德美壽司 (裕民坊YM²)

營業中

休息中

一坐完月就即刻出去食壽司刺身😈去左德美度輕食一下～呢間分店都好大好多位，而且有一個員工服務態度好好👍🏻叫左幾款壽司，燒左口魚邊壽司，海膽魷魚壽司，蔥吞拿魚蓉壽司🍣 左口魚邊有兩層，燒完出黎滿滿油香而且入口即溶😍鵝肝帶子卷，飯卷包住左鵝肝+青瓜絲，一齊食令鵝肝唔會好膩，面頭有帶子+脆條，成個卷又軟綿綿又脆爽，食落好多層次德美海膽魚生飯，啲刺身全部都好厚切而且好新鮮～鰻魚班戟感覺好新鮮😆班戟皮包住鰻魚、芒果、蟹籽、沙律醬，成個都好夾好好食，超想再叫多一碟食🤤

德美由以前紅磡食到呢到，覺得佢既質素都算穩定，所以間唔時都會去食，而家開左係觀塘，更加方便我！今次試咗幾款菜式，鵝肝帶子卷！鵝肝綿密，配上帶子鮮味，層次豐富，成個壽司佢好多料，充滿住成個口，唔錯，唔會淨係少少鵝肝。評分：👍🏻👍🏻👍🏻👍🏻/5蕃薯天婦羅外層炸得好脆，入面嘅蕃薯軟糯又保留住自然甜味，完全唔油膩。如果再薄少少會再脆啲。評分：👍🏻👍🏻/5貝柱花之戀呢個真係好精緻，貝柱鮮甜，配上肥美既魚生，食落真係好滿足。評分：👍🏻👍🏻👍🏻/5魚生飯則係每個食日式料理嘅人都鐘意嘅選擇，魚生新鮮多樣，溫泉蛋拌飯更加滑溜，整體感覺非常滿足。評分：👍🏻👍🏻👍🏻/5最後試咗吞拿魚蓉壽司，好鍾意食吞拿魚蓉，因為佢口感細膩綿滑。評分：👍🏻👍🏻👍🏻/5佢有好多唔同野食，下次再試下先！整體味道指數：😋😋😋/5性價比：💰💰💰/5環境：❤️❤️❤️/5服務：✅✅✅/5

同朋友喺 裕民坊ym2食lunch ，見到餐廳入面都幾full見佢有個壽司set加埋你烏冬都幾吸引🍣🍣，但係因為我比較冇胃口，所以決定嗌個3色三文魚丼由於我同朋友一直都冇食過呢間餐廳所以都唔知其實佢個三色係邊三款，如果餐牌寫埋有咩配料會更好送到嚟都嚇親，估唔到係有熟嘅三文魚碎，仲有2片帶子刺身下面係壽司飯 醋味都ok 啲飯唔會太散，夠黏口🍙🍙不過三文魚子真係少咗啲 得好細堆熟三文魚碎溝飯都幾好食，好有驚喜，開頭仲怕唔夠刺身送飯🙈🙈🙈lunch set有沙律+麵豉湯+茶碗蒸，都幾抵食，食到好飽😋😋

🌸油甘魚腩壽司，厚厚大塊嘅油甘魚腩好肥美鮮嫩，甘香鮮甜🌸蟹肉蟹子軍艦好足料，蟹子口感清脆，蟹肉都好新鮮🌸野菜牛肉鍋熱辣辣上枱，同溫泉蛋攪拌埋一齊，野菜吸滿哂濃郁嘅湯汁，配料份量都足夠，牛肉好嫩口！🌸煎餃子唔會煎得太燶，外皮香脆可口，入面嘅餡料都好多，仲好多肉汁，配埋特製餃子汁，味道好夾！🌸牛肉炒飯份量好足夠，炒飯炒得粒粒分明，仲好乾爽！牛肉粒肉味仲好濃郁，啱哂我口味🌸蟹肉忌廉薯餅外層炸至金黃色，但又唔會太油膩，蟹味香濃又帶有忌廉味，口感好Creamy🎀餐廳舒適寬敞，食物整體質素都好好👍🏻

