德美壽司

營業中

休息中

性價比高的日本菜餐廳，怪不得連平日都滿座！星期一至四晚上，餐廳提供一個性價比非常高的二人會席套餐，只需$358就有齊前菜、刺身、壽司、天婦羅、三文魚鮫腩、烏冬、牛肉鍋、味噌湯和甜品，可謂相當豐富。各項食物水準不俗，三文魚刺身新鮮厚切。天婦羅有蝦、冬菇、南瓜、蕃薯、茄子，種類多也炸得酥脆。烏冬入味牛肉鍋湯汁帶甜，牛肉腍滑。三文魚鮫腩煎得十分香脆，特別美味！唯一缺點是室內環境稍欠空間感，食物方面的水準不錯！

在尖沙咀厚福街這個雲集美食的地段，有一家具歷史的日本餐廳「德美壽司」，用餐體驗讓我回味無窮。首先，我們品嚐了幾款壽司，包括油甘魚、帆立貝壽司、蟹肉蟹子軍艦，以及火炙左口魚邊。每一件壽司都精緻美觀，魚肉十分新鮮：油甘魚入口即化，帆立貝帶有淡淡的海洋風味，蟹肉蟹子軍艦的搭配則是完美的組合，火炙左口魚邊的外皮微焦，鮮香四溢。接下來，此我們還點了芝士鰻魚卷。鰻魚魚肉保持柔軟口感，濃郁的芝士與鰻魚的香氣交織，讓人驚喜。此外，我們選擇了晚市定食套餐：洋風燒三文魚丼。三文魚外焦內嫩，搭配的醬汁恰到好處，既不搶味又能提升整體風味。丼飯的米飯軟糯，吸收魚肉的鮮美，味道一流。最後，我們點了「野菜牛肉鍋」。這道菜搭配新鮮時令蔬菜和嫩滑牛肉，每一口都充滿食材的鮮甜，牛肉的鮮美與蔬菜的清新非常配合，散發出迷人香氣。德美壽司 (尖沙咀)地址：尖沙咀厚福街8號H8 5樓

I used to love coming to sushi tokumi, but in my most recent visit, I was quite disappointed to the extent that I may not visit again!The sashimi don and the deep fried pork cutlet set was okay. Sashimi was quite fresh which is a very important factor! Yet the pork cutlet was okay, nothing special about it. I didn’t manage to get a photo of the sweet potato tempura, but the fried batter was literally separate from the potato. Also, I thought a potato wasn’t even fully cooked! Really wanted to se

極上壽司定食$148🥳❤️🧡💛💚💙💜德美壽司不嬲都出名 好多區都有分店試過紅磡同尖沙咀呢間，但係都覺得尖沙咀呢間嘅出品會比較穩定 📍尖沙咀區 德美壽司7/10 lunch menu 比較抵食 夜晚就比較貴，因為冇套餐 對於壽司🍣愛好者黎講佢既海膽都幾新鮮😋係吞拿魚就麻麻地🥺其他壽司都算係正正常常冇咩特別驚喜不過呢個定食又有湯有茶碗蒸又有沙律 最後仲有個甜品 牛乳布甸🍮係尖沙咀地區 對打工仔黎講 真係一個唔錯既選擇☺️😍

呢一間壽司店出咗名下晝嘅時候係特別平，朋友今日就帶咗我去呢一間位於喺厚福街嘅日式小店，我就叫咗佢嘅下午壽司郎set, 包左壽司烏冬同埋小食！最後埋單都唔使$100，有少少驚喜，因為佢壽司嘅質素真係嘅好🙈🙈 雖然個烏冬都冇乜特別不過如果大食嘅朋友呢一個份量真係一定夠🙈帶子壽司大大粒非常鮮甜，而且冇諗過呢一個下午套餐都會出呢一個質素嘅帶子，另外吞拿魚蓉亦都出奇地出色，淨係食幾件壽司都覺得抵食，壽司亦都係師傅即叫即做，鍾意食壽司嘅我哋梗係唔可以錯過！朋友都覺得蒸蛋幾好食，我就覺得中等水平🙈🙈

今日同朋友去咗呢一間尖沙咀嘅日式餐廳食lunch,餐廳提供好多種唔同嘅套餐，包括有烏冬飯壽司或者其他熟食嘅都有🌟我就叫咗個壽司set ，$108，包括有前菜烏冬同埋壽司，前菜有蒸蛋，蒸蛋非常好食，食得出佢本身高湯嘅味道，質素唔錯。三文魚壽司油香非常豐富，而且食得出質素亦都唔差。魚子壽司嘅卜卜脆，加紫菜同埋飯嘅配搭，簡直係一流！佢嘅玉子壽司都做得唔錯，甜甜地幾好食我覺得，佢嘅烏冬就冇乜太大特別，不過淨成個套餐都係幾抵食嘅！

