德記潮州菜館

營業中

休息中

潮州菜一向都是我至愛，味道簡單得黎經常食都唔會悶。呢日約了好友來西環團年，等了大概20分鐘就有位子了，夥計們也還是那幾個，有回家的感覺😌胡椒豬肚湯暖胃又好味😋滷水拼盤，鵝肝真係好好食，厚身又大塊。食到最後已經好飽，叫咗個糖醋麵，傳統老牌潮州菜館必叫，面底脆身，點整都好食🤗

只係食過兩次但已經如果有朋友自遠方來 帶佢食好嘢港島西區嘅一定諗起德記打冷價錢適中唔貴坐得舒服似舊式酒樓服務態度亦都好好平日晚市都會好多人建議打去訂位所有餸都好好食 亂咁嗌都得

加拿大舊朋友返嚟，搵地方聚舊，大家齊聲提議食潮洲打冷，就一於呢間。首先叫例牌：鵝肝拼鵝片、椒鹽九肚魚、炸蠔餅。上菜都幾快，不竟都係切出來同油鑊炸嘅菜式。以上三款都好滿意，椒鹽九肚魚炸得外脆內軟滑，又熱辣辣上枱，送啤酒一流！另外，鵝肝鵝片算好食，質感無得彈，肉質鮮嫩，夾雜一層薄嘅鵝皮油香，實在忍唔住食埋塊皮！之後再叫豉汁蒸鱔、炸子雞、粉絲蒸扇貝慢慢飲啤酒、傾偈又慢慢食，實在太享受今餐飯！最後朋友叫多一味 ～ 潮式糖醋煎麵～麻麻地；無乜驚喜；無其他食講到咁好食！下次可以唔再叫！咁就完成今餐聚舊飯！！！

星期五，夜收工，心血來潮，約住在西環的朋友飯聚，雖然已是八時多，但朋友都決定要先行揾位，估不到她約於晚上8:20來到還是要等，証明這街坊店極受歡迎。天氣凍，我們一致通過要點胡椒豬肚湯。大大鍋，無論是入面的咸菜、或是豬肚都很好味，有暖胃作用的胡椒湯最適合冬天。潮州鹵水食物必吃掌翼。已斬件的掌翼味偏咸，正好佐飯或潮州粥。另外朋友點了兩道我覺得不是潮式食品，但也味美。最要提的是這兒的蠔仔餅可選煎或炸，我們選了煎的，比平時吃的較薄身，我才知道平時吃的是炸蠔餅，但我忘了拍照！！最後一提：這店並無宵夜時段，因為在十一時前店員提醒所有食客就快關門。

好難得有一間餐廳令我食返鄉下潮州既味道作為一個潮州人，第一樣推薦既野係胡椒豬肚湯，非常地道，味道很好。第二樣係滷水鵝，香港好難有滷水做到好像鄉下的味道，但呢間的確做得不錯，大家不妨黎試下

一早已聽friend 講難食，但我死都唔信邪係要去試，畢竟以前都好食過。但事實係不聽老人言，荷包會晒錢🤦🏻‍♀️一間潮州飯店好唔好食就真係要睇佢個豪仔餅好唔好味，因為呢樣係潮州菜既標誌（純粹個人認為）德記既豪仔餅雖然好大件好大碟，原來食落啲粉仲多過啲豪仔牙。黃金墨魚卷拼蝦棗見呢個墨魚卷拼蝦棗好特別，所以就叫黎試吓。因為都係第一次見，墨魚味就食唔出架啦，不過勝在係炸嘢，點整都好味㗎啦🤭豪仔粥不過不失，都算足料嘅，值得一試👍🏻潮式糖醋伊面呢個都係第一次試，炸咗嘅伊面點糖或者醋一齊食，幾特別。不過最重要係即炸即食如果唔係就冇咁好味。滷水鵝片鵝腸滷水鵝片同鵝腸我都覺得一般般，細細碟但價錢就........椒鹽脆豆腐全場最好食😋實質係我最鍾意食豆腐。佢係好食在外皮脆卜卜，之後再點小小醋就very good啦腐乳炒通菜呢個係最普通，邊度都炒到嘅一碟菜，好難會炒得唔好食架喎🙊總括來講呢度味道就差左，價錢就貴左，所以我覺得冇以前咁抵食。但唔知點解都仲好多人排隊🤔但我見到隔離枱都係叫普通小菜並唔係潮州特色菜，唔通佢已經變咗節😆😆所以如果下次再食潮州嘢，我都唔會搵佢囉。

