怡東軒 (已結業)

六月十二日（星期六），一家八人來到怡東軒食個飯，事關姐姐有張coupon，食滿＄2000，可作＄200現金用，雖明知是除笨有精，但反正未嚟過，就試試吧。點了六個菜：濃湯花膠雜菌、黑松露蝦球、星斑兩食、中式煎牛柳、沙爹鮑魚仔和豉椒龍蝦柳。果然是酒店的中餐廳，個個菜式都很美味，份量也適中，八人分享都足夠，這個晚餐雖是貴了點，但就真是令人回味無窮。

昨天晚上同四個朋友一齊嚟左呢度食晚飯,我們本來想叫大閘蟹餐的,但其中兩個人唔食大閘蟹的,所以我們就散叫了,我們叫左:大閘蟹3隻五兩重-仕應幫我們拆開晒隻蟹,所以食起嚟都好方便,隻蟹都幾大隻,係公嚟的,d肉都好鮮甜呀,不過因為係公冇咁多膏食,但都好味呀薑茶-不算好辣,好曖胃蟹粉豆腐羹-好味,好多料的,好多豆腐片,d豆腐都好滑,好多青豆料,好味竹苼瑤柱扒西蘭花-好味呀,好多瑤柱及竹苼呀,都好入味,西蘭花好爽口吊燒雞-有幾塊蝦片,可能放得太耐,淋左少少,雞都好滑,唔肥紅燒豆腐-有幾隻冬菇係面,豆腐都好滑身,幾大件呀,好味楊州排骨-好味呀,排骨好淋好入味,唔算好肥,有一些配菜,d汁酸酸甜甜好開胃服務好好,朋友食會員,所以有coupon開左一支紅酒,仕應先叫朋友試酒,紅酒都幾易入口,仕應都不停幫我們換碟及提供服務.我們都坐食左好耐,傾左好耐計,這裏的環境都好清靜及舒服.

Having dinner there due to our backup dinner plan ... Peking Garden is already full and this is the closest fine Cantonese restaurant nearby. We had ... *please apologize my poor translation*Braised winter melon with barbecued duck : I really missed the dish my parents cooked. And it was really a recommended summer dish. It was nice even the barbecued duck is further cooked with sauce. I think the winter melon was nice and well-cooked, including mushrooms and veggie, it was really healthy.Eggpla

原打算取消的一局，但見大家久未有一聚的時間，反正也只是乾等消息，收工後轉了兩程車，來個燒鵝小局，打兩個小菜，看看雲南菇菌以外的怡東軒。傳統紅色為主調的中菜館，樓底不高氣氛熱鬧，朋友有主場之利一早已坐定等發辦，打了燒鵝例吩咐要「下莊」，另外吃住素鵝及醬牛腱等未來的朋友。素鵝是炸的，以為是滬式做法，但試過後，除了清爽的雜蔬外，幾層腐皮炸薄脆卻帶著薄薄燻香，說不清是京式、是滬式，卻是有水準的。醬牛腱，牛腱用上廣式的甜醬炆得軟腍入味，加上細心的刀功，吃不著多餘的筋渣，八十八元一小碟，不平卻是物有所值。朋友到齊後，又試埋燒鵝、順德煎蝦餅、陳皮牛柳條幾味，燒鵝髀分贈給朋友，她們吃過也讚肉嫩，雖未有緣一嚐，但試燒鵝腩肉醃得入味帶油甘，而胸的位置卻是比應的粗糙更粗糙一點，味是很好的，皮亦酥脆帶油香，似乎是鵝本身的問題，與燒功無關。順德煎蝦餅，蛋皮薄微焦，濃濃蛋香與豉油引申味道是天仙配，蝦不是重點，但炒等鮮嫩也有蘿蔔粒的清甜，是中式鑊人手逐塊煎出的手作仔，做得有心亦很好吃，如包卷著的話，又能成蛋角，確是有趣。陳皮牛柳條，翠綠白菜仔伴紅牛柳，賣相很好，牛柳切成條狀，是頂好的靚料，配上甜醬汁煎得外焦內嫩，不

