快樂漁港酒家

營業中

休息中

之前都試過西貢，流浮山，同其他地方食海鮮，但就第一次去鯉魚門食海鮮，上網見到食評幾好，所以簡左呢間食母親節飯，坐下來之後就出去簡海鮮，老闆娘非常之好，我哋揀嘅海鮮佢全部都幫我地計左份量同價錢，分量佢幫我地揀到啱啱好。👍👍每樣都好新鮮而且食物質素都比我之前食過好。 我哋一行有12個人叫咗六個海鮮四個小菜，份量啱啱好唔多唔少，個個都食得非常之開心埋單：$6500，人頭計大概＄500，雖然呢間鋪頭都要行得好入，但真心推介，起碼唔使驚食海鮮會俾人劏！🧐😋😋特別推介龍蝦伊面芝士焗，龍蝦非常之爽口芝士好濃郁 !

因為舊同事的推介及籌劃，最後大家帶同另一半，一行13人來吃這期待已久的一餐！餐廳位於鯉魚門較入的地方，在舊同事的男朋友帶領下，我們就像旅行團似的經過曲折的小路來到酒家。我們坐在近窗邊的位置，窗外可以看到海景，因為吃的是晚餐，若是下午來，可以一睹海上的美景。因為舊同事的悉心安排，所以早已點好菜單，坐下不久，一碟碟餸就陸續送上，連同生果、甜品，一共有11款。最受大家歡迎的莫過於芝士龍蝦伊麵底，汁料簡直一流，伊麵軟硬適中，配上秘製芝士汁，令大家也爭著「搶食」，龍蝦也很爽口美味！另外，我最喜歡的是惹味又香脆的椒鹽瀨尿蝦，瀨尿蝦肉質鮮嫩，加上惹味的椒鹽，很刺激味蕾！當然少不了「啖啖肉」的蟶子皇，只用豉椒簡單炒炒，就已經很能引出蟶子皇的鮮味。大班兩味（炒球）也很足料。黃金墨魚既酥脆又有鮮味。海鮮木瓜豆腐湯很清甜滋潤，櫻花蝦炒飯也很有「鑊氣」，香噴噴。另外還有炆頭腩、油鹽水蜆（忘了拍照）及漁湯菜心（菜不是重點，所以也沒有拍照，哈）。甜品是桂花椰汁糕，味道不錯，很清新。感謝舊同事介紹，讓大家的肚子都滿載而歸！

去完將軍澳拜山，行過去鯉魚門食海鮮，做一日遊客我都係上網睇人介紹，跟住揀左呢間係海鮮檔揀海鮮加工，每人都係加$110，好合理我地3個人，揀左2隻瀨尿蝦，3隻蟶子，3隻南非鮑，2隻掩仔蟹，海鮮檔老闆好好，佢話夠食，唔會要我地買多啲其實酒家都好熟行，幫我地整左椒鹽瀨尿蝦，豉椒炒蟶子，果皮蒸鮑魚，鹽焗掩仔蟹我覺得廚房好得，每樣海鮮火喉都啱啱好唔會老，好鮮甜我地再叫左海蜇燻蹄，腐乳通菜，另外佢送左木瓜魚湯同桂花椰汁糕我覺得個木瓜魚湯好夠魚味

今晚Kiwi同友人們去咗鯉魚門，食!海!鮮!行過每間海鮮舖都不斷sell我地，最後揀咗呢間睇到海景嘅快樂漁港酒家。有啲酒家會逐碟唔同煮法唔同價錢，邢呢間就公道啲每人比100蚊就任你咩煮法煮幾多都得。一叫完海鮮侍應就先送上豆腐湯，清清地幾鮮甜。豉椒炒蟶子。蟶子好爽，配合埋個豉椒咸度剛好，真係可以撈幾碗飯食。蒜蓉粉絲蒸扇貝。好鮮甜，蒜蓉味唔算太重同埋粉絲食一流。果皮蒸鮑魚。雖然冇乜果皮味，但肉質ok，唔會韌。酥炸生蠔。好特別，外面好酥脆，入面個蠔都好有份量，唔錯。一魚兩食，啲肉好腍，叫一種海鮮可以食到唔同口味，好抵食。最後有生果同椰汁桂花糕送，作個完美嘅結號。

今日仍然係換食進行中....好多唔食得....所有行程由團隊安排.....來到這間店鋪，盡管一試🤗🤗味道不差，雞有雞味，魚亦有鮮味.....菜爽口....炒瓜也好吃✌🏻✌🏻整體上抵✌🏻✌🏻正價幾錢不知道，我夾左$100大元。湯很甜...不腥，木瓜豆腐魚湯🍵🍵有機會再來