📍早前已經試過沙田店 今次經開觀塘又見到德美壽司 上次食落覺得性價比超高 唔知晚市又點呢? 平日夜晚都7成滿 吧台位置氣氛好熱烈 🌀 溫泉蛋天婦羅 店家稍稍改良咗 口感同賣相都有提升 天婦羅粉漿好薄身 原隻溫泉蛋沾上酥脆麵衣去炸 夾要小心d 🫢 因為蛋黃漿呈流心狀態🌀 火炙洋風三文魚 & 花竹蝦壽司 三文魚肉厚肥美 表面輕輕燒過突出咗三文魚香味😻 而熟蝦壽司使用花竹蝦 味道更加鮮甜彈牙 而且好大隻 (可以cover 曬成個飯) 🌀 韓式泡菜豬肉鍋 泡菜鍋配料滿滿 鋪滿大量菇菌蔬菜豆腐 同埋豚肉 豚肉大片但可以更加嫩滑就好啦! 帶點泡菜香但只有微辣 下 可+$30要咗個彈牙烏冬🌀 加州卷 & 蟹肉忌廉薯餅 加州卷 1碟四件 鋪滿大量 (係大量!) 蟹籽 餡料包括青瓜絲/ 蟹柳/ 玉子蛋 份量好巨型 再均勻淋上沙律醬 好食飽肚 忌廉薯餅炸得熱辣辣 蟹肉唔算多但係忌廉超 creamy幼滑 單食已經好出色 唔需要沾沙律醬

想喺觀塘搵間坐得舒服又好食嘅日本餐廳, 揀咗呢間覺得可以試吓大蝦天婦羅吞拿魚蓉卷呢款一次滿足晒我幾個願望, 吞拿魚肉同蟹籽份量一啲都唔少, 天婦羅係即炸嘅, 好富豐好好味燒白鱔個皮燒到彈彈口, 肉質好juicy, 一條真係唔夠喉, 忍唔住encore😋秋刀魚壽司（季節限定）啱季節食特別鮮味肥味野菜牛肉鍋一鍋有5,6片牛肉, 又夠腍, 仲有粉絲底, 好滿足餐廳生食熟食都有好多選擇, 又唔算貴, 親民得唻又好食😊店員個個都好有禮物, 值得唻食

德美海膽海膽丼 $178所有刺身都好新鮮，有海膽、蝦、三文魚、帶子、三文魚子、蟹籽、油甘魚、熟蛋，中間夾住青瓜絲，好好餸飯，冇魚腥味三文魚手卷 $58 for 2 做緊特價當然要叫，三文魚份量都足啖啖咬到料，不過感覺比起丼飯個啲冇咁新鮮牛油果軟殼蟹卷 $88兩大隻軟殼蟹分開放俾你品嚐，就算係壽司餡入邊嗰啲都仲keep到脆，推薦👍🏻豚肉炒野菜 $75大碟新鮮炒出嚟夠鑊氣夠香，豚肉片都唔少，味道正👍🏻總結：其實呢間嘢不論熟食定係海鮮都做得幾出色，重點係價錢唔貴，我見到有啲定食set其實都係$92一個，下次都會想試吓定食set ~地址：觀塘協和街33號裕民坊YM² 3樓310號舖評分（5⭐️為最高）：環境：⭐️⭐️⭐️⭐️服務：⭐️⭐️⭐️⭐️食物：⭐️⭐️⭐️⭐️價錢：⭐️⭐️⭐️⭐️

