德豐打冷粉麵餐廳

營業中

休息中

城中有幾家懷舊的餐廳，好像德豐打冷粉麵餐廳,近幾年來有越做越旺之勢，這晚就趁着到黃金電腦中心買附件，就走過去試試看，的確環境十分有心思，又供應很多食物。我們先點了魚蛋河，簡簡單單已能嚐到魚蛋的鮮味，魚蛋相當新鮮，時間掌握好，肉質鮮嫩。店員話他們的魚蛋都是附近街市的靚貨，保證日日鮮。另一道菜也頗有特色，鳳爪份量算是多，所以，絕對夠兩個人同吃。 面層舖滿了花生， 十分香口，鳳爪入口也是不錯,可以汁底味道剛好吧，真有點驚喜。熱檸蜜也沒有過甜,做得不差估不到環境舒服之餘，食物也做得不俗，定價也沒有比一般茶記高

除了食物，食店的特色也是我會留意的地方。這天lunch來了這裡，由於在黃金廣場附近，又剛巧過了最多人的時間，反而搵位容易些。入到黎已經聽到店主講野，平日晚市都算係幾多人，都差唔多full哂。同女朋友八點半黎到好肚餓，叫左好多野食，又係眼寬肚窄，最後又食唔哂先說裝修，都是茶記的格局，但地方較大,有好的環境，食都開心d。再講食物，我地人多,所以叫左幾多野食,先黎2個滷水拼盤。2盤味道適中,唔會太鹹，最鍾意食豬腸,唔會好肥,口感岩岩好.大家都覺得喜出望外，以為像普通茶記的頽飯，這家的滷水拼盤做得非常好，夠滑，整碟很開胃好味。另外點少得蠔仔泡飯，蠔是泡飯的靈魂，師傅的功力就顯示係呢碗。入口味道新鮮，蠔的份量頗多，鮮度剛好，個口感比較濕，個人黎講都唔錯，男朋友就好鐘意🙈。食落好容易濟，份量都幾多下，建議2個人share黎食會好d~最後食曬依碗飯，是滿足的感覺

德豐係深水埗開咗咁耐，平日都好多人,今日係第一次食，等咗一陣位就有喇，入去見到有飯有意粉，即刻諗起某個飲食節目講唔同地方既便當，有一集訪問藝人冰室，問過冰室同茶餐廳分別，老闆話以前只係有冰室，而且只會提供簡單食物，而唔會有意粉同飯，後期D人覺得冰室唔夠多選擇，所以出現茶餐廳，會有飯同意粉，所以分別就係呢樣。入正題，本來想叫個招牌餐既煲仔飯，但見有西多士,就試一試，幾香幾脆,最緊要大份,味道都好好，而且有好多脆既位，全個西多士嘅表面都鋪滿牛油😍 然後煎香，香脆好味👍🏻 十分惹味味都唔錯奶茶都好好飲另外佢個煲仔飯OK. 因為次次都賣晒～ 今次早啲嚟，終於食到喇😍 果然係非常好味😋 每一淡飯都好夠味， 忍唔住食完一啖又一啖，冬天凍冰冰，熱辣辣咁食就最啱喇,食左一半真係覺得好夠味同好多飯焦,証明真係焗落去,魚肉都幾滑，外脆內軟，魚肉夠香而且唔太濃味，適合普羅大眾,份量一定夠飽。整體合格，對於我呢D打工仔黎講都唔貴。

香港而家開多左好多野食，不過有時食返茶記都有唔同既感覺，茶記好方便～一去到都差唔到滿坐了。有好多野依揀 就算係小菜都有五六種唔同 諗左好耐食小菜定打冷 。好味道又有好多款唔同海鮮 ,好難選擇呢間懷舊茶餐廳佈置完全係童年回憶，已經差唔多40年啦 我叫左邪惡的炸九肚魚，個魚肉好大隻好厚身都炸得透，而且好脆、好乾身，唔會一啖油，唔會好多炸粉 好邪惡但又好好味 又滑又脆好難得我食晒全部魚皮，實在忍唔住！由於食左太多炸野既關係,最後叫左個豬肚湯清一清，個湯濃度好高，好有港式風味，冇加醬汁，而且都夠味。我估好多人都鍾意飲。 座位都算OK，食物又有質素，非常值得再來。