德美呢個名聽過好多次, 但都係第一次去! 睇網評話質素不錯, 呢間位於尖沙咀厚福街, 又近加連威老道同加拿芬道, 行街食飯就啱哂啦! 呢度用QR Code電子落單, 環保又方便。食材新鮮, 仲聽到壽司師傅好細心, 會預先問坐係Bar枱啲客人, 壽司入面需唔需要放Wasabi。我地叫咗幾款壽司, 太卷試下。前菜 - 芥辣八爪魚小食 - $50微微嘅Wasabi辣味, 加上新鮮八爪魚粒, 又口感之餘, 仲食到八爪魚嘅鮮味。真係一個好開胃嘅前菜呀!各式手握壽司壽司絕對是德美的招牌, 有數十種握壽司可以選擇; 首推帆立貝握壽司 - $41/2件, 帆立貝很嫩口感滑順。三文魚壽司 - $30/2件, 口感溫潤, 魚肉細緻軟嫩。熟花竹蝦壽司 – $46/2件, 超大隻花竹蝦, 豐富嘅蝦膏, 非常彈牙, 好鮮甜。海膽魷魚軍艦 - $54/2件, 海膽新鮮鮮甜, 魷魚新甜又有口感,, 夾埋一齊食咁哂鮮甜美味。卷物 – 太卷 - $76/4件超大卷嘅太卷, 包住好豐富嘅材料, 有青瓜絲, 雞蛋燒, 幹瓢, 黃瓜絲, 蟹柳, 仲有燒鰻魚卷埋一齊, 真係估唔到呀!海鮮湯烏冬 - $88呢碗烏冬大大碗, 材料

德美壽司位於尖沙咀H8 5樓，主打日式料理。餐牌選擇眾多，價位親民，即使是平日晚上，用餐時間仍一位難求相當爆場。🍣加州卷厚實的四大塊加州卷，看上去很有飽足感。裡面包著滿滿的玉子蟹肉與生菜，外面還灑滿蟹籽。米飯Q彈溫潤，餡料新鮮美味，味道清爽。🍣各式握壽司壽司絕對是德美的招牌，有數十種握壽司可以選擇。首推帆立貝握壽司，帆立貝很嫩口感滑順。常見的三文魚壽司口感溫潤，魚肉細緻軟嫩。喜歡油脂的朋友可以試試三文魚腩，口感十分鮮美出眾。火炙左口魚鰻魚入口即化，油脂適中，很滿足。🐟鹽燒三文魚頭兩大塊三文魚頭，份量不少，外皮燒得恰到好處，酥脆卻不過焦。魚肉很有彈性，膠質豐富，新鮮可口。

好開心，今日朋友請食飯，呢間壽司舖，都近地鐵站交通方便，環境衛生整潔，餐廳的裝修好有日本嘅風味，服務員嘅態度都可以的，只係得90分鐘食飯就比較趕。海膽蒸蛋都好特別，第一次食，蒸咗之後，就少咗海膽嘅味道就濃濃嘅蛋味，三文魚厚切薄切更好食，食物嘅種類都好多，有串燒，有壽司，有刺身，仲有天婦羅，同埋麵等等。。。。。。座位感覺比較細同迫，同隔籬枱冇距離，但食物都有水準，見到廚師都好用心去製作，食物多元化。

說到日式料理，怎能夠忘記德美壽司？由疫情前到現在一直屹立不倒，靠的就是質素高，服務不錯，口味夠大眾化最方便的分店，當然就是位於厚福街H8的這一間出品野菜牛肉鍋HK$ 80 
加烏冬(+$30)大大片牛肉，爽彈的烏冬本來就是熱，一放湯就可吃，加上甜甜壽喜燒湯底，豆腐黃芽白 玻璃粉，簡單又好吃
壽司盛合 美
HK$ 238油甘魚 中拖羅 三文魚 鰻魚 帆立貝 三文魚子 熟蝦 玉子燒 拖羅小卷 醋鯖件件size都適中，一口一件，入口鮮味，不帶腥，手功不俗贈送甜品🍮抹茶紅豆椰汁糕三種顏色三個味道，吃起來感覺實在不錯德美壽司 (尖沙咀)尖沙咀厚福街8號H8 5樓#德美壽司 #尖沙咀

德美壽司屹立咗喺尖沙咀已經好多年，而且喺其他地區都有分店😃我之前都幫襯過，覺得味道唔錯，食物種類繁多，價錢又大眾化👍🏻最印象深刻嘅係鰻魚班戟😆今次放工再去食😋等我可以回味下🤩🎏壽司盛盒 美總共有八件壽司加卷物同蛋，整體壽司質素唔錯👍🏻就算放咗一段時間都仲幾新鮮，推介係吞拿魚蓉卷同帶子壽司🍣🎏洋風鰻魚班戟嚟得呢度一定要點嘅食物😆班戟配料有芒果同牛油果🥑芒果幾甜，加上牛油果同沙律醬整體好夾，而且食到班戟皮嘅蛋香味😍🎏燒腐皮餃子(自家製)外皮燒到好香脆😋但唔太油膩，豬肉餡正正常常👌🏻配秘製醬汁，有少少麻油香幾惹味🤩🎏日式海膽蒸蛋茶碗蒸蛋滑嘟嘟😚蛋上面有海膽，份量不吝嗇😃🎏大阪風免治墨魚串入口有墨魚滑嘅感覺😌加燒汁同大阪風必備嘅沙律醬同木魚絲味道唔錯