餐廳：德美壽司(裕民坊YM²)地址：觀塘協和街33號裕民坊YM² 3樓310號舖媽媽一向喜愛吃三文魚，今日近近地就去呢間日式餐廳試吓，叫咗三款三文魚俾佢，我就梗係食牛肉鍋😊～ 野菜牛肉鍋$80 🍲湯頭醇厚，蔬菜新鮮，牛肉軟嫩可口，暖胃又健康嘅選擇😬～三文魚刺身$69 🐟師傅毫不吝嗇，五片三文魚都是厚切嗰款，肉質鮮嫩，充滿油香❤️～三文魚壽司$30元🍣飯香軟適中，三文魚肉質肥美，在口中化開的感覺令人難忘👍～ 洋風三文魚壽司$36元 🍣壽司上面的三文魚用火輕炙，表面香口，內裡柔嫩多汁，上面加了少許清爽的洋蔥更有特別風味🤗～左口魚邊壽司$50 🐟魚肉彈牙，油脂恰到好處，入口即溶，除了三文魚外，左口魚壽司而家成為媽媽的至愛🤣～日式海膽蒸蛋$59🥚蛋香濃郁，海膽的鹹香浸潤其中，口感滑嫩入心👍除海膽外，其他食材也豐富，有魚蛋、蟹柳同蝦，美味可口🥰總的來說，呢間餐廳地點非常方便，材料新鮮，能食到食材的鮮甜，加上服務態度親切，值得再訪!💯

之前成日都會去紅磡店到食，而家裕民坊都有真係好方便，呢度嘅刺身同壽司都好新鮮，價錢仲好相宜，係觀塘食日本菜嘅好選擇今次食嘅係知內蠔，蠔肉飽滿，食落冇乜海水味同礦物味，但係好鮮甜，咩醬都唔使落，就咁食已經好好食粟米天婦羅用嘅係日本白粟，日本白粟出名香甜，炸起熱辣辣，外面夠晒脆，但粟米肉仲係好清甜 juicy，好味日式海膽蒸蛋，茶碗蒸配新鮮海膽加晒分原條池魚刺身，雖然唔係好大條，但肉都幾多，除咗魚片，師傅仲將部份魚肉撈咗味，可以用紫菜包住食，又另一翻風味。食完刺身，師傅仲將魚頭同魚身攞去炸，炸出嚟嘅骨又香口，真係食到連骨都冇得剩嚟呢度當然要食埋呢度嘅丼飯，海膽魚生飯除咗海膽，仲有七樣海鮮，好滿足鰻魚朴葉飯，鰻魚夠肥美，份量都唔少，兩個人都夠食

大概早一星期book左枱食生日飯當日我哋比原定預約時間早到去到餐廳門口向職員表示已book枱佢沒有詢問詳細情況下便帶我地4人入座佢原先安排我哋坐近bar枱附近的位置當時我哋見餐廳仍未滿座 有很多吉枱所以我哋問職員可唔可以調去窗邊有梳化位置坐 (由兩張2人枱合成的4人位)一名穿着全黑色制服的女職員沒有表示該位置被人預約了 但就面露不悅表示 : 你哋中意。之後我哋4人點了一個4人套餐並另外點了一些小食、壽司點餐後一個女職員很體貼地想將隔離既二人枱都拼合埋一齊 讓我地多啲地方放食物但這時候店內的男經理喝停女職員表示不用將枱合併 而隔離比我哋遲入座坐住兩名的食客 眼見佢哋點既食物比我哋少 但佢哋可以額外有多一張2人枱放置食物 這張額外的2人枱同樣係由餐廳職員另外幫食客安排拼合一齊的 餐廳這樣的安排真係令人表示極度不理解 ！2人可以坐4人枱 但4人依舊坐4人枱 處理方法並不一致 當然明白4個人坐4人座位係好合理但係佢哋明知我哋嘅食物太多連junior嘅同事都主動提出幫我哋安排多一張枱但係經理都阻止反而私下沒有經我哋同意下 擅自抽起了我們最後兩道菜等到我哋差不多完成所有餐點 等無可等去跟進餘下嘅食