估唔到 無意間 去返三年前我在深水埗找回無名氏三年前 去完一個vip day之後 同事帶左我地咁多個來呢度dinner他話呢間 茶餐廳 好好味 而且唔太貴結果真係跟他說的一樣果時諗住 我都唔太多出深水埗所以無深究餐廳叫咩名而且個同事都只係識點去 同樣唔知叫咩名跟住今晚同妹妹食野 佢話上網講呢間唔錯但都無特別上網去睇估唔到 上到去 有驚喜 到我因為一睇個裝修 我就已經認得加上熱情店員終於 找到你裝修依舊無變變的只有更多人去食不過沒有位置,店員帶我們到樓上,感覺像是一個私房菜的位置,很有趣店員介紹煲仔飯,我地今日都幾肚餓,便試試不得不讚幾大碗，飯粒很脆很熱，咸魚咸咸地很好味……成碗好大份野仲有新鮮咸魚加上超級多豬肉粒味道真係好地道d肉唔鞋 ,好好味豬肉完全不油，啖啖肉很邪惡！食到一半已經開始飽我地無另外加汁,因為都夠曬味,幾影濃價錢唔貴,質素比其他茶餐廳好,下次會再黎食

聽過德豐打冷粉麵餐廳好耐，終於有機會黎試下啦。晚帝都真係好多客好熱鬧招牌西多士必食之選,啱曬又懶又餵食既我地😋大啖大啖食西多士即刻覺得滋味倍增😉對我黎講甜度啱啱好西多士嫩滑仲有好大份😘可以講話好好味 金牌牛三寶, 入面有牛根牛腩牛肚又係必食之選😍😍😂份量仲多過隔離枱D飯餐😲超級足料，兩個人share啱啱好呀點埋醬汁會更加惹味呀滷水大大件又彈牙，值呢個價入口煙韌，尋於高質既小菜最後例牌飲返杯熱檸茶,下次會再黎過

深水埗打冷就如深水埗的大排檔，種類不多，鋪頭不多，但是永遠有那麼幾間可以勾起回憶勾起自己心中條癮。打冷並不是潮州特遠，我們自己本地人也有自己喜歡的食物。幸好深水埗真的勝在交通方便。

呢間德豐平時要排隊，我都無來過。今日唔知係唔係因為過左食飯時間先黎，唔再需要排隊，我就來了。入到去，見到啲位都坐得舒服。 同朋友食咗幾樣嘢：魚蛋河,上枱見佢啲魚蛋都幾多，入口又OK喎，魚蛋都算夠彈牙，河粉味道都唔錯,份量都夠多。 豬紅,，係以前啲茶餐廳先會有嘅豬紅色汁味，真係好懷舊，而個豬紅唔靭又無乸到腍坺坺，仲幾香添喎。鳳爪實物同張相差距好大，實物靚D同份量多D,入口幾爽，汁都幾好味，鍾意食鳳爪既人必叫 依度原來係24小時營業,下次一定會再來試下佢其他嘢食！