我地一家人都好鍾意食海鮮🐠🐟🦑🦐爸爸👨🏻就黎生日啦🎂依d 特別既日子做女👧🏻既 點都要識做帶屋企人食餐好的 😁-難得放假，晏就同爸媽，伯父伯娘去鯉魚門行左陣，吹下海風，睇埋日落🌄。之後就去左朋友介紹既依間海鮮酒家。朋友話海鮮新鮮同抵食-餐廳職員會帶我地揀海鮮，然後再報價💰。再問我們每道餸想用咩烹調方式。我地叫左兩條清蒸石斑 🐟🐟好新鮮呀 平時飲宴都特別愛食酒樓整既魚 🤤-蒸蟶子我地選擇用蒸。因為咁先可以食出個鮮味蒜蓉蔥花粉絲加蟶子簡單既配搭已經好好食粉絲好入味-蒸鮑魚好爽口，唔會蒸過火-酥炸生蠔杯酒煮蠔比較喜歡酥炸蠔因為香口d 蠔大大隻，口感好juicy -椒鹽瀨尿蝦🦐又係超級惹味，大大隻蝦好多肉-鹽焗蟹D 蟹膏多到呢好澎湃一睇就知好好食😁-食完有桂花糕送🤤清清地 唔會太甜

吹水之友會週年慶典，繼續炒蝦拆蟹，大吃大喝慶祝一番。吃海鮮餐，頭炮非白灼蝦莫屬。以白灼蝦來說，蝦不算細隻，然而整碟份量不多，食三數隻蝦便要弄汚手指，不划算。薑蔥炒蟹的蟹肉未算肥美，不過一梳梳的蟹肉還是鮮味的，蔥段亦炒得夠香。蒜蓉蒸扇貝蒜味不太霸道，還吃到扇貝的鮮甜細嫩。椒鹽巨型瀨尿蝦椒鹽相當香口，瀨尿蝦肉結實緊致，惹味之作。清蒸鮑魚仔蒸得甚佳，肉質不靭，鮑魚味濃。忘了薑蔥蒸的是甚麼魚，總之魚肉滑不溜口，豉油也不會過鹹。一次大成功的吹水聚會盛典！

This is our go-to seafood restaurant in Lei Yue Mun--have never gone to another one in the vecinity since a colleague recommended Happy Safood to us, and have always had great dining experiences here.  I love the great open spaces, the ocean view and the generally efficient service. On this particular occasoin, we had a big lobster cooked two ways--sashimi and lobster noodles.  The lobster was very fresh, and the noodles were very filling and coated in thick, flavourful sauce and topped off with

之前受到TVB-「我瞞結婚了」的Tony力場影響，把心一橫，決定向鯉魚門出發，晚飯食海鮮就一定走唔甩啦。但係煩惱嘅係⋯ 食邊間好呢🤔，一來想邊食邊對住個海，二來當然係食生猛海鮮啦～ 於是，我地行牙行⋯由街頭行去街尾格價，終於定左哩間酒家。重要時刻黎啦—揀海鮮，哩個重要任務當然交比我們家總廚（媽媽）啦，我就從旁做指揮家，揀完之後就拎去酒家加工。我地一行3人，叫左5碟海鮮+2支可樂，一共1500左右找數。本人認為抵食既～ 聖子到～ 食落口，嗯～ 真係又大隻又厚肉，清甜得來又帶點爽口，最重要係，食落口 你唔會感覺到有沙，佢雖然有配埋汁，但我就完全無用過，因為我覺得完全夠味，同埋如果用左汁，會唔會掩蓋左聖子本身既鮮味？賴尿蝦：食到第二道菜之後，我決定叫左支可樂調劑下，因為賴尿蝦本身都唔多肉，食起上黎我覺得有少少偏鹹，如果可以輕微調整一下就profit啦。蒜蓉扇貝：睇落去好似淡而無味咁，但食到落口感覺完全唔同，一D都唔洗再加豉油，夠晒味，仲有個粉絲牙，對於粉絲控既我黎講：正到爆。芝士龍蝦伊麵：濃濃既芝士同樣都係我既至愛，而D伊麵吸收返D芝士，簡直係絕配。我當場食左2大碗，而主角：龍蝦就更加唔洗講

