意樂餐廳 (禾輋廣場) (已結業)

話說11點到去食, 坐低一陣之後叫野, 叫左個小姐埋黎佢餐牌上面好細心寫左如果對食物敏感, 請早D揚聲餐牌上面佢有個照燒雞PIZZA, 佢列出既材料係冇芝士既咁但係正常PIZZA梗有芝士嫁喇由於對奶類產品敏感, 所以諗住都問一問, 睇下可唔可以走左芝士佢個小姐答我「唔知喎」「我都未食過」真係無名火起之後有個高級D既黎先叫正常話係有芝士既, 但係可以走芝講番野食, 我都幾佩服佢D所謂「雞」可以切到咁碎, 好考刀功嫁咁同埋我兩個人食, 見佢冇比碟, 都算, 咁就麻煩D姐姐比兩隻碟喇當然呢兩隻碟到我走都冇出現過唯有自己用張紙巾墊住食同場加映隔離檯有個男人追問點解等咁耐D野食都未到原來係冇落到單姐姐只係一句「而家幫你落番」之後個男人梗係嬲到走喇唔想食同未食都發火既, 自己諗諗

當晚我和朋友都係第一次去這間餐廳食..8:00去到門口好多人等位.我地即時拿飛等位,但等了唔夠10分鐘便有位..好快坐低睇下餐牌.有好多選擇但唔知食咩..當然有位經理走過黎幫我地落單..問我地食咩野.我就問他有咩介紹.他好有耐心地逐一介紹..最終選擇了他推介的食物.落左單很快便有野食...好有效率..到了埋單時經理又走過黎問d野岩唔岩食..當晚d食物味道都很好,只係咖哩辣左少少.但味道ok..整體都好好..咁既價錢...食品好味,快速效率,超級服務..我和朋友打算下次要黎試下其他的食品!!

沙田禾輋邨的維苑餐廳結束之後，歷經數個月的裝修期，由這一間「意樂」餐廳接手經營。在公共屋邨開意大利餐廳?! 再翻查多一點資料，只是以茶餐廳模式為基礎之下，再提供一些疑似歐陸或Fusion的菜式，想這屋邨也偏離於沙田的市中心，區內人流以經濟實惠為題，也不可作過高的要求。不過凡有新開的食肆出現，倒想滿足自己的好奇心，襯家人沒有異議之時，就在週六之時光顧了一躺，大約十一時進入此餐廳，想揀選其中卡位桌椅之時，侍應以未曾清理為理由作出推卻，語氣上呈現冷淡，欠上親切的態度。最後選了一張圓形的梳化，反而坐得甚為舒服。到了選餐之時，發覺原來午餐要在十一時半才供應，但既然已經入坐，也點了三個早餐來充撐肚皮。侍應在落單之後，不久就呈上焗牛角酥，這鬆化的口感或其牛油香味也令人滿意，另有即烘的蒜蓉多士，亦是濃厚的蒜香脆口。問題來了，這兩道麵包食品，其實是配上早餐作為一個set的，現今「單拖」上陣，連餐飲也未上的情況下，不免有點口寡，始終流於茶餐廳「做好即上」的流水作業模式，有欠完整的配套。至於家妹則點了一客雞肉生菜三文治，雖然沒有品嚐得到，據她的口評，算是不過不失，合乎到她的期望。打後出現的，是忌廉白汁雞肉天

5月6號晚約咗班朋友共10人係呢間餐廳食飯，預祝母親節。我哋點咗好多嘢，，D出品質素唔錯，特別係咖哩牛腩飯，D咖哩夠濃香D牛腩夠腍，仲有西班牙海鮮飯，海鮮夠多，飯有好濃海鮮味，用嘅係珍珠米，非常好味。仲要好抵食。呢餐買單840元。係呢間商場入面，有間咁有質素嘅餐廳，感覺有D意外。

我同家人係 5 月1日去食下午茶, 由於之前媽媽係4月尾試過仲話好低食, 所以我同姐姐一行兩人去試。點知見到個餐牌覺得好低食 HKD21 有薯角+ Pizza 再加餐飲 , 見到好似好正咁叫左點知.....見到碟野我們呆了就如想中所見薯角得7件仲有件 Pizza 細到以為比人食過咁樣, 一個咁樣的餐就 21蚊。D侍應生個個好似未瞓醒咁,成日比多一份我地, 個收銀成日行開左。講真下次都唔會再食佢啦....