往黃金商場之前，先來吃個早的晚餐，來到餐廳時間為晚上7時,已經十分多人了,幸好還有位置見到有煲仔飯,最近天氣咁凍,叫一個黎暖下都好食過煲仔飯既朋友，應知道人活著就是等待的道理，因為煲仔飯係即叫即整,咁先新鮮熱辣辣好味中環之友B小姐，大聲說咸魚肉粒煲仔飯是最好的，我很明白他的感受，因為，我有同感。尤其是當你是咸魚的死忠，你就會覺得其他不外如是。再加上了煲仔飯的醬汁，那陣獨特的香味,是其他調味料代替不了鳳爪排骨煲仔飯也是不錯,排骨肉多骨小,飯焦香脆,做的時間剛剛好,是上等的煲仔飯.排骨做得香滑而不老，濃甜的醬汁重重圍困著白飯，配上特製的醬油，當然不少得主角之一 - 鳳瓜，毫無疑問是平民美食的表表者。這家德豐打冷粉麵餐廳打冷,燒味,粉麵也有,開頭還以為這類型的茶餐廳應該每樣食物都是求求其其,想不到煲仔飯卻大開眼界,可說是集多間茶餐廳的長處於大成最後喝一杯香滑奶茶，輕撫心口的poppy flower，莫失莫忘。

入咗深水埗探朋友,佢話要拉我去佢屋企附近依間餐廳試下,依間叫德豐打冷粉麵餐廳,聽個名就覺得同普通茶餐廳冇乜分別,不過呢度除咗地方大,食物選擇都多,由粉麵,燒味,打冷同小菜都有,朋友話原來有四十年歷史,茶餐廳黎講都幾勁嚟到咁老牌嘅港式茶記,當然要叫D特別既野食滿足一下大家啦!!!招牌海南雞海南雞飯整份送上往往係茶餐廳最令人感動嘅,尤其是係醬汁另上,食之前點落雞度依個動作,確實應該係每一個八十後嘅成年人年少時嘅回憶,爸爸媽媽話帶你去食大餐,永遠就係記住呢一個moment,香噴噴嘅海南雞實在吸引。依度既海南雞勝在份量夠多,啖啖肉好滿足,配埋醬汁,女士理應就冇理由唔飽囉~椒鹽九肚魚小菜永遠都受人歡迎就係好多香口既食物,椒鹽九肚魚炸得又香又脆,入面魚肉又滑,本身唔係有番咁上下肚餓都真係唔好叫喇,價錢唔貴,呢家茶餐廳真係好難得仲會用咁靚既料,明正言順「抵食夾大件」!!!起碼啲肉部份都分別悉心調味過,煎香過,睇嚟我下次都要帶阿肥幫襯一下啦!~ 糖醋麵飽心未盡,食慾又起我朋友話不如叫個甜品開心share下啦~依個潮式甜品外表已經令人好LUM：餐牌上面話<圖片只供參考>但食物嚟到嘅時候我

我自問食野要求不高，但係依個褔建炒飯可以令我依個唔寫開食評既人有依個衝動去投訴，可想而知有幾難食，d飯係難到好似食飯仔咁，跟本就係裝現成既飯淋汁料上去，完全食唔倒同見唔倒有用蛋炒過，問個職員可否換過，佢答我褔建炒飯係濕既有汁係面就會令到d飯濕，我即時講無事嘈黎都無用，我以後唔會再黎。本來寫完，但點解要200字先可以評分，即係要寫多d啦，仲叫左個魚旦粉，只可以講普通野，無咩特別，本身仲想叫個煲仔飯食下，點知知褔建炒飯咁既質素，即時無晒胃口，食完個粉面就閃人。

細個係深水埗大以前成日食 最正係凍奶茶做冬同屋企人去食點知嬲到食唔落一定無下次 先講野食白鱔煲仔飯白鱔份量正常 唔腥 好食既飯無香脆飯焦 但都係乾爽嘅飯 蜆介滑雞煲味道份量正常加錢跟餐既白飯偏濕 魚片頭河粉味道唔錯但份量偏少一個女仔食都未必飽 凍奶茶（少甜少冰）味道都係咁正如圖啦 少冰攞走哂啲冰得咁多其實你都加左我$13比咁少我會唔會過分左啲 服務態度-1000000分有呃錢嫌疑一開始問個伙記跟餐有冇野飲佢答有 咁就落左3杯野飲但後來先知原來要加十蚊先可以跟餐（佢無講）都算啦 仲要其中有杯計錯我正價同番同一個員工講 佢話係要加錢架喎然後走左唔理我同收銀講 仲勁串嘴個同事新尼唔識呀 就想算（一邊講一邊望去另一面 完全唔想理我）（當時張單仲係錯 有杯收左我正價）真係火都尼 問佢 你員工出錯有冇道理要我比錢收銀都係唔理我 另一個姐姐行過尼幫我睇單（佢之前望住我影張單同聽到我同我呀媽講話佢呃錢 要報警）發現有杯計錯 改番張單呀媽同我講其實已經唔係第一次 佢早啲同我講就唔去