今次黎試試觀塘裕民坊依間日本菜，都有幾間分店，平日都好多人食1️⃣北海道魚生丼有蝦，三文魚，帶子，油甘魚同蟹籽。魚生肥美，大塊，個飯係撈左d菇，幾香。隨套餐有湯，沙律同泡芙。💰HKD$1422️⃣三色魚生丼有三文魚，帶子，油甘魚，蟹籽同流心蛋。流心蛋撈飯一流👍🏻👍🏻💰HKD$1223️⃣鐵火卷吞拿魚卷，都幾大塊，吞拿魚食落冇筋💰HKD$624️⃣三文魚壽司超肥美超大件，好厚身💰HKD$30

前排平日夜晚同朋友去咗觀塘裕民坊，見到有間日本餐廳都幾多人幫襯，而且價錢都唔算好貴，就入去試下。呢間日本料理餐廳喺香港都有其他分店，午餐同晚餐嘅套餐定食都好多唔同款式，價格由平至貴都有。🍣 煎鵝肝帶子卷一碟有四大件，每一件都好大舊，壽司內包住鵝肝，鵝肝滑嫩同時唔會覺得好油膩，再配上鮮甜嘅帶子同脆條，一件壽司可以食到多重味道同口感。🍲 野菜牛肉鍋 配烏冬野菜牛肉鍋嘅份量都非常多，可以食到多款蔬菜、豆腐、粉絲，而牛肉肉味都幾濃郁; 如果擔心唔夠飽，可以好似我地咁加錢要烏冬，餐廳將烏冬同牛肉鍋分開煮，到食嘅時候再放烏冬落牛肉鍋一齊食。🍚 三色魚生飯 配沙律及味噌湯三色魚生飯有油甘魚、三文魚、帶子，個人特別推介油甘魚，味道充滿魚油嘅香味; 平時食魚生飯好快就食完魚生，仲剩翻好多白飯，好彩呢碗魚生飯附送埋溫泉蛋，可以配飯一齊食。

地點好方便，舒服既格局，裕民坊巴士總站依家入哂商場，落左車就好自然想係度食埋野先。天氣咁熱，唔想全餐樣樣都食熱辣辣，德美除左壽司仲有好多食物，冷氣好足夠，涼爽爽。蟹籽沙律，係幼條青瓜絲，個人即刻降溫10度，好開胃。我有刺身，厚身肥美，今次5塊獨食唔洗同人分享。囡囡唔食生野，呢度都有佢至愛蟹柳小卷。大人小朋友都照顧周到。最後串燒和炒飯，都可以share食，飽肚感十足，慢慢食都仲有溫度。附送甜品作結尾

下班後走到擁有多家分店的日本居酒屋晚膳店內裝潢光猛雅緻，採用傳統和風簡約設計氣氛和諧舒適，各式日系擺設牆飾，員工有禮貌壽司吧枱可以欣賞師傅預備食材及跟師傅交流一下德美海膽魚生飯內有海膽、三文魚、帆立貝、油甘魚、蟹籽、三文魚籽、熟蝦及蟹柳！玉子燒印上德美兩隻字，十分精緻所有丼物均附上開胃沙律及鮮甜美味的味噌湯壽司盛合美包括吞拿魚、油甘魚、三文魚、池魚、帆立貝、熟花竹蝦、三文魚子、鰻魚及拖內容卷壽司各一件

蟹子沙律是一道開胃的前菜，蟹子的鹹香和沙律的清爽相互配合，帶來清新爽脆的口感。 德美海膽魚生丼將新鮮的海膽和魚生拼湊在一起，再加入熟蝦令視覺畫面更豐富。海膽的奶油質地、鮮嫩的魚生和熟蝦各自提供了獨特的口感和味道變化，豐富了口感層次。 另加了原味的波子汽水，一款經典的日本樽裝飲品是兒時的回憶，喜歡波子汽水不在於那味道，而是懷緬兒時的片段，那瓶子還是小時候的那個模樣。 銀鱈魚西京燒定食，銀鱈魚經過西京味噌的醃製和烤製，令細膩柔嫩的魚肉變得更鮮美。 附送的湯、沙律和甜品令整頓晚餐更全面。總的來說，食物味道穩當，價格合理，屬回頭之選。