德豐打冷粉麵餐廳

營業中

休息中

最近經常開會開到好夜，有時到兩三點鐘先開完真係好想同班同事揾啲嘢食下鬆一鬆。琴晚咁啱有個同事揸左車出黎，於是上openrice睇下附近營業中嘅餐廳，揾到呢間德豐餐廳。夜晚唔塞車所以唔使十分鐘就到左。黎到第一感覺係好光猛好有宵夜氣氛，估唔到半夜三點呢度仲聚左咁多人，即刻成個心情精神晒！坐底後另一驚喜係發現仲有小菜同炒粉麵可以點(要知道香港宵夜選擇其實唔多，到呢個時候有個常餐食已經好滿足)，四個人一人叫一個炒粉麵餐，每人只係55蚊包飲品！曼魚炒飯茶記黎講曼魚炒飯比較少有，估唔到呢度炒得幾有水準，好多曼魚肉，曼魚汁亦好正宗，食到日本餐廳嘅味道。豬扒炒公仔麵好大碟！配菜份量足夠，食起上黎每一啖口感都不錯！同事用左唔使十分鐘食完。。。干炒牛河夠鑊氣！肉同河粉都好入味，唯一要彈只係較油一點，不過我個肥仔同事一啲都唔介意。總括黎講我地食完都好滿足，好似差番足電咁！相信我地下次都會再番黎宵夜！

聞說位於深水埗的德豐好出名，所以今次特登來深水埗幫襯這間打冷。7點幾食飯時間幾乎座無虛席，好彩好快就可以入座，有時食飯真不想將時間浪費在等位上。豬紅非常推介!真的好好吃，豬紅好入味而且口感好嫰，一碗超多份量都只售hk$50我覺得好抵食潮洲蠔仔煎，一樣是超值的份量粉漿不會好厚，蠔仔的量是你每一次夾都夾到一堆!鹵水鵝據講是店內的招牌，所以不落後地又點了一碟鵝肉肥瘦適中，豆腐花生每樣都入味份量當然又是抵食夾大件。蒸鱔。其實我都不清楚到底是份量不夠還是太好吃所以覺得不夠，吃到最後一塊真的會想為什麼不挑一條大一點的鱔蒸給我總括而言德豐出名都幾實至名歸，侍應的態度又ok，不貴又大份，order了好多不能每樣都相機先食埋單的時候覺得真是好抵食。

深水埗呢個地方呢其實我唔係經常去， 咁岩約咗朋友過嚟呢邊打羽毛球，所以呢就順便食個晚餐。朋友喺呢一度住咗好多10年㗎啦，正當我哋諗緊食咩嘅時候佢就推薦我哋嚟到桂林街嘅呢一間潮州打冷茶餐廳，點解佢話佢由細食到大喎。泥到呢度嘅特色就係除咗粉面同埋基本茶餐廳有嘅嘢食之外，仲有新鮮嘅潮州打冷食物供應。其實呢做完運動唔應該食太多所以我淨係叫咗個西多士，即叫即炸。牛油溶化，配合韓國糖漿，＄27夫復何求？有陣時食得太多流心奶黃西多士，花生醬芋頭爆漿西多，其實食嚟食去先發現原味世都係最好食。知我呢個老朋友一坐低就叫豬紅。豬紅我尋晚先食完鴨血咋喎？見到我想話轉其他嘅時候，朋友同我講呢度嘅豬紅你一定要食啊！好彩仲有就係好多時夜晚買晒啦！既然講到咁我冇理由唔試咖，大大碗先＄50，好入味，係我今年食過最入味嘅豬紅，而唔係剩係得嗰種jelly 質感。相比好多車仔麵檔更加出色。兩個人埋單買咗百零蚊，其實深水埗都係一個幾好嘅地方！

說真的我很想念一個人，她是我嬤嬤和我住了20年，她是一個只懂得說潮州話的潮州人，但她因為讀書不多所以連鬧人也不會懂。她的人生裏面帶着很多意想不到的事。她也煮得一手很好的潮州菜。今天來到這裏吃的就是潮州打冷，令我想起了她。先點的是鹹菜郱蜆仔肉這個本來就是我嫲嫲的招牌名菜，自從她離開了之後我只有機會吃過一次，這裏的蜆仔肉沒有沙，配上白粥由於在家裏吃一樣溫馨，還有這種只有潮洲人才鐘情鹹菜，美味可口。意想不到這裏的白粥也能夠做得如此的潮式。如家裏吃一樣啊！我們還點了滷水拼盤份量十分之多才＄110，大概兩至三位也吃不完，有我最喜歡的墨魚，生腸豬頭肉大腸雞蛋，腩肉等等，滷水汁香濃無比，連底下的芽菜我都通通吃完。好坦白我覺得這裏的潮州打冷是超級實惠，而且店內除了有打冷食物之外，還有茶餐廳的炒粉麵飯，以及粉面檔，來這裏食包保找到你喜歡的。而且價格是平常吃的打冷的一半價錢吧，因為我住中西區的全部都很貴！待我駕駛技術更好的時候一定帶父母過來。一路吃住蜆仔肉一路在想，有一天能夠和你一起再吃一碗蜆仔肉配白粥吧！我很想您。