呢排番夜，半夜收工經常都好苦惱揾嘢食。2點幾3點鐘，未關門的食肆真係唔多。食黎食去都係麥記，翠河翠華，其實好多串燒打邊爐都開廿四，但太貴，餐餐食都唔係辦法。直到上星期一位同事介紹左黎這家深水埗的餐廳。令我最感動的地方係在半夜三點竟然仲可以食一餐正正當當的晚餐，幾個人嗌四款小菜，有湯有飯有野飲跟。小菜份量好足，亦夠鑊氣，夠鑊氣先算正正當當的晚餐！ 好多茶記臨收鋪的湯都唔夠熱好求其，但這家的例湯仲好熱好暖胃，即刻覺得番夜都唔係咁慘，哈哈！以後番夜又多一個選擇！

今晚同朋友出深水埗行高登，突然大家提起好耐都無食過打冷，之後就見到呢間打冷鋪。佢外面睇其實似茶餐廳，好在有一個打冷明檔掛晒啲鹵水鵝，如果唔係真係唔覺眼。可能係茶餐廳裝潢嘅原因，衛生情況比之前食開嘅打冷店好，店面亦好夠光猛。叫左鹵水鵝，韭菜豬紅同煎蠔餅，配一杯茶記熱奶茶認真過癮。豬紅好入味有微辣，比起車仔麵d豬紅果然唔同層次。鹵水鵝都好正，肉好冧，肥瘦適中，入口好甘香。煎蠔餅好足料，有好多蠔仔，亦且唔會太薄，口感不錯！三個人三碟野食清光，arm arm 好夠飽，每人都係60-70蚊。抵食！

約左班朋友到深水埗食打冷飯聚，入去舖頭見冇大枱，正心諗我地八，九個人，甘咪會坐得好逼？都未諗完，伙計們已經好醒目話可以去另一邊閣樓雅座，甘我即刻放鬆哂，講真自己真怕成班人坐到逼逼甘食野。上面果然有幾張可坐十幾人既大枱，Nice！大家剛坐好已心急要點菜，食打冷當然唔小得鹵水菜式啦，甘首先叫左鹵水併盤，鹵水鵝片同埋䳘翼。碟併盤都放有好多種類，有墨魚片，豬大腸，豬耳，䳘腸，腎片，紅腸，加埋鹵水豆腐墊底。鹵水鵝片師傅切得厚薄適中，唔會偏薄，食落啖啖肉，d鹵水汁入哂味，從大家唔駛幾分鐘已經差不多KO哂呢幾碟鹵水食物，唔駛多講，梗係好味道啦，搞到我地食到停唔到筷。由於我地男仔多，所以之後又嗌左幾碟小菜，椒鹽鮮魷，鮮腐竹浸時菜，魚香茄子煲，凍烏頭魚，炸蠔餅（本人認為食潮州野，冇點呢樣對我而言會有所失落，嘻）好彩都冇令我失望，外面煎得夠脆,但又唔會油淋淋，入面d蠔仔都好肥美，鮮味（滿意）。當大家都覺得好飽時，有朋友仲心思思想再嗌鹵水野食，於是再追加鹵水併盤（我地減少左d份量），加鹵水豆腐。又係唔駛幾耐已清得七七八八。有幾好味就已經不言而喻啦。