亦師亦友的哥哥（雖然不是親生的卻很疼我）請客慶祝我的生日🎂🎉。☻☻☻☻☻這家潮州菜館是我最愛的菜館之一，沒有奢華的裝修，走平實路線。食物與裝修一樣，沒有精雕細琢，卻有好味道、高質素 、低價格 、多份量！（好似有d hardsell 但絕對真心）哥哥食完都大讚，話會encore呢！我們倆個人要了五道菜：（係，我認大食）↺三寶 （青瓜、海蜇都好爽口）↺蠔仔粥（蠔仔好新鮮，無腥味，粒粒漲噗噗）↺瑤柱金菇菜扒豆苗（豆苗夠嫩口、綠油油一片，瑤柱垢足料鮮味）↺鹵水鵝片拼盤 （鵝肉啖啖肉，夠入味香濃 又唔韌，仲有鵝腎、紅腸、豆腐） ↺鹹菜豬肚湯 （好足料架，最正係個湯，好重胡椒味，微微辣，冬天暖胃驅寒一流，又唔會太鹹。）↺ 兩杯鎮店的鹹檸七（自家醃的）。曾經買過一樽回家。忘記拍照📷。喜歡食潮洲菜既朋友仔不妨一試 😆！試過既可以share你地既食後感啊 😉！

德記多人就係人都知，所以去前訂枱加準時到達一定是常識吧！對上嗰一次你已經係九年前嘅事，今晚食咗好多招牌菜，例如炸大腸、淨片、蠔餅、蠔仔粥⋯⋯每種食物我都覺得好正，完全冇失水準！

這間老牌潮洲菜餐館，幫襯咗差唔多20年，由舊舗到現在舖，天天都排大隊，我同屋企人最少一個月來一次，須然這裡服務差，無禮貌，但食物好吃低食，不過這兩年開始變質，雖然加了價，每次幫櫬後我都話比多一次機會，今天心血來潮，再去試試，但仍然是失望而回首先㸃了個墨魚棗拼蝦棗，蒜子蒸帶子，方魚肉碎粥，薑葱魚煲，埋單是360元，食物很差，無下次啦，西環有很多選擇但炸唔透，上檯時是和暖的上碟三隻，味道一般因爲是煲上，保温，熱辣辣，但味道不如前唯一是這碗方魚肉碎粥無變

呢間西環老店出名多人食，平時book左枱都可能要等，今次我地一行三人預先book左枱，可能因為係平日關係，人齊就可以入座喇。-嗌左好多野食，不過以下既菜式係我特別鐘意既-1)潮式糖醋伊麵傳統潮式風味菜式，麵餅煎得好香脆，唔會好油，蘸些醋同糖一齊食，酸酸甜甜，非常開胃。2)清心丸綠豆爽2-4位用 $40潮式糖水，綿綿的綠豆，加上清心丸口感煙韌，消暑清熱氣一流！3)羔燒四寶 (蕃薯，芋頭，銀杏，湯丸)4位用 $68羔燒四寶，唔係好多地方會做，可能因為功夫多，炸完四寶之後撒上花生碎，再配糖漿。好甜好好食！-不過甜品可能因為工序較多，好似唔係成日都供應的。應該平日會有，星期六日就唔知有無啦-總括黎講，價錢合理，潮式糖水做得特別出色。可能有人會覺得員工服務麻麻，可能做開街坊生意，樓面多是上了年紀的職員，我自己就覺得人情味十足！如果下次要等位，可以一邊食住門口缽仔糕婆婆賣既足料缽仔糕，一邊等位啊～

朋友生日飯揀咗嚟德記，係佢同事推介佢，我就間唔中會同阿sir兩個人嚟晚飯，但叫嚟叫去都係果幾款招牌菜，今次終於試到新嘢，不過5女1男叫十一款食物實在太顛啦，幸好都完成得8899，食剩當然係打包啦😆韮菜豬紅 $58🥢🥢🥢🥢我唔鍾意食粉嘅豬紅，呢度d豬紅係煙煙韌韌質感，而且非常入味，必叫小食👍🏻椒鹽九肚魚 $88🥢🥢🥢🥢炸漿又薄又香脆，每條九肚魚都肥嘟嘟，超正，勁推介🤤鹵水大鵝肝拼鵝肉片 $198🥢🥢🥢潮州鵝肝我超like，以前同事每次返潮州都會帶一個巨肝返嚟，當時係一試愛上架，而呢度嘅肝同鵝肉都正架，鹵水味十足，肝粉得嚟有口感，而鵝肉嫩無黐牙，不過呢話明鵝肉片都唔係全部片嘅鹵水鵝掌翼 $98🥢🥢🥢🥢估唔到鵝翼咁啖啖肉喎，皮滑肉入味，而且都幾大碟，送酒一流呀炸蠔仔餅 $88🥢🥢🥢🥢有朋友唔食葱，所以走咗青，但味道同正常版本差唔多，一樣咁正，一客有兩大塊蠔餅，又熱又香又脆，粒粒蠔都脹卜卜，外間少有，包你食過都讚好呀😋潮式煎蠔仔餅 $88🥢🥢🥢我比較鍾意食炸蠔餅多d，因為煎嘅係用木薯粉做成，口感太過煙韌，食8份1已經覺膩，每次同阿sir兩個人嚟都係叫煎，所以食到有d怕蠔仔肉碎泡粥(1窩) $1