呢晚約左班舊同事聚聚，餐廳就係深水埗D2出口，我地一行8個人放左工去食，地方夠大有2層，大班朋友食飯都坐得舒服，嗌左大約8個餸，食打冷梗係必食鹵水拼盤!鹵水鵝片夠入味，肉質嫩唔鞋口，另外我最鍾意鹵水豬大腸同墨魚，鹵水夠入味濃郁夠香口，唔會話淨係得個咸字。鹵水豬大腸墨魚夠彈牙，真心推介，食唔停口，值得encall!炸蠔餅好香脆，又係必食! 蠔仔份量適中，外脆內嫩，點下魚露，香口滋味。九菜豬紅，大大碗好豐富，九菜爽脆豬紅新鮮嫩口，湯汁濃郁，拎黎送飯都ok!另外仲嗌左條烏頭，有點驚喜，好少出街會嗌魚黎食，因為怕魚腥味，呢條凍食既烏頭肉質嫩滑，冇泥味，點下豆醬有啲咸香味更加滋味。推介!魚香茄子都唔錯，夠惹味，送飯不錯，不過略嫌油左少少。芙蓉蛋，夠香口，不過不失。總括黎講，餐廳食物水準唔錯，值得推介，下次黎仲想試埋蠔仔粥呀!今次太飽嗌唔到咁多餸。另外餐廳地方算大，一班人黎食飯唔會迫迫夾夾，可以坐底慢慢食慢慢傾，地點方便近地鐵站，鍾意食打冷既人可以試試。

得閑經過深水埗我就試一試呢間呢間正宗潮州打冷座位坐得幾舒服，啱三五成群一齊試一試叫番杯啤酒啤一啤金牌炒大蜆：d蜆好新鮮 好夠味 ，完全冇沙！另外 又小小辣 幾野味 送酒一流燒中鵝片豆腐底：鵝片好爽口 味道啱啱好唔會太鹹或者太淡 索哂d撈水汁同埋呢個韭菜豬紅：豬紅好好味 ，我吾係好食豬紅 都覺得正 ！值得一試！！！

今晚難得和朋友來到了深水埗區一聚，決定吃一頓打冷作為晚餐，打冷總是適合和朋友暢談暢飲的好選擇我們來到了德豐粉麵餐廳，想不到打冷的菜式選擇也不少，我們倆點上了三道菜式，當中帶有驚喜喔點上了一碗蠔仔肉碎粥 （HKD 65)，蠔仔的數量不少，而且Size也不小，顆顆都十分飽滿，真的很足料。味道十分鮮甜，兩個人分享一碗就剛剛好。友人說她喜歡鹵水豬耳，要嚐嚐這裡的鹵水物，我們點上了鹵水三拼－豬耳、墨魚和鵝腸（HKD 110)鹵水汁夠香濃最後是店內的金牌炒大蜆，跟一般的鼓椒炒蜆味道很不同，店主說是用上了他們秘製的醬汁去炒，味道鮮，香味足，值得稱讚的是，吃罷整碟炒蜆，沒有吃到任何的沙石粒，這是成功炒蜆的一個重要原素！

喺潮州菜入邊我最鍾意食啲乜嘢呢，就係好多人都鍾意食嘅鵝片。回想起公公係我好細個嘅時候差唔多每一個禮拜都會買一次返嚟俾我食，雖然價錢真係唔平，但係因為我一句鍾意食佢嘅堅持係從未間斷過。好想同拒講一聲多謝。我就鍾意食啖啖肉，阿公通常就鍾意食頭，估唔到今日啲朋友一齊嚟食佢竟然鍾意食鵝掌翼。 咁樣證實左其實一隻鵝所有嘅部位都各有愛好者。要滷得一隻每一個部位都咁好食嘅滷水鵝真係唔容易，我諗係控制火候方便就已經要落好多嘅功夫。呢度嘅老闆係潮州人所以佢嘅滷水功夫淵遠流長，到今日我同咁多位朋友一齊嚟食個個都讚好，滷水香而不鹹，飯後有餘香而不渴。鹽醃烏頭都係我經常食嘅一個撚手小菜，但係講起烏頭，有品質嘅當然係好味啲啦。但係你要我講出乜嘢品牌我就唔識啦 ，但係我就知道有質素嘅係佢嘅尾部係會扣住個膠扣，證明出產地。而且食落去係會有鮮味，而唔係泥味，咁當然煮嘅師傅亦都要有番甘上下功力。仲有韮菜豬紅，無論係凍食又話整熱食都係咁好味，我最鍾意係攞埋佢嗰啲執迷撈飯食非常之滋味。如果無你我就唔會成日食到甘家鄉嘅美食，雖然依家無得食你嘅手藝。但我會為你食盡好味嘅潮州菜。