星期二中午去到excelsior本想去Top of The Town,但原來假期唔做午市 , 泊好車又費事周圍行只好去怡東軒飲茶算數,去到人唔算多唔駛等位,兩個人叫咗:燒味双拼----燒鵝加油雞,兩樣都微暖同味道唔錯,唔會太咸同無肥膏,OK!燒腩仔例牌----切到細細"粒"唔係件!皮鬆化但肥膏多過肉,麻麻地!蝦餃----皮算薄可以夾得起唔解體,有大大隻蝦, 只有一條荀絲 味道偏淡,呢個算做好食!山竹牛肉----平平無奇,咬落唔實唔淋.無芫茜香味..一碟有三件,一人食咗一件剩番擺低等樓面收走...鮮蝦腸粉----都係有大隻蝦,但個腸粉皮等於平時第二間食開嘅幾倍厚度!仲要唔係滑果隻，唔通諗住收得$60蚊碟,所以整大碟Ｄ抵Ｄ?煎蘿蔔糕----呢樣我包容度好大,只要筷子夾得起就當好食!义燒包----夠熱多汁!無咩肥肉,好味!所有嘢食完等咗十五分鐘後追問有無漏單先嚟:春卷----凍嘅!淋淋地!食咗六份一已經係極限!咸水角----同春卷一樣!但呢個除咗凍之外咬落仲會爆油! 仲有開咗壺水仙 ,D茶葉完全成粉狀!都唔知點飲入口!唔係差成咁呀!一直對酒店中菜廳無好印象,但未見過酒店用D荼葉仲差過地踎茶

片皮鴨一切開，肉是鮮紅色！不竟是家禽，有點擔心，要求再加燒．侍應恣意阻撓，說：“冇得再燒，整過一隻要好耐”，折騰一輪, 還是部長比較爽快. 稍後, 另一位侍應拿著新的一隻上菜, 加了多餘的一句: (這道菜是 “全熟片皮鴨”, 有點不屑和不滿. 係唔係“全熟”, 唔係你話比我聽既. 新的一隻overcook 了, 肉質乾, “鞋”, 皮有點苦, 明顯廚師不想麻煩, 一於索性煮到最熟. 其實我也覺得不想浪費, 但侍應和廚師的態度可以更好吧.牛柳條tenderness 不錯南瓜海鮮焗炒飯招牌菜. 很香, 足料, 有東星, 帶子, 蝦, 油炸鬼, 不過南瓜可以更甜埋單時加了一道已取消的菜的價錢, 部長解釋說“廚師忘了已取消, 所以煮了”因為他忘了->所以煮了-> 而我們沒吃-> 於是要給錢?不懂部長想解釋什麼樣的邏輯，幸好最後給我們減去它的價錢。希望不是惡意混水摸魚來cover 片皮鴨的帳吧. 水準+創意+態度更好的話，絕對可以篦美其他大酒店中菜

今天送機前去飲個早茶,因為早,所以沒甚麼人,倒也清靜舒服.叫了不少點心,都十分有水準.最喜歡的是XO醬煎腸粉(不太鹹,XO醬惹味,腸粉有口感)還有平常不大吃的珍珠雞(不油,有鮮味).Auntie點的生菜鯪魚粥,說是十分好吃.(因為我沒嚐,因此no comment.)我們也點了南瓜海鮮焗炒飯(就是樓下Monchhichi~*也點了的那個).不油,爽,香,海鮮足料新鮮(東星斑?皮是紅色的.蝦,帶子),南瓜肉很多.味道鮮甜,不過稍嫌略淡.用HSBC Premier Card,5-12位有七五折優惠,十分抵食.

