如交接了奧運的火把一樣，因為非常燙手！焉知來者之不如今也，給煎餅拍了最後大約

御廚煎餅雖然沒有寫明自己是依哪個地方的煎餅為根據，但看到桌上的脆餅條、蘿蔔、蔥和香菜等，都不禁令人想起近幾年在大陸興起的山東煎餅。山東煎餅用麦子、高梁、玉米、谷子、地瓜做「餅漿」，那煎出來叫香。脆脆的、香噴噴，再配上脆脆的脆餅條，無論裡面加什麼餡料都令人回味無窮。今日一大早我來到御廚煎餅的小店舖，廚房裡有四五個人，雖然已經是營業時間，但看上去他們還在努力準備著，平底鍋版還沒有熱起來。接待的男孩子態度很好，餅也是他「煎」的，餅的面積很小，時間稍久，大約5-8分鐘出一塊，估計是因為新店剛開張沒多久，需要時間熟練。餅的餡料各式各樣，我點了孜然羊肉和流心芝士肉鬆。煎餅是軟軟的，含麵粉和蛋，看上去雖然焦焦的，但卻一點也不香，脆餅條也不脆，導致煎餅口感上大失所望。芝士肉鬆味的煎餅還可以，我只能當它是crepe來吃。孜然羊肉味的更令人失望，羊肉有點老，總體味道與煎餅也不那麼般配。不過，最致命的還是餅皮質口感濕軟，味道欠缺。希望店主可以改良一下餅皮，相信一定會贏得顧客的認可及歡迎。