一開始問個朋友食乜，咁佢就俾咗呢一間餐廳個名我，咁我問吓呢間餐廳食乜嘢，佢就話食打冷，聽落唔錯。但我睇一睇相竟然係寫住茶餐廳，感覺好似窄窄地喎。一去到睇餐牌除咗有小菜之外，佢另外會有一張餐牌係特別食潮州嘅菜式，即係打冷。當人未嚟到齊嘅時候我哋就叫咗一個滷水拼盤，滷水蛋同埋滷水掌翼黎試吓，邊吹水邊等。未放低喺台面就已經聞到好香嘅滷水味，再試一試，滷水野果然除咗香味之外佢嘅味道都問得十分之好。有時候出面食會嫌太鹹。但係佢呢度冇咁嘅情況出現，而且味道啱啱好，比某啲出名嘅潮州滷水店更加好食。個人推薦係豆腐，估唔到喺邊度啲豆腐比起肉更加出色。佢嘅豆腐除咗外邊一層比較硬身嘅皮，入邊嘅豆腐肉都係比較嫩滑，中等的硬度，一流。除咗滷水野之外蠔仔煎亦都係潮州必食嘅小菜之一，佢呢度嘅蠔仔煎好肉非常之多，口感就係外面脆，內面軟身，唔會揸得過分脆而影響入面的蠔餅質感。估唔到呢間餐廳除咗基本嘅茶餐廳菜式之外，仲會有咁正嘅滷水，我果然係有眼不識泰山，哈。

🦆滷水鵝片（$110)今次嚟到深水埗呢間德豐打冷，宵夜時段嚟到全場滿座😍 氣氛好熱鬧！第一時間試下呢度嘅招牌滷水鵝片，鵝片切得好靚，鵝味濃郁，食落唔會鞋口，下面嘅豆腐底都唔錯幾好食👍🏻滷水自選三拼（$110）因為都幾鍾意食滷水野😋 所以再叫多咗個自選滷水三拼，包括墨魚、鵝腸同豬頭肉，各樣都非常入味，最好食就係豬頭肉好爽脆又有咬口🤤韭菜豬紅（$50)呢間嘅韭菜豬紅係我食過最好味！😋 佢成盤都熱辣辣，真係做得好入味，仲要質感好彈牙，唔會一咬就散，勁正👍🏻 必食推介👍🏻後面既蠔仔肉碎粥 ($65/碗)呢碗蠔仔粥入面好足料，幾乎每一啖都係食到超多粒蠔仔，鮮味十足，送飯一流👍🏻金牌炒大蜆($70)呢個係成晚最最最最最受歡迎嘅食物🤤 大蜆係好大隻，每一隻蜆肉都係超肥美，調味調得好好，非常惹味，但係因為蜆肉用料非常新鮮，所以蜆味勁濃，唔會好似出面嗰啲得啲濃味嘅醬汁黎蓋過蜆肉嘅鮮味，正到癲！呢個價錢好抵食！必食！

四年一屆世界盃又到啦！當然約埋啲friend去深水埗 睇下有冇盒子賣，買咗一個唔錯嘅盒子搵間店舖做埋開箱順便食下嘢, 又要坐得舒服，又唔講你走,突然個friend提出不如去食打冷,開openrice app搵最近我們打冷餐廳搵到德豐未行過去試下，入到去座無虛席, 正想掉頭走個服務員走過黎講有位就帶我們上樓, 坐低咗睇餐牌有乜食但以話都不說當然係點韭菜豬紅 ,鹵水鵝片，鹵水拼盤 ，鹵水鵝亦。鹵水鵝片鵝肉夠嫩滑, 唔知係咪鹵過程和時間夠長幾入味食覺唔覺漏 有利油膩，千祈唔好漏食在鵝片底部的花生同樣入味。鹵水拼盤係有（紅腸,雞蛋,豆腐 ,魷魚, 猪耳,鴨腎）配鹵水汁 組成， 雞蛋味道剛好唔太鹹 蛋白 唔會鹵得太硬, 豆腐外面 農味入面清新, 魷魚爽口， 豬耳脆，鴨腎口感唔錯。鹵水鵝翼夠味有骨落地。韭菜豬紅一般唔多講。