長輩生日,大家黎怡東軒慶祝,叫左一個美食之最套餐,裡面包括幾個得奬菜式,仲有翅同埋糖水,分二人份量同四人份量,我地要左個四人,然後加個散叫既京葱蒜香牛柳。所謂美食之最套餐(BEST OF THE BEST SET MENU),先上四碗魚翅,估唔到魚翅份量又真係唔少,每碗都有大大件咁,仲有金華火腿,難得唔會太咸,個翅好似清湯咁,唔膩唔滯,很好!幾味送,包括一個一魚兩味的,有炸同炒,炸一方有好多炸粉,同埋肉好少,好似食骨,除非好喜歡炸物的口感,否則唔好味,反而炒肉那方好好味,有露筍同炒,個汁十分美味,魚肉又無骨,食多幾件都仲得!另有一味叫層巒高聳翠,聽個名唔知係乜,原來係小棠做底,津白伴碟,上舖好多好多炸本菇同埋炒竹笙,原來好好地一味素菜同菇,炸左甶而唔好味,而且味魚又係脆,呢碟又咁多炸菇,太多炸野喇!竹笙同菇,炸左根本唔好食,嘥晒!仲有個獻,太杰...仲有一味什麼什麼炒肉碎,幾好味喎,少辣架,但係唔太過份,令人覺得惹味,由於係肉碎,又唔會令人覺得食得太多肉,唔錯!至於京葱蒜香牛柳,反而差唔多係好味之最,哈哈!真諷刺!好多牛肉呀,係一條條既,又淋,但汁又好味,夠香,唔油,一入口就有蒜香,加

2007年9月26日，怡東軒。看完火龍去了怡東軒吃晚飯，一共四人。選了套餐（HKD408一位）。魚翅酸辣羹/ 濃雞湯排翅：個酸辣羹有D怪，是甜醬味的。不酸但甜。濃雞湯排翅D翅，我唔係好欣賞，sorry。高湯焗龍蝦/芝士焗龍蝦：高湯個有D鹹，芝士無乜芝士味油雞：本來是燒鵝的，沒有，變成油雞脾，Cheap好多喎！菠蘿咕嚕肉：一般，太多汁。咕嚕肉麻麻地。薑蔥爆牛肉：梳打牛。竹笙扒時蔬：三片竹笙，好珍貴。燕窩蛋撻：每人有兩件，味道都係一般。另外叫了一個得獎菜，蟹肉伊麵：很乾身，不油，濃蟹肉味。當然，份量少。D主菜份量真係好細，菜也好普通。其實可能唔應該叫這個套餐。唔值。service麻麻，不願提了。

平時覺得這裡的食物都是穩打穩扎的﹐沒有甚麼新意﹐這夜試了個新菜式﹐京燒鹿腩($168)﹐雖然不是人人都接受/喜歡﹐不過起碼是個沉悶中的突破。最底的是炸脆了得麵包﹐上面一層是爽口青甜的青瓜﹐再上面才是燒鹿腩肉﹐再用紫菜把這幾層穩固﹐有點像新派壽司的模樣。除了別致的賣相﹐味道也有點意外﹐沒想到京燒會有微微的辣味和濃濃的孜然味道﹐我是喜歡的﹐但兩老卻不太接受孜然的味道﹐不過可惜我也覺得鹿腩燒得有點太乾太硬﹐有礙這度菜的整體評價。是晚其他菜式大致都保持水準﹐其中以欖菜炒班球($188) 比較出色。欖菜的鹹香帶出了班球的鮮味﹐而且魚肉彈牙﹐口感極佳﹐份量也多。但是那個瑤柱花膠西蘭花就麻麻﹐那些花膠居然有少許腥味﹐令人失望。怎樣也好﹐能和家人共進晚餐我已經心滿意足了﹗

燒賣和叉燒酥不錯。較為特別的是蟹酥。雖名為蟹酥，但沒有蟹味。有的是餡料混合的咸香，配上鬆化的酥皮和可愛的造型，值得試。不過三十六元才兩件，貴了點。另外點了南瓜海鮮焗炒飯，據說是得獎菜式。賣相不錯，飯有南瓜香，內裡有粒粒南瓜肉，剛好減去炒飯油膩感，不錯。若不愛飯，班球炒河也是另一推介。環境舒適，常吃推點心的酒樓然轉轉款也不錯。五人一共是六百一十。滿三百可享免費代客泊東，以銅鑼灣來說是很不錯了。