趁著老闆出外工作, 就與同事們偷雞搭個地鐵去隔離站食Lunch。早有聽聞上環、西環有數間潮州菜館頗有名氣, 於是今天就一致裁定去試德記。一行人浩浩蕩蕩分兩架Uber大車前往西環~還好預訂了座位, 否則午飯時間都唔容易有咁大張台容納十幾人。其實以前就試過同朋友黎食夜晚飯, 已經好幾年前, 當時感覺水準還不錯, 不輸九龍城的潮州菜館。今次的體驗, 卻是教人有點失望, 並不是我單一個人的感覺, 是全體同事都覺得德記已經不太理想。首先, 我們是訂了座位, 但我地去到時, 門口阿姐話張台有客岩岩坐緊食晏, 叫我地等等。我地問要等幾耐到, 佢就話唔知架wor。我望下隻錶, 無遲到Wor, 唔係應該留張大台俾我地架咩? 個阿姐就粗聲粗口話「食晏時間係咁架啦, 唔通我地有客唔做咩」由於個阿姐態度衰格, 於是我有同事就搵個疑似經理/老闆的叔叔去講下, 因為我地十幾人都一樣, 唔係任你食幾耐Lunch都得架嘛。 個叔叔態度比較好, 話等佢安排一下, 大約5分鐘後就安排到大台俾我地去坐。好啦, 咁跟住就想叫野食啦, D侍應又想「說」我地叫套餐, 話十幾人夠食。但我地有D想食的送個套餐又無。我地話左唔洗, 個

先前有一個星期六晚上只是六點幾經過這家門口，已企滿人，今天過開去西環，就抱期望去食一次。不過，太太太失望，由食物，招呼，環境。。。都不知所謂，不會再光顧。 (所謂 米？？ 真垃圾)很少寫食評的，不吐不快，希望會少些受害者。食物 ~ 最差 => 蝦棗 (公X點心好過佢) 唔彈牙 沙爹牛肉芥蘭 => 沙爹味唔得 蠔餅 / 胡椒豬肚湯 => 3分 (5分滿分) 鹵水鵝片 => 鹵水唔夠味，肉質好嚡招呼 ~ 星期日唔做 反沙芋，唔做 綠豆爽， 唔想您食甜品，阻住佢番枱。 伙記收碟快，每個伙記行過都睇您張單， 還有唔使叫埋單，就攞您張單去埋， 超有效率。 我們五人，坐低叫餸食完， 唔使一個鐘。 快過食大+樂。 老闆真係對伙記訓練有素 !環境 ~ 坐近門口的枱，超熱，冷氣不足， 電費貴都唔使咁! 食到成身汗，慘過食大排

果日去德記。。。因為佢好味。。。星期二太約一點去到。。。等位等到出門口。。。因為有教會包廳。。。所以特別多人。。。我地三個人細枱無。。。大枱同人搭枱。。。好啦～搭啦～兩老已經嫌坐得唔舒服。。。想走附近又無咩選擇。。。結果點咗人兩個午餐同一個胡椒豬肚湯。。。午餐沙茶牛河$48抵 。。。加咗$3凍飲。。。水準keep到。。。個肉絲麵。。。麻麻。。。豬肚湯就一般啦～埋單原本兩個餐唔駛一百。。。但加埋個湯就百五。。。我地平時嚟食一碟鵝肝都$200啦～但佢比咁既環境(搭枱)我就唔會想食小菜囉。。。結果平時5五六百既午餐變成百幾。。。唉～大家都唔開心。。。為咩呢～

朋友生日,一行8人到西環德記慶祝. 已預先訂位, 但都要等30分鐘左右先可以入座. 所以其實訂位都冇分別的.德記在西環已有30年, 食物有一定的保證.我們點了蠔餅, 拼鹵水盤, 龍躉粥, 炸蝦棗等...味道談不上驚為天人 , 就是 一貫老字號的出品, 傳統的味道,不過不失. 久久食一次還是不錯的選擇.