我至愛錫嘅契👶🏻仔百日宴，只圍內家人食一餐慶賀吓，聖子皇煎粉絲底豉椒惹味，煎過嘅粉絲底外面脆口，但無窩巴咁硬，夾住一齊食無咁單調。白灼紅米蝦、殻脆、易剝、鮮甜椒鹽癩尿蝦斬件上香辣湧現，其實建議分兩截就可以，杜絕少敢件嘅情況發生～哈哈。兩圍枱分一隻燒鵝熱辣辣又夠肥美應該好好味但上菜速度何其極速，食唔切。炸美國桶蠔雖然尺碼縮左水但唔緊要，因為開始有啲飽飽地，炸漿唔厚而且鬆化，醮少許淮鹽提升味道。果皮蒸鮑魚厚肉大隻用刀叉要出力至可分解，淨肉比半隻手掌還要大，鮮味無窮。豉油皇煎大蝦亦以巨型堪稱，蝦殼被𠝹開干煎，充斥豉油香味，令蝦肉既鹹鮮又不失鮮甜大龍𧄌骨肉分離，以炒球同炆骨煮法炒球啖啖肉嫩彈牙；炆骨先將骨占粉油泡，有點脆又香口，落個芡汁加少少蔥絲，又成為一碟非常好味嘅菜色。壓軸重頭戲鹽焗奄仔蟹，鹽量較得剛好、焗亦焗得剛好飽都擋唔住佢嘅蟹膏誘惑，係有蟹香味嘅鹹蛋黃般超好味。非常完美嘅一餐海鮮盛宴，最後祝我契👶🏻仔開心健康快樂地成長～😘～

我今次是第二次光顧，今次令我好失望，首先我去到坐底左就叫佢拿個套餐牌出來睇，問左佢二次，佢都係答我無，我明明當日打去book位時話有套餐，於是我問第二個待應，佢話有，仲立即去櫃枱拿個套餐牌來，我們二人，所以叫左個二人海鮮套餐，另外叫個燒鵝例，上菜勁慢，足足食左90分鐘先食完五道菜，叫左個燒鹅例，足足等左65分鐘都未到，最後取消左，嬲爆，無下次

今晚黎左呢間漁港食海鮮...買海鮮唔呃秤，幾錢就幾錢，很好! 我第一次食生蠔，但就感覺到生蠔好新鮮，肉質好滑嫩! 不過我始終唔太中意食生蠔~.~而蝦刺身就好好味，肉質口感十分好，非常滑嫩，食過番尋味，感覺衛生!炸蝦呢道係椒鹽瀨尿蝦，味道就咸左d，但每隻蝦都有好多膏好多肉，好肥美!龍蝦伊面，龍蝦肉挺有咬口，面質不錯，汁醬配起來不過不失，整體其實一般般，不是特別好吃!閹仔蟹! 呢隻蟹入面好多膏，差唔多開売就滿是膏，好生養，非常好味，蟹肉十分鮮美!推介推介!!

店名：快樂漁港酒家地址：鯉魚門海傍道中53號A地下好味指數：6.5／10價錢：~~海鮮團餐~~不知是否吃團餐的關係，味道是一般的，沒有太大驚喜。由湯至餸菜至炒飯，炒麵，沒有一樣是覺得回味無窮的，水準只是平平的。當中白灼蝦算是眾多餸菜中最好的一款。蝦的體積比一般吃到的大，而且肉質鮮味爽囗，過關！咕噜肉也是不錯的，但其實外面也吃到這種味道，沒有太大特別。 

第一次光顧，一家人同阿媽慶祝生日諗起食海鮮可以坐耐啲又可一边食一边傾見呢間食評唔錯就胆粗粗試吓(查實好鬼怕建議食肆唔好食會好難受)因為大家都係外行人睇咗好耐都未有定案最終揀咗個每位$300嘅海鮮套餐(包六款自選指定海鮮、木瓜湯、炒飯、甜品、生果)另點咗支白酒助慶，揀選海鮮有:1. 豉椒炒大聖子2. 椒鹽瀨尿蝦3. 白灼鮮魷魚4. 清蒸沙巴龍躉5. 芝土局龍蝦伊麵底6. 油鹽蒸奄仔六個大人好足夠連炒飯都食唔晒要帶走，對於呢餐各樣表現勁讚，尤其落單嗰位哥哥仔會因應客人要求建議烹調方法，待應們的殷勤招待令我哋一家大讚。抱歉的是因為實在太好味急不及待放進嘴裏去未有留下味美的餸菜相片……

朋友介紹下，去了鯉魚門亨記買海鮮，及後被帶到快樂入座，因当曰尤蝦較大，我們只有兩人关系，套歺选尤蝦的話便当兩个餸計，由於一心来食龙蝦，所以便照要，再选了一條魚，聖子，扇貝，送油菜为止，每人二百八，但友人想食瀨尿蝦，便一人加五十，再送了碟蜆，出菜时发现当中份量有多有少，湯2碗，扇貝2隻，聖子2隻，魚一條比手掌大的，瀨尿蝦一大隻，龍蝦一隻，蚬一碟，菜一碟，埋単真的六百六，全包另送水果甜品，二个人眼闊肚窄，味道以芝士龙蝦最出色，味道復雜到難以型容，比一般店味濃，顏色較橙，有奌芝土圈感党，由於当晚龙蝦較大，所以一人半隻也非常满足，另椒鹽瀨尿蝦也非常野味，唯份量太少，甜品椰汁糕都好食，魚有奌老，其他不过不失，所为海鮮龙蝦迷，值得推介！