上星期因為有個做咗三十幾年既同事退休,所以公司請晒成間office同事去呢間菜館開間房食晏。菜單如下:脆皮乳豬全體鮮露笋帶子百花釀蟹拑玉環瑤柱甫鮑魚片配雙蔬紅燒雞絲海鮮翅清蒸大海斑當紅脆皮燒雞雙喜金菇炆伊麵荷葉炒飯杏仁糊湯圓(芝麻味)生果拼盆個蟹拑係食開既double size!個杏仁糊湯圓超好味!!十分真材實料!其他都有酒店既水準,唯一係個翅杰咗少少...我諗係d生粉落重咗手,不過好足料架!!

家中兩寶就快會去澳洲避暑﹐見星期六放工後都幾得閒﹐就陪陪他們去飲茶吧。星期六一點半要找位泊車都不是容易的事﹐所以決定都是來這裡﹐吃滿$300 就有免費代客泊車服務﹐最適合我們了。即日訂位﹐怡東軒那邊是滿座了﹐但聽濤廳那邊還是不太滿。訂了檯可以坐在窗邊附近﹐算是可以看到窗外的“維港景色”。其實看到什麼不要緊﹐最要緊的是夠開揚﹐感覺夠relax﹐不過裡面感覺就好像酒家大堂一樣﹐一點都沒有怡東軒那邊那種優雅的貴氣。以為是劃紙仔剔點心﹐怎知在這裡見到久遺了的點心車。有些老外還很高興的走到點心車前﹐逐籠點心開蓋來看看﹐好久沒有見過這個場面了﹐感覺很懷舊。推點心車的姐姐也很有禮貌﹐見我們沒有什麼點心想吃﹐就對我們說﹐可以看看餐牌有點心適合的﹐告訴她們便可以了﹐她們會替我們拿回來﹐服務一流。點心味道中上﹐沒有什麼特別扎心﹐只是記得餃子都造得不錯﹐個皮厚度適中﹐而且煙韌﹐不論是素的還是葷的﹐味道一樣美味。但價錢一點都不便宜﹐是酒店的價錢﹐不過也給你酒店式的服務﹐而且比5 星級酒店要便宜一點﹐所以也算是一家人飲茶的好地方。眼所見當天也有不少是一家大小的來飲茶度週末﹐沒有晚飯時那種比較濃厚的商業氣氛。p.

2007-07-17移民的移民﹑讀書的讀書﹐大家都各散東西﹐難得都回港了﹐就一起來吃餐飯﹐大家update 下近況喇。選這裡是因為坐得舒服﹐食物有水準﹐又有HSBC 生日優惠(75折+蛋糕+餐酒﹐比怡東自己的會籍更優惠﹐但比去年的已經少了5% 折扣)。這裡的水準一直都不錯﹐但礙於是酒店餐廳﹐菜式比較傳統﹐難有驚喜。不過他們的得獎菜式會比較特別﹐所以這次我們都是點了這些﹐不過以前都些過了就不多介紹﹐總之保持水準喇。反之最後的飯麵大家都覺得很好。那個原隻菠蘿炒飯的飯充滿了菠蘿的味道﹐帶微微的酸﹐所以雖然是最後一道菜﹐大家都已經很飽﹐但仍然不肯放過這飯。另外一個是鮑魚炆伊麵﹐麵條有點過淋﹐不過落料落得很足~ 每碗起碼有2 - 3 塊鮑魚﹐其中一碗更有6 塊之多﹐可算是食極都有﹐得著那碗的人兄非常開心的和各人分享他的美味鮑魚。盡興的一餐﹐還有打包食物帶回家都是差不多$2000﹐實在都非常抵食。

I read the comments by other foodlovers so I made a reservation two days in advance. Yet I was a bit late due to the heavy rain, the receiptionist couldn't find out record (?!?) luckily there are vacancies and we could still sit in without waiting.having no ideas about the menu, we just picked some Dim Sum including the Dim Sum Platter, some soup to warm the stomach and a main course. The Dim Sum were alright, the soup was up to standard but the main course, which name I have already forgotten (