Lunch時間，雖然唔洗等位，不過要搭台！到點餐時間，我們叫了兩個lunch set，要重覆兩次先take到order，之後無覆單就走咗！間嘢有啲快餐店feel，落完order會有張飛仔for你埋單用！見到佢落錯嘢飲，咁梗係叫佢改啦，點知佢即刻黑哂面，仲要鬧返你轉頭，態度極差！

經過好多次,見咁多人等位,仲唸住唔差啦,一於try try,等位等左20分鐘,叫左個牛腩飯,ok好食嘅,意大利3A牛配天使面,都OK好食嘅,但由落單到來到,等左30分鐘囉,痴線架,好喇,個甜品檸檬芝士CAKE,呢個應該係一旱做好啦,無唸過由落單到來到要等20分鐘,味道一般...總之由座低食嘢到走,用左我地1.5小時,唔明點解要咁奈囉,又唔係唔夠人做嘢,但D食客就要等咁奈,唉.....下次徐非我好得閒,否則一定唔會再去係咁等呀!!!

首先呢度唔係餐廳，係茶餐廳。lunch忙嘅時候係要搭枱嘅。其實咩型式都ok，最緊要好食同食得舒服。街坊生意啫，我又唔expect佢有出面餐廳嘅服務。自己係街坊所以都嚟過幾次。之前嚟過都覺得冇乜特別，但係琴晚嘅不快經歷真係不得不提！同長輩一行5人嚟食dinner，6點就入坐，雖然係星期日不過我哋算早所以唔洗等位。我同嫲嫲叫咗紅酒燴牛肋骨飯同咖喱坑牛腩飯，應該喺廚房一早整好咗所以一"畢"就有，5分鐘唔洗就有得食。爹嗲同媽咪叫海鮮飯同三文魚炒飯，隔咗10分鐘都有得食。姑姐叫咗個意大利飯，都understand要即刻煮時間會耐啲。點知到咗6點40分都未有得食。於是問佢哋啲職員想請佢哋幫手跟跟啦，叫着個着黑食襯衫嘅女職員，應該係主管或者係manager。同佢講完見佢對住個handsfree口噏噏就走咗去。跟住嗰5分鐘都冇人話畀我哋知係漏咗單定係點。見佢再行過咪問佢嗰飯嚟未啦，點知佢話"唔等得嘅就同你cancel咗佢！"嘩！有冇搞錯?！order咗半個鐘，我哋又食晒碟嘢都未嚟，問吓都唔得？咁即係點？我嚟食飯order咗你唔出畀我食仲發老脾叫我走？結果我姑姐淨係食咗一肚氣就走咗囉！sorry囉，茶餐

今天有新選擇，新開張的意樂餐廳去食早餐，食品多選擇我對食品要求滿意而且座位足夠。先看蒜蓉包賣相不錯，食落味道也不錯。道地雪菜肉絲公仔麵配蘑菇餐肉，雪菜肉絲食落覺得新鮮而且口感不錯，公仔麵同樣麵質幼滑好食，不過出菜時間耐咗D服務一般。

呢間餐廳係我suggest比openrice架... 哈哈!!4月2日晚上.. 家住沙田的我見到呢間新餐廳開張.. 就去左試試了!!我點了一個<大和圓板燒>的<加拿大穀飼3A牛扒 配 薯條和珍珠炒飯和是日餐湯(紅酒磨菇汁)>牛扒 >> 好新鮮.. 好多肉汁.. 唔係一般急凍雪藏可比珍珠炒飯 >> 用日本珍珠米.. 加蛋炒底的.. 好味是日餐湯 >> 點了紅湯.. 好足料.. 無論西芹紅蘿蔔洋蔥香料都係紅酒磨菇汁 >> 別的西餐廳少見這配汁.. 就試試!! 淡淡的紅酒味和少許磨菇.. 唔差亦唔太好.. 合格(當然這個價錢都還好了~)服務 >> 真係好掂.. 個個都好落力.. 個經理仲快手!! 叫加水叫落單.. 1分鐘內真係即到.. 讚!!