喺尖沙咀呢個旺區，想搵個日本餐食，我建議大家可以試吓德美壽司😇 佢嘅地點好方便，距離地鐵站都大概只係5分鐘左右的路程，沿途好多商舖，可以一路行街一路搵食😍我哋叫咗個三文魚丼飯，三文魚好新鮮，飯嘅米都好靚，而且賣相都好好，值得一試另外叫咗海膽同吞拿魚壽司，海膽好新鮮呀，吞拿魚用都好好食😋最後叫咗個牛肉烏冬，牛肉同烏冬嘅份量都好多，絕對夠食總括嚟講餐廳嘅款式選擇好多，食物出品優質，推介大家過嚟試吓🥳🥳

同朋友想食日本餐都會諗起德美壽司，性價比高之餘仲要好好味。尖沙咀H8就有一間分店。芝士鰻魚卷反卷夠挺身，但唔會死實。鰻魚肉好厚，鰻魚汁亦都甜咸適中有鮮味，芝士用偏向唔濃味嘅芝士反而更好，唔會蓋過鰻魚味，但又可以帶出少少芝士嘅香味。小食雞心串燒雞心燒得好爽口，無因為過熟而太乾。雖然雞內臟但一嘅腥味都無，好好食。炸雞軟骨味道得豐富嘅雞軟骨，唔會但係得咸味，香料味都好重，食落唔會仲係得軟骨，有少少內同脂肪，所以口感唔會單調。炸雞日式炸雞外面炸到卜卜脆，但一咬落去係超多肉汁，雞肉仍然係咁滑，底味夠哂。可能食嘅時候加少少沙律醬就夠。野菜牛肉鍋加烏冬超抵食超大份量嘅牛肉鍋，壽喜燒汁嘅湯底，甜甜地最夾牛肉。牛肉高質唔老，無煮過龍。仲配埋一大兜烏冬。飽肚之選。魚子蔥拖羅茸飯新鮮嘅拖羅茸，一啲都唔吝嗇。擺到幾多俾幾多。魚茸新鮮無雪味，魚子帶出啲咸鮮味，十分出色。

香港有好多好食嘅日本料理，而呢一間係我都幾推介嘅，食物質素好高，價錢都好合理，又有壽司又有鍋物，有好多選擇🤗壽司🍣嚟到當然要食佢嘅壽司啦，揀咗油甘魚腩同洋風三文魚壽司，真係超級好食，魚生好新鮮，感覺好似返咗日本一樣🤩芝士鰻魚卷 🍱如果卷物嘅話會推介芝士鰻魚卷，卷物入邊好足料，咬落好有芝士味 🧀 什錦天婦羅 🍤天婦羅就當然要叫雜錦啦，所有味都有得試，有蝦、魚、茄子同埋南瓜，記住要點埋天婦羅汁🙌燒腐皮餃子 🥟呢個係佢哋嘅自家製餃子，餃子皮用咗腐皮整，炸得好香脆👍 野菜牛肉鍋 🥘食日本嘢當然要食佢哋嘅鍋物啦，超推介呢個野菜牛肉鍋，仲可以加烏冬添🤗 佢啲材料好豐富，牛肉份量好多，食完覺得暖笠笠好有滿足感😋

係尖沙咀行完街，攰攰地要搵間餐廳坐低食飯，又想食日本野於是就嚟左呢間日式料理餐廳。之前食過都覺得ok.一上到嚟，已經係6點幾7點，嚇親，連埋我地得3枱人，以前係會坐滿曬。。睇嚟香港嘅餐廳都好難做。。。叫左個壽喜燒鍋，應該係用牛肩肉，牛肉味濃，肉質比較實，味道不錯。仲有好多娃娃菜，金菇墊底，索曬啲壽喜燒汁味，非常好食。之後叫左個燒鯖魚（因為唔想食咁多生野），鯖魚無腥味，feel 到鯖魚嘅omega3 好多同埋都算幾juicy 同厚肉，燒得好香，絕對無hea 你。然後叫左幾件sushi, 帆立貝 鯛魚 三文魚，魚生都算新鮮，帆立貝都算鮮甜，三文魚油脂分佈平均。鯛魚味道就淡啲。燒魷魚好正！！魷魚好彈！啲燒汁燒到好入味！串燒就正正常常。普通日式串燒，無乜記憶點。最後佢每人送左甜品，係啲日式糕點，滑劣劣，少少抹茶味加紅豆，好食。